Author's Pov
Kalangitang walang bituin at buwan, kalangitang nababalutan ng kadiliman ay siyang kalangitang masasaksihan ang kasamaan. Mag-aala una na ng madaling araw ngunit gising na gising pa rin ang diwa ni Shan. Kanina ay sapilitan silang hinila ng mga tauhan ni Mr. Drex patungong rooftop habang si Shan ay nakatulala lamang sa kawalan at hindi pa rin tuluyang naproproseso sa utak na kasama niya ngayon si Zach.
Gulat na gulat siya nang makita ang binata kanina, hindi niya alam kung ano ang gagawin niya kung sakaling mapahamak ito. Hindi niya alam kung anong gagawin kung sakaling madamay ito sa gulo niya. Unti-unting namumuo ang malamig na pawis ni Shan sa kanyang noo dulot ng matinding kaba kasabay ng panlalamig ng buong katawan dahil sa takot at pangamba. Nangangamba siya na baka mapahamak si Zach, natatakot siya na baka madamay ito sa gulo niya, kinakabahan siya sa mga posibleng mangyari lalo pa't dinala sila ni Drex sa rooftop. Hindi niya mawari kung anong nais nitong gawin at tanging kapakanan lamang ni Zach ang tumatakbo sa kanyang isipan.
Agad bumungad sa mga mata ni Shan ang malawak at malapad na rooftop. Puno ng mga kahong napabayaan at mga upuang nalumaan ng panahon. Hindi nakatakas sa pan-amoy nito ang mabahong amoy na nanggagaling sa sun deck at dinning area. May natitira pa roong sirang karne na pinag-aagawan ng mga iba't-ibang insekto. Minsan pang luminga-linga si Shan at namataan ang isang silid na katamtaman lamang ang laki. Hindi niya alam kung ano ang nasa loob nito pero pakiramdam niya'y may taong nakatago rito.
"You think I'm stupid, Shan?" Nakangisi man ay ramdam nito ang galit sa tinig ni Drex, tsaka inayos ang pagkakatayo. Awtomatiko siyang inismiran ni Shan animo'y nakakatawa ang sinabi nito. "You can't fool me, Shan. You're just a little fool girl." Mahina at mabagal nitong pang-aasar sa paraang mas maiintindihan ng dalaga ang mga salitang binitawan nito. Bahagya pa nitong diniin ang huling tatlong salita upang ipamukha kay Shan na isa siyang tanga at mahina.
"A little fool girl that brings threat to your life," diretsang pagbabara naman ng dalaga sa sinabi ni Drex tsaka kumawala ang nakakaasar at nakakalokong ngisi. Kitang-kita ng dalaga kung paano matigilan si Drex at nanlalaki ang mga matang napatingin sa dalaga. Mas lalong lumapad ang ngisi ni Shan sa kanyang mga labi bago ito dahan-dahang napalitan ng pagkasarkastiko. Padarag at inis na tinanggal ni Shan ang mga kamay ng tauhan ni Drex na nakahawak sa kanya tsaka ngising pinagkrus ang mga braso tila inaasar ito matapos makita ang takot sa mga mata ng matanda. "You want to kill me, right?" Tanong ng dalaga habang diretsong nakatingin sa matanda. Hindi ito sumagot at nanatili lamang na naninigas sa kanyang kinatatayuan, halatang biglang nanginig sa mga salitang lumalabas sa bibig ni Shan. Hindi maintindihan ni Drex kung bakit gano'n na lamang siya matakot sa dalaga gayong mas matanda naman siya. "You want to kill me because I'm a threat to your life." Natatawa pa kunwaring sinabi ni Shan at napailing-iling na tinignan ang namumutla ngunit galit na galit na pagmumukha ni Drex. "Isn't it funny? You're scared at me? The girl whom you named little fool?" Pagpapatuloy pa nito gamit ang nanunuyang tinig. Kaswal na tinanggal ni Shan ang pagkakapusod ng kanyang pulang magulong buhok upang itali muli iyon habang ngingisi-ngising nakatingin kay Drex na ngayo'y namumula na sa galit.
