Kalhira’s POV
             Hindi ko na ginising si Chloe nang makarating kami sa bahay. Pinadala ko sa guwardiya ang mga pinamili namin at ako ang nagbuhat sa kaniya papasok. Pagod na pagod siya dahil sa gala namin. Mahimbing ang kaniyang tulog.
Nilapag ng guwardiya ang dala namin sa sofa. Lalabas na sana siya nang tawagin ko.
“Kuya, sabay ka na kumain sa amin. Ihiga ko lang ’tong si Chloe.”
“Huh? Ma’am? Sigurado po kayo? Naku, ma’am. Huwag na. Nakahihiya po.”
“Tara na, kuya. Parating na rin naman po si Silas. Marami po akong biniling ulam.”
Wala na siyang naging reklamo. Busog naman na si Chloe kakakain sa mall kaya hindi ko na ginising para kumain ng gabihan. Pumunta na akong kusina, bumalik si kuya sa labas para siguraduhing nasarado ang gate bago pumuntang kusina.
“Ma’am, hindi po ba maagagalit si sir nito? Saka, ma’am, kayo po. . .”
Napatawa na lang ako sa kaniya. May bumusina sa labas kaya lumabas muli siya para pagbuksan ito. Sigurado akong si Silas na ’yan dahil mag-aasikaso pa kami para sa birthday ng kaibigan niya.
“Sinong nagbabantay sa labas? Bakit nandito po kayo sa loob?” rinig kong pakikipag-usap ni Silas sa guwardiya.
“Ah, sir. Sabi po ni ma’am ay sumabay na raw po akong kumain sa inyo,” sagot ng guwardiya. “Pero babalik na po ako sa tra—”
“Follow me. Let’s eat.”
Sabay silang pumasok sa kusina. Sakto ay nakahain na ako kaya kumain na kaming tatlo. Nahihiya pa ang guwardiya kaya kinausap ko siyang huwag mahiyang kumain.
“Matagal na po ba kayong guwardiya rito, kuya?” usisa ko sa kaniya.
“Opo, ma’am. Magsiya-siyam na taon na po.”
“Oh?” Nagulat ako. “Si Chloe lang po ang maiiwan dito. P’wede namang isarado niyo na lang po ang gate pagkaalis namin at dito na lang po kayo sa loob ng bahay para kahit papaano po ay may bantay kay Chloe.”
“Ayos lang po, ma’am.”
Tumingin ako kay Silas para matanong kung ayos lang sa kaniya pero nakatitig na naman siya sa akin.
“What’s wrong, hon?” tanong ko.
“Just wondering. Iniiwan mo ang anak natin nitong mga nakaraang araw para makaalis ka lang.”
Napalunok ako at agad nag-isip ng dahilan.
“Sorry about that, honey. Just agree kung anong gusto ko right now. I just want to make sure Chloe is safe.”
Pagkatapos naming kumain at mag-asikaso, umalis na kami ni Silas. Humalik muna ako kay Chloe at siniguradong sarado ang bintana ng kwarto niya para walang makapasok. Nasa sala ang guwardiya, nanunuod. Hihintayin niya kaming makauwi.
“You like color red?” tanong ni Silas sa gitna ng biyahe.
“Yes, why? Hindi ba bagay sa akin?”
“No, you look absolutely fantastic,” walang emosyon niyang tugon. “You always wearing black kapag tungkol sa gown.”
“See? Always pala e. Edi para marami, I wear red!”
Nakita ko ang maliit niyang ngiti. Sumilay ’yon nang matapat kami sa streelights kaya kitang-kita ko. Bagay sa kaniya ang nakangiti tapos palaging seryoso at nakasimangot. Baliw.
Nakarating na kami sa venue, sakto ang suot ko dahil ang theme color ay pula at itim. Nakablack tuxedo si Silas kaya bagay na bagay ang suot naming dalawa sa party lalo na kapag sabay kaming naglalakad.
Pinuntahan na ni Silas ang kaniyang mga kaibigan. Nakikinig lang ako at ngumingiti kapag pinapansin. May narinig ako sa isang kausap niya.
“Himala at sumama ang asawa mo sa ’yo. Hindi ka na lonely?”
Dahil sa nagtanong na iyon ay nagtawanan ang lahat.
Hindi sinasamahan ni Karen si Silas sa mga ganitong event?
“Shut up,” tugon niya.
Naghanap na kami ng table ni Silas. Umalis siya nang walang paalam pero hinayaan ko lang. Ilang minuto ang lumipas ay bumalik siya, may dalang dessert at drinks.
“Hindi pa naman ako gutom pero salamat.” May nahagip akong waiter. “May waiter naman pala, bakit ikaw pa ang kumuha?”
“I just want to do what you do to me,” he said seriously.
“Kagaya ng pag-aasikaso ko sa ’yo kapag kakain? Honey, that’s normal. I’m your wife kaya responsibilidad kong gawin ’yon.”
“But you don’t do that before.”
Hindi na ako nakasagot sa sinabi niya dahil sumubo na ako ng dessert na binigay niya sa akin. Akala ko ay iiwan niya ako rito para makapagbonding siya sa mga friends niya pero hindi kaya pinuna ko.
“Ayaw mong makihalubilo sa kanila, hon?” malumanay kong tanong.
“No, I want to be with you until the party is over,” seryoso niyang sagot.
Napatango-tango na lang ako. Uminom ako ng drinks at tumingin sa kabilang gilid dahil kanina ko pa nararamdaman na may tumitingin sa akin. Wala naman akong nahuli kaya tumingin muli ako kay Silas na nakatitig sa akin. Napaatras ako ng kaunti bilang reaksyon. Nakagugulat naman kasi siya.
“You want to dance with me?” naglahad siya ng kamay sa mismong harap ko.
“Of course,” sagot ko.
Naglakad kami patungo sa dance floor hawak-hawak niya ang kamay ko. Gumitna kami dahil karamihan ay nasa gilid. Sumusunod lang ako ng sayaw sa kanila. Ramdam ko ang init ng kaniyang hininga at katawan dahil sobrang lapit naming dalawa. Sa pagsasayaw namin ay may bilang sumigaw.
“Hoy, Karen! Dito lang pala kita makikitang babae ka!” galit na galit ang boses nito. “Bitch, look at me!”
Hinanap ng mga mata ko kung nasaan ang tumawag sa akin. Pagkalingon ko, mahahablot niya sana ako nang iiwas ako ni Silas gamit ang paghawak sa aking baywang.
Nanggagalaiti na naman siyang sumigaw. “You’re a whore! Malandi ka! Inahas mo ang asawa ko! Dito lang pala kita makikita! Ang kapal ng mukha mong ibalandra ang mukha mo! Bayarang babae!”