Pangalawang araw na namin ito sa paaralan, habang naglalakad papunta sa building ng mga 4th year ay tumigil ako saglit ng mapansin ko yung babaeng pinagtanungan namin kahapon.
"Ah Matteo una na kayo sa room" pagpapauna ko sa kanila.
Kumunot naman ang noo ni Matteo. "Bakit? May problema ba?" Nagtataka nyang tanong.
"Wala, may pupuntahan lang ako saglit" pag iling ko sa kanya.
"Samahan na kita."
"Hindi na!" Pagtanggi ko, kaya bumitaw na sya sa magkahawak naming kamay.
"Sigurado ka?" paninigurado pa nya bago umalis at tumango lamang ako sa kaniya.
Nang makalayo na sila ay biglang nawala sa paningin ko yung babae kahapon, kaya nagpalakad lakad pa ako sa may pathway upang hanapin sya ng may biglang bumangga ng malakas sa aking likod dahilan para matumba ako at mabitawan yung mga librong hawak ko na may mga nakasipit pang mga papeles kaya nagliparan ang iba doon.
'Bwisit dapat pala pinadala ko na ito sa kanila sa Room!'
Nang tingnan ko yung nilalang na bumangga sa akin ay para lang syang walang pakialam at parang hangin lamang ako na nilampasan.
"Ano?! HINDI KA MAN LANG BA MAGSOSORY?!!!" inis na sigaw ko sa kaniya ng makatayo ako ngunit hindi nya ako pinansin na para bang walang narinig.
"HOY!!! BUMALIK KA DITO!!!!!" Mabilis ko syang hinabol at hinawakan ang kanyang siko kaya napatigil sya sa kanyang mabilis na paglalakad. Kinaladkad ko siya pabalik kung saan niya ako binangga kaya hindi na sya naka angal pa.
"PULUTIN MO YAN!" Gigil sa inis na turo ko sa mga papel at libro ko.
"Tsk" naka pamulsang ani nya saka nag iwas ng tingin.
'THE HELL?!!!'
Siraulo yata tong lalaking to ah? gusto yata nito ng away. "PULUTIN MO SABI YAN!!" Inis na inis ko ng sigaw sa walang pakialam nyang itsura. Wala na akong pakialam kung pinagtitinginan kami.
"And Why would I?" nang iinis nyang tanong.
"SIRAULO KA BA??! BINANGGA BANGGA MO KO TAPOS HINDI KA MAN LANG NAGSORRY! TAPOS INIWAN IWAN MO PA KO NA PARA KANG WALANG NAPURWISYO!" gigil na gigil ko ng sabi sa kanya.
"Bat ka kasi nakaharang?" walang ekspresyon nyang tanong na nakapag pataas pa yata lahat ng dugo ko sa ulo.
'Relax Self'
'Kalma'
'Tao lang yan, na nagkakamali rin.'
Pagpapakalma ko sa aking sarili sapagkat malapit ko ng masapak ang kaharap ko.
Nang mapansin nyang hindi ako umiimik at napapabuntong hininga sa inis ay nakapamulsa nya akong tinalikuran.
Bigla kong hinawakan ulit ang kanyang siko saka sya marahas na iniharap sa akin.
I gripped onto the ream of his polo shirt pero dahil sa katangkaran nya ay hindi ko sya nagawang maitaas ngunit mahigpit ang hawak ko sa parteng leeg ng kanyang polo shirt.
"Pag di mo yon pinulot.." pagputol ko sa aking sasabihin.
"Then what?" naghahamon nyang tugon sa akin.
Tumingin ako sa paligid na may kasamang nakakalokong pag ngisi at dun ko lang namalayan na talaga palang maraming nanonood sa aming mga students.
Pinagbubulungan kami ng iba ngunit hindi ko sila inintindi at binalik ko ang aking mga tingin sa lalaking hawak hawak ko ang leeg ng uniporme.
"Hahalikan kita sa harap nila." I said with my malicious grin.
Nakita ko ang pagguhit ng mga pilyong ngiti sa kanyang mga labi na para bang nagustuhan ang paghahamon ko kaya medyo nagsisi ako na iyon pa ang sinabi ko.
"Then go." mahina nyang bulong sa akin.
'What? pumapayag sya?!!!!!!'
Nagtatapang tapang lang talaga ako eh! Pero di ko kaya!
Agad ko naman syang binitawan ng patulak kaya medyo na out of balance pa ito saka ko mabilis na pinulot ang aking mga gamit.
Ramdam ko ang nakangiti nyang panonood sa akin pagkatapos ay umalis na sa kanyang harapan ngunit binangga ko muna ang kanyang balikat na parang naghahamon ng away.
Habang papunta sa aming building ay may narinig ako na parang pinagtutulung tulungan, kaya nag iba ang direksyon ng aking ulo at hinanap kung nasaan iyon.
