Axel's POV:
Habang pinagmamasdan ko ang mga gusali at istraktura sa lugar na'to ay hindi ko talaga maiwasang mamangha, grabe na talaga ang pag-unlad ng teknolohiya.
Nagawa na ng mga game developers na lumikha ng sariling mundo sa loob ng ating isipan sa pamamagitan ng pag manipula nito gamit ang makabago nilang teknolohiya. Isang mundo na magdadalawang isip ka talaga kung laro ba tong pinasok mo, kasi parang totoo ang lahat kahit alam mo naman na isang birtwal na laro lang ito.
That's the beauty of a VRMMORPG.
Siguro 'Medievus' ang tawag sa mundong ito dahil parang naka set ang era nito sa medieval times, kung saan mga kaharian ang itinuturing pinakamalaking siyudad.
Naka medieval style din yung architecture nila, mula sa mga naglalakihang kastilyo hanggang sa simple at makalumang disenyo ng mga gusali na gawa sa kahoy at bato. Tiyak na mga mayayaman lang ang mayroong metal o matibay na tinutuluyan.
Naiintindihan ko na ngayon kung bakit usong-uso ang larong 'to, ang ganda talaga nang pagkakagawa kahit may malaking kaibahan ito kumpara sa ibang laro na moderno yung setting ng mundo.
Ang problema lang ngayon...
Hindi kami makakapag-logout.
At hindi ko alam kung bakit.
"Nasaan na ba ang mga yun?" Bulong ko sa sarili habang nililibot ang tingin sa paligid.
Nandito ako ngayon sa central town plaza ng kaharian ng Etherion, ang first kingdom ng Medievus kung saan mga level 15 pataas lang ang mga makakapasok.
Maraming players ang nandito sa plaza at kagaya ko, naguguluhan din sila sa nangyayaring pagtanggal ng logout button sa menu.
"Open Menu." Sambit ko upang palabasin ang profile menu ko.
~
Name: Axel
Level: 23
Race: Human
Class: Warrior
Subclass: Bruiser ( Lvl. 1 Mastery )
HP: 16,500/16,500
MP: 3,500/3,500
Exp: 1,470/17,500
Guild: None
Title: Squad Leader
Current Location: Etherion Town
[ Stats ] [ Pets ] [ Abilities ]
[ Inventory ] [ Quests ] [ Friend List ]
[ Inbox ] [ Rankings ]
~
Gaya nga ng tinukoy ko kanina, nawala ang 'Logout' tab na dapat katabi ng 'Rankings' tab, kaya ayun hindi makakapag-logout ang mga players.
Haays! Nag-aalala na siguro sina mama't papa kasi mag li-limang oras na akong naglalaro, baka isipin nilang paglalaro nalang ang inaatupag ko at hindi ang pag-aaral. Tsk!
Binuksan ko ang inbox ko para tingnan kung nakapagreply na ba ang dalawang hinihintay ko dito, pero napabuntong hininga nalang ako ng makita na walang bagong mensahe. Kaya wala akong nagawa kundi ang i-close ang inbox screen at nagpangalumbaba nalang sa stone bench na inuupuan ko malapit sa town fountain.
Ilang minuto pa ay dumating na nga ang dalawang naging matalik ko nang mga kaibigan sa larong ito.
"Yow! Axel! Sorry kung na late kami ah? Natagalan kami sa pet store eh." Bati sa'kin ng lalakeng kasing edad ko na naglalakad papunta sa'kin, tuwing makikita ko siya ay agad kong napapansin ang matulis at mahaba niyang mga tenga. Elf kasi yung race niya, si Jin.

"Eto kasing si Mei eh! Ang tagal pumili ng bibilhing pet!" Dagdag niya pa habang nakaturo sa babaeng nakasunod sa kanyang likod, si Mei.
"Eh gusto ko kasi yung cute! Katulad ko! Hehe!" Nakangising sagot ni Mei habang may hawak na cute na asong tuta na nakabalot ng baluti ang halos buo nitong katawan, so Armored Puppy pala yung binili niyang pet.
"Ikaw? Cute?! Sa'n banda?" Natatawang tanong ni Jin saka umupo sa bench na inuupuan ko. Agad namang naasar yung babaeng nakatayo saming harapan habang nagfli-flinch yung kanyang mabalahibong tenga na nakatayo pataas. Beastial kasi yung race niya, half human half animal.
