Princess's point of view
"Kompleto na po ba ang lahat? Magsisimula na po tayo ilang sandali. Ang bride natin on the way na." Aligagang usisa ng babae sa amin habang inaayos ang pila ng mga ninong, ninang, at mga abay.
"Ang ganda mo Pir, gandahan mo ang lakad ha? Alam mo na bago nila pagmasdan ang ganda ng bride, bridesmaid muna makikita nila, ayieee." Bubulong-bulong ni Elaine habang inaayos ang gown ni Glydel.
"Hmm, hindi nila mapapansin ang tulad ko dahil bida ngayon ang bride. Inaagawan mo pa ng eksena ang mataray nating kaibigan," humalakhak bago ayusin ang buhok ko, "Sigurado ka ba na okay ka na? Puwede naman kahit ako na lang magbantay kay Glydel."
"Sus bibigyan pa kita ng alagain. Inalagaan mo na nga ako maghapon, eh. Okay na ako at malakas ang galing ba naman ng nurse ko."
"Tama na 'yan umupo ka na lang malapit sa pwesto ko." Pinaikot niya ako ng dalawang beses pagkaraan ay nagsalita.
"Ang ganda ng bridesmaid sana sa susunod ikaw naman ang bride tapos mamimili ka kung sino sa amin ni Agatha ang bridesmaid mo."
"Huwag mo muna kasi pangunahan kaya walang nagtatangkang manligaw, eh."
"Sisiguraduhin ko after ng kasal maramin manliligaw sa iyo sure 'yan huwag mo akong tawanan!"
"Ay naku, bahala ka na maupo ka na dahil magsisimula na kami maglakad." Sabay kami tumingin sa labas ng simbahan dahil huminto sa tapat ang kotse sakay si Agatha.
"Excited na ako ipangako mo sa akin sa susunod na may ikakasal ikaw naman ang bida, ikaw naman ang huling lalakad."
"Maupo ka na nga." Niyakap ako pagkaraan ay naupo malapit sa uupuan ko mamaya.
Sumenyas ang organizer na maglalakad na ang nasa unang pila while background music ng Beautiful in white. Hinihintay ko ang oras ng lakad ko ng matanaw ko si Nathan malapit sa pintuan. Nagngitian kami.
Kung kailan naglalakad na ako saka nakaramdam ng kaba. Hindi na sa akin bago ito pero sino ba naman kasi hindi kakabahan habang naglalakad nandito ang buong eye catcher at mga classmates namin noong elementary. Tama nga si Elaine, bago makita ang bride ako muna titingnan nila jaya sobrang nakakakaba at nakakahiya ang oras na ito.
Naramdaman ko na itong excitement noong ikasal si Elaine. Bilang kaibigan niya sobra rin akong naliligayahan dahil pangarap niyang makasal sa simbahan. Tulad ngayon, si Agatha na kahit kailan hindi nagkaroon ng ex-boyfriend dahil simula pa noon magsyota na sila ni Carl. Napaka consistent. Kung minsan nakakainggit din. Saan ka ba makakakita ng relasyon na umabot ng ilan taon bago ikasal. Marahil kilalang-kilala na nila ang kanilang ugali kaya nararapat lang na ikasal sila ngayong araw.
Tanaw ko ang mukha ni Carl sunod ningitian ko ang mukha ni Anton na kanina pa nakangiti sa akin. Siya ang bestman at ngayon lang ulit ako nakakita ng bestman na sobrang guwapo. Kung iisipin parang malabong mangyari na puro mga guwapo ang nakatayo malapit sa altar habang hinihintay ang babaeng ikakasal. Sana lang last na 'tong ginagawa ko as a bridesmaid gusto ko naman maging bride. Sana Lord iparanas mo naman sa akin ang feeling bless, please?
May ibinulong si Anton kay Carl na ikinatigil ko saglit sa paglalakad. Bakit kasi bubulong pa tapos itong si Carl ngingiti-ngiti pa ng nakakaloko. Gusto ko sana magtaray pero baka masira ko ang good mood niya mamaya na lang siguro, hihi.
