"Hi." Bati kay Kairi ng isang lalaking mag aaral at tumabi ito sa kanya. Hindi niya iyon napansin dahil lunod siya sa pagbabasa ng libro. Nagulat na lamang siya nang agawin nito iyon sa kanya.
"Hey!" Gulat na bulalas niya. Halos lahat ng nasa silid na iyon ay napalingon sa kanila.
Itinabi ng lalaki ang libro at inilahad nito ang kamay. "I'm Carlos. You're new here, right?"
"Yeah." Tipid niyang sagot at kinuha muli ang libro. Subalit sinara ulit iyon ng lalaki. Tinignan niya ito ng masama. Wala siya sa mood makipag usap kahit kanino dahil nananakit ang ulo niya sa palaisipan na hindi ang ama ang nagpadala ng pagkain sa kanya.
Pribado siyang tao. Hindi katulad ng kakambal niya na mas pinili maging kilalang gamer at vlogger kesa magtapos ng pag aaral. Wala naman nagawa ang magulang nila kundi suportahan ito. Masaya naman ang kapatid niya sa ginagawa nito. Kumikita na din ito sa ng sariling pera nito.
Sumubok ang kakambal niya isama siya sa mga video nito pero laking pagtututol ang madalas nitong natatanggap mula sa kanya. Bilang lang din ang naging kaibigan niya sa ibang bansa. Kapag may libreng oras naman siya ay nagpapart time siya sa pagtuturo sa mga bata.
"You look familiar." Turan ng lalaking katabi niya. Inilapit din nito ang mukha sa kanya.
Nanlalaki ang matang napatitig siya dito. "Go away, will you?"
Mas lalong lumapit ang mukha nito sa kanya. Animo pinag aaralan ang mukha niya. Sinubukan niya itong tulakin subalit masyadong matigas ang dibdib nito. Ni hindi man natinag sa ginawa niya.
"If you don't move away, I'll sue you." Banta niya dito, Nagtawanan naman ang ilang nandoon sa silid aralan. "You're harassing me and I know my rights." Mariin pa niyang sabi dito. Hindi man ito natakot at ngumisi pa ito sa kanya.
"You heard her." Napalingon siya sa bukana ng pinto nang marinig ang boses ni Mr. Bachli. Seryoso ang mukha nito at pansin ang pagkuyom ng kamao nito. Sa tabi nito ang isang babae na humahangos sa paghinga.
Itinaas ni Carlos ang dalawang kamay na tila sumusuko ito kay Mr. Bachli. "My bad, sir. She looks like Adventure Ara." Ang itinutukoy nito ay ang kanyang kakambal. Narinig niya ang pagsang ayon ng mga taong nakapalibot na sa kanila, May iba pang inilabas ang mga cellphone at tinignan ang tinutukoy nito.
"But I guess, I am wrong. Adventure Ara is hotter than this girl. This one is no man's fantasy." Turo pa nito sa kanya habang natatawa.
Nag init ang ulo niya at tila nagpanting ang tenga sa narinig. Wala sa oras na napatayo sya at sinampal ito. Napasinghap ang mga andoon. Namumula na sa galit ang mukha niya. Totoo na mas sexy sa kanya ang kakambal pero hindi niya nagustuhan ang turan nito tungkol sa kapatid na isa itong pantasya sa mga lalaki.
"What the fuck!" Singhal nito sa kanya nang makabawi.
"Don't you dare mention my sister's name in your filthy mouth!" Angil niya dito.
Nanlaki ang mata ng mga nakakapanood sa kanila. Hindi makapaniwala na kapatid niya ang sikat na social influencer. Agad naman pumagitna si Mr, Bachli.
"Go to dean's office, Mr. Fuentes." Inilibot naman nito ang tingin. "Show's over, everyone. Go back to your seats and classrooms."
Binalingan rin siya nito at bumulong. "To my office now, Ms. Jones."
Biglang nagtaasan ang balahibo sa batok niya. Iba ang epekto sa kanya ni Mr. Bachli. Hindi pa siya nakakareact, tumalikod na ito at naglakad palayo. Panaka nakang tinitignan siya ng mga mag aaral doon at nagbubulungan sa isa't isa. Inis na kinuha niya ang gamit at sumunod kay Mr. Bachli. Bahagyang nakabukas ang pinto ng opisina nito. Kumatok siya bago tuluyang pumasok.
Nilingon siya nito. "Close the door, Ms. Jones." Nakatalikod ito sa kanya at may kung anong ginagawa ito. Amoy niya ang halimuyak ng tsaa na siyang nagpakalma sa kanya.
