Sa loob ng isang linggo, naobserbahan ko na lahat ng kaklase ko. Lahat sila ay bago sa paningin ko maliban sa apat na kaklase ko last year.
Si Hailey. Dahil katabi ko, hindi ko maiwasang making sa mga kwento n’ya sa iba naming kaklase. Mapagtyatyagaan naman kasi nakokopyahan ko noon kaso nagsusungit kapag kinukulit. S’ya rin ang laman lagi ng canteen at pumapakyaw sa mga tinda ng mga benta sa labas ng room. Mayroon yata s’yang girlfriend kasi laging may kinikita pagkatapos ng klase.
Nalaman ko rin na saang section galling si Alexis, kasama n'ya si Mikaela. Magkasama raw sila mag-enroll kaya parehas sila ng section ngayon. Ngayon, lagi kaming magkasama ni Mikaela kapag may library session dahil magkatabi kami ng upuan sa assigned seat sa loob.
Si Nicole naman patuloy pa rin ang pagiging social butterfly. Dahil sa kan’ya, ang dami ko nang nakilala na mga kaklase ko at nakakakita ako ng potensyal na circle of riends ko.
Mabilis na lumipas ang buwan at nakilala ko na sila nang tuluyan at muling nakabuo ng mga kaibigan. Si Joy, Angelica, Angela, Nathan, Adrian, Dwayne, Justin Jake, at si Alexis.
Laging kasama ni Nicole si Joy kaya sa tuwing magkasama kaming dalawa, nakadikit din s’ya. Si Angela laging kasama nila Justin, Alexis, Dwayne, Nathan maski si Adrian and other boys. Nasanay na 'yung mata kong makita s'ya sa kumpol ng boys.
Sinanay ako ng mga kaibigan ko tumingin ng diretso at maging komportable. Masaya ako na nagtagumpay sila.
Alas dose na ng tanghali at kailangan ko nang umuwi para kumain dahil mahaba ngayon ang araw ko. Habang nag-aayos, biglang lumapit si Dwayne.
"Louise?"
"Simba tayo sa linggo?" sunod na sabi n'ya.
“Sino mga kasama?” Tanong ko.
Binuhat ko na ang bag ko at napaharap sa kan'ya.
"Sino? Si Alexis?" sagot n’yang tanong na ibinalik sa akin.
"Hindi kasama 'yun. INC 'yun, eh," paliwanag niya.
"INC?" takang tanong ko at hinanap ng mata ko si Alexis.
"Ah, basta! Sumama ka na lang. Si Adrian, sureball na kasama," sabi n'ya at umalis.
Kumunot ang noo ko nang mag-process sa utak ko ang sinabi n’ya. Normal naman ang mag-aya na pumunta sa simbahan…unusual lang na kami-kami ang makakasama.
Nauna na ako at pinuntahan si Mikaela sa library. Hindi ko na mahagilap si Nicole na malamang ay nasa library lang pero hindi rito sa building namin. Wala s’yang nabanggit sa akin o kahit man lang text.
Nang buksan ko ang pintuan, nakita ko si Mika na nakatuktok sa libro at may hawak na ballpen.
"Mika!" mahinang tawag ko.
Napaupo ako at hinablot ang isang libro na nakatabi sa kan'ya.
"May tanong ako," dugtong ko. Tinaasan lang n'ya ako ng kilay.
"Ano 'yung INC?"
"Iglesia ni Cristo," tipid na sagot n'ya.
“P’wede mo ba i-explain?”
"Bakit? Interesado ka kay Alexis, noh?" baling na tanong n'ya.
"Uhh, no, Sinabi lang ni Dwayne sa akin 'yun," sagot ko naman.
Napaikot ang mata n'ya at isinarado ang libro.
"Iba s'ya sa ating mga Katoliko, iba 'yung sambahan nila at iba 'yung misa nila," maikling paliwanag ni Mika sa akin.
"Ahh," sagot ko na lang.
"Si Alexis na lang daldalin mo," dugtong n'ya.
Napabuntong hininga ako, "’Wag na!"
Hindi ko na s’ya inabala at umuwi na ako. Iniisip ko rin kung magre-research baa ko tungkol sa mga INC.
Malapit lang naman 'yung church sa bahay namin kaya hindi na ako magpasundo, aantayin ko na lang sila sa tapat ng simbahan. Hindi ko mapirmi ang sarili ko sa pagpili ng damit.
Bago mag alas singko, nakaligo na ako at nakahanda na ang bistida ko at sandals ko.
Pagkadating ko sa simbahan, malapit na mapuno ang mga upuan, ang tagal naman nila. Umupo na ako sa bandang gitna, mapapansin din naman nila ako mamaya. Nagdasal muna ako habang naghihintay.
Pagkamulat ko ng mata ko, may katabi na ako. Nagsimula na ang misa at nagkan'ya-kan'ya ang upo ng kasama ko. Nakikinig lamang ako sa pari at dinarama ang bawat salitang nais n'yang ipabatid sa amin.
Napansin kong papatulog na si Nathan kaya siniko namin s'ya ni Dwayne at nagulat naman s'ya.
"Makinig ka." mahinang bulong ko sa kan'ya.
Ang dami-daming lalaki sa mundo at masaya ako na nakilala ko sila nang may ganitong prinsipyo sa buhay.
Napangiti ako.
"Kanina mo pa tinititigan si brad, crush mo, ‘noh?" tanong n'ya.
Humarap ako sa kan'ya at pinasingkit ang mata, “Wala naman ako sinasabi?"
“Sus.” Tanging sagot n’ya.
Hindi na ako nakapagsalita dahil patuloy pa rin ang misa.
Natapos na ang misa at pumunta ako sa harapan para mag bless kay Father. Alam kong nauna na ang mga kasama ko dahil may pupuntahan pa raw sila. Sa huling sandali, sumulyap muna ako sa altar at nagpasalamat. Thank you, Lord.
Nag-aya sila na kumain sa labas o luluwas pa ng bayan para makahanap ng masarap na kainan bago pumasok ng klase kinakabukasan. Nagdadalawang-isip ako dahil pag-uwi ko ng bahay, kailangan ko pa maglinis Sa huli, hindi na nila ako napilit.
Pagkalabas ko, nahagip ng mata ko si Alexis.
"Louise!" Tawag n'ya sa akin.
Lumapit naman ako sa kan'ya. "Bakit?"
"Wala lang, hatid na kita," sabi n'ya.
Ha?
"Malapit lang naman 'yung bahay ko, kaya ko naman." Pagtatanggi ko sa kan'ya.
Napasimangot s'ya.
“Alright. May gusto sana ako sabihin sa’yo, pero ‘wag na lang, bukas na lang.” Akma na sana s’yang tatalikod nang hagipin ko ang braso n’ya.
“Ano?”
“Tungkol kay Adrian.”