Maya-maya nagtabi sa upuan sina Carl at Agatha saka sinimulan magsalita ang pari. Lumingon ako sa mga lalaking pwesto. Magkakatabi sina Alex, Kevin, Andrew, Daryll pagkaraan tumabi sa puwesto nila si Nathan. Iniwasan ko ang paninitig ni Andrew masyadong nakakahiya at nakakatakot baka kung ano pa masabi niya hindi ko magustuhan. Muli akong lumingon sa hindi kalayuan doon sa upuan ni Anton. Bahagya nitong itinaas ang kamay sabay wave para hindi mapahiya nag-wave rin ako pero half lang.
"Pssst...sino kinakawayan mo riyan?" Usisa ni Elaine.
"Ha?"
Sumenyas na huwag akong maingay at itigil ko ang kakakaway kung kanino. Muli kong nilingon si Anton na halos nagtanguan kami at ngitian. Ilang na ilang ako sa ginagawa ni Anton parang buong seremonya sa akin lang nakatingin hindi ba parang awkward mabuti na lang hindi ako nagkakamali sa mga pinagagawa sa akin. Malapit nang matapos may narinig akong nag clear throat saktong nakatingin sa akin ng apat. Kumaway si Alex, sumunod si Daryll, sunod din si Kevin at huli si Nathan may time pa nga na halos nagkakasabay silang kumaway sa akin na akala mo nasa parke lang. Naputol lang ang kaligayahan ng apat nang paghahampasin ni Andrew ang mga kamay nito. May sinasabi pa si Drew at tiyak kong kinagagalitan niya na parang bata ang apat. Napapangiti ako sa saya, saya na muling bumalik ang eye catcher sa buhay ko.
Siguro naman Lord after nito may mapipili na akong right guy for me ano? Huwag mo na ipagkait sa akin ito Lord ako na lang single sa amin magkakaibigan at ayoko dumating ang araw na mamamatay akong single....and virgin joke lang po willing to wait naman po ako sa lalaking ibibigay mo pero sana huwag niyo na lang tagalan medyo naiinip na kasi katawan lupa ko. Baka abutan ako ng paghuhukom wala pa rin akong nakakapalitan ng 'I Do'.
Hindi na ako magdedemand kahit sino na lang basta mahal ako at mahal ko makokontento ako kung ganoon ang ibibigay mo sa akin.
"Magsitayo tayong lahat..." Utos ng pari. Hindi ko namalayan magkikiss 'yong bagong mag-asawa. Masyadong nilamon ng imahenasyon ko kaya kahit kasal ng bestfriend ko hindi napanuod. Im so sorry my dear friend.
Hiyawan lahat sa pagkiss ng dalawa.
Masaya ang kaibigan ko kaya kung alam kong masaya siya ganoon din ako para sa kanya. Sana forever na ito sa dalawa. Sana hindi dumating sa point na maghiwalay sila sa mababaw na dahilan tulad ng isang kaibigan ko...speaking of, umiiyak siya baka naalala 'yong araw na ikasal siya sa maling tao, tsk.
Pinauna kami lumabas ng simbahan. Hinahagilap ko si Elaine pero hindi ko makita. Nagkanya-kanya nang alis ang mga tao para magpunta sa reception.
"Prinsesa..." Si Nathan. Lord, huwag mo muna pakabahin puso ko ah? Baka mahalata masyadong obvious, eh.
"Hi." Hindi ko matingnan mata sa mata, sheeems.
"Sino kasabay mo?"
"Ah si ano, si Elaine hinahanap ko pero hindi ko makita."
"Tingin ko umalis na siya o kaya maraming sumakay sa kotse niya. Sumabay ka na sa amin."
"Sa inyo?"
He nodded, "Yes, ang mga eye catchers."
"Naku," ano ba 'yan kung nagkataon na umoo ako makakasama ko sila sa loob ng kotse. No way. "Ah, hindi na siguro hihintayin ko pa rin si Elaine baka magalit 'yon kapag naabutan wala ako rito."
"Sumabay ka na para makita ka ng ibang barkada." Barkada...ibig ba niyang sabihin belong ako sa barkada niya?
"Pir!" Yes, thank you so much Elaine dumating ka. Kung hindi baka mawalan ako ng hininga kung makakasama ko ang buong eye catchers. "Sorry nakalimutan kitang isabay sa kotse."
"Okay lang tara na." Hinawakan ko sa pulsuhan.
