Inikot ni Luna ang kanyang mata sa paligid at hindi sya makapaniwala sa nakikita.
Muli niyang pinagmasdan ang higanteng kristal na nagbabago ang kulay sa bawat ilang segundo.
"T-totoo ba itong nakikita ko?" hindi makapaniwalang sambit niya sa sarili.
"Tabi dyan!!!" nakarinig ng isang malakas na sigaw sa likuran si Luna at tumambad sa kanyang harapan ang isang malaking hayop na tulad ng elepante ang laki ngunit nababalot ito ng mapuputing balahibo at halos natatakpan na ng maputing balahibo ang mukha.
Hindi nakakilos si Luna sa nakita niyang dambuhalang nilalang na marahang naglalakad sa kanyang harapan.
Muling pinagmasdan ni Luna ang paligid, may mga kalye at may mga hagdanan sa patungo sa mas mataas na bahagi ng lugar. Mula sa kalangitan ay nakikita niya ang mundo na kanyang pinagmulan. Namangha siya sa kagandahan ng mundo kung pagmamasdan iyon ng personal kumpara sa isang larawan. May mga malalaking ibon din na nagliliparan at tila may dalawang pares ng pakpak ang mga ito.
"Hindi mo ba ako nakikilala?" isang galit na boses ang narinig ni Luna, saisang kumpulan ng mga tao sa di kalayuan nanggagaling ang boses na narinig niya. Nakiusyoso na rin si Luna sa piagkakaguluhan ng mga tao.
Isang lalake na medyo may edad na at naka amerikana pa am kasuotan amg nakikipagtalo sa isang lalake na may hanggang balikat na buhok at may tungkod na hawak at nakasuot ng puting maskara na may marka ng krus mula sa kaliwang bahagi ng noo pababa sa pisngi ng maskara.
"Anong pinagsasasabi mo? Huwag mong ubusin ng pasensya ko tanda kung ayaw mong mapahamak, kilalanin mo ang kinakalaban mo." galit na sigaw ng isang lalake na nakamaskara kung pagbabasehan ni Luna ang bulto ng pangangatawan nito ay di hamak na mas bata pa ito kumpara sa lalakeng naka suot ng amerikana na medyo may edad na.
"Isa akong senador! Isa ako sa pinakamakapangyarihang opisyal ng Pilipinas! Kilalanin mo kung sino ang kinikikilan mo!" galit na sagot ng lalake.
Napaisip si Luna sa sinabi ng nakikipagtalong lalake. Isang senador?
"Hindi kaya siya si Senator Villareal na biglang nawala?" bulong sa sarili ni Luna habang patuloy na pagtatalo ang dalawa.
"Hinding hindi ako magbibigay ng salapi sa katulad ninyong mga hampas lupa! Mamamatay muna ako bago kayo makakuha ng salapi sa akin!"
"Heh, kung ganun bilang isa sa tagapaningil ng buwis ng Masquerade sa Hilagang Novia, pinapatawan kita ng kamatayan" dinig na dinig ang halakhak ng lalakeng nakamaskara habang umiilaw ang hawak niyang tungkod na may asul at bilugang kristal sa dulo.
"Drowning Bubble!" sigaw ng lalakeng nakamaskara. Isang malaking kumpol ng tubig ang lumabas mula sa tungkod na kasinglaki ng bola ng basketball. Itinuro nya ito sa direksyon ng kaalitang lalake na sa tingin ni Luna ay si Senator Villareal. Binalot ng buong ulo ng senador ng Drowning Bubble na likha ng lalakeng nakamaskara at kahit anong galaw at iwas ng senador ay patuloy na binabalot nito ang matandang senador.
Walang nakikialam at patuloy lang na nagmamasid ang mga tao sa paligid habang nagaganap ng lahat. Subukan man ng senador na sumigaw ay binabalot ang buong ulo niya ng Bola ng tubig hanggang sa tuluyang maubusan ito ng hangin at bumagsak mula sa kinatatayuan ang matandang senador.
"Hehe. Iyan ang napapala ng mga katulad mong mayabang." sinipa pa ng lalakeng nakamaskara ang bagsak at hindi na gumagalaw na katawan ng senador.
