"Broken ka ba, pre?" Tanong ni Grant at uminom sa baso niya.
Sinamaan ko siya ng tingin at uminom sa baso ko, "Stress lang."
"Sa babae?" Pagbibiro niya.
"Wala akong babae," Sabi ko at inirapan siya.
Sunod sunod ang pag-inom ko kaya akala niya siguro na broken ako. Stress lang talaga ako ngayong araw. Wala naman akong balak mangbabae at hindi ko gawain ‘yon.
"Matagal na rin ‘yong huling nagka-girlfriend ka, ah?" Pang-aasar nito sa akin. "Wala kang balak pumasok sa relasyon ulit?"
"Wala pang dumadating," Kibit balikat na sabi ko.
Hindi naman talaga ako naghahanap at alam nila iyon. Kapag may dumating sa buhay ko, edi magte-take ako ng risk. Malay natin baka ayon na talaga yung para sa akin. Pero mas naniniwala pa rin ako sa taong dadating sa buhay ko na hindi ko inaasahan. Unexpected kumbaga.
Sunod sunod ang pag-inom ko nang biglang may nahagip ang mga mata ko. Naroon siya sa isang sofa at siya lang mag-isa. Nakasuot siya ng plunging halter neck bodysuit at high-waisted skirt tsaka heels. May lumalapit sa kaniya pero pinapaalis niya lang. Naiinis pa siya kapag makulit sa kaniya ‘yong lalaki. Hindi ko namalayan na nakatingin lang pala ako sa kaniya magdamag.
Sa tuwing pupunta ako rito, palagi ko siyang nakikita pero hindi ko magawang lapitan at itanong kung anong pangalan niya. Kasama niya rin ‘yong mga kaibigan niya minsan kapag pumupunta sila rito. Nakatingin lang ako sa kaniya magdamag. Minsan inaambahan ko ‘yong mga lalaking makukulit sa kaniya. Kilala na rin ako rito sa bar na ‘to kasi palagi akong pumupunta rito. May access na rin ako rito.
"Girlfriend ko nga pala," Pagpapakilala ni Green sa kasama niya. Maganda siya pero mas maganda pa rin ‘yong babae ko. "Si Adaly."
Maka-babae ko naman ako, hindi ko pa nga siya kilala. Pero teka... Siya yung nakikita kong kasama nung mahal ko, ah?! Ibig sabihin malalaman ko na kung anong pangalan niya?!
"Single ka?" Nabigla ako sa unang bungad niya, pati sina Green at Grant.
Sinamaan ng tingin ni Green iyong girlfriend niya, "Type mo?" Galit na sabi niya.
Seloso si gago.
"Huh? Hindi! Tinatanong ko lang kung single siya kasi irereto ko siya sa kaibigan ko. Maganda ‘yon! Wait... Papakita ko sayo yung picture niya," Kinuha niya yung cellphone niya at parang may kinakalikot siya sa gallery niya. Lumapit siya sa akin at pinakita yung picture ng taong gusto kong malaman kung anong pangalan niya. "Ang pangalan niya ay Keely Tazanna Villegas. Ang nickname niya ay Tayla. Wala pa siyang boyfriend kasi takot siyang magtiwala ulit. Nirereto ko na sayo!" Natatawang sabi nito.
Nakatingin lang ako sa picture niya. Ang ganda talaga niya. Tayla pala pangalan niya. Ang ganda ng pangalan niya kasing ganda ng mukha niya. Buti na lang kaibigan ni Tayla ‘yong naging girlfriend ni Green. Nalaman ko rin yung pangalan niya.
"Tama, pre. Ang tagal mo na walang girlfriend eh," Pang-aasar ni Green pero inirapan ko lang siya at uminom ulit sa baso ko.
Soon, Tayla. Makakausap din kita.
"Pre, pupunta raw dito mga kaibigan ni Adaly," Tumango lang ako sa sinabi ni Green.
Ibig sabihin makikita ko na si Tayla. Sabi ni Green, ipapakilala raw ni Adaly sa mga kaibigan niya si Green. Tamang tama rin daw na nandito ako para makilala ako ni Tayla. Hindi ko sinabi sa kanila na matagal ko na siyang napapansin kapag pumupunta sila rito.
Medyo natagalan sila pero sinabi ni Green na willing to wait kami which is totoo naman. Kahit ilang oras pa ‘yan basta maghihintay ako para lang makita ko siya.