Tumalima naman siya dito. Iniikot niya ang tingin sa silid. Malamig sa mata ang opisina nito. Kulay abo at puti ang opisina nito. Mapapansin din ang ilang trophy nito sa basketballl at baseball.
"Please seat down." Itinuro nito ang upuan sa harap ng lamesa nito. Na agad naman niyang sinunod.
'Vice President Bryant Bachli' Basa niya sa plakang nasa harap niya. Simple lang iyon na nakaukit sa kahoy. Walang ibang masyadong design iyon. Marahil simpleng tao lang itong si Mr. Bachli.
Naglapag ng tsaa na may gatas sa harap niya ito. "Drink. It will help you calm."
Totoong nakakapagpakalma ang tsaa. Sa aroma pa lamang niyon ay nagiging panatag na siya. Nagpasalamat siya dito at marahang sinimsim iyon. Masarap ang pagkakagawa ng tsaa nito. Lasang lasa ang matcha at ang fresh milk doon.
Kunot noong binalingan niya ito. "Hindi ba ako matatae dito?"
Muntik na ito masamid sa pag higop ng nasabing inumin. Halos mamula mula ang gwapong mukha nito sa hiya sa kanya. "You don't like it?"
"Okay lang." Simsim niya uli doon. He was just looking at her while drinking his tea. Hindi siya mapakali sa mga tinging ipinupukol nito. Nakakaramdam siya ng nakakakiliting kuryente sa bawat tingin nito. Nakakapagtakang ganto na lang ang epekto sa kanya nito. Ni minsan ay hindi niya iyon naramdaman kahit kanino.
Sinipat ang orasang pambisig. Nagpasalamat at nagpaalam na siya dito dahil mag uumpisa na ang kanyang klase.
Tinawag siya nito bago pa niya mapihit ang seradura ng pinto. Nang lingunin niya ito ay nakalapit na pala agad ito sa kanya. Masyadong malapit ang mukha nito sa kanya. Tumukod ito sa pinto na halos ikulong siya sa mga bisig nito. Halos maamoy na niya ang mabangong hininga nito. Medyo nahilo siya sa amoy nito. Hindi nya mawari ang kakaibang nararamdaman para sa lalaki. Napatitig siya sa labi nito na nabahiran na siguro ng sigarilyo sapagkat hindi iyon ganun kapula.
Nanatiling nakatukod ang kanang kamay nito sa pinto. Hinawakan naman nito ang kanyang baba sa pamamagitan ng isang kamay. Wala sa loob na napalunok siya at marahang ibinuka ang mga labi. Halos marinig na niya ang tibok ng kanyang puso.
Naglakbay ang daliri nito sa kanyang mga labi at tumigil iyon sa ibaba ng kanyang labi. Nakakunot ang noo ni Mr. Bachli na may kung anong inaalis ito doon. Nang matapos ito ay naramdaman na niya ang kaliwang kamay nito sa kanyang likod. Lumayo na din ito sa kanya. Bago niya mapagtanto ang gagawin nito ay nabuksan na pala nito ang pinto at iginiya siya palabas nito.
Malapad na ang mga ngiting nakapaskil sa labi nito. Ginulo nito ang kanyang buhok. "Sige na. You don't want to be late on Ms. Andres' class." Paalala nito sa kanya.
Tila nabuhusan naman siya ng malamig na tubig at maalalang istrikto ang nasabing propesor sa subject niyang Financial Risk Management. Nagmamadaling tumakbo na siya pabalik sa silid aralin. Ni minsan hindi siya nagkaroon ng markang nahuli sa klase. Kasalanan iyon ni Mr. Bachli kung bakit male-late siya sa klase ngayon. Pakiramdam niya tumigil ang mundo niya dahil sa ginawa nito.
Nagniningning ang mga mata ni Adonis habang pinagmamasdan si Kairi na tumatakbo pabalik sa klase nito. Muntik na niyang hindi mapigilan ang sariling hagkan ito.
Nagsisisi siya sa ginawang pag iwan dito noong mga panahong inampon siya ng mag-asawang german at dinala sa Germany upang pag aralin at bigyan ng pangalan. Laking pasasalamat naman niya sa mag asawa dahil itinuring siyang tunay na anak ng mga ito. Masasabi niyang kaya na niya pantayan ang estado sa buhay ng dalaga.
Noong una pa lang niya ito nakilala, alam na niyang malayo ang estado nila sa buhay. Sa mga palitan nila ng liham, ramdam nya ang pagiging edukada ni Kairi kahit bata pa ito noong mga panahon na iyon.
