Azy’s POV
Dahil sa kuryosidad at wala namang naging kilos ang mga tauhan ni Cyprus, umalis ako sa dining table at pumunta sa sala dahil puro litrato ang mga nandoroon.
Doon ko lang nakumpirma na may asawa nga siya. Base sa mukha ng babae ay 24-year-old ito while me I’m just 20-year-old. Napaisip tuloy ako kung ilang taon na ang lalaking ’yon. Siguro ay nasa 25-year-old?
Puro mukha ng babae ang nandirito. Matamis ang kaniyang mga ngiti at sobrang amo ng kaniyang mukha. Naghanap ako ng litrato ni Cyprus pero wala man lang akong nakita.
“Takot ba sa camera ang gag—”
“Who’s gago?”
Naestatwa ako nang marinig ko ang boses niya mula sa likuran ko kaya dahan-dahan ko ’tong hinarap. Tatlong hakbang ang layo niya sa akin. Nakapamulsa ang dalawa niyang kamay. Walang ngisi o ngiti sa labi. Tanging nakataas na kaliwang kilay lamang.
Hindi ko pa nagagawang makipag-usap dito ng kalmahan at maayos kaya hindi ko alam kung sasagutin ko ang tanong niya. Mukhang nawala na ang inis niya dahil sa pananakit ko kaya animong good mood ito.
“You know what, woman? You’re no longer worthless. Magagamit na kita,” nakangisi siya. Para sa kaniya ay magandang balita ’yon dahil may pakinabang na ako pero sa akin ay hindi. Hindi ko alam ang pumapasok sa isip ng lalaking ito.
“Anong gagawin mo?” kinakabahan kong tanong.
“Calm down. Save your energy for tonight. I will make a way for you and your mother to meet,” nakangisi siyang tumalikod sa akin.
“Ayokong makita ang nana—”
“Ang lakas ng loob mo, ah,” aniya. Hindi ako hinaharap. “Hindi ko kailangan ng desisyon mo dahil kung anong gusto ko ay iyon pa rin ang masusunod. Kumbaga walang kwenta ang dila mo pagdating sa akin.”
I want to punch him. Gustong-gusto ko siyang lapitan pero ayoko namang may gawin na naman siya sa akin kaya hindi ko na itinuloy.
             Sumapit ang gabi, tanging kagustuhan lang talaga ni Cyprus ang nasunod. May note pa nga na kapag hindi ako kumilos at nahuli kami ay yari na naman ako sa kaniya kaya ito ako, walang pagpipilian kun’di ayusin ang sarili.
May binigay siyang black night dress sa akin at red high heels. Nag-iwan pa siya ng mga accessories na kailangan kong suotin. Nang makita ko ang kabuoan ko sa malaking salamin, kusa akong napangiti dahil hanggang ngayon ay sobrang ganda ko pa rin.
Gamit ang foundation ay naitago ko ang sugat sa pisngi ko dahil sa pagbato niya ng darts kanina. May binigay rin siyang black gloves na abot hanggang siko upang maitago ang bakas ng mga lubid at posas sa aking pulsuhan. Isama mo na ang sugat sa mga palad ko.
Tumingin ako sa wall clock. May oras siyang binigay kung kailan ako bababa. Sakto naman kaya lumabas na ako ng kwarto. Mula sa taas ng mahabang hagdan na ’to ay kita ko sa ibaba si Cyprus na naghihintay sa akin.
Sinulyapan niya lamang ako at hindi na nagawang tingnan muli. Ang sumalubong sa aking pagbaba ay ang dalawang tauhan niya. Nauna na siyang lumabas na sinundan namin. Wala naman akong aasahan sa kaniya at kapag naman tinulungan niya ako ay tatanggihan ko rin.
Sumakay siya sa backseat ng kaniyang sasakyan. Sumakay din ako sa kabila. Sinulyapan ko lang siya saka na umupo. Kita ko ring may isang lalaking driver sa harapan.
Nang umandar na, halos isiksik ko ang sarili ko rito sa bintana para lamang hindi kami magkadikit nito. Tahimik lamang siya at sa harapan ang tingin. Seryoso ang mukha dahil nakikita ko sa front mirror. Ang laylayan ng buhok niya sa mukha ay umaabot sa kilay.
“Don’t make any trouble there, woman,” bilin niya. “Kapag ako nasangkot sa gulo mo, hindi kita tutulungan. Hahayaan lang kitang patayin nila.”
Hindi ko siya sinagot. Kagaya ng sinabi ko kanina, anong aasahan ko sa kaniya?
“Try to escape. Kahit mangibang bansa ka pa, hahabulin pa rin kita.”
I didn’t answer him again. Bahala siya riyan.
Pinarke ng driver ang sasakyan sa parking lot. Nang bumaba si Cyprus ay bumaba na rin ako. Nangunot ang noo ko dahil wala man lang sumunod na mga tauhan niya. Kampante ang lalaking ’to na walang gulong mangyayari?
Isang tauhan lang ang dala niya! Paano kung balak talaga ng lalaking ’to mamatay ako sa loob?! Paano kung plano niya ’to?
“What kind of face is that?”
Nahinto ako sa overthink ko na ’yon nang magsalita siya. Nakangiwi ang kaniyang labi habang nakatitig sa akin. Natigilan ako nang matitigan ko ang kaniyang mga mata. Unti-unting umaliwalas ang aking mukha. Mahigit limang segundo rin kaming nagkatitigan hanggang ako na ang kusang umiwas. Bigla akong kinabahan kung bakit ko nagawang titigan ang mukha ng lalaking gusto akong patayin.
“Did you sanitize your hand?” bigla niyang tanong. Nananatiling kalmado.
“Why?”
“You didn’t?” He raised his left eyebrow. “Hahawakan ko ang kamay mo papasok sa loob that’s why I’m asking you.”
“Huwag mo nang hawakan kung nandidiri ka. Stupid,” inis kong tugon dahil wala pang lalaking nagganoon sa akin.
“If that’s what you want.” Nagpatiuna na siyang pumasok sa loob. “Don’t blame me if nabastos ka sa loob, silly woman.”
Sa sinabi niya ay humabol ako sa kaniya. Ako na mismo ang humawak sa kamay niyang mainit. Sabay na kaming naglakad. Sumakay kami sa elevator pababa dahil nandoroon ang casino.
Pagkapasok na pagkapasok, maraming tao at ingay agad ang bumungad sa aming dalawa. Nailibot ko ang aking mga mata dahil sobrang ganda ng loob, hindi pa ako nakapapasok sa ganito. Tanging ginto at pula lamang ang makikita mong kulay. Napakaganda sa mata isama mo na ang mga manlalarong mga nakaformal lahat. Wala kang makikitang nakaordinaryong damit.
Malakas talaga siguro ang presensya nitong si Cyprus dahil halos lahat ay napatigil sa paglalaro upang tingnan siya at pagmasdan kung paano maglakad na punong-puno ng pagmamalaki sa sarili. Kapag natititigan nila ang lalaki, nalilipat ang tingin sa akin. Hindi ako nahiya. Hindi dahil pumapasok ako sa mga casino kun’di dahil sanay na ako sa atensyon ng mga tao sa dati kong school. Sanay akong maraming matang nakatingin sa akin.
“His new wife? Too young,” bulong ng isang babae.
“Ngayon na lang ulit siya pumunta rito.”
Rinig kong bulungan. Sa dami ng bumulong ay wala man lang siyang sinulyapan. Dire-diretso lang siyang maglakad patungo sa isang kwarto.