Larmine POV
"OMG, baril lang pala ni Arlene ang kailangan, e" I rolled my eyes.
Hindi naman ako maarte. Sadyang feel na feel ko lang ang paikutin ang mata ko 360 degrees. Ang saya kaya gawin 'yun. Nakaka-enjoy rin minsan. Try niyo.
"Hindi naman namin alam na mayroon siya" Saad ni Kairo.
"Alam kaya ni Gray! 'Di ba, Gray?" aniya Solenn at nilingon si Gray.
Inosenteng tinignan siya nito. "Ha?" sagot ni Gray na parang walang naaalala. Ngunit ilang saglit lang ay biglang lumiwanag ang reaksyon nito. "Ah, oo nga. Tinutukan mo pala ako kanina. Binaril mo pa pala ako." turo niya kay Arlene.
Bumuntonghininga si Kairo. "Si June kasi ang nagl-lead sa 'min. Kaya wala kaming alam na gawin" saad ni Kairo, bago malungkot na nilingon si Gray.
"Kailangan nating mahanap si June, Gray. Siya ang may alam nang dapat nating gawin. Kawawa naman tayo 'pag wala s'ya"
"Para ka namang bata Kairo! Para nanay mo naman 'yung nawawala!" Aniya Solenn.
"So, si June leader n'yo" sabi ko.
"Bingi ka ba? Kasasabi n'ya lang, e!"
Inirapan ko si Solenn. "It's a statement, I didn't ask" Ba't ba ang lakas lakas ng voice neto? Did she just swallow a whole damn megaphone?
"Tama na 'yan. Tulungan na lang natin silang hanapin June na 'yan" saad ni Arlene. Seryoso niyang pinagmamasdan si Ren na wala pa ring malay. Nakakatawa ang itsura niya.
Nakaalalay si Kairo kay Ren. Si Gray naman ay napaupo na lang muna sa sahig.
'Eto naman kasi si Arlene. Ba't di na lang asikasuhin ang kaso—ay oo nga pala, 'eto 'yung kaso. Ghad! Pwede naman siya na lang ang sumama dahil mukhang magkakasundo sila ng mga gwapong 'to. But, on the second thought, mabuti na ring sumama ako kasi naka witness ako ngayon ng mga gwapong extraordinary, kyaaa!
Naisip ko lang din, once na mahanap na nila ang each other, aalis na sila dito? Awe, that kinda' hurts. Wala na akong makikitang 'sing perfect nila, huhuhu.
"Okay…" I said to Arlene. "Anyway, 'di ka man lang mags-sorry? Hello, binaril mo si Ren"
Kunot-noo niya akong nilingon. "Tulog pa, e. Hindi ko naman makakausap ang tulog"
"Huh? I mean, sa kanila, kasi kaibigan nila si Ren"
"Bakit?"
Napataas kilay ko sa tanong niya. "Anong bakit? Natural."
Bumuntong-hininga siya at hinarap sila Kairo at Gray. Namulsa ito bago magsalita.
"Sorry, binaril ko si Ren" prenta niyang saad. Parang pasingaw pa. Walang sinseridad 'tong tomboy na 'to. Eeww!
Tumango si Gray. "Okay lang. Sabihan na lang namin si Ren 'pag gising nya" he smiled innocently, may dimple pa, ah.
Kumunot ang noo ko.
"Magsorry ka na lang tapos explain natin paggising n'ya" Kairo said.
Ano daw?
"Okay"
What the f—
Normal pa ba ang mga kasama ko? Ako lang ata ang hindi pa nawawala sa katinuan. Well, itong mga gwapong aliens na 'to masasabi kong iba ang takbo ng utak nila. Siguro kasi taga ibang planeta sila, like, ibang way of living ang meron sila. Or maybe, dala ng radiation ng nasa galaxy pa or pagkahulog nila rito?
May radiation ba sa galaxy?
Anyway, I'll guide them na lang. Pasalamat sila na they have me. One and only, Larmine ng mother earth.
"Dito lang ba tayo hanggang magising 'yan si Ren? Nagugutom ako, e!" saad ni Solenn at hinawakan pa ang tiyan. "Para may pakinabang 'yang powers mo Kairo, teleport ka tsaka bili ka puds!"
"Bakit ako? Baka maligaw pa 'ko d'yan" umayos siya ng upo, dahilan para mauntog ang ulo ni Ren sa sahig.
Ang lakas ng pagkakatama ng ulo niya. Napangiwi ako. Alam ko kung gaano ka sakit 'yun. Sa sobrang lakas ng impact ay parang ramdam kong nag-vibrate ang sementong inaapakan ko. Matunog pa. Bukol 'to mamaya. Ouch!
Nanlaki ang mga mata ni Kairo. "R-Ren, sorry Ren… Waa! Ren, sorry sorry" hindi ito mapakali.
"Kairo! Dahan-dahan naman kasi. Hindi na nga makaalala 'yang tao, kita mo naman kanina at hindi ka kilala, bibigyan mo pa ata ng amnesia" saad ni Arlene.
