SUMAPIT ang gabi. Ngayon na ang simula ng party ni Marga. Kasulukuyan kaming naglalakad ni Arthur na magkahawak ang kamay. I'm wearing high waisted shorts, bikini top and light weighted kimono. Si Arthur naman ay nakasuot ng open shirt kaya kitang-kita yung anim na abs niya at pinaresan niya ito ng denim shorts.
Ang daya nito ni Arthur. Bawal ko ipakita yung katawan ko kaya niya ako pinasuot ng kimono. Pero siya puwedeng ipakita yung katawan niyang mapanukso. Paniguradong marami na namang babaeng lalapit sa kaniya mamaya.
Gusto ko sanang isama sila Lina at Lica kaso may hindi pa sila natatapos na project kaya naghahabol sila ngayon. Boba kasi ‘to si Lina. Mas inuna na gawan ng project yung boyfriend niyang niloloko lang naman siya kaysa sa sarili niya. Si Lica naman ay inuna mas inuna pang makipaglandian kaysa gawin yung mga project niya.
Nang makarating kami sa party ni Marga ay sumalubong sa amin ang taong sumasayaw sa tugtog ng kanta. Karamihan sa dumalo sa party ni Marga ay mga babae. Bakit mga naka swim suit lang yung karamihan sa mga babae rito? Alam ko beach party ito, hindi night swimming. Napataas yung isa kong kilay nang makita ko si Marga.
May hawak siyang baso na may lamang likido at siya ay nakikipagusap sa katabi niya. Parehas kami ng suot. Pati kulay parehas. Nakasuot din siya ng kimono na kulay brown kaya nababalot din yung katawan niya. Kailan pa naging conservative yung maharot na ‘to?  Ang alam ko, noong umulan nang kalandian ay sinalo niya lahat. Hindi pa siya nakuntento, sinahod niya yung ulan at araw-araw niya ito pinaligo. Iniinom niya pa nga ito minsan kaya pati yung kalooban niya ay malandi rin.
Napatingin siya sa direksyon namin. Ngumiti siya at inabot niya sa katabi niya ang baso na hawak niya at dahan-dahan siyang lumapit sa amin. Habang siya ay naglalakad ay unti-unti niyang hinuhubad ang kimono niya na suot. Inaakit niya ba si Arthur sa harap ko? Nang makalapit siya sa amin ay tuluyan na niyang hinubad ang kimono niya sa tapat ni Arthur. Kaya nakita namin ni Arthur yung katawan niyang maputi na tanging swim suit na red lang ang suot.
Lumapit siya kay Arthur at inalog niya ang dede niya. Napakalandi talaga nito. Harap-harapan talagang inaakit yung boyfriend ko. Kapag hindi ako nakapagpigil masasampal ko talaga ‘to sa kaliwa’t kanan niyang makapal na pisngi.
"Welcome to my party, Arthur."
Panandaliang napatingin si Arthur sa dibdib ni Marga at nginitian niya ito, kaya napairap na lamang ako.
"Thank you, Marga."
Lumapit pa si Marga kay Arthur kaya dumikit sa katawan ni Arthur ang dede niya.
"Lets enjoy my party, Arthur."
Dahil hindi na ako makatiis. Hinubad ko na rin ang aking kimono, kaya naagaw ko ang pansin nilang dalawa at ng mga taong nasa paligid namin. Effortless kong inalog ang dede kong malaki. Nginitian ko si Marga na masamang nakatingin sa ‘kin.
"Yuck, cup B." Hininaan ko ang boses ko, para makapanigurado na si Marga lang ang makakarinig sa sinabi ko.
Mas lalo pang sumama ang tingin nito sa ‘kin dahil sa aking sinambit. Pinaglihi ata si Marga kalandian at inggit. Ang isa niya pang kinaiinggitan sa ‘kin ay ang dibdib ko. Cup C kasi ako, samantalang siya ay cup B lang.