Maya maya ay dumating na rin sila. Lumapit sila sa amin pero napansin kong napatingin siya sa akin. Pinakilala ni Adaly si Green sa kanila. Nakipag-shake hands si Tayla kay Green na gusto kong pigilan pero hindi ko magawa. Biglang tumabi si Tayla sa akin kaya para akong naestatwa sa upuan ko ngayon.
"Kunwari ka pa, Tayla. Parang kanina ayaw mo pang sumama ah," Pang-aasar sa kaniya ng isa niyang kaibigan. Feya ata ang pangalan niya kung hindi ako nagkakamali. Inirapan lang ni Tayla ang kaniyang kaibigan at tinawanan siya ng dalawa niyang kaibigan.
Ang ganda pa rin niya kahit umirap.
Nagkanya-kanya na silang usap. Si Green kinausap na niya si Adaly. Si Grant naman ay nakikipagkwentuhan. Kaya ako... Makikipaglandian ako sa mahal ko.
"So..." Napatingin siya sa akin para ngang nagulat pa dahil bigla akong nagsalita. Nakatingin lang ako sa kaniya habang nakangisi. "Keely Tazanna Villegas, nice name."
Ang ganda ng pangalan mo kasing ganda mo. Nanlaki ang mga mata niya dahil alam ko raw pangalan niya. Tinanong niya kung paano ko nalaman kaya sinabi kong nireto siya sa akin ni Adaly kaya ko nalaman pangalan niya. Napatampal siya sa noo niya noong sinabi ko ‘yon. Kinuha niya iyong beer na nasa harap niya at ininom. Napangiwi pa siya dahil sa lasa. Hindi ko alam kung sanay itong uminom. Sunod sunod lang ang lagok niya parang ginawa niyang tubig yung iniinom niya.
Binalaan na siya ni Adaly na huwag siyang masyadong uminom kasi hindi siya sanay uminom pero hindi siya nakinig at sunod sunod pa rin ang pag-inom niya.
"Tayla, tinamaan ka na ata," Sabi sa kaniya ni Feya.
Tinuro niya ang sarili niya, "Ako? Tinamaan?" Tanong niya. Napatingin siya sa gilid ko at lumapit siya masyado at nilagay niya ang kamay sa dibdib ko. Hindi ako makagalaw sa ginagawa niya! "Tinamaan na talaga ako sa kaniya. Type ko siya eh," Parang malandi niyang sabi habang nakatitig sa mga mata ko.
Narinig kong naghiyawan ang mga kasama namin pero heto ako... Napangisi na lang ako sa sinabi niya at hinawakan ko siya sa bewang. Nagulat pa siya sa ginagawa ko na parang hindi niya inaasahan na gagawin ko iyon. It's a tie, mahal. Tinamaan na rin ako sayo. Nilapit ko pa siya masyado sa akin kaya napakapit siya sa damit ko. Nakatitig ako sa mga mata niya hanggang sa napinta sa labi at ganoon din siya. Napakagat siya sa labi niya at nagulat ako noong hinalikan niya ako. Sinagot ko ang mga halik niya, pinisil ko ang tagiliran niya at mas lalo ko siyang nilapit sa katawan ko. Ilang minuto rin kaming naghahalikan nang bigla siyang lumayo. Nakatitig lang kami sa isa't isa.
Tangina, ang hot nun.
Bigla siyang umalis at sinabi niyang uuwi na siya, "Green, paki-pigilan siya. Hindi ko kayang magmaneho baka maaksidente lang ako," Utos ko sa kaniya. Naparami ang inom ko kaya ako pwedeng magmaneho.
Sumunod naman siya sa akin at umalis na. Naghihintay lang kami rito na bumalik silang dalawa at nag-aalala na ‘yong dalawa niyang kaibigan kasi hindi raw sinasagot ni Tayla yung tawag nila.
"May nangyari na ba sa kanila?!" Nag-aalalang tanong ni Feya. Biglang may tumawag sa kaniya kaya sinagot niya ito. "Hello?.. Ano?!... Sige, pupunta po kami riyan."
"Sino ‘yon?" Nagtatakang tanong ni Adaly, naghihintay din ng balita.
"Naaksidente raw silang dalawa. Nasa hospital sila ngayon."
Noong nalaman kong naaksidente siya, nawala bigla yung pagkalasing ko. Pumunta kami sa hospital nun at nakita namin kayong dalawa. Ang sabi nila ay nagkabanggaan daw kayong dalawa. Hindi pa kayo nagigising mga ilang araw na kaya palagi kitang binibisita.
