Nang makarating si Gabriel sa bahay nila, naabutan niya doon si Pitchi. Ang babaeng baliw na baliw sa kaniya at walang ibang nais kun'di ang makasal siya. Handa itong ibigay ang lahat para lang pakasalan niya ito.
"Hi Gabriel," bati sa kaniya ni Pitchi.
Hindi niya ito pinansin.
"Gabriel, anak, nandito si Pitchi. Mag-usap muna kayong dalawa," sabi ng Mama niya.
"Wala naman kaming dapat pag-usapan, Ma. Hindi ko naman nobya ang babaeng 'yan." Inis na sabi ni Gabriel.
"Gabriel! Ayusin mo ang pananalita mo!" sigaw sa kaniya ng Papa niya.
"Bakit Papa? Pipilitin niyo na naman akong pakasalan ang babaeng hindi ko naman mahal o kahit katiting na gusto? Nang dahil lang sa pera at lupa, sisirain niyo ang buhay ko? Na handa kayong hadlangan kung sino ang babaeng mamahalin ko?"
"Gabriel, anak…mabuting babae si Pitchi. At isa pa, para din naman sa atin ito. Gusto mo ba na maging mahirap na lang tayo? Na mamamatay na lang kami ng Papa mo na hindi nakakaranas ng kaginhawaan?" sabi naman ng Mama niya.
"Ma ano ba? Tama ba 'yang sinasabi niyo? Maraming paraan para yumaman! Kaya nga ginagawa ko ang lahat para makapagbigay ako ng malaking halaga sa inyo. Para mabili niyo ang gusto niyo kahit na mapagod pa ako ng sobra. Kaya sana naman, huwag niyo akong piliting ikasal sa taong hindi ko naman gusto!"
Matalim na tinitigan ni Gabriel si Pitchi bago lumabas ng kanilang bahay.
Nagpatuloy pa rin sa pagiging malapit nina Ava at Gabriel. Kahit hindi man aminin ni Ava sa kan'yang sarili, unti-unti nang napapalagay ang loob niya para sa lalaki.
"Hoy! Anong ginagawa mo?" tanong ni Ava kay Grabiel.
"Wala. Tinitingnan ko lang ang maganda mong mukha," malabing na sabi ni Gabriel.
Ngumiti si Ava. "At bakit mo naman ako tinitingnan? Baka naman malusaw ako sa paraan ng pagkakatitig mo sa akin. Kulang na lang kasi ay hubaran mo ako sa paraan ng pagkakatitig mo."
Tumawa si Gabriel ng mahina. "Hoy loko ka! Hindi gano'n ang nasa isip ko. Hindi kita pinagnanasaan
Talagang nakatitig lang ako sa mukha mo dahil ikaw ang pinakamagandang babae para sa akin."
"Ay sus! Ang dami mo namang sinabi. Siya nga pala, bakit ilang araw ng napapansin ko na parang palagi kang wala sa mood?"
Bumuntong hininga si Gabriel. "Kasi sa totoo niyan ginugulo pa rin ako Pitchi na 'yon. Siya 'yong babaeng baliw na baliw sa akin. In-offer-an pa nga niya ng pera at lupa ang mga magulang ko para pakasalan ko siya."
Biglang nakaramdam ng matinding inis si Ava. "Ang kapal namanng mukha ng babaeng 'yon! Masyadong desperada! Huwag kang magpapakasal doon!" Inis na sabi niya.
"Oo. Hindi talaga alo magpapakasal sa babaeng 'yon dahil ikaw ang gusto kong pakasalan," wika ni Gabriel sabay kindat kay Ava.
Napakagat-labi si Ava sabay hampas sa braso ni Gabriel. "Ano ba? Parang siraulo eh," natatawang wika niya.
"Sus! Kunwari ka pa eh kinikilig ka naman!" Pang-aasar ni Gabriel.
Maalakas na tumawa si Ava. "Anong kinikilig ang pinagsasabi mo diyan?" Nakangusong sabi niya sabay irap kay Gabriel.
"Humahaba nga ang uso mo eh. Ibig sabihin kinikilig ka talaga sa akin!" Sinundot ni Gabriel sa tagiliran si Ava.
"Ano ba? Para ka namang timang eh!" Hinampas muli ni Ava ang kaniyang braso.
