Napansin ko nga na pagabi na. Binilisan ko ang paglalakad at nakarating na ako sa bahay. Inihiga ang katawan pagkatapos kumain at ina-absorb lahat ng usapan namin simula kay Dwayne hanggang sa pag-text ni Alexis. Nang biglang tumunog ang cellphone ko.
Si Alexis.
Napahinga ako ng malalim.
Alexis
Hindi ka nag-reply. Nakauwi ka na ba?
Louise
Yes, nasa bahay na ako kanina pa.
Alexis
Okay, good. Goodnight!
Louise
Teka lang, wait
Alexis
Bakit??
Louise
May tatanong lang sana ako.
Ay, hindi wala. Bukas na lang
Alexis
Hindi ka makakatulog kakaisip sa sagot ko. Ano nga?
Louise
Bakit mo ginagawa ‘to?
Alexis
Bukas na lang tayo mag-usap.
Mas lalo akong nainis. Mas lalo ako nagiisip sa sagot.
Napunta ang tingin ko sa kalendaryo at nakita ngang ang bilis ng araw. Isang buwan.
Kinaumagahan, madaling-madali akong nag-ayos para maaga ako sa room at ma-practice naming ang presentation naming. Dala ko lahat ng costume namin at sila naman ay sa props Natatanaw ko ang mga kaklase kong buhat-buhat ang mga props nila at nakikipagpatintero sa mga sasakyan sa labas ng school. Sana nauna na sila Nathan.
"LOUISE!" Bungad na salubong sa akin ni Dwayne. Nginitian ko s'ya at inilapag ang bag sa upuan ko. Nang mapansin kong ibang gamit ang nakalagay dito.
"Hailey?" Hinanap ng mata ko si Hailey at nakitang nasa dulo s'ya ng room.
"Hailey!" sigaw ko ulit. Lumingon s'ya sa'kin.
"Gamit mo ba ito?"
Umiling naman s'ya.
"Eh, kanino?"
"Sa akin!" Napatingin naman ako kaagad sa pintuan na iniluwa kaagad si Alexis.
Lumapit s'ya sa akin. Hindi nawala ang tingin ko sa kan'ya.
"B-bakit?" tanong ko at iniwas ang tingin.
"Tabi tayo..." mahanging sabi n'ya.
Inirapan ko s'ya, "You're against to the rule."
"Tss, ano ngayon?" Tumaas naman ang kilay n'ya.
"Soriano ka at Branka ako! Malayo ka dapat sa akin!" impit na sigaw ko sa kan'ya.
Napalitan ang itsura ng mukha n'ya... nakangisi. "Wala sa rule 'yun.” Pang-aasar n'ya sa akin.
"Wala nga pero kapag tinawag ka? Ano titingin ang teacher sa likod tapos malalaman n'ya na nasa harapan ka lang pala at hahanapin ka ng mga kagrupo mo." Umirap ulit ako.
"Madali lang naman ako makita, ha?" Mas lalo akong nainis. Padabog kong kinuha ang mga gamit n'ya at ibinato sa kan'ya.
"Doon ka na sa dulo, ‘wag mo na sayangin oras ko." Itinuro ko ang upuan n'ya.
“Walang uupo rito." Itinuro ko ang upuan katabi ko.
Ngumisi na naman s'ya. ARGH?! ANO BA?!
"Saka wala ka na bang ibang alam gawin?! Puro ka ngisi!"
"Sungit." At umalis na s'ya sa harap ko.
Nakita ko ang mga kaklase kong sinusundan ng tingin si Alexis pabalik sa upuan n'ya. Bumaling ulit s'ya sa akin.
"What?!" muntawi ko. Umiling agad s'ya at ulit na ngumisi.
Inayos ko na ang gamit ko at pumunta sa mga kagrupo ko. Sampung minuto bago magsimula ang klase.
"Mamaya na lang tayo magbihis before English na, Louise," sabi ni Julianne.
"Ahh, yeah. S'yempre." Ngumiti ako.
Mabilis na lumipas ang dalawang oras at bakas sa mukha naming lahat ang kaba at pressure.