"Hi, mahal ko," Nakangiting sabi ko sa kaniya. "Gumising ka na, mahal. Gusto ko na makitang nakangiti ka. Gusto na kitang makasama at mahalikan. Gusto ko na sabihin sayo na unang kita ko pa lang sayo ay nahulog na agad ako sayo. Magsasama pa tayo habang buhay kaya bangon na, mahal."
Hindi ako nawawalan ng pag-asa at nagdadasal ako na sana isang araw ay magising ka na rin. Palagi akong pumupunta sa kwarto mo at nagtataka sila kung bakit sayo ako madalas napunta.
"Bakit hindi ka kay Green pumunta? Balita ko hindi ka pa raw bumibisita roon?" Nagtatakang tanong ni Grant noong pumasok na naman ako sa kwarto ni Tayla.
Umupo ako sa upuan, "Nandoon naman kayo at yung girlfriend niya," Mabilis kong sabi at tumingin ulit kay Tayla.
"May gusto ka ba sa kaniya?" Nagulat ako noong tinanong ‘yon ni Feya sa akin.
"Wala ah," Mabilis kong sabi.
"Talaga ba?" Nakangising tanong ni Adaly, dumating na pala siya rito sa kwarto ni Tayla. Bakit ba kasi sila nandito?! "Kung hindi mo mahal si Tayla, laro nga tayo ng truth or dare," Suggest nitong babaeng ‘to.
Napakunot ang noo ko sa sinabi niya. Dito talaga kami maglalaro kung kailan nakahiga sila rito sa hospital bed? Tama bang maglaro kami habang hindi pa sila nagigising? "Dare," Wala akong choice dahil alam kong hindi niya ako titigilan.
"Kapag gising na si Tayla, magpanggap tayo na may relasyon tayong dalawa," Nahihibang na sabi niya.
"Siraulo ka ba? May boyfriend ka!" Singhal ko sa kaniya.
"Sasabihin ko kay Green itong dare natin. Maintindihin naman ‘yon baka nga tumulong pa siya eh," Kibit balikat na sabi niya.
Ano bang pakulo nitong babaeng ito? Gusto ko pang mabuhay.
Noong nagising si Green, sinabi niya iyong dare namin. Okay lang sa kaniya basta raw huwag kong halikan si Adaly. Kahit huwag niya na sabihin ‘yon kasi hindi ko talaga siya hahalikan. Para kay Tayla lang itong labi ko.
"Gagala ba tayo nga—"
Napahinto siya sa harapan namin nang makita kami. Gising na si Tayla at makakalabas na siya ngayong araw. Nandito na siya sa harapan ko pero hindi ko pwedeng yakapin.
"Bakit ba parang nakakita ka ng multo kanina?" Tanong ni Adaly. Tumingin ulit si Tayla sa amin. "Ah! Dahil sa kanila ba? Nako! Hi, babe!" Lumapit si Adaly sa akin at hinalikan ako sa pisngi.
Nagulat ako noong hinalikan ako sa pisngi ni Adaly kasi wala ‘yon sa usapan namin. Sumulyap ako kay Green pero kay Tayla lang siya nakatingin. Inakbayan ko si Adaly. "Okay lang, babe. Naiintindihan namin," Sabi ko at nginitian siya.
Napaiwas naman siya ng tingin dahil sa ginawa ko. Bakit parang hindi niya ako maalala? Hindi siya nagka-amnesia sa pagkakaalam ko.
"BABE?!"
Ikaw pa rin ang mahal ko. Sayo pa rin ako uuwi, mahal.
"Bakit ba ang tagal mo?" Chismosang tanong ni Adaly. Nandito na kami sa starbucks kasi magkukwentuhan daw kami. Nakakahiya naman kung doon kami sa hospital mag-usap.
"Pake mo?" Masungit na tanong ni Tayla sabay sipsip sa iniinom niya.
Ang cute magsungit.
"Wow! Taray ah," Mapang-asar na sabi ko sa kaniya pero inirapan niya lang ako kaya mas lalo akong napangisi. Hindi lang ‘yan ang gusto kong sabihin sayo, mahal.
Nakuwento ni Green sa amin na napanaginipan niya raw kami at parehas sila ni Tayla ng panaginip. Hindi maalala ni Tayla yung nangyari sa bar kaya hindi niya rin matandaan yung halikan namin at sinabi niya sa akin na type niya ako.