"Iyon na nga nakalimutan kita bigyan ng space sa bawat upuan ng kotse sorry Pir." Napalunok ako sa pag-amin nito.
"See? Sabi ko sa iyo sumabay ka na sa amin para magka-bonding tayo papuntang reception." Sabat ni Nate.
"Iyon naman pala! Hindi na ako mamomoblema sa sasakyan mo. Sumabay ka na magkita na lang tayo sa reception." Niyakap ako, "Good luck, mapaliligiran ka ng mga guwapo." Mapang-asar niyang bulong pagkatapos ay nagpaalam sa amin.
"Tara?" Walang reaksyon akong sumunod sa parking lot ng simbahan. Isang van na kulay asul ang dinala nito.
"Dito na lang ako sasakay sa harap." Bubuksan ko pero pinigilan kamay ko sabay tapik ng isa pang kamay sa pinto ng kotse.
"Nakareserve na ito para kay Andrew doon ka na lang sa likod ako ang driver. Don't worry behave lang mga alaga ko sa loob." Okay nakakatawa 'yang biro mo lalo tuloy kumalabog ang puso ko.
Pagbukas na pagbukas niya sa pinto tahimik na nakatingin sa akin ang lahat. Bago pa makasakay sabay-sabay nilang tinawag ang pangalan ko. Sobrang awkward na naman.
"Dito ka sa tabi ko Prinsesa!" Galak na galak hinawi ni Alex ang mga bag sa tabi nito para makaupo ako.
"Salamat." Nakangiwi kong sabi bago kami umalis sa simbahan.
"Kumusta? Balita ko sikat na vloger ka. Ano name mo sa YouTube channel mo para mapanuod ko naman mga ginagawa mo."
"Pangalan ko rin nakalagay mahahanap mo kaagad."
"Okay!" May kung ano pinindot sa cellphone, "Ang cute mo sa mga video."
"Salamat."
"Hoy, patingin!" Pilit hinahatak ni Daryll ang cellphone rito.
"May sarili kang cellphone hindi ba?" Naiinis nitong sabi.
"Naiwan ko sa shop patingin na kasi..."
"Oh heto marami 'yang load ng manahimik lang kayo!" Sabay bato ni Anton ng cellphone kay Daryll kahit magkatabi lang sila. "Prinsesa, ang cute mo kanina." Bulong niya mula sa likuran ko.
"Sala---" lumingon ako kaya lang sobrang lapit pala ng mukha niya muntik kong mahalikan ang lips nito. Napahawak ako sa pisngi sa hiya.
"Ano ba Anton! Grabe ka kung kumilos kaagad-agad??" Saway ni Kevin sa likuran ni Daryll.
"Okay lang, hindi naman natuloy saka..." Natigilan ako ng magtanong si Alex.
"Mga dre, ano english ng sanggol?"
"Buwisit ano? Sanggol lang hindi pa alam bobo lang?" Bara ni Anton.
"Yabang mo, ganito tanong sa number 56 sa app,eh."
"Sus, puro ka kasi landi hindi nag-aaral ng mabuti dati." Sabat ni Kevin habang inaayos ang long sleeve.
"Eh kung sagutin niyo ba naman 'yong tanong ko eh di masaya dami pa sinasabi ang tatalino niyo uy!"
Nagulat ako tumatawa si Nathan nakatingin pala ito sa rear mirror.
"Pagpasensyahan niyo ang bestfriend ko medyo kulang-kulang 'nung pinanganak! Hahahah..."
"Ay, kambal ohhh kulang-kulang daw tayo sabi ng katabi mo!" Sumbong ni Alex kay Andrew. Kagat labi ako nang lumingon sa puwesto namin.
"May sinabi ba siyang 'kayo' wala naman hindi ba? Idadamay mo ako sa ka-abnormalan mo." Ngisi kay Alex pagkaraan sumulyap at umayos ng upo.
"Sige pagtulungan niyo ako!"
"Fetus lang hindi mo pa alam!" Tatawa-tawang sagot ni Daryll.
"Fetus mo mukha mo!"
"Eh ano ba? Totoo naman ah? Fetus!"
"Fetus pa lang 'yon hindi pa sanggol na nakalabas na bobo!"
"Kung makabobo ikaw nga hindi mo alam sagot, eh."