Lahat kami ay dumako ang mga mata kay Ren. Unti-unti niyang iminulat ang mga mata niya. Normal na ang kulay nito. Pero napansin ko lang, ang ganda pala ng mga mata niya.
O my ghad, ang ganda talaga ng mga mata niya!
The eyelashes, mapapasana all ka na lang talaga. Ang shape ng lips niya, it's cute though.
Mahinahong lumapit si Gray. "Ren…"
"Anong…ba't tayo nandito?" Iginala niya ang mga mata niya sa paligid, hanggang sa napadapo iyon sa aming tatlo. "Sino sila?"
"Ren.." Umayos ng upo si Kairo. "Ren…Natatandaan mo pa 'yung nasa spacecraft tayo? Tinamaan tayo ng bomba tapos crashlanding tayo. Tapos hiwa-hiwalay tayo ngayon. Kailangan nating hanapin ang iba pa. Ren, Ren naaalala mo ba? Ren—"
"Hindi" biglang nanlumo si Kairo at Gray dahil sa narinig. Hinimas niya ang ulo niya. "Joke lang. Oo natatandaan ko. Nawalan lang ako ng malay nung may…may kuryente na lumabas sa mga kamay ko. Ano ba nangyare dito? Tsaka sino sila? Ano ba ang nangyare sa 'kin, ang sakit ng ulo ko, ah"
Another weird.
Napangiwi ako.
Ganito ba talaga sila?
Actually, parang hindi dama ang tensyon ng mga mala aksyong pangyayare kanina. These people are super weird. I hope the others aren't. Ilan nga ba sila?
Or baka naman, normal na talaga sa kanila ang ganito. This is crazy!
Itong si Kairo, parang bata na laging hinahanap ang nanay niya. Si Gray, parang inosenteng laging pagod dahil sa mellow eyes niya. Itong Ren na bagong gising, looks like he's a troll. Mahilig ata mang troll ito. Kagigising palang sabihin ba namang joke. What the F!
Ghad, hindi ko talaga ma-take kung ganito 'tong mga gwapong 'to. Sayang naman.
I sighed.
Ipinaliwanag nila ang buong sitwasyon kay Ren.
"Kung ga'non, paano ang mundo natin? Kung nasa atin ang kapangyarihan ng kristal, nasaan ang tagabantay? May pangako s'ya sa atin!" Aniya Ren at tumayo ito.
Tumayo na rin si Kairo at tumabi kay Gray.
"Hindi namin alam Ren, sa ngayon ay si June ang kailangan natin." Saad ni Gray.
Napabuntonghininga na lang silang tatlo. Kami nila Solenn at Arlene ay pinagmamasdan lang sila. Well, hindi na namin problema ang pinoproblema nila. Nandito lang naman kami dahil sa isinama pa kami nitong si Arlene. Ghad, alam ko na curious lang 'yang babaeng 'yan.
~~~
Napagdesisyunan ng lahat na subukang libutin ang lugar. Mukhang ang misyon ay mahanap ang lahat.
Kapag mahanap na ba ang lahat, aalis na sila?
Naglibot kami sa karatig na baranggay, baka sakaling naroroon ang iba. Nagtatanong-tanong rin kami kung may nahahanap or nakikita silang bola. Kainis nga, this is not my thing. Para kaming mga bata na naghahanap ng nawawalang dragon ball. I should be sitting around in my office while drinking my hot chocolate or coffee. Pagkatapos ay uuwi at magi-internet, update update sa mga fav stans ko, duh!
Kpop is life—
Napahinto ako sa paglalakad dahil aksidenteng may nabangga ako. "O my gosh! I'm so sorry!" Kunot-noong nilingon niya ako. "S-Sorry talaga! Hindi ko sinasadya!"
Ang gwapo!
"Okay lang, miss"
Ang lalim nang boses! Ang manly. Medyo bagsak buhok niya, malaki ang mata. Matangkad. At…pareho ang suot kila Gray…
"Leo!" Napalingon ang poging nabangga ko sa tumawag sa kanya. "Sino 'yan?"
"I'm Larmine" mabilis na pagpapakilala ko. Aba, 'pag ganito bilisan na 'no!
Gwapo rin 'tong kasama niya. Bagsak ang buhok. Cute lips. Parang bata tignan. Matangkad sakin pero mas matangkad sa kanya itong nabangga ko.
Higit sa lahat, pareho sila ng suot.
Wait?—
"Okay lang miss, sa susunod tumingin ka rin dinadaanan mo"
"Oww, ang harsh mo naman Chanie" nilingon niya ako. "Sensya na miss—ah, Larmine. I'm Jake nga pala" ngumiti ito.
Tama kaya 'tong naiisip ko?
"Tara na Baek, hanapin na natin sila" hinila niya itong kasama niya.
Pero baka nagkakamali lang ako.
"O-Oy, teka lang naman—"
"R-Ren" sabi ko. "G-Guardians…?"
Kunot-noong marahan nila akong nilingon.
"A-anong sabi mo?" Bahagyang lumapit sa akin itong matangkad. Nakakunot ang noo niya na dumagdag sa kagwapuhan niya.
"Ren…Gray… Kairo. K-Kilala niyo ba sila?"