Pagkatapos ng paghanda naming ng mga props, saka dumating sina Nicole, Joy at Angelica.
"Oh?! Bakit kayo nandito?" Bungad na tanong ni Dwayne sa kanila.
Napaupo naman sila sa bench at sinagot ni Nicole ang tanong n'ya.
"Susunduin si Sehan. May pupuntahan kami. Tapos na ba kayo?"
Agad naman s'yang tumango. Nagtatakang tingin ang ibinaling ko sa kanila. "Saan?"
"Gala ulit. Alam mo 'yung park?" Itinuro n'ya ang daan. Tumango naman ako.
"Doon kami pumunta nung nakaraan..." sabi ko.
"Nakaraan? Kasama ka naming noon, ah?" tanong naman ni Nicole.
"Tanga, ninakaw kaya s'ya ni Alexis." Si Dwayne.
Tinignan n'ya ako. Tumango naman ako bilang pagsang-ayon.
"Wala namang gagawin sa computer shop kaya umuwi na ako kaso nakita ko ‘yung iba nating classmate tapos niyaya nila ako tapos ayun sumama naman ako," paliwanag ko.
"Ahh," sabay-sabay nilang tugon.
Mabilis kaming kumilos dahil may iba pa pa lang gagawin ang mga kagrupo ko. Alas tres na at sinabi nina Kyla na saglit lang naman kami sa park, magke-kwentuhan lang.
"Sure kayong hanggang alas singko lang, ha!" Paninigurado ko. Tumingin silang lahat sa akin at sabay-sabay na um-oo at natawa.
"Sige na, Louise. Una na kami, ha!" Pagpapaalam ni Julianne.
"Ako rin! Bye!" Si Nathan.
"Bye!" Makulit na sabi ni Adrian.
Narinig kong bumungisngis si Joy na agad sinaway nila Nicole.
"Ano ba?!" rinig kong bulong nila.
"Una na ako, Louise Hannah! Ingat ka!" Nginitian ko si Dwayne at tuluyang lumayo sa amin.
Napabilog kami. "Bakit nga?" tanong ko. "Hindi ka nagch-chika, bawal 'yan!" si Angelica.
Umarko lahat ng kilay nila na nagpakunot uli ng noo ko. "A-anong k'wento?" utal kong sabi. Nagsimula kaming maglakad.
"Sa inyo ni Alexis."
"Oh?"
"Rinig ko nag-date raw kayo..." sabat ni Joy.
"Hindi 'yun date."
"Pero magkasama kayo," si Nicole.
“Sus. Aling part ba —”
"Lahat!" sabay-sabay nilang sagot.
"Tss. Okay..."
Mas binilisan namin ang lakad para makapunta ng park at para ma-kwento ko na sa kanila. Pagkaupo pa lang, lahat sila at napadukdok at ako naman 'tong tinatanaw ang sikat ng araw kahit medyo masakit pa sa mata.
Para ka na rin n'yang nililigawan nang hindi mo alam.
Paulit-ulit sa utak ko. Napakatorpe naman.
"Sehan..." tawag sa akin ni Joy. Nilingon ko s'ya nang dahan-dahan.
"Bakit parang ang lalim ng iniisip mo?"
"Si Dwayne?"
"Oh? Anong meron kay Dwayne?" Nananatili silang nakikinig sa akin.
"Ewan ko kung maga-assume ako or hindi pero sabi n'ya sa akin nililigawan daw ako ni Alexis."
"Hmm..."
Nagpatuloy ako, "Matagal na raw ako tinatanaw ni Alexis."
Napatitig sila sa akin. Hinihintay ko silang magsalita nang biglang senyasan ako ni Angelica na magpatuloy.
"Hindi kami nag-date! Saka sa simbahan nila n'ya ako dinala. Nalaman daw n'ya kasi na-curious ako kung ano ang INC at dahil kay Mika, ayun! Isinama n'ya ako kinabukasan sa samba n'ya."
