( Princess's Point of view )
"Maayos na pakiramdam mo?"
"Oo nakakapagpapawis na ako."
"Baka mabinat ka niyan."
"Okay na talaga ako huwag ka mag-alala."
"Mabuti pagkatapos mo mag-Jogging sabay tayo mag-almusal."
"Sure nakakamiss mga luto mo kahit isang araw lang ako nagkasakit feeling ko ang dami kong na miss sa luto mo."
"Sasarapan ko pa lalo ang luto."
"Sayang lang pag-Jogging kung mapaparami ang kain."
"Hayaan mo na minsan lang tayo kumain ng masasarap. Ah, oo nga pala bakit wala pa bumababa na boarders mo? Mga late na sila sa school at work."
"Baka mga nag-inuman kagabi sa rooftop kaya may hang-over."
"Maaga ako nakatulog kaya hindi ko namalayan mga nasidatingan sila."
"Eh hindi ko alam mamaya kakatukin ko sila." Palabas na sana ako ng magsalita muli si Ate Rizz.
"Tanghali pupunta boyfriend ko."
"Talaga? Oh sige, wala akong lakad ngayon okay 'yon para makapag-usap kami."
"Umalis ka na at magpapawis." Kinindatan ko ito bago lumabas ng bahay.
Inikot ko ang kabuuan ng lugar namin dahil dito tagaktak ang pawis ko ng matapat ako sa apartment. Medyo sikat na rin kasi ang araw at masakit na sa balat. Pumasok ako sa loob ng bahay at uminom ng tubig. Maya-maya bumababa ang mga boarders ko na may dalang gamit, at bag.
"Saan kayo pupunta?" Usisa ko sa kanilang lahat.
"Ate Princess kailangan na namin umalis sa apartment mo."
"At bakit naman pinapaalis ko ba kayo?"
"Hindi kaya lang kailangan na talaga namin umalis. Huwag ka mag-alala malinis na malinis ang bawat kuwartong ginamit namin nakasobre na rin at listahan ang utang namin sa iyo para sa apartment."
"Teka nga bakit biglaan at sabay-sabay pa kayo?"
"Eh kasi itong si Nikki may nakilalang tao nag-offer sa kanya ng magandang trabaho. Since naalala niya kami isinama kami sa work tapos 'yong titirhan namin libre lang sa amin ang pagkain sorry talaga Ate Princess."
"Binigla niyo naman ako." Malungkot kong sabi, "Pero ano ba magagawa ko wala akong karapatan pigilan kayo basta kapag may problema alam niyo naman number ko."
Isa-isa silang yumakap at nagpasalamat. Malungkot ko silang tinanaw papalabas ng apartment at nang hindi ko na sila makita nakuha kong maupo dahil sa sobrang hinayang. Ang hirap sabihin nito kay mommy baka mabigla 'yon. Mukhang kailangan ko makahanap urgent ng bagong uupa rito hindi maaaring matengga ang bawat kuwarto.
Isa-isa kong pinasok ang kuwarto malinis at mabango ang mga ito. Mukhang bagong palit lang din ng sapin sa kama. Malinis din ang banyo disiplinado talaga ang mga boarders ko ayaw na ayaw nilang magagalit ako dahil sa pagiging makalat.
Sa ngayon, umakyat ako ng rooftop. Kung kailan nasa itaas na saka nakaramdam ng gutom. Napabuntong-hininga ako dahil sa mga nangyari. Nakakabigla naman kasi. Hay, ewan kung minsan ang buhay ang daming surpresa, minsan parang wala lang sa iyo pero madalas apektado ka.
Kinontak ko si Jak na kaagad naman sinagot.
"Oh? problema mo?" bungad nito.
"Paano mo nalaman may problema ako?"
"Tumatawag ka lang naman kapag may problema hindi ba?"
"Ang drama mo."
"Ano nga ba problema ng maganda kong kapatid?" Nagpupumagpag sa ngiti ang tainga ko sa sinabi nito.
"Wala na akong boarders."
"What?! Bakit at anong nangyari?"
"Hay, mahabang kuwento basta ang kailangan ko bagong uupa sa mga kuwarto."
"Bale eight na kuwarto ang available?"
"Anim lang."
"Bakit anim lang? Walo yon ano ka ba? Bobo ka na ba sa math? Kayong tatlo nila Agatha at Elaine na lang ang naiwan diyan."
Patay wala pa nga pala siyang alam na sina Ate Rizz at Thalia ay nandito sa apartment malalagot ako nito at sigurado ilang linggo na naman akong hindi papansinin.