Nang malaman niyang nag-enroll ito sa unibersidad na kanyang pinagtatrabahuhan, agad niya itong hinanap. Pagkakita niya dito, hindi niya mapigilan ang sariling yapusin ito subalit naabutan niyang binubully ito ng ibang estudyante. Gusto niya magalit sa dalaga sapagkat hindi ito gumaganti o pinagtatanggol ang sarili. Halos wala itong pinagbago maliban na lang sa angkin nitong kagandahan kahit pilit nito iyon itinatago.
Napaangat ang tingin niya sa pinto ng opisina ng bigla na lang pumasok si Ms. Andres doon. Biglang napalis ang mga ngiti sa kanyang labi.
"I have a bright student!" Bungad nito sa kanya at umupo sa kanyang lamesa.
"Who?" Walang ganang tanong niya dito. Nilalaro na nito ang kwelyo ng kanyang damit.
"The student that came from England."
"You mean Miss Jones?" Tumayo siya at lumayo dito. Matagal na ito nagpaparamdam sa kanya na meron itong gusto. Subalit iniignora niya ito.
"Yeah. That girl. She was only seventeen, for goodness sake! Most of her blockmates are older than her." Lihim siyang napangiti. Alam niyang hinding hindi siya mabibigo sa angking talino ng dalaga. "I heard she got her scholarship when she was only eleven and got into college when she was fourteen. She also got her undergraduate degree in Accountancy. Can you imagine that?" Hindi mapakaniwalang bulalas nito.
Maski siya hindi makapaniwala sa narating ng dalaga. Madalas ito ipagmalaki ng ama at kapatid nito. Kung paano ito palaging nag-aaccelerate sa pag-aaral.
Nagulat siya nang may mga bisig na yumakap mula sa kanyang likod. "Enough of Jones. I've been dying to be with you." Hindi na ito nakuntento at hinimas himas nito ang kanyang dibdib.
Agad siyang kumalas mula sa yakap nito. Nagmamadaling humakbang palayo dito.
"What the hell are you doing, Ms. Andres?" Akmang aabutin uli siya nito nang kanyang pigilan iyon. "If you don't stop, I'll report you with the committee."
"I-I thought you wanted this. You want me.." Bumahid ang lungkot sa mukha nito.
"I never wanted this. Stop your delusional." Iniligpit niya agad ang gamit at iniwan ito sa kanyang opisina. Ni minsan hindi niya ito binigyan ng impresyon na gusto niya ang ginagawa nito. Una sa lahat, isang babae lang ang bumihag ng kanyang puso at si Kairi iyon. Pangalawa, hinding hindi niya magagawang pagtaksilan ang dalaga kahit alam niyang halos kamuhian siya nito.
Dumiretso siya sa parking lot at sumakay ng sasakyan niya. Hindi pa siya tuluyang nakakalabas ng campus nang mamaatan niya si Kairi. Mukhang pauwi na rin ito. Binusinahan niya ang dalaga. Halata ang gulat sa mukha nito nang tingnan siya. Ibinaba niya ang salamin ng bintana. Sumulip naman doon ang dalaga.
"May kailangan kayo, Sir?
"Sumabay ka na."
Luminga ito sa paligid bago siya tignan uli. Nahihiyang ngumiti ito sa kanya. "No, thanks. I can commute."
Bumaba siya at umikot sa puwesto nito. Pinagbuksan niya ito ng pinto. "I don't take a no for an answer, Miss Jones."
Wala naman itong nagawa at nagpaunlak sa imbitasyon niya. Nangmakaupo ang dalaga ay pininasok niya ang kalahati ng katawan sa sasakyan. Hindi nakaligtas sa kanya ang pagsinghap ni Kairi at nanlalaki ang matang nakatingin ito sa kanya. Paano ba naman, masyado na naman silang malapit sa isa't isa. Sinuotan niya ito ng seatbelt at nginitian. "For safety."
Namula ang mukha nito. Nabasa niya sa mga mata nito na gusto nitong tumakbo palayo. Agad siyang lumipat sa driver's seat at pinaandar ang makina ng sasakyan. Mahirap na at baka takbuhan siya ng dalaga. Matagal na niya gusto gawin iyon. Pero ngayon lang siya nakakuha ng pagkakataon.
Naging tahimik lang si Kairi buong byahe. Panaka-nakang sinusulyapan niya ito. Ni hindi ito lumingon sa kanya. Gustong gusto niya ito kausap. Pero hindi niya maapuhap kung paano sisimulan. Na me-mental blocked siya kapag kaharap ito.
Mabilis lang ang naging biyahe nila. Nagpasalamat ang dalaga at nagmamadaling bumaba ito. Hinabol na lang niya ng tingin ang papalayong bulto nito.