"Ahh." Mahaba nilang sinabi.
"Tapos? After? Ano ginawa n'yo?" Si Angelica.
"Teka! Teka! 'Di ba sabi mo sa amin tinutulungan ka n'ya kay Adrian?" Pigil ni Nicole.
"Ayun na nga. Sabi nga ni Dwayne parang alibi lang n'ya 'yon para mapalapit sa akin," sagot ko.
"Ang bilis naman," bulong ni Joy.
"Bakit naman naging mabilis?" tanong pabalik ni Nicole at nagbukas ng pagkaing dinakot namin kaagad.
"Look. July pa lang n'ya nalapitan ng malapit tapos —"
"Eh, last year pa nga raw tinatanaw-tanaw —"
"Kulit! Alam ko!"
"Saka magulo rin," mahinang sabi ko.
"Kasi?" si Angelica.
"Nalaman ko ring bawal maging partner ang hindi katipan at creepy na ang tagal na pala n’ya akong inoobserbahan."
"INC si Alexis tapos si Louise ay Catholic," sabi ni Joy.
Tumango sila at tumikhim.
"Anong gagawin mo?" Palag sa katahimikan ni Angelica.
"Eh ‘di, basted!" sabat ni Nicole. Matalim s'yang tinignan ng dalawa.
"Hindi naman gano’n si Louise.”
"Depende pa rin naman sa’yo ‘yan pero kung bawal, hindi talaga p’wede”" sagot n'ya.
Natahimik ako bigla. Mali ang sagutin ko s'ya at ayoko rin naman s'yang saktan.
"Marami pang araw at oras! Bakit n'yo pine-pressure si Sehan?" si Joy.
Sumang-ayon bigla ang loob ko. Marami pa namang oras.
"Luh?! Ano 'yun? May balak kang sagutin si Alexis?!" gulat na tanong ni Angelica.
"Lah! Bawal nga!" si Nicole.
Oo nga... bawal.
“P’wede mo naman kausapin ‘di ba? Linawin mo sa kan’ya”
Nagkibit balikat ako.
“Wala naman na ‘ata problema pagdating kay Adrian, eh.”
Kinantyawan nila si Joy kaya nagulat ako. "B-bakit?!"
"Gusto mo si Adrian 'di ba?" Sabay na tanong nilang dalawa pero nakaharap sa akin ni Angelica at kay Joy si Nicole.
Nice one!
Agad tumango si Joy. Nakatitig ako sa kan'ya.
"So…" si Angelica.
"Wait...to clear things up."
"Nililigawan ka ni Alexis." Itinuro n'ya ako.
"Hindi nga!" sagot ko agad. "Ganun na rin 'yun." Inirapan ko sila.
"Gusto mo si Adrian." Itinuro n'ya naman si Joy. Tumango ito.
"Tinutulungan ka ni Alexis para mapalapit kay Adrian or should we say para ma-reto." Napunta ulit sa akin ang daliri n'ya.
"Yup!"
"Ang plano ay pigilan natin si Alexis sa reto n'ya tapos hayaan nating ma-fall si Adrian kay Joy para happy na si Alexis at Louise! Nice!"
Matalim ko s'yang tinignan.

"Bakit?!"
"Hindi ka nakakatuwa," seryosong sabi ko.
"Kasi naman, ni hindi nga ako pumayag na magpatulong kay Alexis. Hindi ko rin masabi-sabi na wala lang 'yun. Higit sa lahat, HINDI KO S'YA GUSTO AT HINDI NGA P'WEDENG MAGING KAMI! Ipasok n'yo 'yan sa kokote n'yo!" Tumayo ako at padabog na umalis sa lamesa.
Narinig ko pa silang nag-sorry at tinawag ang pangalan ko. Habang papalayo, biglang tumunog ang cellphone ko.
1 message received
Alexis Sean
Uwi na, uy! Pagabi na.