"Tara na, Arthur." Hinila ko si Arthur papalayo kay Marga. Nakita ko kasing namumula na ang pisngi ni Marga dahil sa galit. Mahirap na, baka bigla na niya nalang akong saktan. Luge ako, kapag sinaktan niya ako hindi ko siya makakasuhan. Pero kapag sinaktan ko naman siya, puwede niya akong kasuhan ng animal abuse.
Pinuntahan namin ni Arthur yung mga kakilala namin. Halos lahat ng narito kilala ko. Kaklase ko kasi si Marga since we're grade eleven. Hanggang ngayon, kaklase ko pa rin siya. Hindi na nahiwalay sa akin ang maharot na ito. Kaya yung mga kaibigan niya na kaklase ko ay kilala ko. At yung iba sa kanila ay naging kaibigan ko rin.
"Angel! Narito rin pala kayo ni Arthur."
Nginitian ko si Sasha. Si Sasha ay isa mga naging kaibigan ni Marga na naging kaklase ko noong senior high school ako. Kaibigan niya si Marga, pero hindi sila sobrang close. Kasama niya ngayon ang boyfriend niya, si Leo. Si Leo ay kaibigan ni Arthur. Engineering student din si Leo at magklase sila ni Arthur.
Kasalukuyang nakaakbay si Leo kay Sasha habang iniinom ang alak sa hawak niyang nasa baso. Nang matapos itong uminom ay tumingin ito sa amin at kami ay binati.
"Kamusta. Narito rin pala kayo," ani ni Leo.
Ibininaba ni Leo sa lamesa ang hawak niyang maliit na baso at lumapit sa amin. "Angel, puwede ko bang mahiram muna sa ‘yo si Arthur? Pupuntahan lang namin yung mga kaibigan namin at iinom lang kami ng alak. Kaunti lang naman ang iinumin namin," sambit ni Leo habang tinuturo yung direksyon ng mga lalaking nag-iinuman.
"Punta lang ako sa mga kaibigan namin. Don't worry, hindi ako iinom nang marami," wika ni Arthur.
Pinayagan ko si Arthur. Alam ko naman na gagawin niya yung sinabi niya. May tiwala ako sa kaniya. Kailanman, hindi niya sinuway ang kaniyang pangako sa ‘kin. Hindi si Arthur gumagawa ng ikakaaway naming dalawa.
"Akala ko hindi ka inimbita ni Marga," pabirong sambit ni Sasha. Alam ni Sasha na malaki yung galit sa akin ni Marga. Saksi siya sa sagutan at away namin lagi ni ni Marga sa school.
"Sa totoo lang, hindi niya ako inimbita. Si Arthur lang ang inimbita niya. Sumama lang talaga ako kay Arthur kasi alam kong lalandiin ni Marga si Arthur kapag wala ako rito."
Napatawa si Sasha dahil sa aking winika. Nagsasabi lang naman ako ng totoo. Simula noong dumating siya sa buhay namin, palagi na niyang inaakit si Arthur. Buti nalang talaga, faithful sa ‘kin si Arthur.
"Drinks?" Tinignan ko ang hawak niyang baso, may laman itong dilaw na likido.
"Huwag kang mag-alala. Light lang ‘to. Hindi ka malalasing." Tinanggap ko ang baso na inaalok niya sa ‘kin at ininom ko ito. Hindi ko ito naubos kaya may natira pang alak sa basong hawak ko.
"Tara, sayaw tayo," aya niya sa ‘kin.
Muli kong ininom ang alak na laman ng aking baso at inilapag ko ito sa may lamesa. Sa pagkakataong ito, naubos ko na ang laman na alak ng aking baso. Kinapitan ko ang kamay ni Sasha at hinatak ko siya papunta sa mga taong nagsasayawan.
"Tara na!"
