Nanlumo ako ng wala man lang naisalba sa gamit namin.Nakita ko ang mga tsismosang mga kapitbahay namin,kung hindi lang masama ang magbentang masasabi kong baka sila pa ang may kagagawan nito lalo na ang mga katabing karinderya ngunit pati sila ay kawawa din dahil damay ang nakadikit sa restaurant ko.Hindi naman kalakihan ang restaurant,tama lang dito ang 20 ka tao sa loob kung mag dine-in.Naka aircon at counter na tamang laki lang para magkasya ang tatlo ka tao.Dalawang mahabang mesa na harapan ang limang upuan,at apat na kasya ang dalawang harapan kung kakain.Bakit nila pinagdisketahan?Paano na ang pag-aaral ni Alizza ko?Kakaunti nalang ang natira sa ibinigay ni Maam Irish.Sa 2M na laman ng bagpack ay dito ko ibinuhos sa restaurant na ito at nagparenovate pa ako ng bahay para may kwarto si Alizza.Ano ang gagawin ko sa 200,000 na natira?Magkano lang naman ang insurance nitong restaurant ko.
Umiiyak na tumalikod si Lina sa sunog na restaurant na ngay'y abo na,kailangan pa niya bumalik ng hospital at may trabaho pa si Leandro.Si Alizza naman ay pumasok na sa paaralan.Nawala ang lahat ng plano niya para sa debut ng anak.Planong nagkakahalaga ng 200,000 dahil ang iba ay para sa bayad ng hospital at mga gamot pa nito na pang maintenance.Nabawasan na nga ang 200k dahil kakatapos nagpaenroll ni Alizza sa 3rd year college.
Pagdating sa hospital ay agad na nagtungo si Lina sa cashier upang alamin kung magkano na ang bill ng nanay niya.Nagulat siyang bakit umabot na ito ng 150,000 e pangalawang araw pa lang naman na admit ang nanay niya.Nawala sa isip niya na sa private hospital niya nadala ang ina dahil ito ang mas malapit sa kanila.
"Ate mabuti at nandito kana,aalis na ako,baka ma late pa ako sa first subject na tuturuan ko.
Tumango lang ito sa kapatid.Hindi naman kalakihan din ang sahod ni Leandro dahil sa private school ito nagtuturo ngayon.Para sa binata lang ang nasasahod nito.
"Inay,pagaling ka po.Hindi ko alam ang gagawin ko kung mawala ka pa sa amin.Iyak ng iyak pa si Alizza kanina inay,ayaw sana pumasok dahil siya daw ang magbabantay sayo.Gising kana inay oh,sige ka maunahan ka na ng apo mo sa k-drama na pinapanood mo ngayon.Diba Vicenzo iyong pinapanood ninyo?Naku,inay ang apo ninyo ayun nanggigil sa mga salbahe na atty.iyong babae daw.Ay ewan,wala naman kasi ako kahilig hilig sa mga pinapanood ninyo.Probinsyano at huwag kang mangamba ay sapat na sa akin!
Sakto namang gumalaw ang kamay ng nanay niya.Nakangiti na lamang si Lina dahil umubra ang kwento niya dito.
"Ang ingay mo naman anak,natutulog pa ako eh!
Reklamo ni Aling Lucy.."Inay,dalawang araw ka ng tulog,kumain kana muna!
"Ang restaurant anak kumusta?
"Huwag n'yo na po alalahanin iyon inay,baka gusto na talaga natin magpatayo ng mas malaki pa doon,ang sikip na sa atin eh!
"Anak,alam kong kunti nalang ang ipon mo,tapos dadagdag pa ako..
"Inay ok lang po,saka pwede naman ako maghanap ulit ng mapapasukan,31 pa lang naman ako at kayang kaya pa ng katawan ko.Ikaw magpahinga ka nalang sa bahay at hindi mo na makayanan pa kung maglalaba ka 55 kana eh dapat sayo sa bahay nalang!
"55 ka dyan,54 palang ha..
Natawa nalang si Lina sa ina at inayos na nito ang kakainin ng ina.Samantala sa paaralan ni Alizza ay hindi ito mapakali,iniisip ang lolang tulog parin pag-alis niya kanina.
"Hi Aliz!Why so serious today?
