The number you have dialed is not available---
"Urrrgh!" Itinapon ko ang cellphone ko sa ibabaw ng sofa saka pabagsak na naupo doon. Magpapasama sana ako sa kanya para mag-grocery kasi may sasakyan sya, para na rin hindi ako mahirapang mag-commute pero nakakalimang tawag na ako kay Coser pero hindi nya sinasagot. Alam ko namang wala s'ya sa school dahil sabado ngayon. Napahinga na lang ako ng malalim bago muling kunin ang cellphone ko. Tinigilan ko na ang pagsubok na tawagan si Coser dahil baka natutulog sya or baka nakikipaglandian sa mga babae nya. Baka sakin pa sya magalit kapag naistorbo ko sya. Hinila ko ang susi ng bahay at jacket na nakasampay sa armrest ng sofa saka naglakad palabas ng bahay. Ako na lang ang lalakad, kaya ko naman mag-isa e. Ayoko namang istorbohin sina Nyxx at Lee paniguradong aayain na naman nila akong gumala at lumakad ng lumakad. Nakakapagod silang kasama.
Nang makarating ako sa grocery store ay inilabas ko ang dala kung listahan ng mga bibilhin ko at nagsimulang lagyan ng check ang mga nakuha ko na. Yup, I made a list because I'm such a forgetful person. Baka abutin pa ako ng limang oras dito sa store kakaisip kung ano pa bang kulang or umuwi ako sa bahay na hindi nabili lahat ng kailangan dahil puro gusto ko lang ang nabili ko. Pagkatapos kung malagyan lahat ng check ang nakasulat sa papel ay nagpasya na akong umuwi. Nasa labas na ako ng store ng maalala kong may gusto nga pala akong bilhin na libro. Nakita ko sya sa isang ads kagabi at masyado akong nacurious. Alam kung hindi ko pa natatapos ang mga nauna kung libro sa bahay pero may bumubulong sakin na bilhin ko rin ang librong yon. Kung makakapagreklamo siguro ang mga nakatambak na libro ko sa bahay matagal na nila akong nireklamuhan at nagmakaawang basahin ko man lang sila kahit first page. Maybe, it's just my hobby to buy books but never going to read them. Bitbit ang dalawang hindi kalakihang plastik ay naglakad ako papunta sa malapit na bookstore. Malapit na ako sa isang eskinita ng maramdamang parang may nakatingin sakin. Nagpalinga linga ako sa paligid at hindi nga ako nagkamali ng makita kong muli ang isang pamilyar ng mukha sa di kalayuan. Gaya ng dati ay hindi man lang sya nag-iwas ng tingin ng magtama ang paningin namin. Mukhang sinasadya nya talagang malaman ko na sinusundan nya ako. Psh.
Pumasok ako sa eskinita para malaman kung susundan nya ako at hindi nga ako nagkamali. Pumasok din sya sa eskinita at nagpalinga linga. Sya yong lalaki sa UCRB kagabi. Ano kayang kailangan nya sa'kin. Pinanood ko lang sya na magpalinga linga. Ibinaba ko ang dala kung plastik na puno ng pinamili ko at tumingin sa paligid. Naghanap ako ng bagay na pwede kung gamitin para mabaling sa iba ang atensyon nya. Sa di kalayuan ay may narinig akong 'meow' ng pusa. Hinanap ko ito at nilapitan, may dinidilaan itong lata.
"Shoo! Shoo!" Mahinang pagtataboy ko sa pusa upang makuha ko ang lata. Bumalik ako sa pwesto ko kanina at nakitang nandun pa rin ang lalaki. Tinapon ko ang lata sa may bandang likod nya, lumikha iyon ng ingay dahilan para mapunta doon ang atensyon nya. Habang abala sya sa paghahanap kung sino ang nagbato ng lata ay mabilis akong kumilos palabas ng tinataguan ko. Hinila ko ang braso nya, tinulak sa pader at hinawakan ng mahigpit ang kwelyo ng damit nya. Hinila ko ang suot n'yang shades at pinakatitigan sya sa kanyang mga mata.
"Sinusundan mo ba ako?" Iritadong tanong ko. Ilang segundo rin syang nakatitig lang sakin at halatang nagulat sa ginawa ko pero kalaunan ay ngumisi lang sya. Una kung napansin ang dimple sa kanan nyang pisngi pero hindi ko na iyon pinagtuunan ng pansin dahil sa inis na nararamdaman ko sa kanya at sa ginagawa nyang pagsunod-sunod sakin. Naalala ko naman ang taong pumasok sa bahay ko, marahil ay ang taong iyon ay sya din.
"Nahalata mo agad?" May pang-aasar sa tono ng kanyang boses.
"Because you're making it obvious!" Gigil na saad ko. Hindi ko pa rin binibitawan ang kwelyo nya kahit pa nahihirapan ako dahil mas mataas sya sakin, "what do you want?"
"Hmm..." He looked up, nag-iisip kung anong idadahilan nya sakin.
"What?" Inip na saad ko. Dahil sa pagkainis ay mabilis kung inilabas ang micro blade ko at itinutok iyon sa leeg nya.
Agad na namilog ang kanyang mga mata at napaatras pa lalo sa pader ng makita ang hawak ko, "whoa! Whoa! Chill!" Natatarantang saad nya.
"Magsasalita ka o itatarak ko 'tong hawak ko sa leeg mo?" Tiningnan ko sya ng masama. Nasagad na naman ang pasensya ko at kapag nagloko pa sya sa harap ko baka dito rin sa pwesto nya ay bawian sya ng buhay.
"Tsk. Tama nga sya, ang ikli nga ng pasensya mo," bulong nya na parang sinadya nyang iparinig sakin, "gusto mo ba humiram ng pasensya sakin?" Malawak ang ngiting tanong nya. Parang wala lang sa kanya na may nakatutok na patalim sa leeg nya.
"Are you fucking kidding me right now?!" Tumaas na ang boses ko. Mas lalo kung inilapit sa leeg nya ang blade. Napalunok sya dahil sa ginawa ko at agad na itinikom ang bibig nya.
"Oh my gawd! You just dropped the f-bomb!" Namimilog ang matang saad nya pero tiningnan ko lang sya ng matalim. Nang maramdaman nya na hindi ako nakikipagbiruan ay muli syang nagsalita, "O-okay okay!" He surrendered, "pero magsasalita lang ako once na binitawan mo na yang hawak mo."
Ilang segundo ko pa syang tinitigan ng masama bago ko inilayo ang hawak ko sa kanya at tuluyan na rin syang binitawan. Huminga sya ng malalim na parang na-solusyunan na nya lahat ng kanyang problema pagkatapos ay saka niya inayos ang nagusot na damit at walang ano-anong hinila ang shades nyang hawak ko at muling isinuot iyon. Mariin akong napapikit at napaikot ng mata.
"Tell me now! Why are you following me?" Inip at inis ng saad ko.
"Pwede bang kumalma ka naman? Just chill! Hindi kita tatakasan. I'll tell you everything I know!" May pagkumpas nya pang saad. Napakunot ang noo ko dahil sa huli nyang sinabi. I tilted my head and looked at him straight to the eye. Hindi naman sya makatingin sakin ng diretso na parang nagkamali lang sya ng sinabi. Kumalma na ako. Itinago kung muli ang micro blade at pinagcross ang mga braso ko sa harap nya, "hmm do you want coffee?"