"Pagbibigyan kita sa pang-aasar mo ngayon dahil sinamahan moko sa pet store." Mataray na sagot ni Mei saka nilagay ang kanyang pet sa lupa, pagkatapos ay umupo nadin siya sa stone bench.
Pero sa totoo lang, cute naman talaga si Mei, bagay ang cute at maliit niyang mukha sa brownish niyang buhok na hanggang balikat. Alam kong nakikita din naman ni Jin yun, kaso gusto niya lang talaga na inaasar si Mei. Haha.
Mokujin at Meichii yung pangalan nila dito sa laro pero sabi nila Jin at Mei nalang para madaling sabihin. Nakilala ko ang dalawang 'to noong nagpapalevel ako sa isang lugar, nilapitan nila ako at niyaya na sumali sa party nila. Simula noong araw na yun ay halos araw araw na kaming nagpa-party para sabay kaming lumakas.
"May ideya ka na ba kung bakit hindi parin tayo makakapag-logout?" Seryosong tanong ni Jin na nakabaling sa'kin, nakita kong sumimangot ang dalawa kasabay ang pagkawala ng makulit na aura na kanina'y nasa kanila.
"Wala, kahit kaunting impormasyon wala talaga." Dismayado kong sagot habang nakayuko, narinig ko ang pagbuntong hininga ng dalawa.
Tsk. Paano ba kami makakaalis dito?
Pagkaangat ko ng ulo ay nakita ko ang mga nag-aalalang mukha nila habang nakatingin sa malayo, ilang minuto silang ganun hanggang sa nasawa na ako kakatingin sa kanilang dalawa.
Walang kwenta ang pagmu-mukmok namin dito.
"Tara." Mahina kong saad saka tumayo mula sa stone bench, napabaling silang dalawa sa ginawa ko.
"Saan?" Takang tanong ni Mei.
"Magpalakas nalang muna tayo, wala tayong magagawa sa mga nangyayari ngayon kasi wala naman tayong alam." Seryoso kong sagot sa kanyang tanong.
"Sige tara, para malibang naman tayo kahit papa'no." Pagsang-ayon ni Jin at tumayo narin, ngumiti ako at tumango. Mabuti na kasing may ginagawa kami kesa na mag-isip ng kung ano-ano sa isang sulok.

"Tara, Mei!" Dagdag ni Jin na tinanguan naman ni Mei at tumayo narin saka ginising ang pet niyang tuta na kanina pa pala natutulog sa ilalim ng bench na inuupuan namin. Haha ang cute kahit may suot itong armor.
~*~
Kakapasok lang namin sa area ng Abandoned Village, isang luma at pinabayaan na lugar. 'Abandoned' nga diba? Haha.
Mga level 20 pataas ang level ng mobs dito kaya dito namin napagpasyahan na magpalakas, at tsaka malapit lang ito sa Etherion Town kaya mabilis lang namin na natungo ang lugar na'to.
"Ayan na sila." Nakangising saad ni Jin habang nakatingin sa isang direksyon, pagkatapos ay in-equip niya ang kanyang metal na helmet.
Nagsilabasan ang mga tao na mukhang mga tribe natives mula sa sira-sirang mga gusali at may hawak na wooden spear habang ang iba naman ay wooden crossbow ang sandata, halos bente ata ang bilang nila.
Abandoned Native ( Lvl. 24 )
HP: 2100/2,100
Abandoned Archer ( Lvl. 22 )
HP: 1,700/1,700
Nakita ko ang descriptions na yan na lumulutang sa itaas ng mga kalaban, kaya naming ubusin ang mga 'to.
"Ako na ang bahala." Kampanteng wika ni Jin saka sinugod ang mga kalaban, mabagal lang ang takbo niya dahil sa bigat ng kanyang makapal na baluti sa katawan dagdag mo pa ang hawak niyang kalasag at espada sa magkabilang kamay.
"Shield Bash!" Sigaw niya na nagpaliwanag ng kanyang kalasag at agad itong iniwasiwas sa ilang mga kalaban, tumilapon ang mga ito at bumagsak sa lupa.
Taglay talaga ng mga Knight ang matataas na depensa, kaya kahit na tinitira at tinutusok na siya ng mga natives ay kinakaya niya ito.
Ang Knight ay isa sa dalawang secondary classes ng class na Warrior, hanggang ngayon hindi ko pa nga rin alam kung ano ang pipiliin ko pag umabot na ako ng level 25...
Kung Knight ba o Barbarian.