KANINA ko pa ako rito sa Alegros Beach. Ang dami ko nang nakuhaan na litrato, nakuhaan ko na yung paglubog at pagsikat ng araw sa dagat. Pati yung ilalim ng dagat dito nakuhaan ko na rin ng litrato. Ang ganda ng ilalim ng dagat dito, ang daming makukulay na isda at yung lalong nagpaganda talaga sa ilalim ng dagat dito ay yung mga coral riffs. The best yung mga coral riffs dito.
Gusto ko sanang isama sila Amado at Seven dito kaso ayaw nila. Mas gusto nila sa Manila. Masiyado raw conservative yung mga babae rito sa probinsya. Matagal daw bago nila mapasagot ng 'oo' yung mga babae rito. Siguro tama na rin na hindi sila sumama sa akin. Kawawa naman yung mga babae rito kung mahuhulog yung loob nila sa dalawang manloloko.
Naagaw ng pansin ko ang malakas na masiglang tugtog. Pinuntahan ko ang pinanggalingan ng tugtog. Napangisi ako nang may makita akong nagpa-party. Karimihan ng naroon ay mga babae at nakasuot lang ng swim suit. Kinuha ko yung selpon ko at kinuhanan ko ng litrato yung party na nagaganap malapit sa akin at sinend ko ito sa group chat naming tatlo. Paniguradong nagsisisi na yung dalawang ‘to na dahil hindi sumama sa akin.
Seven pogi: Bakit hindi mo kami niyaya riyan!
Guwapong Amado: Bro, saan ‘yan?
Ngumisi ako at nag-reply sa kanila.
Hari ng mga pogi: Nasa Alegros beach ako ngayon. Mayroong party na nagaganap dito. Ang daming babae na maganda rito, hindi lang mukha nila ang maganda, pati yung katawan nila.
Pinatay ko yung selpon ko at nilagay ko ito sa aking bulsa. Hindi ko na binasa yung mga chat nila sa group chat namin. Bahala sila. Magsisi sila ngayon. Kinapitan ko ang camera ko at lumapit ako sa mga taong sumasayaw para kuhaan sila ng litrato. Gagandahan ko ang kuha ko rito para lalong mainggit sila Amado at Seven haha!
Pumunta ako sa puwesto na makukuhaan ko nang maayos at maganda yung mga sumasayaw. Kinapitan ko nang maigi ang camera ko at tinutok ko ito sa mga sumasayaw. Kukuhaan ko na sana sila ng litrato ngunit napatigil ako. Saglit na tumigil ang tibok ng puso ko at ito ay bumilis sa pagtibok.
May nakita ako na pamilyar na babae. Sumasayaw siya sa masiglang tugtog ng kanta. Likod pa lamang niya ang nakikita ko ngunit nakakasigurado na ako na siya na ‘yon. Siya yung babaeng nasa panaginip ko. Yung palaging nasa isip ko. Yung babaeng matagal ko nang hinihintay. Nang humarap siya sa direksyon ko ay bigla na lamang sumakit yung ulo ko kaya napapikit ako. Kasabay nang pagmulat ko ng aking mga mata ang pagtakas ng aking mga luha mula sa aking mga mata.
***
Masayang sumasabay at sumasayaw ang katawan ni Angel sa tugtog ng kanta. Napatigil siya pagsayaw nang matanaw niya ang isang lalaki na may hawak na camera, nakatitig ito sa kaniya at mga mata nito ay lumuluha. Nag-uumapaw sa pangungulila at kasiyahan ang mga mata ng lalaki.
Napapikit si Angel nang sumakit ang kaniyang ulo. Para bang may alon ng alaala na pilit na pumapasok sa kaniyang isipan. Nang mawala ang sakit ng ulo niya ay bigla na lamang bumagsak ang kaniyang mga luha mula sa kaniyang mga mata. Muli silang nagkatitigan dalawa at sabay sila na nagsalita.
"Antonio..."
"Anghela..."