"May bagong boarders nga ako hindi 'yong pumalit sa mga naunang umalis bobo kaagad?"
"I forgot okay gagawa ako ng paraan bago ba magsialis mga boarders mo nilinis ba at nagbayad ng buo?"
"Five star nga sila, eh."
"Hmm, talaga lang ah baka mamaya pinagtatakpan mo pa."
"No way! Kahit i-check mo pa!"
"Oh sige pupunta ako riyan." Omg. Wrong move Princess.
"Kukuhaan ko na lang ng litrato bawat kuwarto at itong sobre ipapasa ko sa messenger mo."
"Okay sige na on the way na ako sa school."
"Ingat, pogi kong kapatid."
"Salamat, manang kong kapatid." magrereklamo pa sana ako pero kaagad niyang pinatay mukhang naisahan na naman ako ng isang 'yon ha.
May narinig akong naghintuan na kotse sa tapat ng apartment pagdungaw limang kotse at isang motor ang nakahinto at lumalabas ang mga pamilyar na lalaki. Nauuna lang lumalapit sa gate si Daryll since siya ang naka-motor habang ang ilan abalang nagbababa ng mga bag mula sa loob ng kanilang kotse.
Anong nangyayari? May nangyari bang sakuna kaya parang evacuate center itong tapat ng apartment ko?
Bumaba ako para tunguhin ang gate pagkita pa lang nila sa akin sabay-sabay silang kumaway at bumati parang na bingi ako sa lalakas ng boses lalong-lalo kay Alex.
"Anong ginagawa ninyo?" Pansin kong may tiga tatlo silang travel bag na nakalabas at unti-onting umandar ang mga kotse na nakaparada kanina. Dalawang kotse ang natira, ang isa kay Andrew at isa naman ay kay Kevin kasama rin naiwan ang motor ni Daryll.
"Naghahanap kami ng apartment." Kalmadong tugon ni Anton.
"Kailangan? Bakit may mga sarili kayong bahay."
"Sabihin na natin nagsasawa na kami kaya susubukan ng eye catchers mangupahan at sa iyo nga kami papasok." may halong nakakalokong tingin paliwanag ni Daryll.
"Mga baliw ba kayo??"
"Nope, Prinsesa mas mainam na siguro ito para mabantayan ka namin." Tugon ni Alex.
"Ano akala ninyo sa akin bata?"
"Puwede namin gawing bata?" Sabat ni Nathan lalo tuloy akong naguluhan.
"Teka nga, teka nga ano ba kasi problema ninyo ha?"
"Kung ano problema mo saka binibigyan lang namin ng solusyon ang prinoproblema mo." Makahulugang sabi ni Andrew.
"Wala akong problema." Irap ko.
"Wala nga ba?"
"Wala."
"Hindi ba at umalis ng sabay-sabay mga boarders mo? So ginawan lang namin ng paraan."
"May kinalaman ka rito, Andrew?!"
"Hindi lang naman ako pati sila." Tanaw sa mga kasama.
"Magsiuwi na nga kayo sa bahay niyo." Tatalikod na sana ako pero nag-uunahan silang makapasok sa loob ng bahay.
"Anong kaguluhan 'to?" Usisa ni Ate Rizz na ikinatigil ng anim.
"Bakit may mga dala kayong gamit?"
"Dito na kami titira." Kalmadong tugon ni Andrew.
"At bakit teka nga Princess alam ba ito ng Tita Jade ha?"
"Ngayon ko lang nalaman ito huwag ka mag-alala paalisin ko sila." Padabog na umakyat sa second floor si Ate Rizz.
Makikiusap pa sana ako sa anim ngunit wala akong laban. Wala akong nagawa kundi ibigay ang susi ng kanilang kuwarto. Nag-unahan sina Alex, Daryll, Anton, Kevin, sa first floor kung saan may apat pang-available at sa isang kuwarto si Thalia gumagamit.
Sa second floor, sina Nathan, Andrew, since dalawa lang ang na bakante rito.
"Tara na, Prinsesa kumain na tayo."
Nagkukumahog sina Alex, at Daryll ng makarinig na kakain na.
"Ops, sinabi ko ba kasama kayo sa ipinagluto ko?"
"Ang damot mo naman." Nguso ni Alex.
"Hindi ka na namin bate." Waring galit ni Daryll.