"New born lang pinag-aawayan niyo pa?!" Seryosong awat ni Anton sa dalawa.
"New born mo mukha mo!" Nagkakandahaba ang nguso ni Alex.
"Nagtatanong ka tapos hindi maniniwala puta!"
"Eh mali eh! Oh, mali tingnan mo!" Sinupalpal ang cellphone malapit sa mukha ni Anton.
"Sabi ko nga wala na akong sinabi pa." Dinig kong sandal ni Anton.
"Ikaw ba Prinsesa alam mo ba english?" Naku, sa akin pa nagtanong pero teka ano nga ba english ng sanggol?
"Ahhh...."
"Ahhh?"
"Baby?" Hindi ko siguradong sagot.
"Yes baby ko?" Lumapit sa akin sabay akbay ni Alex.
"Alex umayos ka nga!!"
"Hokage ka Alex!"
"Segway ang pota!"
Sunod-sunod na reklamo nila Daryll, Kevin, at Anton. Kusa kong tinanggal kamay sa balikat kobaka kung ano magawa ng mga kasama niya.
"Araaaay!!" Ayan na nga nakatikim ng tig-iisang batok mula sa tatlo baka kung hindi nagmamaneho si Nathan nakibatok na rin siya.
"Pinag-aral ka nila Papsy sa magandang paaralan tapos english lang sa sanggol hindi mo alam?" Aba, himala nagsasalita si Andrew.
"Porque nag-aral kailangan alam lahat??"
"Syempre!"
"Bobo ka rin pala, eh."
"Anong sabi mo?"
"Ah wala sabi ko nga mas matalino ka sa akin. Ano nga 'yong english sa sanggol alam kong alam mo ayaw pa sabihin."
Dinig kong bumuntong-hininga si Andrew.
"Infant." Saka lang naging malinaw ang lahat kay Alex.
"Whooooo! Tama, tama ang sagot mo! Sabi na at sa akin ka nagmana!"
"Nagmana mo mukha mo!"
Parang gusto ko na lang bumaba dahil out of place ako. Ikaw ba naman makasama mga lalaki tapos puro kalokohan pa pinag-uusapan. Ewan ko na lang kung nanaisin mo pa ba sumakay dito.
"Prinsesa, next week chinese new year na invite sana kita magpalipad ng mga lantern gabi naman 'yon kaya tiyak makakapunta ka." Paanyaya ni Daryll.
"Saan ba gaganapin?"
"Malapit lang sa shop ko puwede mo na nga lakarin kung doon ka manggagaling. Ano payag ka na ba? Susunduin kita sa apartment ninyo."
"Sige, itetext kita kapag puwede ako."
"Talaga? Kaya lang ano number mo?"
Dinig kong nagtikhiman ang anim. "Hihingin ko number para malaman ko sagot niya ang mga utak niyo masyadong advance."
"Defensive masyado." Parinig ni Andrew.
"Okay na maging defensive kaysa torpe."
"Sino torpe?" sumilip pa talaga sa puwesto namin.
"Si Kevin! Si Kevin sinasabi kong torpe." Lahat kami hinihintay ang magiging reaksyon ni Kevin, "Hoy, magsalita ka malilintikan ako sa bestfriend mo." dinig kong sabi pa ni Daryll.
"Oo na torpe na kung torpe hindi mo kasi tulad masyadong mabilis sa babae." Tila nabunutan ng tinik sa dibdib itong si Daryll.
"See? Hindi kita pinaparinggan." Nandidilat mata kay Andrew.
"Whatever." Naghulihan kami ng titig ni Andrew bago prumeno ng malakas si Nathan.
"Dahan-dahan naman!" Bulyaw ng anim.
Nakatingin pala si Nathan sa rear mirror sunod kay Andrew na galit pinapagalitan siya.
"May tumawid kasing pusang itim." kalmado nitong dahilan.
"Pusang itim? Hindi ba malas 'yon?" Natatarantang hanap ni Alex sa labas.
"Nagpapaniwala ka." Iritableng sabi ni Anton.
"Mabuti na 'yong nag-iingat!"
"Sus, bago ka maniwala sa mga ganyan pataasin mo muna IQ mo sa english."
"Sobra ka! Porque pagmamay-ari ninyo ang airport!"
"Connect sa pinag-uusapan natin?"
