NANDITO silang tatlo sa harapan namin nina Adaly at Feya. Wala pa kasi ‘yong susunod naming teacher kaya dito muna sila pumwesto.
"Gusto mong tulungan kita?" Pag-aalok ni Green.
"Hindi na. Kaya ko naman,” Pagtanggi ko.
“Tinanong ko si Ma’am kanina, pwede ka raw maghanap ng assistant mo kasi alam niyang mahihirapan ka kung wala kang assistant kaya ako yung magiging assistant mo. Ako na nagvolounteer na magiging assistant mo.”
Okay, fine. Kailangan ko rin naman ng katulong dito sa task namin.
Tumingin ako sa apat, “Bibigyan ko kayo ng sasabihin niyo para sa play at magkakaroon tayo ng audition para malaman ko kung sino dapat gaganap na role,” Paliwanag ko sa kanila at tumango sila sa sinabi ko.
“Nakalimutan nga pala namin na magpakilala. Ako nga pala si Adair Felicity Cuares pero tawagin niyo na lang akong Adaly.”
Brown ang kaniyang buhok na hanggang balikat, matangos ang ilong, chubby cheeks, mapula ang labi at medyo singkit ang mata.
"Ang ganda nang pangalan mo kasing ganda mo," Banat ni Edvin.
Halatang magaling bumanat tsk tsk.
"Ako naman si Felicia Shreya Tran pero Feya na lang ang itawag niyo sa akin.”
Brown din ang buhok niya na hanggang balikat din, matangos ang ilong, mapula ang labi at singkit ang mata. Naks! Bagay na bagay sila ni Grant ah.
"Parang bata ‘yang mukha mo," Barumbadong puna ni Grant.
“Baby face kasi ako,” Hinawi niya ang ilang buhok niya at nilagay sa likod ng tainga niya. Nagpacute pa ang gaga. Sana all baby face.
Tumingin sila sa gawi ko. Kailangan ko pa bang magpakilala kung narinig na nila pangalan ko? Okay, fine.
“I’m Tazanna Keely Villegas pero tawagin niyo na lang ako na Tayla,” Ngumiti ako sa kanila.
Brown din ang buhok ko katulad nila malamang sabay kami nagpakulay ng buhok, hindi masyadong singkit ang mata ko, chubby cheeks pero mas chubby lang yung akin kumpara kay Adaly at matangos ang ilong at kissable lips. Pwedeng pwedeng halikan!
“Ang ganda mo, my beautiful princess,” Puri ni Green sa akin. I know right!
“Woooooowwww! Narinig mo ‘yon, Grant?! Bumabanat na Berde natin!” Humalakhak pa siya. Tuwang tuwa ‘yan?
Binatukan ni Green si Edvin at sinamaan ng tingin, “Huwag sabing tagalugin pangalan ko eh! Ang laswa pakinggan lalo na’t ikaw nagsasabi! Baka sabihin nila lalo na si Tayla na berde ang utak ko!” Singhal niya.
Wala po akong iniisip at sinasabi. Siya lang naman nag-iisip ng ganoon. Ang bait bait ko kaya rito!
“Bakit hindi ba?” Inakbayan ni Grant si Green pero inalis lang ito ni Green.
"Isa ka pa! Hindi ko alam kung bakit ko kayo naging kaibigan tsaka huwag kang magsalita at baka mapatalsik na naman tayo dahil diyan sa bibig mo!"
"Gwapo kasi kami kaya mo kami naging kaibigan," Sabay na sabi nina Grant at Edvin.
“Anong meron sa bibig ni Grant? Magaling ba?”  Napatampal na lang ako sa noo dahil sa sinabi ni Feya. Sana maging maayos itong kinalalabasan na ‘to.
--
PANIBAGONG araw na naman ngayon kaya panigurado mapapagod na naman ako.
“Anak, halika na. Kumain ka na muna bago ka pumasok,” Sabi ni mama.
Umupo ako tsaka kumuha ng kanin at hotdog.
“Kamusta ang pag-aaral mo, anak?” Tanong ni papa.
Nilunok ko muna yung nginunguya ko bago ako sumagot sa kaniya baka batukan ako kapag sumagot ako sa kaniya ng may laman ang bibig.
“Okay lang po. May performance task kami na gaganapin sa February. Ako yung inatasan na gumawa ng script at magiging director pero may assistant ako kaya okay lang,” Kwento ko sa kaniya.
Pumalakpak si mama habang si papa naman ay ngumiti. Luh!  Nagtatawag lang ng kalapati, Ma? Char! Bakit ngumingiti?! Mahirap kaya ‘yong gagawin namin.
“Alam namin ng papa mo na magagawa mo ‘yan at magiging maganda ang kinalalabasan. Kamusta ka naman, anak? Wala bang masakit sayo?” Nag-aalalang tanong ni Mama sa akin.
“Secret walang clue,” Pilosopo kong sagot kaya nakatanggap ako ng malakas na hampas galing kay mama. Masakit ‘yon ha!
“Sapakin kita you want?” Panghahamon ni mama. Wow! Gumaganiyan ka na, Ma?! Char.