"Para kayong mga bata hindi niyo ba alam ang policy sa apartment ni Prinsesa ha? Kanya-kanyang food o kaya hati-hati sa gastos at ako ang taga-pagluto rito."
"Iyon lang ba?" Seryosong lumalabas sa kuwarto itong si Anton may inabot na credit card kay Ate Rizz, "Bumili ka ng mga pagkain good for one month."
"At utusan ba ako rito?" Bumababa sina Drew at Nate galing itaas.
"May policy kasi ako rito guys." paliwanag ko ng lumalabas din sa kuwarto si Kevin, "Since kayong lima kasama si Thalia kayo ang taga-punta sa grocery at bukod doon kayo rin naka- assign sa paglilinis dito sa first floor."
"Iyon lang ba? Madali lang para sa akin 'yan ewan ko lang sa iba riyan." Parinig ni Daryll sa mga kasama.
"Kaya natin 'yan dahil sama-sama tayong gagawa." Wika ni Anton.
"Sagot niyo rin ang mini garden sa labas?" Alanganin kong sabi.
"Pati iyon? Paano naman sina Drew at Nate!" nagsimula ng magreklamo si Kevin.
"Kami nila Ate Rizz, Elaine, Agatha, Carl, Drew, at Nate ay trabaho namin linisin ang second floor kasama na balkonahe." Paliwanag ko.
"Ano may reklamo pa ba kayo? Kung mayroon doon kayo sa baranggay o kaya umalis na kayo."
Ngayon ko lang din na pansin ang suot nila. Tulad ni Drew, at Nathan na tila pupuntang meeting habang sina Alex, at Kevin simpleng polo shirt at skinny jeans. Si Anton mukhang pupuntang kongreso at si Daryll naka pangbahay lang.
Bukod tanging si Daryll lang ang hindi nagpaalam para umalis.
"Hindi ka magbubukas ng shop?"
"Mamaya pa naman ako magbubukas."
"Kumain ka na ba?"
"Hindi pa nga."
"Sumabay ka na sa amin maya-maya gigising na si Thalia."
"Oh bakit mo binabanggit sa akin pangalan 'nun ikaw ha baka nakakalimutan mo nanliligaw ako sa iyo."
Siguro ito na rin ang pagkakataon para umamin sa kanya dahil matapos akong dapuan ng sakit na realize kong huwag ng patagalin pa ang pagpapahirap sa iba.
"May gusto ka ba sabihin?"
"Mamaya na lang kumain muna tayo."
"Kinabahan naman ako." Nangiti lang ako at sinimulan kumain.
INAYA ko siya sa rooftop mahangin-hangin dito kahit paano isabay pa 'yong matinding kaba sa dibdib ko.
"Daryll nakapag-decide na ako."
"Kung sino pipiliin mo sa amin ni Anton?" Nakaka konsensya masaya siya parang hindi ko kayang sabihin.
"Ganoon na nga, alam mo ang hirap pala mahirap mag-decide lalo't alam mo may masasaktan sa bawat desisyon."
"Ang ibig mong sabihin..." hinawakan ko ang kamay, "Aaminin ko ayoko talaga sa playboy pero syempre hindi naman ako bumase sa ugali mo binase ko ito sa label na nararamdaman ko sa inyo ni Anton."
"Ibig sabihin nga siya ang pinipili mo sa amin dalawa?" Hindi ko matingnan ng diretso. "Okay, talo ako."
Kunot-noo ko siyang tiningnan.
"Hindi ka talo may kaonting feelings kasi ako kay Anton."
"Dahil ba mayaman siya?"
"Hindi never ako tumingin sa istado ng buhay. Bumase ako sa nararamdaman ko sorry, Daryll." Nakuha niyang umiwas ng tingin at tumalikod niyakap ko siya mula sa likuran at sinabi ang salitang...
"Sorry pero hindi ikaw ang pinipili ko."
Nanatiling tahimik ang buong paligid. Sa kabilang parte sinisisi ko ang sarili dapat pala hindi na lang ako nagbitaw ng salita sa kanya. Alam kong nasasaktan siya kahit hindi nito sabihin.
"Tanggap ko Prinsesa desisyon mo 'yan."
"Hindi ka galit?"
Humarap, "Nasasaktan pero siguro panandalian lang ito. Playboy nga ako hindi ba madali lang sa akin makahanap ng panibagong paglilibangan."
"Puwede mo ako sabihan ng kung ano nararamdaman mo. Kung nasasaktan ka maaari ka umiyak."
"Ako?" tinuro ang sarili. "Sa gaya kong playboy hindi uso ang salitang iyak hayaan mo at after natin mag-usap maayos na ako."
