Nero's POV:
Halos sapakin ko na yung monitor sa sobrang inis habang tumitingin sa mga grado ko sa midterms this semester.
7 out of 8 subjects ang bagsak ko. Kung hindi man malapit sa 5.0 yung grade ko, failure due to absences naman yung nakalagay.
"Ano ngayon ang sasabihin ko kina mama't papa?" Bulong ko sa sarili habang masakit na tinitingnan ang monitor kung saan ko tsini-check ang grades ko, kung si superman lang ako malamang sumabog na 'tong monitor.
"Matagal pa ba yan?" Lumingon ako sa tinig na narinig ko at nakita ang babaeng nakatayo sa likod, ichi-check niya din ata yung grades niya.
"Ah! Hindi okay na." Nakangiti kong sagot saka ni-logout ang student account ko sa grade accessing system ng paaralan bago lumakad paalis.
Bwesit! Bakit ba ang hina ko pagdating sa pag-aaral?!
Bakit tuwing aaralin ko ang isang laro, mabilis ko lang 'to matutunan?
Nakayuko akong lumakad mula sa hallway hanggang sa labas ng university, may klase pa ako mamayang 6 PM pero wala na akong pake. Bakit pa ba ako papasok eh bagsak na ako sa prelims at midterms sa subject na yan? Tsk!
Sumakay ako ng jeep pauwi at agad na dumerecho sa kwarto ko at nagbihis ng pambahay na kasuotan. Dismayado kong binagsak ang aking katawan sa kama at nilubog ang mukha sa makapal at malambot kong unan.
Sinasayang ko lang ang pera't tiwala na binibigay ng mga magulang ko sa'kin.
I'm such a worthless son!
Ako na nga lang yung nag-iisang anak nila tapos wala pa silang maaasahan sa'kin.
I don't deserve to be studying in such a high classed university.
Heck I don't even deserve to be here inside this house. Binigo ko ang mga magulang kong nagpapakahirap para sa'kin.
Naramdaman ko na unti-unti nang nababasa yung unan na lumalamon sa mukha ko dahil sa luha. Oo umiiyak talaga ako pag pakiramdam ko, talong-talo na ako. Napapagod na ako sa sobrang stress at problema.
I feel absolutely and utterly defeated.
I don't deserve...
To be here.
Iginilid ko sa kaliwa ang pagkakahiga ko at tumingin sa nakabukas kong computer sa desk, nakalimutan ko palang i-shut down bago umalis kaninang umaga. Who cares anyway? Ako lang naman ang nandito sa bahay.
Mula sa pagkakahiga ay umupo ako sa kama at inabot ng isang kamay ang mouse ng computer ko, katabi lang naman ng kama ko ang desk kung saan ang computer unit ko kaya hindi ko na talaga kailangan pang tumayo.
Binuksan ko ang Medievus Online application sa desktop habang pinupunasan ang natirang luha sa gilid ng mga mata ko gamit ang braso. Pagkatapos kong mag log in ay agad akong bumalik sa pagkakahiga habang suot ang Nerve Gear.
"Activate Nerve Link."
That's right...
Get me out of this unforgiving world.
Sa Medievus ako nararapat, hindi sa masamang realidad ng buhay.
"Activation finished...
Prepare to be transferred."
"Bagay na bagay sa'kin ang mundong ito."
~*~
Squain's POV:
Nandito ako ngayon na naglalakad sa isang marketplace sa loob ng kaharian ng Lagranda, ang kingdom kung saan mga players lang na level 80 pataas ang makakapasok.
Habang binabaybay ko ang malawak na marketplace ay di ko maiwasang makarinig ng bulong-bulungan mula sa ibang players na nadadaanan ko.
"Pare oh! Si Squain!"
"Ang first ranker. Sa aura at set ng kasuotan niya pa lang ay malalaman mong napakalakas niya."
"Sana maging kasing lakas ko siya! O kaya mas mahigit pa!"
Yan lang ang iba sa narinig kong mga bulungan, ganito parati ang eksena tuwing pupunta ako sa mga mataong lugar.
