TODAY is saturday, hinanap ko ang kulay puti kong tsinelas at nang makita ito sa ilalim ng lamesa ay agad ko itong sinuot.
Almost two weeks na mula nang umalis sila Justin. Huling araw naming pagkikita ay iyong namili pa kami sa grocery store. Pagkauwi namin noon ay nandito na sila Mama. Naghanap pala sila nang matitirahan nila ninang.
Kaya nang araw ding iyon kinagabihan ay nagpaalam na sila.
Ang good news lang ay dito na rin sila maninirahan sa Bulacan, kaya lang ay medyo malayo ang nahanap nilang bahay.
"Cassandra!" tawag ni Mama sa akin mula sa kusina.
Matamlay naman akong naglakad patungo sakaniya. "Tikman mo itong gawa kong cookies, dadalhan natin ang ninang mo" excited na ani Mama.
Ninang? Don't tell me...
"Pupunta tayo sakanila?" mabilis kong tanong at lumapit kay Mama.
"Ako lang, hindi ka kasama" asar niya sa akin tapos ay tumawa.
Haha.
"Nakakatawa 'yon 'Ma?" seryosong tanong ko.
"Hindi, pero iyang mukha mo nakakatawa" pag-wawalanghiya niya sa'kin tapos sinalpak sa bibig ko ang cookie na gawa niya.
Grabe ang lambing.
Isalpak daw ba yung isang buong cookie sa bibig ko amp!
"Ano? Masyado bang matamis o matabang?" tanong niya.
Uminom ako ng isang basong gatas mula sa ref bago siya muling hinarap. "Masyadong malaki, muntik na ako mabulunan" irap ko at hinampas naman niya ako. "Aray! Si Mama eh" angal ko.
"Yung lasa kasi ang tinatanong ko" sibangot niya at ako naman ngayon ang natawa.
Umakbay ako sakaniya bago humalik sa matambok niyang pisnge. "Masarap, damihan mo po, hihingi rin ako" ngiti ko at masaya naman siyang tumango bago naglinis ng mga kinalat niya sa kusina.
PINAGMASDAN ko ang sarili sa aming full body mirror. Ang sabi ni Mama ay 'wag na daw ako magbihis masyado dahil kina Justin lang naman daw kami pupunta.
Kaya heto ako at naka simpleng ayos lamang. white fitted shirt na pinatungan ng leather jacket at sa pang ibaba ay black denim jeans. Sinuot ko na rin ang black boots ko na last year ko pa nabili pero ngayon ko lang masusuot. Nagmukha akong matangkad dahil dito kaya mula ngayo'y favorite ko na ang isang 'to.
Naglagay rin ako ng kaunting make up sa mukha para hindi ako magmukhang multo na maputla. Kaunting perfume rin, mga kalahating bote lang.
At syempre hindi mawawala ang bracelet na bigay ni ano, hihi.
"Oh, angas mo ah! Saan ang bakbakan?" Si mama kaya napairap ako.
"Mama mo bakbakan" nguso ko.
"Hoy, patay na lola mo, kaunting respeto naman" saway niya pero tumatawa. "So, bakit nga mukha kang action star?" tanong niya ulit.
"Fashion 'yan" sabi ko nalang sabay hila sakaniya palabas.
HABANG nasa byahe ay hindi ako mapakali, naeexcite kasi ako!
"Ang likot mo naman, natatae kaba?" Tanong ni Mama kaya sinamaan ko siya ng tingin.
Tatawa-tawa naman siya sa akin. "Malapit na tayo, umayos ka ng upo kamukha mo si Robin Padilla" ngiwi niya at nagtawanan kami.
PAGKARATING sa bahay nila ay bumaba na ako, agad namang sumunod si Mama dala ang mga cookies na ginawa niya para sa mga kaibigan.
"Mama, dito na po bahay nila?" tanong ko at tinuro ang bahay sa harap namin.
"Hindi, doon pa" turo niya sa malayong bahay. "Magd-doorbell lang tayo dito tapos tatakbo tayo papunta roon" turo niyang muli sa kabilang bahay tapos binigyan ako ng 'Engot kaba?' look.
"Mama!!" asik ko at pinagtawanan niya naman ako.
Nag doorbell na si Mama at nang magbukas ito ay bumungad sa amin ang gwapong mukha ni Justin. Bagong gupit ang buhok nito, napaka-gwapo!
"Tuloy po, tita" magalang na sabi nito kay Mama. "Wow, mukhang masarap 'to ah! Gawa niyo po?" usisa niya nang iabot ni Mama ang box ng cookies.
"Oo, masarap 'yan" ngiti ni Mama. "Diba anak?" baling niya sa'kin.
Nakatulala parin ako kay Justin. Ang gwapo niya talaga sa bagong gupit niya, parang gusto kong maiyak sa tuwa.
"O-Opo, ang sarap" tumawa pa ako habang ang paningin ay nakatutok parin sa lalaking bagong gupit ang buhok.