Nais ni Lunang sumigaw sa nakita niyang pangyayari ngunit sa nakita niyang reaksyon ng mga tao sa kanyang paligid na kasama rin niyang nakikiusyoso ay tila nawala ang kanyang tinig habang isa isa nang nag aalisan ang mga tao sa paligid at ipinagpatuloy ang kanilang ginagawa.
Mabigat ang mga hakbang na ginawa ni Luna habang palayo sya sa kaguluhan.
"Hindi totoo ito... Hindi totoo ang nakita ko..." paulit ulit na sabi ni Luna sa kanyang sarili. Paanong may nangyaring pagpatay sa harapan nya at ng maraming tao na parang wala lang sa kanila ang nangyari? Nasaan ang mga pulis? May pulis ba ang mundong ito? Ganoon lang ba kasimple ang pagpatay sa isang tao at hindi dapat katakutan o panghinayangan ng iba?
Napasandal sa malapit na pader si Luna sa gilid ng isang kalye kung saan may nakatayong poste at may hagdan paakyat sa di kalayuan. Tila nawawala ang kanyang lakas sa nakitang pangyayari. May nasaksihan syang krimen at hindi lamang basta isang pagpatay, isang prominenteng tao ang napaslang, isang senador at ginawa ito sa harap ng maraming tao.
Napaupo sa konretong sahig ng kalsada si Luna. Iniisip nya kung anong klaseng mundo ba ang pinasok nya at ng kanyang ama. Ano ang meron sa mundong ito bakit nagtagal ang kanyang amang si Neil sa mapanganib na larong ito. Napasubsob na lang sya sa kanyang mga tuhod sa dami ng mga bagay na sumasagi sa anyang isipan.
"Luna Miranda?"
Napatingala si Luna sa itaas dahil tila binalot ang kanyang kinauupuan ng isang malaking anino.
"Ikaw ba si Luna Miranda? ang anak ni Neil Miranda?" inilahad ng taong kaharap ni Luna ang kanyang kamay upang tulungan sya nitong tumayo.
"A-Ako nga po... Bakit mo ako kilala?" nauutal pang tanong ni Luna, pinagmasdan niya ang kaharap na kausap niya. Isang lalakeng may matikas na pangangatawan at hanggang bewang ang maitim na buhok at nakasuot ng black and white na polka dots na damit na kahawig ng kasuotan ng mga sinaunang griyego ngunit mas mahaba naman ang tela na aabot lagpas ng tuhod.
"Ako si Panda... kaibigan ng iyong amang si Neil. Pagpapakilala nito kay Luna.
Kaibigan ni Papa? Bigla na lang nakaramdam ng mabilis na pagtibok ng puso si Luna. Ngunit hindi katulad kanina na nakakaramdam siya ng takot sa nasaksihan niya ay parang nawalang bigla ang alalahanin niya.
"S-Si Papa...? Nasaan po siya?" Pinagmasdan muli ni Luna si Panda, mukhang hindi naman nalalayo ang edad nito sa edad ng kanyang ama.
"May inaasikasong importanteng bagay, isa ako sa inutusan niya na salubungin ka dahil hindi sya makakarating dito sa Novia... Kasalukuyan siyang naglalakbay kasama ang ilang ka grupo namin."
"K-Kuya... may... may pinaslang na tao dito kanina..." muling bumalik ang takot na naramdaman niya nang maalala ang nangyari kanina. "Kailangan natin magsumbong sa pulis."
"Pulis? ano yun?" takang tanong ni Panda kay Luna. "Ah, di bale... hindi naman importante ang bagay na yun... kung ang sinasabi mo yung nangyari kanina wala kang dapat ipag alala..." pagkakalma ni Panda kay Luna na hinawakan pa nito sa kanyang magkabilang balikat.
"Ha?" nalilitong tanong niya kay Panda. Hindi sya makapaniwala sa narinig niya mula dito. "Sinabi na sa akin ng Papa mo na iba ang kultura na kinalakihan mo sa Earth..." tumingin si Panda sa langit kung saan naaaninag ang mundo. Kasinlaki ito ng bola ng basketball kung titignan mula sa mundong kanilang kinatatayuan. "Hindi ko naman sinasabi na ok lang ang pumatay dito... Pero kasama sa panganib sa mundong ito ang mapaslang ng kung ano anong nilalang maliban sa mga kapwa natin manlalakbay."