"How dare you!" Naiinis na sigaw sa kanya ni Drex tsaka siya dinuro gamit ang baril na hawak. Habol-habol nito ang sariling hininga at hindi na magawang pakalmahin ang sarili. Magkasalubong ang dalawang kilay at nanliliksik ang mga mata. "I'll kill you brutally!" Nanggagalaiti sa galit nitong sigaw habang nakaduro pa rin ng diretso kay Shan ang hawak nitong baril. Hindi nakatakas sa paningin ng lahat kung paano manginig ang baril na hawak ni Drex dulot ng sobrang pagkapikon at pagkagalit mula sa dalaga.
Lahat ay parang nabuhusan ng malamig na tubig matapos marinig ang salitang kinamumuhian at nilalayuan ng lahat. Nanlalaki ang mga matang napatingin sila Margou kay Shan na ngayo'y kalmado pa rin ang awra tila hindi man lang natinag sa banta nito sa kanya.
"I don't fucking care," tanging lumabas sa bibig ni Shan bago tinapos ang pagpupusod nito sa buhok tsaka kalmado ngunit galit na tinignan si Drex dahilan upang biglang mangamba si Zach na kanina pa nakatayo sa tabi niya, halatang hindi magawang makasingit sa usapan ng dalawa.
Nag-aalalang tinignan ni Zach asi Shan. Pilit na pinapakiusapan ang dalaga gamit ang mga mata na manahimik na lang at makinig na lang sa mga ipapagawa sa kanila ni Drex, ngunit hindi iyon naging dahilan para manatiling tahimik si Shan sa halip ay marahas nitong binuga ang malalim at mabigat na hininga tsaka sarkastikong nginitian si Drex.
"I'm not afraid to die, Drex." Anito at umiling-iling pa bagay na ikinagulat ng lahat. "I will never be afraid of dying." Dagdag pa ni Shan tsaka mapaklang natawa nang mapagtantong tama ang sinabi niya.
Alam niya sa sarili niyang mas takot siyang mabuhay kaysa sa mamatay. Kung pwede nga lang niyang patayin ang sarili ay matagal na niyang nagawa nang sa gayon ay hindi na niya maranasan pa ang kaguluhan ng mundo.
"Shan, don't say that." Awtomatikong pagsuway ni Zach kay Shan at bahagyang umiling nang umiling matapos marinig ang sinabi ng dalaga. Natatakot at nangangamba ito dahil baka maaaring mapahamak si Shan dahil sa mga panghahamong ginagawa kay Drex.
Dahan-dahang tumingin ang dalaga sa kanya at kapansin-pansin ang pag-iiba nito ng ekspresyon sa mukha. Kung kanina ay hindi natatakot si Shan sa mga banta ni Drex sa kanya, ngayon nama'y makikitaan ito ng pag-aalalang baka masaktan at madamay ang binata sa gulo niya.
"Ano bang pinagsasabi mo, Shan?" Biglaang pagsingit ni Margou na hindi na maipinta ang mukha dahil sa pagkadi-gusto sa mga salitang binitawan ni Shan. "Naririnig mo ba ang sarili mo, ha?" Naiinis nitong asik kay Shan. Gusto niya itong batukan hanggang sa matauhan ito. Gusto niya itong sampalin upang magising ang diwa nito, pero alinman roon ay hindi niya kayang gawin. Hindi nagsalita si Shan at nanatiling nakatikom lamang ang bibig bagay na ikinainis ni Margou at napasabunot na lamang sa sarili bago nanliliksik ang mga matang nilingon si Drex para tignan ito ng diretsahan. "At ikaw namang matanda ka kailan ka ba mamamatay? Ha?" Atat na atat na tanong niya kay Drex na tila hindi na makapaghintay na kunin ng kademonyohan ang taong 'to at mamatay. Awtomatikong lumabas ang mahinang higikhik ni Rychll animo'y tuwang-tuwa sa pagiging prangka ni Margou animo'y hindi alintana ang isang tauhang nagbabantay sa kanilang dalawa ni Jake.