"Ano pang hinihintay niyo? Nasa'kin na ang lahat ng aggro nila!" Sigaw ni Jin habang patuloy na nilalabanan ang mga mobs. Wasiwas ng espada dito, block ng shield doon. Haha! Nakikita ko nang naiinis na siya sa dami ng kalaban.
Aggro, yan ang attention ratio ng isang kalaban sa isang player. Kapag malakas ang aggro mo sa kalaban, ibig sabihin ikaw ang aatakihin nila. Kaya sa sitwasyon na ito nagsa-shine ang mga tanks ng laro dahil sa taglay nilang kapal at tigas, at sa pagkuha ng atensyon ng kalaban mula sa kanyang kakampi papunta sa kanya.
"Sige! Kami naman!" Sigaw ni Mei saka binunot ang kanyang pana na nakastrap sa kanyang likuran, pagkatapos ay bumunot siya ng arrow mula rin sa likod at inasinta ang kalaban na nakapalibot kay Jin.
"Arrow Volley!" Sigaw niya saka itinira ang walong arrow galing sa iisang arrow na ini-load niya kanina sa pana, tumama ito sa walong kalaban dahilan para mamatay ang mga ito at naglaho sa pagiging pixels.
Grabe ang accuracy ng babaeng 'to! Ano pa bang aasahan mo sa isang Archer? Haha.
Teka? Bakit nakatayo lang ako dito? Mag a-analyze nalang ba ako ng mga nangyayari?
"My turn!" Nakangiting sambit ko saka sumugod sa kalaban habang tinataas ang hawak kong espada.
UGH!~
AGHH!~
Daing ng mga kalaban na natatamaan ko sa patuloy na pagwasiwas ko ng espada ko sa kanila.
"Ang boring mo lumaban! Gumamit ka naman ng ability! Haha!" Sigaw ni Mei habang patuloy parin sa pagtira ng arrow sa mga kalaban.
Napansin kong nakapalibot na pala sa'kin ang ibang mga natives kaya sige, gagamit ako ng ability.
"Cycle Swing!" Sigaw ko at paikot na tinamaan ang nakapalibot saking kalaban ng aking sandata dahilan para mamatay ang mga ito.
960 Exp, 6 silver coins and 25 copper coins earned.
2 small hp potions earned.
Ayos! Mukhang mataas nga ang exp na binibigay ng mobs dito.
"Nandito na yung next batch!" Natatawang sabi ni Jin habang sumusugod sa kaka-respawn lang na mga natives.
Napangiti ako at sumunod kay Jin na sumugod.
~*~
"Good morning, bro." Antok na bati sa'kin ni Jin pagkadilat ko pa lang ng mga mata ko, nakaupo siya sa gilid ng kama namin habang nag-iinat ng katawan.
"Good morning, first time kong matulog sa loob ng isang laro. Haha!" Biro kong saad saka humikab, grabe napagod talaga ako sa magdamagan na pagpapalevel namin. Level 26 na nga ako ngayon eh, pwede na akong kumuha ng quest para sa secondary class.
Nandito kami ngayon sa isang inn sa Etherion Town dahil hindi nga kami makakapag-logout kaya maraming players ang tumuloy dito para makapagtulog ng maayos, sinubukan kong tingnan kung pwede na ba mag logout pero hindi parin.
Ano bang nangyayari sa larong 'to? Kahit isang announcement wala?
"Nagugutom ako, tara mag almusal tayo sa labas." Yaya ni Jin sa'kin saka tumayo kaya bumangon narin ako sa kama at tumayo, itinanggal namin at tinago ang mga armor at sandata namin sa inventory namin para makapagtulog kami ng maayos. Mahirap kayang matulog na metal o leather yung suot mo.
*TOK TOK TOK*
Binuksan ni Jin ang pinto ng kwarto namin at agad na pumasok si Mei na mukhang kanina pa gising, sa kabilang kwarto kasi siya natulog dahil bawal na magsama ang babae at lalake sa iisang room.
"Guys, pinapapunta raw lahat ng players na nandito sa town doon sa Etherion Castle." Seryosong wika ni Mei na nagpakunot ng noo namin ni Jin.
"Bakit? Anong meron dun?" Takang tanong ni Jin.
Baka doon namin malalaman kung bakit hindi kami makakapag-logout.
Baka eto na yung announcement.
"May ko-koronahan daw na bagong hari ng Etherion." Lalong kumunot ang noo ko dahil sa narinig.
May bagong hari? Bakit? Ito na ba ang event na inanunsyo ng GM kahapon na siyang dahilan ng paglog-in ko?
Sino kaya ang bagong hari?