Dahil nga nasanay na ako sa mga ganyan, derecho lang ako na naglalakad na parang wala lang naririnig o nakikita hanggang sa nakarating na ako sa aking destinasyon. Ang Lagranda Blacksmith.
"Welcome to my workshop, Adventurer! How may I help you?" Bati sa'kin ng matandang blacksmith nang nasa loob na ako ng workshop, nakaupo lang siya sa isang steel chair habang pinupunasan ang kanyang malaking hammer gamit ang hawak niya ding itim na tela.
Adventurers ang tawag sa amin ng mga tao at nilalang na bahagi ng larong ito, dahil siguro naka programmed sila na ganyan ang tawag sa mga players. Sa unang tingin ay mapagkakamalan mo talagang totoong tao yung blacksmith na'to at hindi NPC o 'Non-Player Character' dahil sa realistic nitong interaksyon sa aming mga players, parang may sarili talaga silang mga utak at damdamin.
Lumapit ako sa blacksmith at agad na lumitaw sa harapan ko ang holographic screen ng function tabs ng workshop na'to.
~
Lagranda Blacksmith:
[ Buy/Sell ] [ Enhance ]
[ Dismantle ] [ Exit ]
~
Gamit ang hintuturo kong daliri ay pinili ko ang 'Enhance' tab, tapos ay naglaho na ang screen.
"Please show me the item you want to enhance." Nakangiting sabi ng balbasing blacksmith sa'kin.
"Open Menu." Binuksan ko ang profile menu ko at pinindot ang 'Equip' tab para i-unequip yung dual sword ko at binigay sa blacksmith.
"Thank you, here are the current stats of your item. Please select enhance to proceed with the enhancement." Sabi niya at lumabas nanaman ang screen kung saan nakalagay ang stats ng sandata ko.
~
Enhancement:
Name: Twinswords of Shadow ( Lvl. 6 )
Quality: Legendary
Element Type: Dark/Wind
Class Req: Swordmaster/Swashbuckler
Level Req: 90
ATK Power: 4,700 - 5,500
M.ATK Power: 1,000 - 1,650
Lifesteal: 45% of damage dealt
Bonus stats and effects:
Agility +55
ATK Speed +60
Cursed Debuff - Dealing damage to an enemy reduces their healing and regeneration for 40%
[ Enhance ] [ Cancel ]
~
Pinindot ko ang 'Enhance' tab at tumango naman ang blacksmith saka pumasok sa isang kwarto habang dala-dala ang binigay kong sandata, pagkatapos ng ilang minuto ay lumabas siya at binigay ang kaka-enhance lang na dalawang pure black na espada. Nawala din naman sa inventory ko yung inipon kong materials sa Lagranda Marsh dahil yun ang requirements para sa enhancement.
"Here are your item's upgraded stats!"
~
Enhancement:
Name: Twinswords of Shadow ( Lvl. 7 )
ATK Power: 6,000 - 7,700
M.ATK Power: 2,500 - 3,000
Lifesteal: 50% of damage dealt
[ Close ]
~
"Salamat!" Pasasalamat ko sa blacksmith saka in-equip ang pinalakas kong sandata, kitang kita ang itim na usok na lumalabas sa talim ng dalawang cursed swords habang sinusukbit ko ito pabalik sa lalagyan nila na nakasabit sa left and right belt area ko.
Tumango lang ito at nakangiting bumalik sa kanyang upuan kanina.
"Akala ko ba may event ngayon?"
"Ewan ko nga ba, 'The Dark Age' daw eh. Parang wala naman."
Narinig kong usapan ng dalawang players malapit sa workshop.
Event? Ah! Oo nga pala!
Bakit parang wala namang nangyayari o announcement? Baka kinansela na ng GM. Sayang naman.
*BEEP*
Ay nevermind, mukhang ito na nga. Haha. Wala naman akong contacts sa friend list ko kaya sino paba ang mag me-message sa'kin?
Walang iba kundi ang Game Master!
