Wala ba talaga akong balak pansinin ng nerd na 'to? Nakakahiya siya kasi hindi niya ako pinapansin. My goodness! Kung ibang estudyante siguro 'yong nag-transfer ditto, siguro kanina pa 'yon hinimatay nang makita ako. Kaso eto hindi, e. Ibang klase talaga.
Wait. Baka naman introvert lang siya or worse... baka may Antisocial personality disorder siya?
"Okay. Class dismiss."
Tumayo na kami at lumapit sa kinaroroonan ng busy na si Mr. Nerd at tinawag siya sa pangalan niya nang magiliw.
"Sky right? Uhm– hindi ka pa ba aalis kasi may meeting pa kami baka malate kami." Panimula ko pero tila wala siyang naririnig dahil patuloy lang siyang nag-aayos ng mga gamit niya. Doon ko tuloy napansin na Transford pala ang tatak ng bag niya. Naks! Yaman!
"Excuse?" Kahit hindi niya ako pinansin, giniliwan ko pa rin ang boses at pananalita ko
"Meron namang daan sa side niyo. Bakit hindi kayo dumaan doon?"
Whuut??? Paano niya naatim na sabihin sa akin ang bagay na iyon? Hindi niya ba ako kilala?
"Wow! Mr. Del Valle, hindi mo ba ako kilala? Ako si–" hindi ko na naituloy pa ang sasabihin ko dahil agad na siyang nagsalita.
"Hera Micolah." Aniya "Well, I don't care."
Naiwan akong nakatulala sa kanya kahit pa lumabas na siya. Grabe! Ibang klase talaga. Wala siyang karapatan para sabihin sa akin 'yon, ah! Unang-una hindi siya kilala. Ano 'yon? Porket tatak Transford lang ang bag niya pa-cool na siya? E, baka nga bigay lang sa kanya 'yon, e. Nakakaawa.
"Miss, baka tumanda kayo kaagad jan." Sabi ni Hersh nang makasakay na kami sa kotse. "Kanina pa kayo nakabusangot jan, e."
"Aish! Stop. Wala ako sa mood ngayon kaya wag mo kong kausapin" Sambit ko
"Dahil po ba iyon kay Mr–-" pinutol ko na kaagad ang sasabihin niya.
"Huwag mo nang ituloy pa 'yang sasabihin mo kung ayaw mong masupalpal ko 'yang bibig mo."
Agad akong tinawagan ng manager ko pagdating namin sa bahay. Published na raw ang magazine at scheduled na rin ang Monocco Launching kaya mabubugbog talaga ang week ko ngayon. Hindi naman na ako masyadong sumagot sa mga pinagdadada niya at mabilis ko nang pinutol ang linya matapos niyang sabihin ang mga bagay na iyon. Bahala siya jan.
Maggagabi naman na kaya okay lang siguro kung matutulog na ako. Saka wala naman na akong iba pang gagawin dahil wala namang projects and tinamad din 'yong mga professor namin na magpa-homework kaya hayahay ang buhay.
Alas-tres ng madaling araw nang magising ako. Hindi naman na ako nakatulog pa dahil unang-una, sira na ang tulog ko at pangalawa, wala na ang antok ko.
Maya-maya pa'y may biglang nag-message sa akin.
Si Sky?
Nagtaka pa nga ako kung bakit hindi unknown number ang nag-pop up at mismong pangalan na talaga niya.
Binasa ko ang message niya pero kinilabutan lang ako nang makita iyon.
[See u n hell]
Agad kong pinatay ang cellphone ko nang mabasa iyon. Aish! Sana wrong send lang 'yon.
Kinabukasan, hindi sana ako papasok dahil mayroong meeting ang Monocco Team kaso nga lang naisip ko na sasabihin naman sa akin ng manager ko ang lahat ng napag-meeting-an nila kaya hindi na ako sumama. Sabi nga niya na susunduin niya kami ni Hersh but I refused. Wala naman na siyang magagawa kung ako na mismo ang aayaw sa offer niya. Hindi naman na siya pwede pang magpumilit dahil baka ipatanggal ko siya.
"Miss, nag-message si Lady Hyzelle. Ang sabi niya susunduin ka raw dito ni Mr. Dale para dalhin doon sa Monocco Building." Ani Hersh na nagpainis sa akin.
"E, ayaw ko nga 'di ba. Sabihin mo sa kanila na hindi ako lalabas ng Ceres." Sagot ko.
"Pero ho kasi–-" Hindi ko na siya pinatapos pa sa sasabihin niya dahil agad na akong sumabat.
"Kapag ayaw ko, ayaw ko. H'wag mo nang ipilit."
Napatango naman siya at bakas sa mukha niya ang pagkapahiya dahil sa sinabi ko. Kilala naman na niya ako kaya kung sinabi kong ayaw ko, h'wag na siyang magpumilit o kaya naman sumabat ng hindi ko magugustuhan dahil baka masabon ko pa siya.
Tumunog naman na ang bell pagkatapos na pagkatapos ng long quiz naming kaya naman nagsilabasan na ang lahat maliban ulit sa amin ni Hersh at kay Nerd. Ano ba kasing trip nito? Bakit ba parang wala siyang kaamur-amor sa mga tao? Kay bagu-bago pa lang niya tapos ganyan na agad siya.