"K-Kasama sa panganib?" nalilitong tanong ni Luna. "Ano pong ibig mong sabihin?"
"Uh... Paano ba? hmm..." saglit na nag isip si Panda habang hinihimas ang kanyang baba. "Sa pagkaka alam ko, kapag ang isang Outsider ay inimbitahan ni Nexus ay kasama ang pagpapa alala na buhay ang nakataya sa larong ito."
Naalala ni Luna ang linya sa imbitasyon ng Online na nabasa niya.
Would you like to play a game, where your life is on the line?
"Kung ganun... T-Totoo ang mga sinasabi sa imbitasyon?" muling nanginig ang katawan ni Luna sa takot.
"Teka... kalma ka lang..." nag aalalag inalalayan ni Panda si Luna. "Nasa ligtas na lugar ka pa naman kaya huwag kang mag alala..." itinuro ni Panda ag direksyon niya sa kaliwa kung saan may mga puno sa di kalayuan.
"Huwag ka lang masyadong lalayo sa loob ng siyudad na ito dahil paglagpas mo sa tarangkahan ay may mga hayop at halimaw na ang naka abang para atakihin ka... maliban na lang kung Class E5 o E4 ang makakaharap mo, may pag asa ka pa na makaligtas."
"Kuya..." mangiyak ngiyak na sambit ni Luna, aginginig pa rin ang katawan niya. "Hindi naman po nakakatulong ang sinabi mo..."
Napakamot na lag ng ulo si Panda.
"Ano ba yan... hindi ko naman inaakala na iyakin pala ang anak ni Neil... paano ba to..." saglit pa siyang nag isip. "Ah, dahil baguhan ka pa lang, marahil mas makabubuti kung tutuuruan kitang mangaso."
"M-Mangaso?" bago pa makasagot si Panda ay tumunog na ang sikmura ni Luna. Halos namula ang mukha niya sa hiyang naramdaman.
"Hm? gutom ka na?" natawang tanong sa kanya ni Panda.
"P-Pasensya na po..." paghingi niya ng paumanhin kay Panda.
"Halika, kumain muna tayo bago kita turuan na mangaso." yaya sa kanya nito. Sumunod naman si Luna kahit pa nanghihina ag kanyang tuhod.
Kumain sila sa isang maliit na kainan kung saan nakahain ang mga pagkain na ngayon lamang niya nakita, sa simula ay parang ayaw pa niyang tikman ang ibang putahe ngunit sa huli ay kumain din siya at marami rami din ang naubos niya. Dahil sa kanyang gutom ay hindi a niya naitanong pa kay Panda ang tungkol sa kanyang ama.
Matapos kumain ay kaagad na tumungo sila sa isang tarangkahan palabas ng siyudad.
"Simula dito, ang mga kakahuyan na nakikita mo ay sakop na ng tinatawag na kagubatan ng Hilagang Novia."
"Hilagang Novia?" tanong ni Luna. Tumango lang si Panda sa kanya.
"Apat ang siyudad ng Novia dito sa mundo. Ang Hilaga, Timog, Kanluran, at Silangan. Ito ang mga lugar kung saan nagsisimula ang mga Outsider na katulad mo."
"Outsider, ako? di po ba pati ikaw at ang lahat ng mga tao dito ay mga Outsider?" tanong ni Luna. Naglalakad sila sa madamong bahagi kung saan makakapal at luntian na ang mga damo.
Umiling lang si Panda. "Dito na ako isinilang sa mundong ito, ganun din ang mga magulang ko. Ang lolo ko ang Outsider ngunit nang malaman niya na imposible nang makabalik saundong pinagmulan niya..." tumingin si Panda sa mundo sa kalangitan. "Napagdesisyunan niyang dito na lamang bumuo ng pamilya. Kaya heto ako isa na ako katulad ng ibang mga tao dito. Alam mo ba na iilan na lang ang mga Outsider dito?" Umiling si Luna bilang sagot sa tanong sa kanya ni Panda.
"O sya... Narito na tayo. Dito ka mangangaso." pag iiba mg usapan ni Panda. Hanggang tuhod ang taas ng mga luntian at makakapal na damo sa paligid.
"Anong huhulihin ko?" tanong ni Luna kay Panda.