"Ikaw pala Jana,ahm..Ang lola kasi eh naka confine ngayon.
"Huwag kana mag-alala sa lola mo,i'm sure naman kaya lumaban ni lola.Namiss ko tuloy bigla ang luto niya.Grabe naman ang nangyari doon sa restaurant ninyo,alam nyo na ba kung sino ang nagsunog?
"Hindi eh,ang sabi naman ng imbestigador baka naiwan lang na hindi sinara ang tangke ng gas.Hindi pa naman ulyanin ang lola para maiwan niyang bukas iyon.Siya pa nga mismo ang nagsasabi araw-araw na "kailangan huwag iwanang bukas ang tangke!
"Grabe naman,mga walang awa.Paano na kayo niyan?
"Baka maghahanap na rin ako ng pwedeng mapapasukan para makatulong kay mama,Halos umaga lang naman ang subjects ko,sa hapon hanggang gabi pwede ako magtrabaho.
"Kawawa naman kayo,hayaan mo na baka hanggang doon nalang talaga iyong restaurant ninyo.Alam mo girl,try mo kayang magmodelo!
"Saan,dito sa Batangas?
"Gaga,sa Manila!Maraming kilala ang tita ko na pwede mong mapasukan!
"Pag-isipan ko at magpapaalam pa ako kay Mama.
"Alam mo,sa ganda at tangkad mo na iyan,malamang kuha ka agad day!
"Sige,pag-isipan ko.Salamat!
Iniwan na ni Alizza ang kaibigan dahil may klase pa ito sa kabilang building.Magkaiba kasi sila ng kurso ni Jana.Si Jana ang naging kababata at naging bestfriend niya kahit sa paaralan lang sila nagkikita.May kaya sa buhay ang pamilya ni Jana,doctor kasi ang ama nito at principal ang ina sa public school.

"Luisito,maghanda ka.Pupunta tayo ng Batangas ngayon!
"Sir Bon bakit?
"Oras na para mapasa atin ang pamangkin ko!
"Sir,baka magkagulo lang.Kakalabas lang ni Aling Lucy sa hospital!
"Nag-alala ka ba sa kanila?
"H-hindi naman po,baka lalong matuluyan ang matanda.
"Wala akong paki-alam!Kasalanan ni Lina at kinupkop niya ang pamangkin ko!Kaya damay sila sa galit ko!
"Eh boss..
"Luisito ano!
Wala ng magawa si Luisito kundi sundin ulit ang boss nito.Naawa na kasi ito kay Lina at unang kita niya dito sa hospital na umiiyak ay nahahabag s'ya.Aaminin niya,gusto niya ang babae.
Sakay ng toyota Vios ay pinagmasdan lang niya ang boss.Busy ito sa kakapindot ng cellphone at naiinis na may tinatawagan..
"Hello manang!
Sa mansyon naman ay kakatapos lang magluto ni manang Loida na mayordoma ng mga Fortalejo ng tumunog ang telepono.
"Ay kalabaw na mahaba ang sungay!Sabi naman nito na gulat na gulat.
"Hello s-sir Bon?
"Si Irish ba nakakain na?Huwag mo pabayaan at lagi mo painumin ng gamot sa tamang oras!
"Opo sir,ito na nga paakyat na at pakakainin ko na!
"Sige,dahil malapit na ang araw ay magkasama na sila muli ng unica iha niya.
Agad naman pinatay nito ang telepono.Hindi mapakali si manang,hindi pwede na makuha nito ang anak ni Irish.Dahil hindli ligtas ang dalaga dito.
"Iha,Irish kumain kana ha para makainom ka ng gamot mo.Malilintikan na naman ako kay sir Bon kapag hindi ka kumain.
Naawa na talaga ako sa alaga kong ito.Halos 17 taon na din itong hindi nagsasalita pagkatapos ng trahedyang iyon..Kitang-kita nito ang pagpaulan ng bala sa kwarto ng asawa niya kahit nakaratay pa ito sa kama.
Flash back....
"Manang gising,may mga tao po.Nakapasok na sila dito sa mansyon!
Paunat-unat pa si manang at kumusot ng mata.Kakatulog lang niya pero ito,ginising siya dahil may mga taong hindi kilala na nakapasok sa mansyon.
