"aaaaa! Elle, pupunta tayo ng ibang bansa!!" pang-ilan na 'tong sinasabi sa akin ni Gale habang inaalog balikat ko. Buong byahe namin wala siyang ginawa kundi iyon ang sabihin.
Andito na kami ngayon airport, kakadating lang. Actually it's 5:15 in the morning only, at 7:30 AM pa ang flight namin. 2 hours before the flight dapat andito na kami sa airport. May mga visa naman kami, madali din namin naayos yung passport. 
"Hey, akala ko uurong ka e" tinago ko muna nag cellphone ko sa bag bago lingunin si Dean. 
"kawawa ka naman kapag hindi ako pumunta," tumayo ako at lumipat ng ibang waiting area. Dalawang waiting area ang magkatabi at magkatabi dito, bale apat.
"I'm sorry, if I force you, I just want to.."
"to what?"
"nevermind." he chuckled.
Kinuha ko na lang ulit ang cellphone ko kasama ang headset ko. Umupo ako habang tinitingnan ang mga eroplano na andun sa kabilang gilid. Tanaw na tanaw ko. Hanggang sa may humagip ng isang pares ng headset ko.
"Uy! broken ka ba?" Dean chuckled. Umiling ako.
"Eh bakit fine yung pinapakinggan mo?"
"Favorite ko mga kanta ni Taeyeon, may masama?" sabi ko ng walang emosyon sa mukha.
"Ohhh" 
Hinayaan ko na lang siya, pansin ko lang hindi siya mahilig sa kpop, napailing pa siya nung napakinggan niya yung ibang kanta ni Taeyeon sa My Voice.
Lumipas ang oras, nanatili si Dean sa tabihan ko. Nasa sulok kami, kaya nakasandal ang ulo niya sa pader. Napapikit ako ng biglang tumama sa posisyon namin ang sinag ng araw. Tumingin ako sa orasan at 7AM na, lumingon ako kay Dean na natutulog habang nakasandal pa din ang ulo sa pader.
"tama na bebe time sis kailangan na tayong pumasok ng airport," napatalon ako sa kinauupuan ko dahil ni Gale. Bigla bigla na lang sumusulpot! Tumingin ulit ako kay Dean at nanlaki ang mata ko nang makita kong gising na siya. Kinukusot pa ang mata at silaw sa sinag ng araw.
"I-Im sorry. I didn't mean to,,,I mean da–"
"It's okay Elle. Tara na" sabi niya pa bago ayusin ang buhok niya. 
Napatawa na lang ako sa itsura niya pero hindi agad nagtagal iyon dahil nahuli niya ako. "Why are you laughing? May dumi ba ako?" umiling ako. I smirked before standing up.
Hindi na ako nag-abala pang intayin siya bagkos hinabol ko na lang yung tatlo. Kakaunti lang din dinala naming mga damit kasi alam naming doon din kami makakabili. Ganun kami.
"Uy! Picturan niyo muna ako!!" Gale pouted. Natawa ako dahil sa mga inaasta niya ngayon, para siyang bata. 
Agad namang kinuha ni Jai ang cellphone ni Gale para picturan siya. Nagpose si Gale na hawak ang plane ticket, visa, passport at nasa gilid niya ang maleta niya. Halata kay Jai na gusto niyang magreklamo pero hindi niya pa din ginawa. Minsan lang din naman ito kaya okay na din.
"Dean! Picturan mo kaming apat bilis na!" si Dean naman ang kinulit ni Gale. Wala na ding nagawa si Dean kundi kuhanin ang phone ni Gale at ginawa ang favor.
Pumwesto ako sa tabi ni Jes. Kami ni Gale nasa gitna. Ngumiti ako at nag-wacky sign. Nag-take din ako ng solo pictures for instagram, and also for memories. Pumasok na kami after naming maipakita ang visa namin sa entrance. May mga inasikaso pa din kami pagkatapos pero hindi nagtagal ay tinawag na ang flight namin. 
