NAGISING ako sa ingay na nagmumula sa labas ng silid. Nakatulog na pala ako sa pagbo-browse sa social media. Nandito pa rin ako sa silid ni kuya.
Hindi na ako nag-abala pang umuwi wala rin naman akong gagawin sa bahay dahil wala pa rin naman doon sila Mama at Papa. Naka-kunot ang noo kong bumaba sa kama balak kong i-check kung ano iyong maingay nang dumako ang tingin ko sa orasan sa bed side table. Alas siete na nang gabi?
Napatagal pala ang tulog ko.
Hindi ko pa tuluyang nabubuksan ang pinto ng kwarto ay malinaw na rinig na rinig ko na ang ingay na nagmumula sa sala. Marahil ay hindi pa umuuwi ang mga kaibigan ni kuya na mukhang nagka-kasiyahan pa.
Hindi pa man ako tuluyang nakakalabas ay napansin na ako ni Maikell Cuarteros. "Good evening beautiful,"
"Huwag ganyan 'bro! Bad 'yan."
"Walang talo-talo sa tropa!"
"Parang tanga, hindi naman, ah?" Pag-tanggi ni Maikell na ginigisa na nang mga kaibigan. "Maganda naman talaga si Amarie."
Akala ko mananahimik lang si Kuya pero masama niyang tiningnan ang mga kasama saka ako inirapan. "Matulog ka na nga!"
"Nagugutom ako Kuya,"
"Tamang-tama nagluto ako kanina, kain ka!"
"Kapal ng mukha nito! Hoy Cuarteros, si Matt ang nagluto." Singhal ni Black.
Kaniya-kaniya sila nang hawak na bote ng beer may mga tama na silang lahat siguro kanina pa sila nagsimula sa inuman. Hindi ko na sila pinansin, nagdiretso ako sa kusina at nagtingin nang makakain.
Hindi ako kumain bago makatulog kanina uminom nga lang pala ako ng gatas.
Nakita ko naman sa lamesa ang sinasabi ni Maikell na pagkain. Simpleng adobo lamang iyon at ginisang gulay. Hindi ko na pinagka-abalahang initin iyon dahil nagugutom na ako.
Mabilis akong kumain.
"Masarap?"
Nabulunan ako ng may magsalita sa likuran ko habang busy ako sa pagkain. It was Richard. Sa kanilang lima siya lamang ang mukha pang sober.
"Yeah,"
"Magaling talagang magluto si Matt. Marami rin siyang alam lutuin kaya lang sa ngayon 'yan muna iyan lang ang laman ng ref nang kapatid mo!"
"Actually, this is my favorite foods talaga."
"Eh?" Aniyang parang hindi naniniwala.
"Oo nga," sumubo ako ng kanin at saka mabilis na sinundan ng adobo at ginisa. "Siya nga pala, mukhang kanina pa kayo nagsimula ah, pero ikaw na lang ang maayos."
"Yes, we're just chilling. Masakit sa bangs pag fourth year na."
Natawa ako dahil sa sinabi niya. "Wag kang manakot baka hindi na ako mag-aral."
Humalakhak siya dahil doon. Mukhang nagkamali ako nang sabihin kong sober pa siya. It's seems not.
"Balik ka na sa kanila,"
"Nope, mga tulog na sila."
Kaya pala tumahimik na sa sala. "Matulog ka na rin."
Natapos ko nang maayos ang aking pagkain kahit na kinakausap niya ako. Inilagay ko sa lababo ang mga kubyertos na ginamit ko.
Magkasunod kaming nagtungo sa sala, sumalubong sa mga mata ko ang mga tulog na magka-kaibigan. Nakahiga sa mahabang sofa si Matt at Black, nasa mukha na ni Black ang paa ni Matt at ganoon din naman ang huli. Samantalang si Kuya ay nakabaluktot sa carpet at si Maikell ay nakayupyop sa pang-isahang sofa.
"Are you guys really like this anytime you're drunk?" I ask Richard who's busy taking a picture of his friends.
"Yeah!" Sagot niya na natatawa. "Kaya kailangan may isang hindi malasing sa amin kahit sa'n pa kami uminom."
"Kahit sa bar? Club? Ahm... Like that?"
"Oo, para may mag-uuwi."
"Nice..."
"Yeah!"
"Diyan ka na rin matutulog?" Maya-maya ay naisip kong itanong.
"Ah oo, sama-sama na kami dito," Humanap na siya ng maayos na pwesto sa tabi ni Kuya. "Hihinaan na lang ang air con para hindi masyadong malamig."
"Ako na," kinuha ko ang remote ng aircon at ako na ang nagpahina.
"Alam mo kanina, papasok na sana sila Maikell at Black sa kwarto kaso binigwasan ni Christian at kinaladkad pabalik dito sa sala." Natatawa pa nitong kwento.
"Why?"
"Off limits daw ang kwarto niya kasi nandito ka." Turan niya. "Sweet brother, eh."
"Kaya nga e, minsan super strict din niya."
"Kaya pala hindi makaporma si Matt."
Hindi ko na narinig ang sinabi ni Richard dahil sobrang hina niyon saka mukhang nakatulog na siya.
HINDI ako makatulog kaya tumambay na muna ako sa terrace ng kwarto. Halos maghapon kasi akong tulog kanina. Busy ako sa pagi-scroll sa Instagram looking for my friend, Lara's post. Nagliwaliw na naman kung saan ang bruha pero may mga pictures rin na iba.
Kahit sa Instagram, mukha pa rin ni Jairus ang naka-display may nasasalit ding pictures nang grupong lasing ngayon sa sala.