"Tara na miss." Anyaya niya. Tumango naman ako at tumayo na pero hindi pa nga ako nakakarami ng lakad, nakarinig na ako ng tinig mula sa kabila.
"Sorry, wrong send." Aniya at dali-daling umalis.
Whuut the–- Ano?
Uh– Buti naman...
"Ano pong ibig niyang sabihin, miss?" Pag-uusisa ni Hersh pero agad ko siyang nilampasan.
"Don't mind him." Aniko.
Sana nga totoo 'yong sinabi niya na wrong send lang iyon dahil baka makalbo ko talaga siya kapag totoo iyong nabasa ko kanina at para talaga sa akin iyon. Hindi pa nga kasi kami talagang magkakilala tapos ganyan na agad i-me-message niya sa akin. Buti pa sana kung 'hello idol' o kaya naman 'napakaganda niyo po' na lang 'yong sinend niya. Baka big'yan ko pa siya ng Monocco Bag kapag nagkataon.
"Miss–-"
"Ano na naman?"
"Nasa labas na po ang staff managers ng Monocco Team."
"Ano?!"
Ikinuyom ko ang aking mga kamao sabay pikit nang sa gayo'y mapawi ang inis na nararamdaman ko. Bakit ba sila ganyan? Hindi ba sila makaintindi? How come na nakapasok sila sa Monocco nang ganyan?
"Sabihin mo sa kanila na may project pa kami." Utos ko pero umiling lamang siya. First time ata niyang umiling sa utos ko.
"Kinausap na rin po kasi ni Mr. Dale ang Dean at sabi niya na pumayag daw ito. Nakapagbigay na rin siya ng excuse letter sa kanya kaya pwede ka na raw pong lumabas ng school." Paliwanag pa niya habang kinakalikot ang cellphone niya.
"E sa ayoko–" Hindi ko na natapos pa ang sasabihin ko sa biglaang pagdating ng manager ko.
"Tara na." Anyaya niya at lumapit sa akin.
"Ayoko sumama." sabi ko at agad na umalis sa pwesto kong iyon.
"Wait." Talagang hinabol pa niya ako.
"Ano ba?" Agad ko siyang nilingon at kinalas ang pagkakahawak niya sa akin. "Ayoko ngang sumama sa meeting!" Napalakas ata ang boses dahil napatingin na sa amin ang mga tao rito.
"H'wag mong ipahiya ang sarili mo." Sambit niya pero umiling lang ako.
"Bahala ka sa buhay mo!"
"Hindi ka rin naman pwedeng tumanggi dahil nakakahiya sa clients kung ikaw mismo ay hindi sisipot sa meeting."
Naningkit naman ang mga mata ko sa narinig. Totoo ba? Akala ko ba exclusive meeting iyon para sa Monocco Team?
"Nice alibi. Pero sorry dahil hindi pa rin talaga ako sasama sayo. May gagawin pa ako at hindi ko priority ang meeting na 'yan." Aalis na muli ako ngunit hindi pa nga ako nakakarami ng lakad, muli na naman siyang nagsalita.
"Kahit kasama pa si Chairman?" Aniya na siyang nagpatigil sa akin.
"What? Kasama si Chairman?" Paninigurado ko.
"Yes." Sambit niya "Actually, seven minutes na siyang naghihintay sa lobby ng Monocco Building."
"Impossible. Nasa States si Chairman at hindi niya ibinabalita sa amin ang pag-uwi niya kaya napaka-imposible na nandito na siya ngayon." Usal ko pa. "H'wag mo nga akong loko–" Hindi ko na naituloy pa ang sasabihin ko dahil biglang nag-ring ang aking phone.
Kinuha ko ito at nakita kong tumatawag si mommy.
[Where are you, Hera? Chairman is waiting.]
Ibinaba ko ang phone nang puno pa rin ng pagtataka. Paano nangyaring hindi man lang ako informed sa pag-uwi niya?
Hindi ko na hinintay pa na magsalita ang kaharap ko at mabilis na akong bumaba sa lobby at lumabas ng Ceres. Nasa harapan lang naman ang sasakyan kaya mabilis akong nakapasok sa loob.
"Tara na." Utos ko kay Richard kahit wala pa si Mr. Dale.
"Miss, wala pa po si Mr. Wilkins." Ani Hersh.
"I don't care."
Mabilis na pinatakbo ni Richard ang sasakyan kaya mabilis din kaming nakarating sa Monocco.
"Tara na, miss." Binitbit niya ang aking bag.
Dali-dali akong tumakbo at dumiretso sa lobby para hanapin si Chairman pero wala na siya.
"Miss, nasa fifth floor na po sila." Saad ng aking kasama at mabilis kaming nagtungo doon.
Nilingon kami ng lahat ng staff habang inihahanda ang coat na gagamitin ko sa loob.
"Ms. Hera, nasa Dining Room na po silang lahat." Tinanggal ng isa sa kanila ang jacket at glasses ko saka isinuot sa akin ang bago.
