"May boyfriend ka na ba?"
"Wala."
"Sure ka ba? Eh sa mukha mong yan"
Hindi ko alam kung matutuwa ba ako dahil pinuri nila ang maganda kong mukha o maiinsulto dahil di sila naniniwala sa akin kapag sinasabi ko na wala akong boyfriend ngayon. Nakakainis ah.
Totoo naman talaga eh, hindi na ako nagkaroon ng boyfriend. Limang na taon na akong walang boyfriend simula noong naghiwalay kami ng last boyfriend ko. Ganito kasi yun, tatlo lahat ang naging boyfriend ko.
First boyfriend ko si Joaqx "the crush ng bayan". Maraming nagkandarapa sa kanya pero ako talaga ang una niyang napansin but unfortunately anim na buwan lang tinagal ng relasyon namin. Sa unang tatlong buwan kasi ang sweet niya pa sa akin, palaging may roses at chocolates sa tuwing susunduin niya ako sa skwela at kung anu ano pang sweet moves ang ginagawa niya. Pero di nagtagal ay nagsimula na siyang maging cold, di niya na ako palaging sinusundo kasi busy daw siya sa drum lessons niya, di na rin kami masyadong lumalabas, pero kahit ganun sinubukan ko pa rin intindihin at ipaglaban ang relasyon namin kaya lang isang gabi. Party yun eh, di ko siya kasama pumunta dahil daw may lakad din siya so kasama ko ang best friend ko. Pagkarating namin sa party ay dumiretso ako sa may garden dahil di ako sanay sa maraming tao at doon ko nakita ang nakakasuklam na eksena. Kaya pala wala yung birthday celebrant sa loob kasi nandito siya sa labas, nakikipaglampungan sa walang hiya kong boyfriend. Gusto ko na sanang mag-eskandalo kaso baka pagtinginan kami ng lahat kaya huminga ako ng malalim at nagsimulang lumapit sa kanila. Grabe, hindi talaga nila ako napansin dahil saka lang sila natigil sa paghahalikan nung bumati ako sa babae ng happy birthday. Priceless yung mukha ni girl, namutla talaga siya ng todo dahil alam niyang bistado na ang kalandian niya habang si boy naman ay nakayuko lang. Marunong mahiya si gago. Binigyan ko ng napakalawak na ngiti si girl pero may halong kaplastikan yun, alam niyo na at naglakad palayo sa kanila pero natigil ako dahil hinawakan ni Joaqx ang kamay ko. Kaya sabi ko sa kanya 'Let me go Joaqx, I dont deserve this and you certainly dont deserve me' with matching kindat. Akala niya siguro iiyak ako sa harap niya, over my dead body. Di ko talaga pinakita sa kanya na umiyak ako dahil sa bahay ko ibinuhos lahat ang sakit. Makalipas ang ilang araw ay unti unti na akong nagm-move on kaya lang bumalik siya at sinundo ako sa skwela, habang naglalakad pauwi ay sinabi niya sa akin na 'I messed up, I really am a jerk and I know I have no right to demand but I dont want us to end just like that so all Im asking is a proper closure' sabay yuko. So sinabi ko naman sa kanya na okay na, wala na sa akin yun kahit masakit pa rin sa tuwing naalala ko. Di ko pala nasabi, si birthday girl ay matagal niya ng crush kaya wala talaga akong panlaban dun. At yun ang huling usapan namin ni Joaqx.
Second boyfriend ko naman si Kenneth "the go-getter", siya yung klase ng tao na kapag gusto niya makukuha niya talaga. Hindi siya basta bastang sumusuko kapag alam niyang kaya niya naman yung maangkin. Hindi maganda ang simula namin dahil magkaklase kami araw araw kaming nagkikita at walang araw na di niya ako inaasar, kahit wala siyang gawin ay naasar ako sa pagmumukha niya. May nauna siyang girlfriend nung time na yun at ang nakakatuwa ay mortal enemy ko noong bata pa kami pero naging friend ko rin siya paglaki at dahil nga magkaiba sila ng pinapasukan na paaralan. Catholic School si girl at kami naman ay Christian School kaya pinababantayan niya sa akin si Kenneth, ako naman tong si payag lang ng payag sa mga pinapagawa ng kahit na sino. Habang binabantayan ko si Kenneth ay nadidiskubre ko na chickboy siya, napakadami niyang diniskartehan sa classroom namin kaya sinumbong ko siya sa girlfriend niya at boom nagbreak sila. Ilang buwan na ang lumipas nang mangyari yun at nabigla nalang ako ng pumasok siya sa classroom na may dala dalang bulaklak at buenos na paborito ko. Tumaas ang kilay ko ng lumapit siya sa akin at binigay yun, syempre di ko tinanggap dahil di ko naman siya gusto pero talagang pursigido siyang makuha ako. Walang araw na di niya ako kinukulit dahil palagi niya akong sinusundan at sinasabihan ng 'Will you be my girl? Please' as in nakakasawa talagang pakinggan yun at may paletter pa siyang nalalaman eh walang kwenta naman ang mga nakasulat. Kaya isang araw, oras na ng paglilinis yun kaya kumuha ako ng lampaso at nagsimulang maglinis pero kahit na anong linis ko ay di talaga matanggal ang isang dumi sa paligid ko at yun ay si Kenneth na palagi pa rin akong kinukulit kaya out of