"Dahil baguhan ka pa lang mas mainam na mangaso ka ng mga Class E5 na mga hayop. Pero mayroong mga lugar ng pagsasanay dito sa Novia ngunit kinakailangan mong magbayad ng Kudos. Alam ko naman na wala kang Kudos sa pagdating mo dito kaya ito ng pinaka mainam na paraan upang kumita nito at makapagsanay ng sabay." itinuro ni Panda ang sa direksyon sa kamyang kaliwa at nakita ni Luna na bahagyang gumalaw ang damo at may sumungaw na isang nilalang.
Baaaa...

"Whaaa!!!! Ang cute!" natutuwang sambit ni Luna. Ngayon pa lang siya nakakita ng ganitong uri ng hayop, pamilyar na ito sa kanya dahil ito ang nasa kanyang card na ibinigay ni Apple sa kanya.
"Isang Baa-Baa!" sinubukang lumapit ni Luna ngunit tumakbo ito palayo sa kanya.
"Hm? Alam mo na kaagad kung ano ang pangalan ng isang yan?" tumango si Luna at pinagmasdan ang tumatakbong Baa-Baa palayo.
"Binigyan ako ng ilang impormasyon ni Apple bago ako makarating dito." sagot ni Luna.
"Kung ganun alam mo na rin ang tungkol sa ABS, Mystique at mga Class?" tanong muli sa kanya ni Panda.
"Opo pero hindi ko alam kung natatandaan ko ang lahat."
"Mabuti kung ganun hindi na ako mahihirapan na ipaliwanag sa iyo kung ibigay ko ang bagay na ito... Open Inventory!" Mula sa hologram box na lumabas ay may kinuha si Panda.
"Inventory? Di po ba dapat Bag?" takang tanong nito kay Panda bago pa makuha nito ang gamit sa kanyang kinalalagyan.
"Ah... panibago ko itong imbakan ng mga item dahil puno na ang bag ko. Hanggang limampung drawer lang ang limit ng isang bag at ang inventory naman ay kayang humawak ng hanggang isandaang item... Heto para sa iyo." inilabas na ni Panda ang kinuha niya, isang itim na bola ang iniabot niya kay Luna.
"I-Isang Book of Skill?" hindi makapaniwalang sambit ni Luna. "Akala ko po ba mahirap makakuha ng ganito?" baling niya kay Luna.
Isang tunog ng tila bell ang narinig ni Luna at isang notification box ang lumabas sa kanyang harapan.
"Oo, mahirap talaga makuha ang mga ganyan kaya naman iniingatan ang ganyan, pinaghirapan pa naman iyan na makuha ng iyong ama."
"Si Papa?" tumango lang si Panda bilang sagot. Nilingon ni Luna ang notification at binasa ang nilalaman nito.
You acquired a Book of Skill: Restoration
Would you like to read the Book's Introduction?
YES         NO
Pinindot ni Luna ang Yes upang malaman ang nilalaman ng aklat.
Restore everything, anything. You are a person whom everyone will ask to be in their group.
Do you want to learn the Skill Restoration?
YES   NO
"Huh? yun lang yun?" hindi niya makapaniwalang sambit matapos mabasa ang imtroduction ng aklat.
"Hm... ayaw mo ba ng skill na yan? Pinaghirapan pa naman ni Neil na makuha yan muntik na nga niyang ikamatay ang pagkuha niyan sa isang halimaw na nakalaban namin." hinihimas ni Panda ang kanyang baba habang nagsasalita.
Gusto ni Luna na maging isang Card Master pero kung ang aklat na nasa harapan niya ang regalo na pinaghirapan pa ng kanyang ama ay hindi niya maaaring balewalain ang aklat na ito.
"Pero... gusto ko po kasing maging isang Card Master." pabulong na sagot niya kay Panda.
"Card Master... alam mo ba na mas mainam ang maging isang Book Master, masyado kasing magastos ang pagiging isang Card Master. Kung pwede ko lang bawiin dati sana isa na rin akong Book Master. Nasa limampung libong kudos ang pinaka mababang halaga ng isang Carta at ang ganung halaga ay katumbas lang ng isang Class E3. Kung magiging isa kang Book Master, Kal'as lang ang kakailanganin para makagamit ka ng isang skill mula sa aklat at wala nang iba pa."
