Hindi ko na napigilan ang sunod-sunod na kilos ni Alexis tungkol kay Adrian. Hindi ko naman kasi pala s’ya nasagot ng maayos sa tawag n’ya bago ako matulog noong kinausap n’ya ako. Hindi ko na magawang bawiin ang mga sinabi ko… kung meron man.
Bumili s'ya ng ice cream para raw kay Adrian tapos ibigay ko. Sinunod ko. Nagpabalik-balik ang tingin ko sa kan’ya, kay Adrian, at sa ice cream.
Kinuha ni Adrian ang ice cream nang makalapit ako. "Ahh... S-salamat!" Pilit na sabi n'ya.
Pagkatapos no'n, bumalik ako kay Alexis at inirapan s'ya. Maski ang mga kaibigan ko, kapag nakikita nila kaming magkasama, natatawa.
"Louise! Nakikinig ka ba?" Winasiwas ni Alexis ang kamay n'ya sa harapan ko.
Nagtaas ako ng mga kilay sa harapan n’ya. “Ano?”
“Narinig mo ba mga sinabi ko?”
“Hindi.”
“P’wede ba akong humingi ng favor?” Walamg emosyong tanong ko.
Nakangiti n’ya akong hinarap at sumagot. “Yap!”
“Tama na.”
“Anong tama na?”
Nginitian ko lang s’ya bago bumaling ang tingin ko kay Adrian na mukhang nasundan din n’ya, umaasang malalaman n’ya ang ibig kong sabihin.
Hindi ko alam kung anong ginagawa mo sa aming dalawa pero sana mapansin mo ring hindi ako natutuwa sa ginagawa mo. Hindi pa kita masyadong kilala at mas matutuwa pa ako kung ikaw mismo ang magpapakilala sa sarili mo sa akin.
"Ayaw ko na rito, uwi na tayo," sabi ko taliwas sa iniisip at nagligpit ng gamit.
"Teka, ihahatid na kita," Pagpigil n'ya sa akin.
"Anong ihahatid? Malapit lang ang bahay ko," sagot ko naman.
"Akin na bag mo.” Akma n'yang kukunin ang ko nang maunahan ko s'ya.
"Alexis Sean Soriano," mariing sabi ko.
Nagulat s'ya na parang nasindak at dahan-dahang ibinaba ang bag ko mula sa kamay n'ya.
"Basta ihahatid kita---" Naputol ang pagsasalita ni Alexis nang biglaang sumulpot si Dwayne.
"Hindi pa kami uuwi, may pupuntahan pa kami," sabi ni Dwayne.
Shoot!
May group study pala kami!
"Ah, eh, okay? Basta ihatid mo lang s'ya sa bahay nila, ah. Ingat, pre. Bye," mahinang sabi ni Alexis at dere-deretsong lumabas ng room.
"Anong nangyari do'n?" tanong ni Dwayne. Kibit-balikat lang ang naisagot ko sa kan'ya.
Kinuha naman n'ya ang bag ko at lumabas na rin ng room. At dahil mahaba ang biyas ko, mabilis ako kung maglakad.
"Teka, Louise!" Hinahabol n'ya ako at hinihingal na.
Napatigil ako at natawa. Napansin kong mukhang nabibigatan na s'ya sa bag ko dahil may bag din s'yang dala.
"Akin na kasi 'yang bag ko." Hinablot ko ang bag ko.
"Teka nga! Saan ba tayo pupunta?" dugtong ko.
"Wala," kaswal na sagot n'ya.
"Wala?!" gulat kong sagot.
"Joke lang, s'yempre para yata sa English.” sagot n'ya.
"Kagrupo natin do'n si Nathan, Adrian tapos dalawa kayo ni Julianne."
Napalunok ako at tumango na lang.
"Ba't 'di nasama si Hailey?" tanong ko.
"Naabutan ng cut off, teka nasaan ka ba kanina?" tanong n'ya pabalik.
"Nasa library nga, nagre-review."
"Okay..”
Nakarating na kami sa lugar kung saan hindi ako pamilyar.