Pagdating ko roo'y huminto muna ako sa tapat ng pinto at huminga nang malalim.
"Open the door." Utos ko kay Hersh na agad naman niyang sinunod.
Dahan-dahan akong pumasok sa loob. Kinakabahan ako. Hindi ko alam ang gagawin ko kapag nakaharap ko na si lolo.
"Oh my darling, you're here!" Bungad sa akin ni mommy at agad akong niyakap pagkapasok na pagkapasok ko sa loob.
Tch. Plastik.
"Sabi ko naman sa kanila na kaya mong makarating dito. I'm so happy to see you." Hinimas-himas niya ang ulo ko na parang batang pinapatulog habang nakatingin nang matalim sa aking mga mata.
Best actress. Sa kanya ata ako nagmana, e.
Nakita ko naman si lolo na tumayo at lumapit sa amin. Tumayo siya sa harap ko at ngumiti.
"Nice to see you again, Hera." Bati nito sa akin at niyakap ako.
"Welcome back, 'Lo" nanginginig kong sabi.
Kumalas naman na siya sa pagkakayakap sa akin at nagtungo na sa upuan niya pero bago pa siya umupo, itinuro niya muna ang silya na nasa tabi saka tumango which means na iyon ang magiging pwesto ko.
Hindi ko alam ang gagawin ko. Kabang-kaba na ako dahil bukod sa katabi ko si lolo, nandito pa ang buong family namin. Akala ko clients ang nandito pero hindi pala. Buti na lang at nasa tapat ko si Relzé at katabi naman niya ang mom and dad niya. Bali nasa side ko ang family namin at kaharap naman namin ang buong family niya.
"So, siguro alam niyo naman na ang pag-uusapan natin." Panimula ni lolo.
"Yes, Chairman." Sagot ni Tita Maytha, ang mommy ni Relz.
Ang cold talaga niya. Pero kahit na ganoon, mas gusto ko naman siya kaysa kay mommy dahil hindi siya plastik.
Natapos ang dinner nang wala man lang masyadong lumalabas sa aking bibig. Puro tango at okay lang at bukod doon wala na.
Umalis na kami ni Hersh sa building matapos ang meeting. Hiwalay ang sinasak'yan ng parents ko sa akin. Umuwi na rin sina tita pagkatapos na pagkatapos ng dinner. Actually, hindi na nga nila kami hinintay. Si lolo naman, separate din ang sasakyan niya sa akin pero doon din naman siya didiretso sa bahay. Nabawasan naman na ang kaba na nararamdaman ko pero hindi pa rin ito nawawala.
Pagkauwi namin, agad na inihanda ni Yaya Felis ang gatas ko at ibinigay iyon sa akin.
"Jan na lang muna." Utos ko at kumuha ng cucumber sa ref at ibinigay iyon sa kanya. "Pakihiwa."
Tumango naman siya at mabilis na hiniwa ang cucumber at ibinigay sa akin ang slices no'n. Kumuha ako ng dalawa at inilagay sa mata ko. Masyado akong stressed ngayong araw. Magmula sa pahirap na quizzes kaninang umaga, kay Nerd , at doon na nga sa dinner. Pasalamat talaga ako kay Lolo dahil hindi siya pumayag na sumama ang hindi namin kamag-anak. And yes, I am referring to Mr. Dale.
"Miss, nanjan na po sila." Sambit ni Hersh.
Tinaggal ko agad ang nakalagay sa aking mata at dali-daling bumaba sa sala. Nakita ko ang mga maids na binubuksan ang pinto kaya mabilis na akong nagtungo sa entrance at inabangan sila.
"Welcome home po." Bungad ko sa kanila.
Nakangiting pumasok sa loob si Lolo samantalang naka poker-face pa rin sina mommy at daddy. Mga mapagkunwaring mga tao talaga kahit kailan. Sabagay, saan na nga ba ako magmamana?
Paakyat na sana ako sa taas nang bigla akong tawagin ni mommy.
"Hera." Anito "Umupo ka."
Sa tono pa lang ng pananalita niya ay halatang sesermonan na naman niya ako.
"Ano bang nangyari sa'yo? Bakit late ka ng fifteen minutes? Nakakahiya! Buti na lang talaga at pumunta sa school niyo si Mr. Dale dahil kung hindi, baka hindi ka na dumating pa." Panimula nito nang makaupo na.
"Sorry po mommy. Hindi na po mauulit." Sambit ko pero alam ko naman na hindi siya tatablan ng paawa looks ko.
"Anong magagawa ng sorry mo? Tapos na. Wala na. Late ka na nga tapos ganyan pa 'yong itsura mo. Nakakahiya talaga. Nakakahiya ka." Kung hindi ko lang siguro 'to magulang, kanina ko pa siya nasuntok. "Ayoko na 'tong maulit." Dagdag pa niya bago naglakad palayo.
Umakyat na rin ako sa kwarto ko matapos niya akong pagalitan. Mabuti nga't hindi na ako bata para palu-paluin niya. Besides, hindi rin naman nila ako pinapalo no'ng sunud-sunuran pa ako sa kanila. Psh. Kailan ba ako sumuway sa kanila?