"Limampung libo?" naka ilang beses pa na kumurap ang mga mata ni Luna, hindi pa nga siya nakakahawak ng sampung libong piso ngayon pa kaya na Limampung libo pala ang pinakamababang halaga.
Huminga na lang ng malalim si Luna bago niya pindutin ang Yes button sa kanyang notification box.
Are you sure you want the Skill Restoration to be learn? Once you open the book you will become a Book Master and the Card Master Slot will be removed from this slot.
YES       NO
Pinindot ni Luna muli ang Yes kahit pa may kaunti siyang agam agam sa kanyang desisyon.
Unti unti ay nabibitak ang itim na bola sa harapan ni Luna at iba't ibang simbolo ang lumabas dito na pumalibot sa katawan ni Luna. Nakarinig siya ng pamilyar na boses mula sa kawalan.
Downloading the Book of Skill: Restoration to Luna Miranda.
"Apple..." tawag ni Luna kahit hindi niya ito nakikita.
Downloading Complete You learned the first level: Repair.
"R-Repair?"
"Ano?" tanong ni Panda kay Luna.
"Repair ang level one..." dismayado niyang pag uulit kay Panda.
"Hm... maganda, magiging kapakipakinabang ang skill na iyan, mabuti... dapat mong ikasiya iyan." natutuwang sabi ni Panda.
"Maganda? Hindi naman po ako karpintero o mekaniko bakit ko ikakasiya ang ganitong skill?" napapadyak sa inis si Luna, mukha kasing mali ang desisyon na ginawa niya. "Dapat kasi Card Master ako."
"Bakit hindi mo muna basahin ang deskripsyon ng skill na iyan?" suhestyon ni Panda. Nakangusong sumunod na lang si Luna.
"Open Book!" katulad ng nasabi sa kanya ni Apple na mawawala ang Card Master Slot niya sa oras na pumili na siya ng isa sa dalawa ay ganun na nga ang nakita ni Luna, tanging ang Book slot at One Time Quick Acting Card na lang ang naroon sa kanyang Skill Box. Pinindot niya ang page button at nagbago ang imahe ng kahon, para na itong isang aklat na may heading.
Repair
Restore all broken things back to its original state
Repair Level: 01
Proficiency: 0%
* The higher the repair level the higher the durability of the item will become.
* Reach the level 25 to unlock the next page
List of Items Repaired:
* The more items you repaired the faster the speed you restore things based on your experience.
Sinara na ni Luna ang Skill Box at dismayado pa rin siya sa nakuha niyang Book of Skill.
"Huwag ka nang magmaktol maganda ang aklat na nakuha mo talagang malaki ang maitutulong ng skill na iyan sa iyo." Pagpapagaan ng loob ni Panda kay Luna ngunit tila hindi ito umeepekto sa dalaga.
"Teka..." Lumingon lingon sa paligid si Panda at lumapit sa isang puno. Hindi alam ni Luna kung anong gagawin ni Panda sa isang puno ngunit sa isamg iglap ay nagkaroon ng isang malapad na espada si Panda sa kanyamg kamay, hindi na nasundan pa ni Luna ang kinilos ni Panda dahil sa bilis nito ngunit isa lang ang alam niya, ang puno sa harapan ni Panda ay mabilis na naputol at parang nawawala ang malaking bahagi ng katawan nito.
"Hm... pwede na siguro ito." dinig ni Lunang sambit ni Panda, halos natulala si Luna sa pangyayaring nasaksihan niya. Ang isang malaking puno ay mabilis lang na nawala sa ilang kumpas ng kamay ni Panda gamit ang malapad nitong espada. Bumalik lang siya sa kanyang kasalukuyang kaisipan ng ilapag ni Panda ang mahigit sa sampung tungkod na ginawa niya mula sa punong pinutol niya.
"A-Ano pong gagawin mo dyan?"
"Susubukan natin ang skill na nakuha mo." isa isang binali sa gitna ni Panda ang mga tungkod na ginawa niya.
"T-Teka lang po Kuya, bakit mo binabali?" takang tanong ni Luna habang pinipigilan si Panda.
"Dahil ibabalik mo din ito sa dati nyang anyo, diba Repair ang unang pahina ng aklat mo?"
"Opo... ang sabi  kaya kong ayusin ang mga nasirang bagay at ibalik ito sa dating anyo..."