"Die please," pang-aasar na rin ni Rychll na natatawang iniilingan ang sarili dahil sa kagaguhan. Mabilis naman siyang siniko ni Jake at pinatahimik. Sinamaan lamang ng paningin ni Rychll ang binata tila'y hindi nagpapatinag sa pagsita sa kanya.
Pikon na pikon na tinignan sila ni Drex habang salubong na salubong ang mga kilay at kunot na kunot ang noo animo'y konting-konti na lang ang mapipigsi na ang kaonting pasensyang natitira.
Samantalang sina Elton, Aaron at Kitty naman ay nakatanaw lamang mula sa kani-kanilang kinaroroonan. Hindi nila naririnig ang pinag-uusapan ng mga ito pero nasisigurado nilang ginagalit nila si Mr. Drex bagay na ikinailing nilang tatlo. Kanina pa sila nakatambay dito at naghihintay lamang ng senyas mula kay Margou.
Natatawang tinignan ni Elton si Drex habang kumakain ng mani matapos makitang galit na galit at pikon na pikon itong nakatingin kina Shan. Mas lalong lumakas ang kanyang pagtawa nang makitang nagmumukhang tanga si Drex sa harapan nilang lahat kapagkuwan ay sinulyapan niya ang mga iba pang mga tauhan ni Drex na nakabantay sa harapan ng gate na ngayo'y bihag na ang mga pulis. Iiling-iling niya iyong tinapunan ng tingin bago binalik ang paningin sa gawi nila Shan. Kanina pa sila nag-uusap-usap nina Aaron kung sinong unang ililigtas nila.
Sina Shan ba o ang pulis na bihag ng tauhan ni Drex?
"Why not kill me right now?" Panghahamon ulit ni Shan kay Drex. Asar na asar na siya at naiinis sa matandang kaharap niya dahil kanina pa nakatutok ang baril nito sa kanya pero hindi man lang kinakalabit ang gatilyo.
'Gusto pa ata ako gawing alipin nito.' pagkausap ni Shan sa kanyang sarili.
"You're so desperate to kill me. Why not kill me right now?" Nakatiim bagang na singhal ni Shan kay Drex tsaka niya itong nanghahamong tinignan. Mabilis namang nainis si Drex sa sinabi ng dalaga at masamang-masamang tinapunan ng paningin si Shan kasabay ng pagkawala ng bala sa gilid ng binti ng dalaga, kasabay ng pag-alingawngaw ng malakas na putok na nagmumula sa baril na hawak-hawak ni Drex.
Mabilis at awtomatikong lumipad ang bala tsaka dumaplis sa pantalon na suot ni Shan dahilan upang bahagyang mapunit ang kanyang suot. Hindi siya tinamaan, tanging ang pantalon niya lamang ang nadaplisan bagay na ikinagulat ng lahat kasunod ng pagsinghapan at paglakihan ng kanilang mga mata.
"Shut your fucking mouth up! I want you to suffer! I'll make you suffer!" Nanliliksik na ang mga mata at habol-habol ang hiningang sigaw ni Drex matapos pakawalan ang bala.
Namumula ang pisnge nito sa magkahalong galit at inis tsaka nanginginig ang kamay dahil sa matinding pagkaasar at pagkapikon sa dalaga. Pikon na pikon siyang tumingin kay Shan habang naghahabol ng sariling hininga animo'y pinipilit na pakalmahin ang sarili. Hindi niya pa pwedeng patayin ngayon si Shan. Tatakutin niya muna ito hanggang sa siya na mismo ang sumuko at magpatalo.
Mariing napapikit si Shan at napakurap-kurap ng ilang beses tsaka napahugot ng malalim na hininga bago nanliliksik ang mga matang tinignan ang mga mata ni Drex. Naglalabanan ng mga titig ang dalawa at hindi alintana ang di-kalayuang distansya. Hindi alintana ang mga matang nakatuon sa kanilang dalawa.
