Kalhira’s POV
            “Come with me tomorrow, my business friend’s birthday. If you buy something for yourself, get my black card. Buy what you want,” bumalik ang boses niya sa pagiging malamig.
Nakita kong maraming night dress si Karen sa closet niya. Sasabihin ko sanang hindi ko na kailangan bumili pa ng bago dahil may gagamitin ako kaso naalala ko ang sinabi ni Karen na perahan ko ang kaniyang asawa.
“Yeah, sure.”
Nang matapos kaming kumain, niligpit ko na ang aming pinagkainin. Ako sana ang maghuhugas nang hawakan niya ang kamay ko upang pigilan.
“Go to Chloe’s Room. I can wash dishes.”
Napatango-tango na lang ako at naghugas ng kamay. Pagkatapos ay naglakad na patungo sa kwarto ni Chloe. Nakita kong gising pa siya. Talagang hinintay niya ako para sa kaniyang request.
“Here po, mommy!” abot niya sa akin ng story book.
Ngumiti ako sa kaniya at tinabihan siya ng higa. Binuklat ko na ang libro. Habang kinukwentuhan ko siya, nasa ulo niya ang kamay ko. Pampadagdag antok. Limang minuto lang ang lumipas hanggang makatulog na siya. Tinakluban ko muna ng comforter ang kaniyang katawan, pinatay ang ilaw at napagpasiyahang lumabas.
Tumingin ako sa baba kung nandoon pa ba si Silas. Patay na ang ilaw sa kusina kaya sigurado akong nasa kwarto na siya. Pagpasok ko, sakto ay katatapos niya lang maligo.
Hindi ko siya pinansin, naghanap din ako ng damit para maghalf bath. Pagkatapos n’on, nakita na ang lalaki sa kama. Napakagat tuloy ako ng labi nang maalala kong tabi nga pala kaming matutulog.
Tinagalan ko ang pagpapatuyo sa buhok ko para makatulog siya kaso nangalay na lang ako ay dilat pa ang mata ng lalaking ’to. Hinihintay niya talaga akong mahiga kaya nahiga na ako. Balak ko sanang lagyan ng unan sa gitna namin.
Nakatalikod ako mula sa kaniya. At ang inaasahan ko, naramdaman ko na ang kamay niyang humawak sa baywang ko. Ramdam ko na ang katawan niyang nakadikit sa akin. Amoy na amoy ko ang bango.
“I-I love you. . .” mahina niyang bulong.
“I love you more, honey,” sagot ko agad kahit na naiilang.
Sobrang higpt ng yakap niya. Tila ayaw niya akong pakawalan. Nakasubsob ang mukha niya sa likod ko. Hindi ko maintindihan ang lalaking ito.
Silas’ POV
          I woke up without Karen by my side. Nawala ako sa mood dahil sigurado akong maaga na naman siyang umalis. Kahit talaga pagbawalan ko siyang lumayas ay hindi siya nakikinig sa akin. Hindi ko alam kung anong problema niya dahil hindi naman siya nagsasabi sa akin. Lagi lang siyang nakasimangot at panay bulyaw sa anak. Ni kahit ako ay hindi niya nabibigyan ng oras.
Naligo na ako at sinuot ang uniporme. Sa resto na lang ako mag-aalmusal. Palabas na ako ng bahay nang marinig ko ang boses ni Chloe, may kausap siya sa kusina kaya dumiretso ako roon.
“Wow, your cooking looks delicious, mommy!” manghang-manghang nakatingin si Chloe sa pagkaing hinain ni Karen sa kaniya.
I looked at my wife. Even though she turned her back to me, I could clearly see the sweat on her face. Mukhang maaga siyang gumising para magluto ng almusal. Kahit napatingin siya sa akin ay hindi ko inalis ang titig ko sa kaniya.
“Ang aga mo naman yata, honey.”
Nagmadali siyang kumilos nang makitang aalis na ako. Naglinis at inayos niya na lahat bago ako yayaing kumain.
“Baka ma-late ka na naman sa trabaho,” paalala niya sa akin.
Tinitigan ko muna siya bago ako umupo para kumain. Siya ang naglagay ng kanin ko at nilapit niya ang mga ulam sa akin.
’Gaya ng pag-aasikaso niya sa anak namin ay ginagawa niya rin sa akin.
“How’s your work yesterday?” usisa nito nang makaupo. “Hindi ko na natanong, sorry.”
“It’s good,” simple kong sagot at kumain na.
“Aalis pala ako mamaya. P’wede ko bang isama si Chloe sa mall kapag namili ako ng susuotin ko para mamaya?”
I was stunned. Napatitig na naman ako sa kaniya. Hindi siya nagpapaalam dati kapag aalis. Malalaman ko na lang na wala siya sa bahay. Isama si Chloe sa mall? As far as I know she doesn’t want the child. Nakakapagtakang isasama niya ang anak namin.
Chloe’s POV
           I was so happy when mommy and I arrived at the mall. Hinatid kami ni daddy bago siya pumasok sa work. Nakahawak ako sa kamay ni mom para sabay kaming maglakad.
Ngayon niya lang ako sinama kaya sobra ang tuwa ko ngayon. Ito kasi ang matagal ko nang gusto tuwing aalis siya. Iniiyakan ko pa siya kapag pinagbabawalan niya akong isama.
“Mommy, where do we go first?” tanong ko sa kaniya.
Ngumit na naman siya sa akin. Kinikilig ako kapag palaging nakangiti si mommy dahil pakiramdam ko ay tuwang-tuwa siya sa akin. My mommy is really kind!
“May birthday day party kaming pupuntahan ng daddy mo tonight. Gusto mo bang bumili muna tayo ng laruan mo? Dress? Books? What do you want, baby?”
“Your night dress muna po, mommy before mine po kasi need mo po ’yon!”
“Aww, I really appreciated, baby.”
Lumawak ang ngiti ko sa sinabi niya. Pumasok na kami sa clothing, pinaupo ako ni mom at siya naman ay pumipili. Kapag sinusukat niya ang dress ay tinatanong niya ang staff kung maganda ba sunod ako.
May tinanggihan akong iba pero may nakita naman akong sobrang bagay kay mommy. Maganda siya kaya nahirapan din akong mamili kung anong night dress ang gagamitin niya mamaya.
Pagkatapos ng mga bibilhin niya, tinuon na ni mommy ang atensyon niya sa akin. Pumasok kaming book’s store, games area at lahat ng gusto kong kainin ay binigay niya. Kinuha niya rin ang phone niya para magpicture kaming dalawa. Ang tagal din namin sa mall bago umuwi hanggang makatulog na lang ako sa biyahe.
I love my mother so much now. I know she’s not my real mother because she was the one I saw at the mall last time.