"Ngayon subukan mong ayusin ang isang iyan." iniabot ni Panda ang isang tungkod na binali niya sa gitna. "Marunong ka na din naman siguro kung paano padadaluyin ang Kal'as sa katawan mo diba? katatapos pa lang din natin kumain kaya sigurado akong puno pa ang Tank mo."
Kumunot ang noo ni Luna sa narinig.
"Tank?"
"Hm? ah... ang tank ang pinag iimbakan ng Kal'as sa katawan na dating hinaharangan naman ng mga Gates upang hindi ito dumaloy at maubos pero dahil sa paglilimita ng mga Gates sa paglabas ng Kal'as sa Tank ay hindi lumalaki ang kapasidad ng Kal'as na pwede mong maimbak at magamit ng maramihang bilang." paliwanag ni Panda.
Pakiramdam tuloy ni Luna ay parang nasa harapan na naman niya si Apple sa pagsasalita ng mga bagay na hindi niya maintindihan.
"Mukhang hindi mo naman nakuha... sige hayaan mo na muna ang tungkol sa Kal'as, gamitin mo muna ang skill mo para maayos ang mga yan." nakangiting utos ni Panda.
"S-Sige po..." katulad ng ginawa ni Luna sa paglikha ng water ball ay nagpokus siya sa daloy ng Kal'as papunta sa kanyang mga palad at patungo sa hawak niyang tungkod.
Tiinngggg!
Would you like to repair this wooden staff?
Yes  No
"Aba, pati sa pag repair ng gamit may notification pa din na lumalabas... sabihin mo na lang na Yes gagana na iyan kahit hindi mo pindutin ang button." pagtuturo ni Panda. Sinunod naman siya ni Luna at muling may lumabas na notification sa kanyang harapan.
Repairing....
0.10% of 100
Ang tagal... reklamo ni Luna sa kanyang isip. Habang nagtatagal ay tila kinukuha ng Kal'as na ginagamit niya ang lakas na mayroon siya habang inaayos niya ang tungkod. Inabot ng isang oras ang pagbabalik sa orihinal na anyo ng tungkod
ang ginawa ni Luna. Halos nanginig na kaagad siya sa pagod. Bumalik nga ang tungkod na inayos niya sa dati at tila bago na ito na hnidi man lang makikita ang kahit na anong bali.
"Pagod ka na kaagad?" pansin ni Panda na halatang nababagot na rin sa tagal ng pag repair ni Luna sa isang tungkod. "May labing isa pa ang natitira dito." turo pa nito sa mga baling tungkod sa kanyang tabi.
"Eh..." gustuhin man niyang mag reklamo ay hindi niya magawa.
"Kung pagod ka na pwede ka naman magpahinga, marahil sadyang kinakailangan ng maraming Kal'as ang pag ayos ng mga gamit... kung gusto mo mangaso na lang tayo ng mga Baa-Baa upang ma ensayo ka." suhestyon pa muli ni Panda. Mabilis na umiling si Luna.
"Hm? Bakit naman ayaw mo?
"Eh... ang cute po nila, mukhang malambot at kawawa naman sila kung papatayin sila..." nahihiya niyang sagot sa kausap.
"Hay... mga babae talaga..." tumayo na si Panda at bahagyang nag inat ng kanyang katawan. "Huwag ka magpapalinlang sa kanilang itsura, ang mga Baa-Baa ay may matatalim na kuko na nakatago sa loob ng makapal nilang balahibo. May ilan ding Baa-Baa na nasa mataas na Class ay kayang gumawa ng kuryente upang protektahan ang sarili at atakihin ang kanilang kalaban."
Muling hinagilap ni Luna kung may  Baa-Baa sa paligid. Hindi sya makapaniwala na sa ganung itsura nila ay kaya nilang makapanakit.
"Kung na cu-cute an ka sa kanila, pwede tayo lumipat sa ibang lugar para mangaso may ibang nilalang doon at hindi sila kasing amo katulad ng mga yan, baka nga matuwa ka pa kapag pinatay mo ang mga tulad nila."
"S-Sige po..." sinubukan ni Luna na tumayo ngunit nanginginig ang tuhod niya. Tila ito naubusan ng lakas.