Pilyong ngumisi si Gabriel. "Ikaw ha, kanina ka pa hampas nang hampas sa braso ko. Halatang gusto mong hawakan ang matigas kong braso. Puwede mo namang hawakan 'yan eh. Kahit nga 'yong ano ko pa ang hawakan mo. Mas matigas 'yon!"
Nanlaki ang mata ni Ava sabay kurot kay Gabriel sa tagliran. "Hoy! Anong pinagsasabi mo? Manyak! Naiinis na ako sa iyo, ha!" Nakangiting sabi ni Ava.
"Ah okay. Naiinis ka sa kilig?" Panunukso pa ni Gabriel.
Mariing napapikit si Ava sabay kagat ng kanyang labi dahil pinipigilan niyang mapangiti.
"Alam mo, isama mo na lang akong maglakad-lakad dito dahil nabo-boring na ako eh," pag-iiba ni Ava ng usapan.
"Okay sige. Tara lakad tay. Kaso dapat hawak kamay," sabi ni Gabriel.
"Anong hawak kamay? Ayoko nga! Baka isipin pa nila magkasintahan tayo."
"Okay. Ayoko na maglakad-lakad kasama ka," sabi ni Gabriel sabay talikod.
Kumamot ng ulo si Ava. "Ano ba naman 'yan! Ang arte mo! Sihenna nga! Kaso sa braso lang." Nagkukunwaring naiinis na sabi ni Ava.
"Okay sige. Gusto ko 'yan."
Pasimpleng kinurot ni Ava sa tagiliran si Gabriel pero humawak naman siya sa braso nito habang sila ay naglalakad. Sinusulit na ni Ava ang mga araw na magkasama sila ni Gabrielle dahil ilang linggo na lang ay babalik na siya sa Maynila. Habang iniisip niya 'yon, bigla siyang nalungkot. Pero naisip niya na puwede naman niyang puntahan dito si Gabriel. Masaya siya sa tuwing kasama niyai Gabriel at hindi niya ito naramdaman sa mga naging boyfriend niya noon.
Aminado naman si Ava na gusto niya na si Gabriel at marami siyang natutunan sa lalaki. Tiinuruan siyang kumain ng mga pagkaing masarap pala kahit na sinasabi nilang pagkain pangmahirap lang. Tinuruan din siya ni Gabriel kung paano magtanim ng palay, kung paano magtanim ng mga gulay at kung paano mamitas na mga prutas at gulay. Masayang-masaya si Ava dahil hindi na siya nakakaramdam ng pagka-boring sa lugar na ito simula nang mapalagay ang loob niya kay Gabriel. Hindi niya pa sinasabi kay Gabriel na aalis na siya dahil babalik din naman siya agad.
"Sabihin mo sa babaeng iyon tigil-tigilan ka niya, ha?" biglang sabi ni Ava habang naglalakad sila.
"Gusto ko ikaw na magsabi. Sabihin mo pagmamay-ari mo na ako," nakangusong sabi ni Gabriel na parang bata.
Umirap si Ava. "Manahimik ka nga! Ikaw na."
Umiling si Gabriel. "Ayoko! Gusto ko ikaw na! Sabihin mo na nagmamahalan tayong dalawa. At sa iyo lang ako. Ayoko talaga sa babaeng 'yon. Hindi ko siya kayang makasama. Ikaw lang ang babaeng gusto kong makasama at mamahalin ko ng buong puso."
Todo pigil si Ava sa kaniyang sarili na mapangiti dahil talagang kinikilig na siya. Kinurot niya pisngi si Gabriel.
"Ang cute mo talaga piste! Manahimik ka na nga Puro ka banat! Kasinungalingan lang naman ang sinasabi mo!"
"Anong kasinungalingan? Hindi mo ba nararamdaman na gusto kita? At simula nang lumapit ako sa iyo, wala ng babaeng humaharot sa akin dahil sinabihan ko sila na girlfriend na kita."
"Ano?" Nanlaki ang mata ni Ava.
"Bakit mo naman sinabi 'yon?"
"Para tigilan na nila ako. Para alam nila na sa iyo lang ako."
Mariing pumikit si Ava sabay buntong-hininga. Masyado na siyang kinikilig sa sinasabi ni Gabriel.
"Halika na nga! Umuwi na tayo. Matutulog muna ako saglit," palusot ni Ava.
Hinatid naman siya ni Gabriel sa kanila. Nag-flying kiss pa ito bago umalis. Nagtatatalon-talon at halos maglumpasay naman si Ava sa kaniyang kuwarto dahil sa kilig.