"Parehas kayo ng panaginip? Naks! Destiny ‘yan?"
Destiny, my ass.
"Yown oh!" Panggagatong ko para hindi halatang badtrip ako sa kanila.
Sinabi pa niya na hindi raw halatang may relasyon kami. Malamang! Wala naman talaga kaming relasyon ni Adaly. Dare lang ito. Kung hindi lang sa dare, hindi ako papayag.
Hindi ko sinabi sa kanila yung nararamdaman ko kay Tayla dahil alam kong marami siyang katanungan sa isipan niya at maguguluhan lang siya lalo. Bibigyan ko muna siya ng space.
"Bakit kasi hindi mo na lang aminin na may nararamdaman ka para kay Tayla?" Tanong ni Grant.
"Sorry na, pre. Gusto ko lang naman tumulong."
Sinamaan ko ng tingin si Green, "Tumulong? Sa paghalik sa kaniya?!" Galit na tanong ko.
Nalaman ko kasi na naghalikan daw sila kaya muntik ko na siyang suntukin. Ako nga hindi ko magawang halikan si Adaly tapos siya hahalikan niya mahal ko.
"Panigurado naman na maguguluhan na iyon," Inirapan ko lang siya at uminom ulit sa iniinom ko.
Nandito ako ngayon sa bar kung saan ko nakita si Tayla. Nandito rin sila Grant. Araw araw akong pumupunta sa Rainbow Escape para kausapin siya pero hindi ko siya naabutan. Alam kong umiiwas siya sa amin kasi inamin ko na sa kaniya na wala talaga kaming relasyon ni Adaly. Sinabi ko rin na sila talaga ni Green ang may relasyon kaya sinisisi niya ang sarili niya. Sinabi ko rin sa kaniya na mahal ko siya at hindi ko alam kung anong nasa isip niya noong oras na iyon.
"Apo, gusto mo bang tulungan kita?" Napatingin ako kay lola na nasa harapan ko, kumakain kasi ako ngayon dito sa kanila. Binisita ko sila lola kasi matagal ko na rin siyang hindi nabibisita.
"Pwede ba, lola?"
"Oo naman. Gusto kitang matulungan para hindi ka na malungkot diyan!"
Tinulungan ako ni lola. Pumunta kami sa Rainbow Escape pero hindi ko alam kung anong gagawin niya para makausap si Tayla. Hindi ko nga alam na magpapanggap pala siyang hindi sapat yung pera niya, napakayaman niyan kaya sapat na sapat yung pera niya! Habang nag-uusap sila, pakiramdam ko nagkukwento sa kaniya si Tayla. Noong matagal na silang nag-uusap, pumasok na ako sa loob at napatingin siya sa akin. Nakatingin lang ako sa kaniya habang nakatayo ako rito sa entrance. Napapangiti ako sa tuwing nagtataka siya sa mga pinagsasabi ni lola pero nawawala rin ang ngiti ko kapag tumitingin siya sa akin.
Noong tumayo si lola para umalis na, sinipa niya pa ako sa paa... Sa harapan pa ni Tayla!
"Hi, mahal!" Nakangiting bati ko sa kaniya sabay hawak sa bewang niya.
Umismid lang siya sa akin, "Walang tayo," Pambabara niya sa akin.
"Darating din tayo riyan," Seryoso kong sabi sa kaniya.
At dumating na nga ‘yong araw na naging akin na siya.
"Mahal kita," Malambing na sabi niya sa akin at hinalikan ako sa labi.
"Mahal din kita," Nakangiti kong sabi sa kaniya at niyakap ko siya sa likod.
Nakatingin lang kami ngayon sa sunset at pinapanood ang paglubog ng araw. Nandito pa rin kami sa Balesin Island, noong nakaraang araw niya lang ako sinagot.
"Mamahalin kita habang buhay," Seryoso kong sabi sa kaniya at hinalikan siya sa gilid ng ulo niya.
Hinawakan niya ang braso ko na nakapatong sa bewang niya, "Mamahalin din kita habang buhay. Tayo ang magkakasama hanggang sa huli."
Masarap magmahal kapag mahal ka rin ng taong mahal mo. May dadating na tao sa buhay mo na hindi mo inaasahan at ‘yong taong iyon ang makakasama mo habang buhay. Hindi mo alam na siya na pala ang mamahalin mo habang buhay.
Buti na lang dumating na ‘yong taong mamahalin at makakasama ko habang buhay. Sana kayo rin... Dumating na iyong taong para sa inyo.