"Wala. Wala kasi akong makitang panget sa iyo napaka perfect mo grabe."
"Syempre, bukod doon ako pinaka guwapo sa inyong lahat." While Mr.Pogi pa ito bago pagbabatuhin siya ng mga kaibigan ng kung anu-ano.
"Mahiya nga kayo sa Prinsesa natin!" Bulyaw ni Nathan. Ito rin ang naging dahilan upang manahimik ang lahat. Medyo awkward na naman ang nangyayari. Please, sana makarating na kami sa reception hindi kinakaya ng katawang lupa ko na palibutan ng mga naggagandahang lalaki.
"Okay lang sanay akong maiingay kayo noon pa man." Nasabi ko. Kaagad nag-ngitian.
"I remember noong gumanap ka na Princess Aurora." Kinabahan ako sa sinabi ni Alex.
"A-ah...oo nga naaalala ko pa 'yon."
"Teka, nalaman mo ba kung sino humalik sa iyo noon?" Alam ni Anton?
"HUMALIK??!" sabay-sabay nilang lahat. Teka, kung sabay-sabay silang nagtanong ibig sabihin wala sa kanila ang humalik sa akin.
"Paano mo nalaman?" Uhm, wait lang. Hindi ko napansin kung nagsalita ba si Nathan o Andrew dahil nasa unahan sila. Hmmm.
"Umiiyak ka after ng program tinanong kita kung bakit ka umiiyak ang sabi mo pa may humalik sa iyo. Nagtanong ako kina Alex at Kevin pero wala raw silang alam doon dahil magkakasama sila ni Carl."
Naguluhan ako sa sinasabi ni Anton.
"Totoo may humalik sa iyo?" Nanlalaki mata ni Alex.
"O-oo."
"Sino?"
"Ewan hindi ko nakita."
"Hoy mga dre umamin na kayo alam kong isa sa inyo gumawa 'nun!" Pinagtuturo mga kaibigan.
"Labas ako riyan magkakasama tayo ni Carl hindi ba?" Depensa ni Kevin. So ibig sabihin wala kina Alex, Kevin, at Carl ang humalik sa akin. Isa lamang kina Anton, Daryll, Nathan, at Andrew.
Napansin kong humawak ng mahigpit si Nathan sa manibela habang si Andrew hindi na muli kumibo. Tiningnan ko sina Anton at Daryll pero umiiwas lang at sa labas mga nakatanaw. Mukhang mahihirapan akong malaman kung sino gumawa sa akin nito pero kung sa bagay napakatagal na rin noon baka mapatawad ko pa siya kung aaminin ito ngayon.
"DITO po table ninyo ayon po sa newly wed.." Turo sa direksyon ng isang receptionist. Malayo pa lang nakikita ko sina Glydel, at Elaine bukod tanging sila lang nakapuwesto sa bakanteng lamesa.
"Guys, dito raw tayo!" Simpleng senyas ni Elaine. Nagkanya-kanya kami nang upo bago lapagan ng mga food ang lamesa.
"Hi Elaine." Isa-isang bati ng anim.
"Hello, this is my daughter Glydel." Pagpapakilala nito sa anak.
"Hi Glydel." Isa-isa muling bati ng anim.
"Hello po sa inyong lahat. Mommy, ang guguwapo pala ng mga kaibigan mo sana isa sa kanila maging daddy ko." Tinakpan kaagad ni Elaine bunganga ng anak.
"Ano ka ba nakakahiya pasensya na guys madaldal talaga itong anak ko. Pasensya na, pasensya na." Pilit sa ngiting paliwanag ng kaibigan ko.
"Nakakatuwa nga, eh." Sakto pagkasabi ni Kevin biglang tumahimik ang buong paligid. So weird.
"Ilan taon ka na ba Glydel?" Abot ni Anton dito ng chocolate.
"Thank you, ampung taon na po ako. Ahhh...ang guwapo mo naman po. May girlfriend ka na po ba?"
"Ah, wala."
"Puwede ba ikaw na lang maging daddy ko?"
Naitulak ni Daryll si Anton pero mahina lang iyon nga lang ito rin naging dahilan para matawa ang ibang kasama namin.
"Si Kevin dapat ang maging daddy mo hindi ako." bulaslas niya sa bata.