"Nag-aalala lang naman ako baka kasi---"
"Huwag mo alalahanin ang nararamdaman ko naghihinayang lang ako dahil nawala ang taong mahalaga sa akin."
"Ha?" naghuhulihan kami ng tingin.
"Mahalaga ka kasi sa akin."
"Daryll."
"Maliligo lang ako." Paalam nito bago bumaba.
Naalisan ng isang tinik sa dibdib ko pero kahit naalis na may sakit pa rin parang may naiwan na sugat. Ang sugat na 'yon ay sumisimbolo sa konsensya nasaktan ko ang feelings niya. Sana makayanan niya itong pagsubok. Sinusubok lang siya at gaya ng sinabi nito madali lang para rito makahanap ng bagong babae.
"HOY! nangyari sa iyo kanina ka pa tulala riyan ha?" hinihintay namin ang pagdating ng jowa ni Ate Rizz.
"Sinabi ko na kay Daryll na si Anton ang pinipili ko."
"Good job!"
"Nasaktan ko damdamin niya."
"Okay na 'yon kaysa pinatagal mo pa."
"Sana okay lang siya." Matapos kong magsalita nakita ko sina Thalia at Daryll na nagtatawanan galing sa kuwarto ni Thalia.
"Thalia, anong--bakit mo pinapasok sa kuwarto mo si Daryll ha?!"
"Relax lang Ate Rizz may pinag-usapan lang kami ni Daryll."
"At sa kuwarto talaga?!"
"Eh ano? Saan? Sa banyo?" Bungisngis nito sabay haplos sa braso ni Daryll.
"Magbubukas na ako ng shop, Prinsesa isasama ko si Thalia gusto raw niya makita ang pinapasukan ko." Paalam ni Daryll.
"Mabuti pa nga isama mo 'yan sakit sa ulo kasi kapag nagkikita sila ni Alex."
"Alam mo grabe ka!" Angal ni Thalia. Ngumisi lang ako bago tuluyan umalis ang dalawa.
"See? Playboy talaga after ma-reject may bago na ulit."
"Mas mainam na 'yon."
"Aba, hindi yata ako makakapayag na gawing rebound ang kapatid ko."
"Hindi naman sa ganoon baka nagkakamabutihan lang 'yong dalawa."
"Ewan ko sa iyo." Kinuha ang cellphone. "Nasa labas na pala si Aaron." Tumayo.
"Aaron?" Natatawa kong tanong.
"Aaron nga, wait papasukin ko lang." Nawala saglit sa paningin ko at sa pagbalik kasama niya si...si Aaron...si Aaron nga!
Ang lalaking naka- MU ko dati, ang lalaking iniwan ako ng walang dahilan. Ang lalaking nag-chat sa akin noong nakaraan taon para balikan ako. Oh my goodness.
"Mahal, si Princess." magalang na sabi ni Ate Rizz kay Aaron.
"Hello, nice meeting you." Ayoko sana makipagkamay pero mahahalata ni Ate Rizz na ilang ako.
"Sa iyo rin, maupo ka."
"So ano feeling nakita mo sa personal na idol mo?" Usisa sa nobyo.
"Feeling happy and feeling bless."
Feeling happy and feeling bless mo mukha mo!
Ano na lang masasabi nila Agatha at Elaine kapag nalaman nilang ang kinaiinisan na si Ate Rizz ay nobya ng kinaiinisan din nilang si Aaron paniguradong gulo na naman ito. Oh my goodness.
"Ihahanda ko lang tanghalian natin ikaw muna bahala sa bisita ko, Princess alam kong masaya 'yan ngayon dahil nakita ka sa personal." Paalam ni Ate.
"Kailan mo pa naging nobya ang pinsan ko?" May galit kong diretso rito.
"More than five years."
"Nang ganoon katagal? Pagkatapos magcha-chat ka sa akin na gusto mo ituloy natin ang na udlot nating...ugh kailan mo pa nalaman na mag-pinsan kami?"
"Since start." Nakakagigil.
"Anong plano mo?"
"Wala."
"Aaron, kahit hindi tayo nagkasama ng matagal alam kong may ugali ka na mapaghiganti."
"May dahilan ba para maghiganti saka in the first place ako nang-iwan hindi ba?"
"Alam mo naman pala."
"Wala akong plano sa iyo gusto ko lang mapalapit sa iyo at...at magkaroon ng closure hindi mo man lang ako sinasagot sa mga chat ko."