"Guys!" sigaw ni Julianne —President namin.
"Yung mga upuan, ilagay daw sa gilid para magkaroon ng malaking space sa gitna! Dali! Move!" Utos n'ya na agad naming sinunod.
Sobrang ingay ng upuan at daldalan ng mga kaklase ko. Hindi ko na hinintay si Julianne na mukhang nananaway pa ng mga hindi sumusunod sa kan'ya. Pumunta na ako sa CR para magbihis. Pagdating ko CR, nakita ko si Mika na nagaayos ng buhok.
"Gulat ako sa sagutan n'yo kanina ni Alexis, huh?" Simula n'ya.
Ngumisi ako. "Bwisit s'ya alam naman n'yang upuan ni Hailey, eh," sagot ko.
"Speaking of Hailey... gusto n'ya rin sa dulo kaya pumayag s'ya sa gusto ni Alexis."
"Huh?!"
"Nagpaalam s’ya."
"Kasi?" Nagsimula akong magbihis sa isang cubicle.
"Ewan! Tinatanaw n'ya si Faye roon at noong pinabalik mo, balik busangot ang mukha n'ya."
Tinapos ko ang pagbibihis ko at lumabas na rin ako. "Ngayon lang nagkagusto si Alexis sa isang babae," plain na sabi n'ya.
Napaarko ang kilay ko, "Okay?"
"Share ko lang." Ngumiti s'ya at pinasingkit ang mata at umalis.
"Madali lang naman ako makita, ha?" Pag-uulit ko sa sinabi ni Alexis kanina na punong-puno ng sarkastiko.
Bwisit!
Biglang pumasok si Nicole.
"Oh? Bakit ka nagsasalita d'yan mag-isa?" Natawa s'ya at dumeretso sa isang cubicle.
"Tse!" sigaw ko.
"Alam kong nabo-bother ka pa rin sa usapan natin kahapon sa park. But don't worry walang pressure ro'n, maghihintay kami," dire-diretsong sabi n'ya.
"Tigilan mo nga ako.” Iritang sabi ko. Narinig ko naman s'yang bumungisngis. Tinignan ko ang sariling repleksyon sa salamin.
"Saka, sis...'di ba dati pa nanghihinayang ka na sa lahat ng nagiging crush mo? Lahat walang crush back?" Nag-daydream pa s'ya habang sinasabi n'ya 'yun. Hinampas ko s'ya.
"Aray!" Reklamo n'ya.
"Alam mo? Walang dulot 'yang sinasabi mo. Ayoko. Kahit anong pilit n'yo, ayoko! Period! Padlock. Umalis ka na nga!" Pagtataboy ko sa kan'ya. Umalis s'yang natatawa.
Inayos ko na ang gamit ko at dire-diretsong lumabas sa CR at papunta na sana ako sa room nang biglang makita ko si Adrian papunta sa p'westo ni Alexis.
Lumipad ang tingin ni Alexis sa akin at —ngumisi. Inirapan ko s'ya at dumiretso na lang sa room. Tumambad sa akin ang props naming nakapuwesto na sa harapan at nakacostume na ang mga kagrupo ko except kay Adrian na nakikipag-usap pa kay Alexis!
Nilapitan ko si Dwayne, "Hindi pa nagbibihis si Adrian, kausap n'ya si Alexis."
"Oh? Anong gagawin ko?" tanong n'ya.
"Kausapin mo! Utusan mo para magbihis." Inirapan ko s'ya at umupo sa upuan ko. Nakabusangot pa rin ang mukha ni Hailey. Sorry.
Bago pa man lumabas si Dwayne para puntahan si Adrian. Pumasok silang dalawa na nagtatawanan. Napukaw n'ya lahat ng atensyon naming magkakaklase.
"Basta, ah! Sabi mo 'yan!" At tumawa ng malakas. Nakunot ang noo ko at matalim na tinignan silang dalawa. Palipat-lipat at pinapakiramdaman sila. Nang biglang naunang tumingin sa akin si Alexis at —tumango.