Nakita ko ang pagngisi nito tsaka nag-iwas ng tingin. "Landi nito, pasok na dun" kurot ni Mama sa tagiliran ko.
NANDITO kami ngayon ni Justin sa likod-bahay nila. Malawak ito pero masyadong plain. As in plain lang na kapatagan. Parang flat world sa minecraft.
"Plano kong maglagay ng pond dito, ano sa tingin mo?" aniya at tinuro ang issang bahagi.
"Pond? Anong ilalagay mo doon, palaka?" ngiwi ko.
"Anong palaka? Syempre isda, tanga naman" kamot niya sa ulo kaya binatukan ko siya. "Aray!" angal nito habang tumatawa.
"Nasaan ang isda mo?" tanong ko.
"Bibili palang, samahan mo ako ah!" Aniya at tinapik-tapik ang ulo ko. "Ang liit-liit mo" ngisi niya.
"Mama mo..." irap ko.
"Nasa loob mama ko, bakit?" inosenteng tanong nito kaya natampal ko ang sariling noo.
NAG-USAP pa kami nang kaunti sa likod ng bahay nila bago nagpasyang pumasok. Naabutan namin ang mga magulang na nag-uusap sa sala.
Si Jonas ay naka-kandong kay tito at dumedede nanaman sa bote niya. Nginitian ko ito pero suplado lang siyang nag-iwas ng tingin.
"Attitude kapatid mo 'no?" baling ko kay Justin.
"Oo, may pagka-monster din pag tinotoyo" tawa niya at sinundan ko naman ito.
"Oh, ayan na pala sila" si ninang at sinenyasan kami na maupo. "Bakit mo nanaman kinakain ang biscuit ni Jonas?" Sita ni ninang sa katabi ko at naman ako roon.
Puno ng biscuit ang bunganga niya, pilit niya itong nginunguya lahat tapos ay uminom ng tubig na nasa coffee table sa harap namin. Kailan niya kinuha ang mga biskwit na 'yon? Hindi ko namalayan, ang bilis ng luko.
"Ang sarap eh" anito at tumawa. "Sorry, dude ang sarap kasi talaga ng biscuit mo" baling niya sa kapatid na umirap lang sakaniya.
Napailing nalang ang nanay niya habang si tito at Mama ay tumatawa. Maya-maya ay si Ninong ang nagsalita ulit.
"We're planning to have a vacation, Magkakasama tayong lahat" simula nito at bigla kaming naging attentive ni Justin. "Two days nga lang, alam niyo namang busy pa ako dahil kabubukas palamang ng Sarvedas Hospital" Tukoy ni tito sa hospital na ipinatayo nila rito.
Napatango naman kami ni Justin. "Ayos lang po, kailan po ba 'yan Dad?" tanong niya agad at excited naman akong naghintay sa sagot ni ninong.
"Ngayon" sagot nito at laglag naman ang panga namin.
"Ngayon?" sabay na tanong namin at nagka-tinginan.
"Ayaw niyo ba?" tanong ni Mama.
"Gusto!"
"Gusto po!"
Sabay na saad namin at nagtawanan naman sila. "Oh, edi mag ready na kayo" tawa ni Ninang at sabay naman kaming napa 'yes!' ni Justin.
UMUWI muna kami ulit ni Mama para mag-ayos ng gamit.
"Dadalhin ko ang swimsuit ko, pati yung summer hat na binili ko last week. Shit! naitapon ko ba yung goggles na ginamit natin last summer, 'Ma? Kakailanganin ko rin 'ata iyong bag ko na malaki para maraming kumasya na snacks, kakainin natin 'yon habang nasa byahe tayo, dalhin ko rin ba yung Black Swan floaters natin?" Alog ko sa braso niya.
"Dalhin mo na kaya bahay natin? Nahiya ka pa" aniya at bumuntong hininga.
"K. sabi mo eh" kibit-balikat ko.
DALA ko ang bag ko habang hirap na papalapit sa sasakyan namin.
"T-Tulong...Mama tulungan mo 'ko, ang bigat- mabigat!" tawag ko sakaniya at binigay ang bag ko na malaki.
"Yan, dami mo kasing alam" abot niya sa bag ko tapos ay inilagay ito sa loob ng sasakyan. "Pasok na, tsk!" at umismid siya.
"Love youuu~" pakanta kong sabi at napangiti naman siya.
PAGKARATING sa bahay ng mga Sarvedas ay ready na rin sila. Buhat ni Justin ang kapatid na ngayo'y tulog na sa balikat niya.
Sumakay kami sa kotse ni ninong at siya rin ang nagmaneho nito, ang plano kong pagkain habang nasa byahe ay nauwi lahat sa wala dahil nakatulog ako.
Payapa ang buong byahe, sobrang smooth ni ninong mag-drive kaya siguro ako nakatulog. Pero excited parin talaga ako.
Beach resort, here we come!!