"Hm? mukha yatang nabigla ka sa pag gamit ng iyong skill, siguro masyadong mataas ang kal'as na kinukonsumo ng ganoong uri ng kakayahan."
Nagdesisyon muli silang magpahinga upang maka ipon ng lakas si Luna. Habang naghihintay naman ay nagpaa alam muna si Panda na babalik sa loob ng Novia upang bumili ng pagkain na kakailanganin nila sa kanilang paglalakbay upang magkita sila ni Neil.
Hindi makapaghintay na magkikita silang muli ng kanyang ama si Luna. Iniisip niya ang kung ano ang sasabihin niya, ano ang pag uusapan nila at kung ano ano pang bagay ang pumapasok sa kanyang isipan.
Kalahating oras na ang lumipas ng nakabalik na si Panda, binigyan siya nito ng isang matamis na kakanin na hindi niya inabalang tanungin kung ano ang pangalan basta kinain lang niya ang ibinigay sa kanya. May mangilan ngilan siyang nakitang manlalakbay na napapadaan sa kanila at ang iba dito ay may mga dala dalang sandata.
"Ano, ayos ka na ba? Pwede na tayong pumunta sa lugar na sinasabi ko?" yaya ni Panda sa kanya.
"Sige po!" matamis niyang ngiti kay Panda, naglakad silang dalawa at binagtas ang gilid ng mataas na at konkretong pader ng Novia, may ilang beses din na timitingala ito ni Luna dahil hindi siya makapaniwala kung gaano ito talaga kataas. Halos katulad na ng isang gusali ang taas ng konkretong pader nito at mukhang makapal at matibay.
Huminto sila ni Panda sa isang lugar na parang tuyo ang lupa at iilan ang mga halaman na nabubuhay. Nakaamoy pa si Luna ng matapang na amoy na masakit sa ilong. Tinakpan niya ang kanyang ilong at inobserbahan ang kanyang paligid.
Haaaaaaa.....
Isang matinis na tinig ang narinig ni Luna at kinilabutan sya sa kanyang nakita. Isang halimaw at wala itong mata, malaki ang bibig at may apat na pangil, kulay lila ang dila at puro ugat ito sa bandang ulo.
"A-Anong klaseng nilalang ang mga yan?" tumakbo si Luna sa likod ni Panda upang magkubli at protektahan sya sa nakakakilabot na nilalang na nakikita niya.
"Hm, isa 'yang Ha chang... Monster type, Class E at Chemical type." sagot nito kay Luna. "Naglalabas sila ng isang nakakaparalisang lason na mula sa mga pangil nito, ang mabahong amoy na naamoy mo ay nagmula sa mga butas niya sa katawan."
"Para silang mga tyanak..." natatakot din si Luna na hawakan ang mga ito.
"Hindi naman sila agresibo pero sa pagkakataon na saktan mo ang isa sa kanila, ang ibang Ha chang sa paligid ay lalabas at tutulungan ang kasama nilang nasa panganib." nakangiti pa si Panda habang nagsasalita. "Ano? Sisimulan mo na?"
Walang nagawa si Luna kundi ang umalis at lumayo sa pagkakatago ng kanyang sarili sa likod ni Panda upang hayaan siyang masanay nito.
"Heto... sandata mo." ibinigay ni Panda ang isang tungkod na ginawa niya kanina upang magamit ni Luna. "Pwedw mo rin gamitin ang element technique mo upang mas mapadali ang pagpatay sa Ha chang. Kapag may lumabas na ibang kasama ng isang yan ay ako nang bahala." pagpapa alis pa nito ng kaba sa kanya.
Kahit may pag aalinlangan ay tinaggap ni Luna ang sandata.
Tiingggg!
You acquired a wooden staff.
A normal looking staff made out of fresh wood cut from a random tree, has a very low durability and deals very minimum physical damage to your target.
Your weapon slot is now equipped with the wooden staff.
Huminga ng malalim si Luna bago siya lumapit sa isang nagpapahingang Ha chang sa ibabaw ng isang bato. Mahigpit niyang hinawakan ang kanyang tungkod at marahang humakbang at bumuwelo sa upang paslangin ito.
"Sorry po!!!!" buong lakas na pinalo ni Luna ang nagpapahingang Ha chang at nakapikit pa ang kanyang mata habang paulit ulit niyang pinapalo ito.