Teka, bakit ako lang yung nagbukas ng profile menu ko habang ang dalawang nag-uusap ay patuloy parin sa pag kwe-kwentuhan?
Hindi ba sila nakatanggap ng message notification?
Binuksan ko ang mensaheng natanggap na mula sa GM.
~
From: Game Master (GM)
Message: Hi there Squain! I'm inviting you for a conversation. Please meet me at the peak of Ironspike Mountain. I'll be expecting you.
- Meivu
[ Reply ] ( Cannot reply to GM )
[ Teleport ]
[ Delete ]
~
"A-ano 'to?" Takang sambit ko sa sarili habang kunot noong binabasa ng paulit-ulit ang message ng GM.
Para sa'kin lang ba ang mensaheng ito?! Bakit? Akala ko ba hindi nag me-mention ang GM ng mga pangalan ng players sa mga announcements niya? At tsaka ngayon lang ako nakakita ng 'Teleport' na function sa message screen.
Inimbitahan niya ako para mag-usap? Tungkol saan? Sa event? Kinakabahan ako.
"Only one way to find out." Bulong ko sa sarili saka nagbuntong hininga bago pinindot ang 'Teleport' tab.
Walang ano-ano'y biglang lumiwanag at naglaho ng unti-unti ang katawan ko hanggang sa nasa ibang lugar na ako.
Alam ko ang lugar na'to, nandito ako ngayon sa isang kweba at nakatayo sa harapan ng isang malaking steel door. Ang tanging liwanag lang dito ay ang mga eternal na torches na nakasabit sa bawat side ng mga bato-batong haligi.
Nandito ako ngayon sa dulo ng dungeon na Ironspike Caverns, at sa kabila ng malaking pinto na'to makukuha ang dungeon rewards. Pero pakiramdam ko, hindi lang yan ang naghihintay sa'kin doon.
Lumapit ako sa bakal na pintuan at bumuntong hininga muna bago ito tinulak pabukas, nakakasilaw na liwanag ang bumungad sa'kin dahilan para takpan ko ang aking mga mata ng aking palad.
At pagkababa ng kamay ko mula sa aking mukha ay tumambad sa'kin ang isang batang babae na nakaupo sa itaas ng isang golden treasure chest, nakangiti lang ito habang nakatingin sa'kin.
Itong cute na batang babae ang GM ng Medievus Online?!
Ay teka, baka avatar niya lang yan sa larong 'to, so ibig sabihin isang babae pala ang dahilan ng pagkakagawa ng napakagandang mundo na'to.
"So...Hindi mo ba ako babatiin?" Nakangusong sabi ng bata saka tumalon pababa sa inuupuang chest kanina. Bata ba talaga 'to o nagpapakabata lang?
"I-ikaw ba ang GM?" Utal kong tanong habang tinuturo siya, baka naman kasi pinagtri-tripan lang ako ng babaeng 'to.
"Hmmph! Oo! Ako si Meivu!" Inis niyang sagot habang nakapamewang, grabe ang cute! Mapagkakamalan akong pedophile nito!
So siya nga ang GM.
"Bakit moko pinapunta dito? Tungkol ba 'to sa event?" Tanong ko habang naglalakad palapit sa kanya.
Kumikislap ang kanyang violet robe na kasuotan sa lumulubog na araw, ang ganda ng view dito sa mountain peak. Nakakagaan ng loob.
"Uhh..Parang ganun nga. Hihi!" Patango-tangong sagot niya ng nagba-bounce ang medyo kulot niyang buhok. Hays, naguguluhan na talaga ako!
"I'm planning to make this game more interesting."
"So ano ang purpose ng presence ko dito?"
"Can you please show some respect and let me finish first? " Seryoso niyang sabi sa'kin, grabe nakakailang! Pinapagalitan ako ng isang bata.
"Sorry." Nakayuko kong sagot sa kanya. Kailangan kong gumalang sa batang 'to, GM ng laro ang nasa harapan ko ngayon.
"Starting tomorrow, there will be a new king in each of the four kingdoms in this world...
And all I need now is an Emperor who can lead the four kingdoms and rule the world I created."