“Ito si mama hindi mabiro hehe. Wala pong masakit sa’kin. Okay na okay po ang pakiramdam ko. Pagod lang utak ko.”
“Pagpahingahin mo.”
“Nice suggestion, Ma. Pero paano ko muna pagpapahingahin utak ko?” Sinamaan ako ng tingin ni mama. Yung tingin na ‘hindi ka talaga titigil?’
Umiling si papa sa bangayan namin, “Basta sabihan mo kami kapag may masakit sayo ha?” Paninigurado niya.
“Opo.”
Pwede bang pagpahingahin ang utak? Kung pwede, gagawin ko talaga! Send answers.
NANDITO na ako sa school namin at nakatulala. Iniisip ko yung script kahit wala akong isip. Hindi ko alam kung paano ko sisimulan. Hindi naman kasi ako nagsusulat talaga ng mga ganoon kaya hindi ko alam kung paano.
“Taylaaaaaa!”
Nakalimutan kong may dalawa pala akong kaibigan na parang nakalunok ng megaphone. Tinignan ko sila habang palapit sa akin hanggang sa nakaupo sila sa tabi ko.
"Problema niyo?"
"May naisip ka na ba para sa play natin?" Tanong ni Feya.
“Wala pa, bakit? Tutulungan niyo ba ako mag-isip?” Nagpapacute pa ako sa kanila baka gumana yung kakyutan ko.
“Sorry, bobo po ako eh. Sorry. Hindi ko kayang sagutin ‘yan.”
Walang emosyon lang akong tumingin sa kanilang dalawa. Pangit kabonding!
"Thursday na ngayon. Baka sa lunes kailangan na yung script. Meron ka na lang apat na araw para gumawa," Saad ni Feya.
Napakamot na lang ako sa ulo. Hindi talaga gumagana utak ko ngayon! Kailan kaya gagana?!
"Ano yung nasa isip mo?" Tanong ni Adaly.
Kilalang kilala talaga niya ako.
"Hindi ko alam kung anong klaseng genre ang gagawin ko. Kung romance ba, paano ko naman iyon gagawin? Kung horror or iba pang genre, paano? Alam ko gusto ng mga ibang tao ay romance pero paano ko nga gagawin ‘yon? Oo, naranasan ko magmahal pero napunta lang ito sa wala. Lahat naman sila iniwan ako. Alam ko na hindi ko pwedeng isipin agad yung ending.”
"Tayla, hindi hadlang kung ganyan ang karanasan mo patungkol sa pag-ibig. Bakit hindi mo na lang lagyan ng twist yung kwento?"
Kung i-twist kaya kita, Feya?
Ano bang klaseng twist ang gusto ha? Napaisip ako sa sinabi ni Feya. Ayoko yung paulit ulit na nangyayari sa mga bida o sa mga iba pang tauhan. Patayin ko na lang kaya sila sa huli para tapos na? Char!
Habang nagkaklase kami, ako naman ay gumagawa ng script. Narinig ata ako ni Lord kaya gumana na utak ko kaya may naiisip na ako ngayon. Ginagawa ko na at baka makalimutan ko pa. Nakikinig pa rin ako kahit may ginagawa ako. Aba! Multi-tasking ‘to ha.
"Marami ka atang ginagawa ngayon," Napatigil ako sa saglit sa paggawa at tumingin kay Green.
“Medyo.”
Tinuloy ko na ang paggawa at siya naman ay umupo sa tabi ko habang tinitignan yung ginagawa ko. Napansin ko na wala na pala sila Feya sa upuan nila. Nandoon si Feya sa tabi ni Grant. Sana mapikon ‘tong si Grant sa kaniya. Ano na lang kaya mangyayari noh?
"Talaga? Pabasa,” Akma niyang kukunin yung ginagawa ko ngumiti mabilis ko itong nilayo sa kaniya.
"Hep hep! Hindi pwede. Hindi pa ito tapos," Nginitian lang niya ako.
Anong nginingiti mo riyan? Nagagandahan lang ‘to sa’kin. Kalma, ako lang ‘to.
"Kahit hindi pa tapos ‘yan alam kong maganda kinanalabasan yan katulad mo.”
"Bolero ka pala eh," Pagbibiro ko sa kaniya.
Nako! Ganiyan na ganiyan din sinasabi nila sa’kin. Wala na bang bago? Alam kong maganda ako.
“May boyfriend ka na ba?”
“Maga-apply  ka ba?”
“Pwede ba, Ma’am?” Sumakay naman siya sa biro ko.
“Sira!” Pwedeng pwede mag-apply, “Bakit mo natanong kung may boyfriend na ako?”Curious na tanong ko sa kaniya.
"Sa ganda mong ‘yan, tiyak na may boyfriend ka na ngayon."
Ngumiti ako ng tipid sa kanyang sinabi. Hindi porket maganda ang isang tao ay may boyfriend na.
"Dati,” Mahinang sagot ko.
"Dati na ano?"
"Dati meron pero ngayon wala," Nginitian ko siya.
"Bakit?” Bakit ang dami mong tanong?!
"Magmamahal pa ba ako kung lagi naman akong iniiwan?"