Agad naman bumangon si manang at sumilip ito sabay balik sa among babae.
"I-iha,saan si Lina at Alizza!
Iyak lang ang sagot ni Irish sa matandang mayordoma.
"I-iha dito,dali...Dito tayo..
Hinila nito ang babaeng nanginginig na,ni lock lang nito ang pinto ni Bernard sabay takbo sa maids quarter.At ginising ang mayordomang masarap ng natutulog.
"Iha pasok ka dito,dito tayo".Bago bumukas ang main door ay nagkasya silang dalawa sa malaking aparador,na bagong bili ni Bernard para sa mga gamit ni Alizza.Hindi pa ito napasok sa kwarto nito dahil kakadeliver lang.
"Boss nakalock ang pinto eh,matibay ang pagkagawa ng pintong ito!
"Barilin ninyo!paulanan ninyo ng bala.Dahil malalagot tayo kay boss niyan pag hindi natin mapatay ang lahat ng tao dito!
Kaya pinaulanan naman nila ng bala at kitang kita naman nila Irish at manang ang ginawa nila.Hindi nila makilala ito dahil nakasuot ng bonnet at nakatakip ang mga mukha."Hanapin ninyo ang bata!pati si Irish.Basta pag may nakita kayong tao dito itumba ninyo agad!
"Sige boss,paano ang tao sa loob?
"Ako na ang bahala.Ako na ang magtutuloy kung humihinga pa!
Pumasok naman sa loob ng kwarto si Luisito na tinatawag nilang boss.Nakita agad nito ang lalaking may mga tubo at nakaratay sa kama.Wala siyang nakitang bantay ito,hinayaan nalang niya ang lalaki.Mukhang hindi naman na ito mabubuhay pa dahil may malaking tubo itong nakakabit sa katawan at oxygen sa ilong para makahinga.Nahahabag siya sa kalagayan ng lalaki,hindi naman kasi talaga siya masama,napilitan lang dahil malaki ang utang na loob nito sa boss niya.Palabas na siya ng kwarto ng nakita niyang gumalaw ang pinto ng kabinet na nakaharap sa kwarto na pinanggalingan niya.Hindi na lamang niya ito pinapansin at nagkunyaring hindi nakita.Binuksan niya ang isang pinto na katabi ng master bedroom.Halatang kwarto ito ng baby,wala din ang bata dito.Nakita niyang may tumatakbo kahit madilim doon dahil ilaw ng cellphone na nakaflashlight..Nang marinig niyang tinatawag na siya ng isang kasamahan niya ay agad siyang lumabas dahil binuksan na nito ang pinto,baka makita pa niya ang tumatakbo sa likod ng mansyon.Alam niyang ang yaya iyon at karga ang baby.
Nakahinga naman ng maluwag si manang ng hindi sila napansin at bumaba na ang mga masasamang tao.Ngunit napansin niyang hindi na gumagalaw ang among babae,nahimatay na pala ito.Agad niyang tinawagan ang kapatid nito na nasa kabilang street lang nila.Para sabihin ang nangyari sa mansyon.
"Manang saan na si Irish?
"Maam Irene nandoon po sa guestroom pinakalma ko na po.
"Si Bernard kumusta?
Nanlumo naman si Irene dahil sa nakita.Pinaulanan ng bala ang kwarto ng mag-asawa.Mabuti na ngalang at at wala doon ang kapatid at hindi natamaan si Bernard.Agad kinuntak nito ang ama sa Amerika na nadoon na nanirahan dahil isa itong doctor at nurse naman ang ina kung saan isang hospital lang ang pinagtrabahu-an ng magulang nila.
Dahil makapangyarihan din ang asawa ni Irene at maraming connection agad-agad na pinadala sa Amerika ang lalaki at doon na pinagamot si Bernard at dinala naman niya sa bahay niya si manang at Irish.Hindi alam ni Irish na nasa Amerika ang asawa niya.Dahil sa condition niyang hindi nagsasalita at wala sa sarili.
End of flashbacks
Hindi mapakali si Lina habang nagluluto sa kusina.Nakita niyang may tumigil na sasakyang itim sa harap ng bahay nila.Mukhang naligaw lang ito at magtatanong lang siguro ngunit paglabas niya ay mukha ni Bon ang nakita niya.