nowhere nasabi ko sa kanya na 'Fine. Just please go away'. Kinabukasan, di ko alam ang nangyari pero bigla siyang nagbago sa akin at naging sweet na kaya sinakyan ko na rin ang pagkakataon. Nakatanggap nga ako ng hate letter galing dun sa ex niya, grabe talaga ang mga sinulat niya. Ang sakit sa mata, nasulat kasi dun na malandi daw ako at mang-aagaw ng boyfriend. Aba wow, di ko naman yata kasalanan kung bakit sila naghiwalay at lalong lalo ng di ko ginusto na ligawan ako ni Kenneth. Tumagal kami ng isang taon at limang buwan, sa mahabang panahon na yun ay para lang kaming magkaibigan na laging nag-aaway pero sa bandang huli ay nagkakabati din. Full support din siya sa mga sinasalihan ko na contest kasi kahit malayo sa amin ay umaabsent talaga siya para lang masamahan ako, ganun din ako sa kanya lalo na sa mga gig niya kaso ayaw niya akong umabsent kapag malayo ang pupuntahan niya dahil delikado daw. Wala na sana akong mahihiling pa sa relasyon namin dalawa ni Kenneth kaso may mga pagkakataon talaga na kailangan niyong maghiwalay lalo na kapag pamilya na ang dahilan, nalaman kasi ng parents niya na umaabsent siya para lang masamahan ako sa mga contest ko kaya sinabi nila sa harapan namin dalawa na maghiwalay na kami at yun na raw ang huling araw na magkikita kami. Ironic kasi kac-celebrate lang namin ng 1 year at 5 months tapos paghihiwalayin na kami. Sa huli ay wala din kaming nagawa dahil sila ang nakakatanda kaya kahit masakit sa aming dalawa ay naghiwalay kami. Grabe yung sakit ah, sa naaalala ko mga isang buwan din akong di nakakatulog ng maayos dahil sa kakaiyak.
Pero nawala lahat ng yun ng makilala ko si Chan "the korean oppa", yes korean ang last boyfriend ko. Nakakatuwa nga dahil ayaw na ayaw ko talaga sa mga kdrama at kpop kababalaghan na yan. College na ako nung magkakilala kami sa isang pinagt-trabahoan ko. Marami kasi akong part-time jobs at isa na dun ang language tutoring. Nga pala, high school pa ako nung naging kami ni Joaqx at Kenneth kaya medyo immature pa talaga ako kung maghandle break ups. Pero back to Chan tayo, ayan na nga dahil hindi online ang language tutor ko ay minimeet ko talaga ang clients ko although pinopost ko online ang about sa pagt-tutor ko. At dahil pinoy ako, pinoy tayo ay may filipino time talaga tayo which is different sa kanila. Ang usapan kasi namin ay 10:00 ng umaga, panay naman ang tingin ko sa relo pero maaga pa naman kaya kalma lang ako sa taxi. Di ko namalayan na lumagpas na pala ako sa tagpuan namin at lagpas limang minuto sa oras na napag-usapan kaya dali dali akong lumabas ng taxi at tumakbo papuntang cafe, pagkapasok ko ay nakita ko siya na pinagkaguluhan ng mga babae kaya huminga muna ako ng malalim bago lumapit sa kanya at pagkalapit ko sa kanya ay nakita ko siyang magkasalubong ang kilay na nakatingin sa relo niya. Pagkatapos niyang tumingin sa relo ay tiningnan niya ako mula ulo hanggang paa, kinabahan ako bigla dahil baka magalit siya kasi nga late ako pero sabi niya lang 'next time dont be late' syempre translated yan into english para sa kapakanan ng lahat. Doon nagsimula ang love story namin, palagi na kaming nagkikita dahil nagpapaturo siya ng english kahit alam na niya ang mga salitang yun at pinabasa niya pa talaga sa akin ang mga nakasulat na 'Will you be my girlfriend?' dahil mabait ako pumayag ako, magiging choosy ka pa ba eh Oppa na yan. Two years lang ang haba ng relasyon.
Teka, share ako ng share dito eh di niyo pa naman ako kilala. Well, ako lang naman si Senyora. Joke lang po, tawa kayo. Ako si Shane Zia Gomez, ang pinakamagandang babae sa balat ng lupa. Oo maganda talaga ako. Sa katunayan noong high school ako palagi ang prom queen at hall of famer sa year book namin. Hindi lang naman beauty ang meron ako kasi Cum Laude ako noh anong say niyo? Haha. Di ako nagmamayabang ah, nagsasabi lang ng totoo. Tama na nga muna yan, lovelife ko na muna pag-uusapan natin.
Hindi lang naman kasi silang tatlo ang tanging lalaki na dumating na buhay ko. Syempre bago sila o di kaya'y nung wala na sila, may mga umaaligid din pero di ko na talaga type. Mas inenjoy ko ngayon ang pagiging single ko pero minsan din sumasagi sa isipan ko yung pangako ni Chan sa akin sa na babalikan niya ako. Kaya siguro hanggang ngayon wala pa rin akong boyfriend dahil umaasa akong babalik siya. Paasa kasi eh, limang taon na niya akong pinapaasa. Namuti na ang lahat ng buhok ko kakahintay pero wala pa rin.
"Zia hangout daw tayo" Tawag sakin ng kasamahan ko sa trabaho. Si Clark, isang masugid kong manliligaw din.
"Sige ba"
Paalam muna sa inyu dahil may party pa kaming pupuntahan. Kainan na naman! \°●°/