Sikat na rin ang mga mokong. Kuhanan ko kaya sila ng larawan and post it on the social media, ano kaya ang magiging consequences? On second thought, wag na lang. I decided to log out when my eyes caught someone's story on Instagram.
Patrick Agnila.
It's a short video of a dark road and a tall building on the other side.
Gumalaw ang video and it directed on the building. Kumislap ang ilaw sa harap ng building at nanlaki ang mata ko nang makita ang pangalan ng building.
Zaraga's Home.
And the story was posted a minute ago.
Hindi ko alam kung bakit, pero kusang gumalaw ang mga paa ko na lumabas sa pent house. Hindi ako sigurado kung nasa labas pa siya pero tumuloy pa rin ako hanggang sa labas ng building. Tumayo ako sa tabi ng high way I look left and right to check if there's a car nearby.
And viola... There he is.
Pero hindi ako lumapit sa halip naglakad-lakad ako patungo sa taliwas na direksyon ng kotseng nakaparada. Naisipan kong pumasok sa 7/11, mabuti na lang nadampot ko iyong wallet ni Kuya sa center table sa sala nakalimutan ko sa kwarto ang wallet ko. Dumampot ako ng dalawang titsirya at isang bottle water saka binayaran iyon sa cashier saka umupo sa mesa sa sulok.
A few minutes later, someone sat on the chair in front of me.
"Pa-share,"
"Maraming bakante, why here?"
Hindi niya sinagot ang tanong ko sa halip nagbato rin siya ng isa pang tanong. "Bakit ganyan ang suot mo?"
"What's wrong with my clothes?" I rolled my eyes while pouting my lips.
"Lalabas ka pala bakit hindi ka man lang nag-doble ng jacket?"
Wala sa planong lalabas pa ako nang gabi na kung hindi ko lang nakita post mo. "I forgot."
"Anong ginagawa mo dito?"
"Naka-upo sa harap mo, di ba?" Iningusan pa niya ako.
Sumubo ako ng titsirya na kinakain ko nakasunod naman ang mga mata niya doon at napalunok natawa tuloy ako sa reaksyon niya.
"You want?" Inilapit ko pa sa mukha niya iyong titsirya.
"Pwede?"
Tumango ako. Parang batang kuminang ang mga mata niya at kumuha sa laman ng titsirya at ang loko pati bottled water ko binuksan at uminom.
"Akin 'yan," inagaw ko sa kaniya ang tubig. "Bumili ka nang sa'yo!"
"Damot," he pursed his lips. "Para makiki-inom lang e, bibili ako di kita bibigyan."
Mabilis siyang tumayo at naglakad patungo sa counter. Hindi ko na siya pinagka-abalahang panuorin ipinagpatuloy ko ang pagkain ng titsirya at nagpasyang bumalik na sa condo. Baka magising si Kuya at malamang wala ako sa kwarto, malalagot ako do'n.
Nasa may pinto na ako nang store nang mapansin kong nakasunod si Jairus sa akin. My mouth curved into a smile but I hide it from him.
"Ano!?" Kunwaring singhal ko. Malakas ang loob ko dahil wala akong makitang MIB niya.
"O? Bakit? Ikaw lang ba may karapatang dumaan sa pinto ng 7/11? Sa'yo 'to 'te?"
Sa halip na sumagot natawa na lamang ako sa sinabi niya, parang bakla kasi ang dating.
"Tawa ka diyan?"
Mas lalo akong natawa. "Wala naman,"
Nauna na siyang lumabas. Dahan-dahan akong naglakad pabalik sa condo sinasamyo ang malamig na pang-gabing hangin. Malapit na ako sa harapan ng condo ng maramdaman kong may nakasunod sa akin. Sa takot ko na baka masamang loob iyon, mabilis akong naglakad pero ramdam ko din ang bilis niya.
Ganoon ang ginagawa ko hanggang sa marating ko ang lobby ng condo. Tatawag na sana ako nang security ng marinig ko ang hagikhik sa likurang bahagi ko. Pumapadyak ko siyang hinarap nakahawak siya sa tiyan niya habang pilit na pinipigilan ang pagbunghalit ng tawa.
"Y-you're so f-funny..." At tumawa na naman siya humawak pa sa gilid nang pader.
"Tawa ka pa!" I folded my arms in front of me and my lips closed tightly. "Tapos ka na?"
Pinilit niyang supilin ang ngiting pilit na lumalabas. "Yeah, sorry!"
"Oh?" Hindi ako umalis sa pwesto ko. I don't know pero gusto ko pa siyang makasama. Of course, siya naman kasi ang dahilan kung bakit ako lumabas kahit dis-oras na nang gabi, not minding if my brother will catch me outside at this hour.
"Just want to ask kung ikaw ba talaga ang representative nang section niyo sa Nutrition Month pageant?"
"Ano naman ngayon sa'yo?"
"Wala lang, gusto ko lang malaman." Aniya saka tumalikod. "Sige, mauna na ako."
Akma na siyang hahakbang ng hagilapin ko ang braso niya. Hindi ko alam kung bakit ko ginawa iyon. Sa bilis nang reflexes ko, hindi naman gumana ng maayos ang utak ko.
"Yes?"
"Ahm..." Hindi ko alam ang sasabihin ko. "Bakit mo pala nai-tanong?"
"Para malaman ko kung tatanggapin ko ba iyong offer na ako ang magre-represent sa special section."
"And?" Nakataas na ang kilay ko sa sobrang pagkainip sa susunod niyang sasabihin. Hindi pa rin binibitawan ang braso niya.
"Wala..." At tuluyan na siyang tumalikod pero may sinabi pa siya na nagpakabog nang husto sa dibdib ko.
"Galingan mo at gagalingan ko rin para partner tayo."
*** AM