Sa likod ng building ng mga 3rd year na hindi kalayuan sa aming building, kaya lumiko ako ng gawi at pumunta doon.
Medyo tago ang parteng iyon at wala masyadong tao kaya habang papalapit ako sa gawing iyon ay medyo kinabahan pa ako.
Nakarinig naman ako ng isang lumalagitik na sampal, at lumalagitik na hampas sa kung ano mang parte ng katawan, kaya mabilis ko iyong sinilip ng nakatago.
Yung babae kahapon. Iyon ang kanilang sinasampal at hinahampas.
Hindi ito umaangal at tahimik lamang na tinatanggap ang sakit at hapdi na tumatama sa kanyang katawan.
Sobrang pula ng kanyang dalawang pisngi na para bang dudugo na iyon at tagaktak na rin ang kanyang pawis.
Dumudugo na rin ang parte ng kanyang binti kung saan tinatamaan ng lumalagitik na hampas ng kahoy, ng dahil sa awa ay lumabas na ako sa aking kinatataguan, pakiramdam ko ay nasasaktan din ako sa tuwing siya ay nasasaktan.
"Itigil nyo na yan!" matapang kong sambit sa grupo ng mga kababaihan, tingin ko ay nasa sampu sila.
Napatingin naman sila sa akin na may nanlilisik na mga mata at nakataas na mga kilay. Nakita ko rin ang gulat sa mata ng babae kahapon.
"An-ong gi-ginagawa mo dito?" halos mautal nya pang tanong sa akin.
"Ikaw? bakit hindi ka lumalaban?" pabalik kong tanong sa kanya.
"Sino ka bang babae ka huh?" mataray na tanong nung maiksi ang buhok na babae kaya napatingin ako sa kanya.
"At bakit ka nangingialam dito?" mataray ding tanong nung isa pang medyo kulot ang buhok.
Inikutan naman ako nung isang medyo gold ang kulay ng buhok. "Wait....Guess who?" maarte nyang sabi "A transferee" ngumiti nya pang banggit na parang may kalokohang gagawin saka lumapit sa akin.
Sobrang lapit ng mukha nya at bigla akong kinuwelyuhan. "Kilalanin mo ang babanggain mo ha?" madiin nya ng ani sa akin. "Dahil sa susunod na magkita tayo, madali mong makikita si kamatayan." pananakot nya pa saka patulak na binitawan ako.
Nagtawanan pa ang mga kasamahan nya "Iwan nyo na yan!" utos nya sa mga ito saka sabay sabay silang umalis sa harap ko.
Lumapit naman ako kaagad dun sa babae kahapon. "Okay ka lang ba?" Hawak ko sa balikat nya na nag aalala.
Inis na inalis naman nya ang kamay ko sa mga balikat nya. "Bat ka ba kasi nandito?!" nagulat ako sa inis nyang reaction na para bang maling pumunta pa ko dito.
"Gusto kitang tulungan." nag aalala kong sabi sa kanya. Gusto ko lang siyang tulunga.
"Pwes! Hindi ko kailangan ng tulong mo!" Masungit nyang sagot saka walang alinlangang nilampasan ako.
Naiwan ako sa lugar na iyon na puno ng isipin 'Bakit parang ang init ng dugo nya sa akin? Gusto ko lang naman syang tulungan.'
Nakaramdam ako ng panghihina dahil sa paraan ng pakikitungo nya.
Hindi ko alam kung bakit pero nakakaramdam ako ng koneksyon mula sa kanya, sa palagay ko ay matagal ko na syang kakilala.
"Mikas?" tawag ng kung sino sa likuran ko kaya mabilis kong pinunasan ang luha na nanggaling sa mga mata ko gamit ang likuran ng kamay ko.
"Ayos ka lang?" Pag lapit nya sa akin na hinawakan pa ang balikat ko habang nakatungong sinisilip ang mukha ko.
Tumango naman ako sa kanya saka mabilis na tinalikuran sya.
Dire-diretso lang ako sa paglalakad hanggang sa makarating ako sa hagdan ng building namin saka saglit na napatigil pa dito at huminga ng malalim.
"Sabay na tayo." Hindi ko namalayan na nasa likuran ko lang pala siya kaya tumango nalang ulit ako sa kanya bilang sagot at nagsimula ng umakyat ng hagdan kasabay sya.
Nang makarating kami sa 6th floor papunta sa aming room ay bigla syang nagsalita sa gitna ng aming katahimikan.
"Nandito lang ako sa oras na kailangan mo." Bahagya nyang ngiti na wika sa akin saka umuna na papuntang classroom kaya medyo natigilan pa ako.
Habang pinagmamasdan ang likuran nyang papasok sa loob ng room ay wala sa sarili kong naibulong....
"Ngunit wala ka noong mga panahong kailangan kita."