Gulat na gulat si Zach at hindi makapaniwalang napatulalang tumingin kay Shan. Hindi siya makapaniwalang pagkatapos nang nangyari kanina ay kalmado at kampante pa rin ang dalaga. Tila hindi natakot at natinag sa biglaang ginawa ni Drex dahil sa prenteng pagkakatayo nito habang maangas na magkakrus ang mga braso sa dibdib. Sunod-sunod na lumunok si Zach tsaka ilang beses na napakurap upang gisingin ang diwa. Gusto niyang pigilan si Shan pero hindi niya magawa. Hindi niya maigalaw ang kanyang katawan upang mapigilan si ang dalaga bagay na ikinainis ni Zach. Masyado pa siyang gulat sa pangyayari na hanggang ngayon ay hindi pa rin magawang iproseso sa utak ang mga nasaksihang pangyayari.
'Muntikan ng mapahamak si Shan!' Sigaw niya sa sarili at nanatiling nakaawang ang mga labi.
Hinding-hindi mapapatawad ni Zach ang kanyang sarili sa oras na may mangyaring masama kay Shan. Hinding-hindi niya matatanggap sa oras na malagay sa panganib ang buhay ng taong minahal niya. Hinding-hindi siya papayag na ang babaeng nagbago at nagbigay kulay sa kanyang madilim na mundo ay mawawala at mapapahamak lang. Hangga't maaari ay gagawin at gagawin niya ang dapat niyang gawin para lamang maging ligtas si Shan.
"OKAY NA ba?" tanong ni Nick sa kabilang linya na si Elton ang kausap. Agad na pinosisyon ni Elton ang sarili sa harapan ng nakaassemble na sniper bago tinutok ang baril sa lalaking nakabantay kay Jake at Rychll.
Walang kamuwang-muwang ang mga ito na kanina pa nagtatago si Nick sa control room at pinakikinggan ang lahat ng pinag-uusapan nila. Habang pinag-uusapan nila ni Elton ang nabuong plano ay bigla na lang silang nakarinig ng isang malakas na putok ng baril dahilan upang matigil silang dalawa. Sinilip agad ni Nick ang kinagawian nila Shan tsaka wala sa sariling napahinga ng maluwag nang makitang walang nasaktan sa mga kaibigan niya.
Minsan pang sinulyapan ni Nick si Elton sa may kabilang gusali upang tignan kung maayos na ba ito. Ilang segundo ang lumipas ay isang malakas na tunog ng baril ang umalingawngaw sa buong paligid kasabay ng pagbagsak ng tauhan ni Drex na siyang tanging nagbabantay kay Rychll at Jake. Lahat ay nagitla nang biglang bumulagta ang nasabing tauhan at sabay-sabay na napatingin sa paligid. Agad namang lumabas si Nick mula sa control room at nagkunwaring siya ang bumaril sa lalaking nakahandusay na sa sahig. Mahigpit niyang hinawakan ang baril na dala habang lakas loob na naglalakad papunta sa kanila.
"Maganda gabi sayo, Drex." Kaswal nitong pagbati kay Drex habang patuloy na naglalakad. Lumabas siya sa kanyang pinagtataguan upang harapin silang lahat.
Nakita ni Nick nang sabay-sabay siyang nilingon ng lahat na ngayo'y gulat na gulat at hindi makapaniwala. Nakaawang ang kanilang mga labi at nanlalaki ang mga mata, nagtataka kung papaano nakarating rito si Nick, maliban na lamang kay Shan na mukha hindi man lang nagulat nang makita siya.
"Nick," wala sa sariling bulong ni Margou na gulat na gulat pa ring nakatingin kay Nick. Nakalimutan niyang nasa likod lang pala nila ang control room, kung nasaan si Nick.
Hindi na maintindihan ni Margou ang takbo ng mga pangyayari ngayon basta't ang alam na lang niya'y hindi na ito kasali sa ginawa nilang plano, at dalawa lamang na senaryo ang maaaring magresulta nito. Una, ang umuwi silang ligtas ang lahat. Pangalawa ay ang pagtanggap na lamang sa mga kahihinatnan ng ginagawa nilang mga kilos.