"Uy, Dwayne! Kaninong bahay ba ito, ba---" Hindi na naituloy ang dapat kong sasabihin nang nahagip ng mata ko si Adrian na nakatopless at nakaupo. Nakita ko namang may damit sa gilid ko kaya dali-dali ko itong kinuha at ibinato sa kan'ya.
"Magdamit ka nga! Nasa ibang bahay ka, eh!" sabi ko.
Napabulaslas s'ya ng tawa habang nagsusuot ng shirt.
"Ibang bahay?" Napangisi s'ya. "Bahay namin ito, eh,"
Nanlaki ang mata ko at biglang nahiya. Tumayo na s'ya at pumuntang kusina para kumuha ng maiinom namin ni Dwayne.
"Alam mo, Louise Hannah..."
Naramdaman kong tungkol na naman ito sa pagiging mature ko. Dapat lang naman, ah? "Nagtataka lang talaga ako bakit minsanan ka lang sumama sa mga gala at labas ng iba nating classmates at kaibigan mo. Introvert ka ba?”
Nagkibit balikat ako.
"Oo nga! Tsaka kung magsalita ka sa loob ng klase, parang ang superior mo."
Kumunot naman ang mga noo ko.
"Pero madaldal," maikling singit ni Adrian.
"Nasasabi n'yo lang 'yan kasi hindi ko pa kayo close 'tsaka this year ko lang naman kayo naging close, ah!" sabi ko.
"Hindi rin," chorus nilang sabi.
Napataas ang kilay ko. Napailing nalang sila at nagsimula na kaming magusap-usap patungkol sa gagawin namin sa English. Roleplay ang napili nilang gawin para sa presentation namin. Nasa kalagitnaan na kami ng discussion nang bumukas ang pinto at inilabas ang iba ko pang kagrupo.
Tumayo naman si Adrian at nagtungo sa sala nila. Sinundan ko ang galaw n'ya at binuksan ang speaker nila. Naalala ko bigla si Alexis nung nagsend s'ya ng voice message. Justin Bieber naman ang pinapatugtog n'ya ngayon.
"Adrian," tawag ko sa kan'ya.
"Paborito mo 'yung Yellow ng Coldplay?" tanong ko sa kan'ya.
Kumunot bigla ang noo n'ya.
"Si Alexis ang may paborito no'n," sabay nilang sagot.
Nagulat ako at napayuko. Akala ko he's giving me a hint of what song Adrian likes.
"Bakit?" tanong ni Dwayne.
"Kinantahan ka na, noh?" Si Adrian naman.
Napa-angat ang ulo ko at tumango.
"Naku po!" sabay nanaman sila.
"Bakit?" tanong ko.
"After n'yang i-send, anong ginawa n'ya?" usisa ni Adrian.
"Tinawagan n'ya ako," sagot ko.
"Ahh," tanging sagot na lang n'ya.
'Yung mga tinginan nila, parang sila-sila lang din ang nagkakaintindihan.
Nagmeryenda na kami habang naglalaro ang lahat ng Minecraft dahil nakakita si Adrian ng APK sa dati n’yang tablet. Bumubuo kami ng isang city at kung ano-ano ang ginagawa nila.
Si Adrian gumagawa ng Tunnel House. Si Kevin, mall. Si Nathan naman rides, katulong n'ya si Julianne. Tapos ako, garden na sobrang laki.
"Tara, survival na!" sigaw ni Adrian.
Sabay-sabay kaming napa-angat ng tingin at umangal, tumawa na naman s'ya ng paglakas-lakas.
Hanggang sa umuwi nanaman kami at inihatid ako ni Dwayne.
"Hanggang dito na lang ako, mahal na prinsesa," sabi n'ya.
Natawa ako at bahagyang sinipa ang binti n’ya. "Sus, walang thank you? Bilin 'yan ni Alexis, noh!"
"Sige, thank you! Ingat," Pagpapaalam ko.
Pagpihit ko bigla kong nakita si Alexis sa tapat ng bahay namin at nakaupo. Nagulat naman ako at binilisan ang lakad.
"Bakit ka nandito?!" gulat kong tanong.
“May gagawin ka pa ba?” Malumanay na tanong n’ya.
“Wala naman na, bakit?”
“Bihis ka uli, may gusto sana ako ipakita sa’yo.”