"Bakit? Para saan ang mga pagbabagong iyan?" Tanong ko na ikinangisi niya nang nakakaloko.
"Simple lang, ang four kings at ang emperor ang maghahari sa mga tao at manlalaro sa buong Medievus."
"They can make their own rules for this world..."
Ano ba ang pinagsasabi ng batang 'to? Kung ganyan ang gagawin niya malamang marami ang babawas na manlalaro sa larong ito.
"What's the point kung hindi naman 24/7 na online ang mga players?"
Bahagya akong nagulat nung bigla nalang siyang tumawa ng mahina, mahina pero mararamdaman mo ang kasamaan sa kanyang halakhak.
"I forgot to tell you, may ginawa akong maliit na pagbabago sa laro kani-kanina lang." Nanatili akong tahimik habang nakikinig sa kanyang sinasabi.
"Actually...This is no longer a game."
"Dahil all of you will be staying here sa mundong ginawa ko starting today...
Hindi na kayo makaka-logout."
Kasabay ng paglaki ng mga mata ko sa gulat ang inilabas niyang masamang ngiti sa kanyang maliit na labi.
Hi-hindi makaka-logout?!
Anong kalokohan yan?!
"Hi-hindi yan maaari! Hindi mo pwedeng gawin yan! May sarili kaming mga buhay!" Lumalakas na ang boses ko dahil sa galit.
Binuksan ko ang profile menu ko pero hindi ko na makikita ang 'Logout' tab sa menu. Bwesit!
"Buhay? Akala ko ba hindi ka masaya sa buhay mo sa totoong mundo?" Mabilis kong na-close ang profile menu ko dahil sa narinig.
Alam niya ang sitwasyon ko sa totoong mundo?
Sino ba ang babaeng 'to?!
"Diba ito rin naman ang gusto mo? Sabi mo dito ka nararapat, so bakit kapa aalis?" Dagdag niya na lalong dumagdag sa sari-saring emosyon na nararamdaman ko ngayon, hindi ako makapaniwala sa mga nangyayari.
"Paanong-"
"I've been observing you, at alam kong gusto mo na inuubos ang oras mo sa larong ito kesa sa mga mas mahalagang bagay."
Wala...Hindi ko na alam ang sasabihin.
"Kaya accept my offer, be the emperor of Medievus." Kampante niyang sabi habang suot ang isang tipid na ngiti sa kanyang labi.
"Ba-bakit ako?"
"Bakit naman hindi?
The emperor will be the strongest being on this world, kaya bakit naman hindi ang pinakamalakas na player ang gaganap sa posisyon na yan?"
Sandaling nagkaroon ng katahimikan sa lugar at tanging ihip ng hangin lang ang naririnig, nasa tuktok kami ngayon ng mountain kaya shempre malakas ang hangin dito.
"Oh, and your four kings are the current 4 top players below your rank." Kumunot ang noo ko dahil sa narinig, ang apat na player sa ilalim ng rank ko ang mga magiging hari?
"I contacted them earlier and they all accepted my offer, so all I need is you."
Dahan-dahan siyang lumakad palapit sa akin habang ako naman ay humahakbang paatras. 'Di ko gusto ang mga pangyayaring ito!
"What's wrong? Ayaw mo? Wala kang choice kasi pipilitin kita hanggang sa huli."
"Bakit mo ginagawa 'to? Iniisip mo ba ang kapakanan ng mga manlalaro ng larong ginawa mo?" Isang hakbang nalang at papasok na ako sa portal palabas sa dungeon na'to.
"Hindi ito isang laro, Squain! Ito na ngayon ang mundo niyo! At ako na ngayon ang panginoon niyo!"
"Hindi ako papayag sa gusto mo!" Humakbang pa ako paatras at pumasok sa portal, habang unti-unti akong naglalaho sa portal ay narinig ko pa ang huling sinabi ni Meivu.
"Run all you want, Hindi mo parin matatakasan ang kapalaran mo sa mundong ito."
"This is the Dark Age of Medievus!"