Mas nauuna si Gale at Jes. Kami ni Jai kasabay si Dean maglakad. Medyo naging awkward yung atmosphere pero naalis din naman agad iyon ng makadating na kami mismo sa bus, sumakay na lang kami hanggang sa makarating kami mismo sa eroplanong sasakyan namin.
Nauuna kaming magkakasama kesa sa ibang pasahero. Nauna kasi kaming nakasakay sa bus, si Gale pa din ang nauuna sa aming lahat, kahit sa pagakyat sa eroplano.
"Uy! Cap safe skies!" bati ni Gale sa piloto na kakalabas lang sa cockpit. 
"enjoy your flight," ngumiti yung piloto.
"mas mage-enjoy ako captain kung ikaw sasakyan ko," I saw Gale smirked.
Napailing na lang si Cap sa kaniya habang tumatawa. Sininyasan ko si Jes na itulak na si Gale papasok dahil baka ano pang masabi. Ang daming mga staffs dun, yung mga FA na nasa pinto, lahat lahat. Ako yung nahihiya e!
Habang pinapakita ko sa FA yung ticket ko, lumingon ako kay Dean na nasa likod ko. Minamasahe na niya sentido niya. Jusko ka Gale! 
Nang dumaan ako sa harap ni cap, nag-peace sign na lang ako as my apology. Tumango lang ito at ngumiti. Mukha naman siyang mabait talaga. Mukhang anghel yung mukha.
Dumaretso na ako sa loob at hinanap ang seat ko. Makakarating na sana ako kung hindi lang umurong 'tong si Gale.
"Swerte nung mga FA dito no? Nakasama si cap," hindi ko na napigilan sarili ko kaya nabatukan ko siya.
Three seats ang meron dito, at two rows. 17B ang number seat ko, kaya nasa pagitna pa ako at right side. Ineexpect kong makakatabi ko ay isa sa tatlo pero nagkamali ako. Isang chinese ang dumating, at siya ang tabi ng bintana, 16B siya. Ako ang nasa gitna, hinihintay ko kung sino ang nasa 18B at laking gulat ko na si Dean ang umupo.
Magsasalita dapat ako para punahin siya pero pinakita agad niya ang plane ticket sa akin at nakasulat doon na 18B nga ang seat number niya. Tumayo ako bahagya para hanapin yung tatlo. Si Gale nasa bandang paunahan. Sina Jai at Jes, magkahiwalay din pero magkalapit lang sila ng upuan sa bandang likuran.
"Good afternoon passengers. This is the pre-boarding announcement for flight 89B to Qatar. We are now inviting those passengers with small children, and any passengers requiring special assistance, to begin boarding at this time. Please have your boarding pass and identification ready. Regular boarding will begin in approximately ten minutes time. Thank you." 
Nang maramdaman kong tumataas na ang eroplano, pilit akong tumitingin sa bintana, gusto kong makita ang magandang ulap, ang liwanag ng araw. Binuhay ko din ang cellphone ko para magpicture kaso hindi ko magawa dahil nagpi-picture din yung chinese.
Agad na naginit ang dugo ko nang saraduhan nung chinese yung bintana! Wtf!
Tinago ko na lang ang cellphone ko at pinagkrus ang mga kamay sa dibdib ko. Kingina panira! 
"bakit magkasalubong 'yang kilay mo?" bulong ni Dean. Hindi ko siya sinagot at bagkos tumingin lang sa chinese na katabi ko.
"Hi. Uhm can we exchange our seats? my girlfriend just wants to see the beauty of the sky," bulong ni Dean sa chinese.  
Gusto ko sanang magsalita pero pumayag agad yung chinese kaya ako ang pumalit sa kaniya, si Dean naman nasa gitna kasi ayaw niya daw na katabi ko yung chinese. Hindi na ako nagdalwang isip na mag-picture na mag-picture. 
Halos yun na lang ginawa ko sa ilang oras ng byahe namin, sa kaboringan ko pati si Dean pinagtripan ko. I don't know if he feels uncomfortable, hindi din naman nagtagal yung panngungulit ko dahil baka mairita siya. Hanggang sa nakatulog na lang ako.