"Buksa mo ang mga mata mo!" utos ni Panda kay Luna. "Naiiwasan ng Ha chang ang mga atake mo!"
Haaaaaaaaaa.....
Matinis ang boses na lumabas mula sa Ha chang at sa pagkakadinig dito ni Luna ay galit na ito. Ilang saglit pa ay may lumabas na dalawang Ha chang mula sa likod ng puno sa di kalayuan. Ngunit bago pa makalapit ang dalawa pang Ha chang ay bumagsak na kaagad ang mga ito sa lupa ng walang buhay. Hindi na nasundan pa ni Luna ang nangyari dahil sa bilis nito basta ang nakita lang niya ay may liwanag ang dumaan na nagmula sa direksyon kung nasaan si Panda.
"Sige na, ituloy mo na ang pag atake!" utos muli ni Panda. Muling sumugod si Luna at nilakasan niya ang kanyang loob at pinanatiling bukas ang kanyang mata sa sunod niyang pag atake.
Sunod sunod at mabilis ang bawat hampas ng kanyang tungkod sa ulo ng isang Ha chang.
Crack!
Haaaaa—
Bumagsak sa lupa ang Ha chang matapos ang hindi mabilang na hampas dito ni Luna ng kanyang tungkod. Bahagya pa siyang pinagpawisan sa kanyang ginawa.
"Magaling, magaling!" bati sa kanya ni Panda habang pumapalakpak, lumapit sa kanya si Panda at sa Ha chang na wala nang buhay.
Nakaramdam ng lungkot si Luna sa ginawa niya habang pinagmamasdan ang patay nang Ha chang.
"Huwag kang malungkot sa pagpatay sa ganitong nilalang. Mabilis at marami ang pagdami ng mga Ha chang karaniwan din na nakakasira sila sa kalikasan, tignan mo ang paligid mo..." inikot ni Luna ang kanyang mata sa paligid at pinagmasdan ito, wala naman siyang napansing kakaiba.
"Dahil sa matapang at mabahong amoy sa kanilang katawan, naaapektuhan ang mga dahon sa mga puno na nagiging sanhi ng pagkalagas ng mga dahon nito." dagdag pang paliwanag nito kay Luna.
"Ngayon naman ay kailangan na makuha natin ang pangil at dila ng Ha chang upang maipagbili sa pamilihan para magkaroon ka ng sarili mong kudos." Lumapit si Panda sa dalawang Ha chang na pinatay niya. "Kung ikaw ang naka patay sa mga nilalang na hina-hunting mo, upang makuha mo ang mga parte na magiging kapaki pakinabang sa kanila..." itinapat ni Panda amg kamyang palad malapit sa Ha chang na pinaslang niya. "...Gain!"
Nakarinig ng isang mahinang tunog ng Poof si Luna matapos sabihin ni Panda ang Gain. Sa isamg kisapmata ay nawala ang katawan ng mga Ha chang at napalitan ng walong piraso ng pangil at dalawang kulay lilang dila. Kinuha ni Panda ang mga ito sa lupa.
"Ngayon ikaw naman." utos muli sa kanya ni Panda matapos niyang ipakita kay Luna ang dapat gawin.
"G-Gain..." bigkas ni Luna sa harapan ng napaslang niyang Ha chang. Katulad ng nakuha ni Panda mula sa dalawang Ha chang ay ganun din ang nakuha niya.
You acquired four fangs and violet tounge.
Identify      Put in Bag
Hindi na nag abalang basahin pa ni Luna ang impormasyon tungkol sa nakuha niyang gamit ngunit nagtataka siya na kung paano biglang nawala ang katawan ng mga Ha chang.
"Handa ka na ba sa susunod?"
Tumango lang si Luna at mulimg mahigpit na hinawakan ang kanyang sandatang tungkod.
"Pero bago mo ituloy ang pangangaso, i repair mo muna ang sandata mo." turo pa ni Panda sa sandata, doon na lang niya napansin na may krak na ang kanyang tungkod na hawak hawak.
Mahigpit niya itong hinawakan at muling inisip ang mga karanasan niya sa araw na ito, isang bagong mundo ang pinasok niya at isang paglalakbay ang magsisimula na siyang magbabago sa sarili niyang buhay.
★★★★★ITUTULOY★★★★★