"Si Kevin po?" Humarap sa mommy nito, "Naalala ko may naging crush ka dati iyong Kevin po ba na sinasabi mo kasama natin ngayon?"
"A-ah...a-ano ba sinasabi mo riyan Glydel pasensya na ang daldal talaga nagmana sa daddy niya, eh. Wait lang ha lalabas kami para kunin 'yong shoes niya kanina pa nagrereklamo sa heels." Mahigpit niyang hinawakan ang anak palabas ng hotel.
Susundan ko sila baka pagalitan ni Elaine 'yong anak kawawa naman. Minsan kasi sobra rin magtaray kaibigan ko lalo kung tumitigas ulo ni Glydel. Sa pagtayo halos kasabay ko lang din si Andrew parang nag-slowmo ang buong paligid ngayong nakatitig siya sa akin.
"Oh, huwag ninyo sabihin aalis pa kayong dalawa?" Si Nathan.
"Susundan ko lang sina Elaine." Sabi ko.
"Magpapalit lang ako ng damit hindi ako komportable sa suot ko." Tugon ni Andrew na nagmamadaling lumabas.
"Sige, babalik kaagad ako." Nakuha kong bumuga ng hangin dahil silang lima ay nakatitig sa akin.
Malayo pa lang nakikita ko sina Elaine at Glydel tiyak na pinagsasabihan nito ang anak. Paglapit ko tumahimik ang dalawa sa pag-uusap.
"Tita Princess..." Yakap nito, "Si Mommy pinagagalitan na naman ako." Sumbong sa akin tinaasan ko ng kilay ang mommy niya.
"Baka naman sinaktan mo pa?" Usisa ko.
"Hindi pero kung magdaldal pa siya baka ganoon na nga mangyari manang-mana talaga sa daddy niya napaka sobra."
"Pir, huwag mo naman idaan sa bata ang galit mo sa dati mong asawa. Bata 'yan ano ba malay niya saka gusto lang niya magkaroon ng daddy na kahit anong pilit niya inaayawan mo. Gusto mo magtigil kaka-daddy ng anak mo? Balikan mo ang asawa mo ganoon dapat."
"Hay naku, palagi mo na lang kinakampihan ang batang 'yan kaya tumitigas ulo, eh."
"Hindi ko siya kinakampihan dahil sumasang-ayon ako sa gusto niya ginagawa ko lang ang tama dahil wala siyang kasalanan sa ginawa niyo ng asawa mo."
"Uuwi na lang kami."
"Paano kung hanapin kayo nila Agatha? Bumalik na tayo." Hindi makatingin sa akin ng diretso. "Huwag mo sabihin affected ka?"
"Affected?" taas kilay nito.
"Kay Kevin." Sabay kami tumingin kay Glydel na nakikinig sa amin. Naupo ako upang mapantayan ang bata. "Del, about Kevin huwag mo na lang siguro banggitin sa mga kasama natin ha?"
"Bakit po?" Naka-pout niyang usisa.
"Dahil ayaw ng mommy mo ang totoo nandoon si Kevin pero kasi hindi mo pa mauunawaan ang lahat kaya sana tumahimik ka na lang para hindi magalit si mommy ha?" Tumingin sa mommy nito sabay yakap.
"Sorry mommy."
"Okay lang." Malungkot na tumingin sa akin ang kaibigan ko, "Mauna ka na sa loob may pag-uusapan lang kami." Hinintay pa namin makalayo si Glydel.
"Until now ba masama pa rin loob mo kay Kevin?" Napakatagal na pero may galit pa rin sa puso.
"Sinong tanga makakalimot sa kasalanan na 'yon."
"Ang tagal na Elaine."
"Matagal na o bago pa lang kasalanan pa rin 'yon."
"Mabuti sana kung napakabigat ng kasalanan sa iyo."
"At least kasalanan pa rin niyang ipahiya ako dati sa maraming tao I hate him."
"You hate him pero mahal mo siya noon pa."
"Simula ng mangyari 'yon nawala na lahat ng feelings ko para sa kanya."
"Parang nararamdaman ko hindi ganoon. Kahit nagka-asawa ka na at nagkaroon ng anak feeling ko talaga 'yan puso mo nakakulong pa rin sa nakaraan." Nakuha niya kong irapan at taasan ng kilay.