"Aasahan mo pa ba?"
"Princess, mahal ko ang Ate Rizz mo alang-alang sa kanya sana maging okay na tayo huwag ka mag-alala alam niya na may something sa atin dati."
Oh my goodness. Bakit Ate Rizz nagtago ka sa akin ng buong katotohanan parang hindi na kita kayang harapin sa mga nalaman ko.
"Naayos ko na ang table kumain na tayo habang mainit-init ang sabaw." Hindi mawala ang ngiti sa labi ni Ate Rizz mukhang alam niyang alam ko na.
Tahimik kami tatlo kumakain. Ayoko sa akin magmula ang topic lalo ngayon hindi pa rin matanggap ng buong pagkatao ko ang mga nangyari. Pero ano nga ba issue? Wala naman hindi ba? At least alam ko na pero bakit parang hindi pa rin ako kontento sa mga nalaman ko. May iba pa ba? May something pa ba?
KINASABIKAN ko ang pagpatak ng five o'clock paparating na kasi si Andrew at baka nga malapit na 'yon. Ako nagbukas ng pinto ng may kumatok. Hindi ako nagkamali sa inaasahan pagdating.
"Hi."
"Hello." inilahad ko ang kamay para kunin ang bitbit nitong bag. "Kaya ko na 'to." hindi ko alam kung kinikilig siya o ano.
"Sige, nag-meryenda ka na ba?"
"Galing ako sa restaurant malamang hindi ako magugutom doon." Teka bakit parang wala sa mood ito. Ganito nga ba si Andrew kapag pagod?
"Magpahinga ka na alam kong pagod ka." Hindi ko na hinintay pa magsalita ito umakyat ako sa rooftop para magpahangin.
Excited tapos biglang susungitan. Ugh. Nagmumukha ba akong desperate sa ikinikilos ko? Oh my goodness.
"Kapag ba ganitong hapon nandito ka lang sa rooftop?" Oh my goodness. Nakasuot na ito ng sandong puti at boxer. Oh my...
"Minsan kapag gusto ko mahangin dito."
"Tama ka." Tumanaw sa di kalayuan, "Tumawag sa akin si Daryll totoo nga bang si Anton ang pinili mo?" Hindi ko ito matingnan ng diretso.
"A-ano k-asi..."
"Hindi mo naman kailangan magpaliwanag kung bakit isa pa, nauunawaan ko kung bakit kailangan mo pumili."
"Mas lumamang lang ng kaonti siguro si Anton."
"Nakakatakot tuloy," dinig kong bumuntong-hininga. "Paano pala kung dumating ang araw na pipili ka na sa amin ni Nathan hindi ko siguro alam ang gagawin kapag sinabi mo sa akin na hindi ako ang iyong pinipili."
"Ehem, puwede ba huwag na natin pag-usapan ang bagay na 'yan? Hindi rin naging madali para sa akin na iwan si Daryll. Nag-effort siya at umasa na baka sakaling siya ang piliin ko sa huli."
"Bukas ipagpapatuloy ang date niyo ni Nathan saan ka ba balak dalhin?"
"Baka sa office niya abalang tao 'yon eh."
"Kung kailan wala kayo gaano pinupuntahan saka ka nagkasakit huwag ka kasi magpapatuyo ng pawis." Hinimas likuran ko.
"Huwag mo naman ako gawin baby baka masanay ako." Kinikilig kong sabi.
"Wala ka magagawa kung gawin ko 'to. Isa pa, ang tagal ko ng gustong gawin ang mga bagay na..."
"Na?" Yumuko ito at tila pinipigilan huwag magsalita pa.
"...na gusto kong gawin sa iyo."
"Na ano nga?" Bigla niya akong hinawakan sa magkabilang balikat.
"Anong gagawin mo?"
"Pumikit ka."
"Ha??"
"Basta pumikit ka."
Oh my goodness. Lord, hahalikan ba ako ni Papa Andrew? Nagawa kong pumikit at hinintay magdampi ang aming labi. Kaya lang...mali ako may kinuha siya na kung ano sa gilid ng mata ko dumilat ako pagkatapos.
"Hindi ka pa naghihilamos mula kaninang umaga ano?"
"Ano?"
"May muta ka pa." Natatawang na upo papag na yari sa kawayan.
"Hindi pa kasi ako naliligo." Tapat ko.
"Hapon na ah?"
"Eh kasi ang daming nangyari sa buong araw pakiramdam ko nga may mangyayari pa bago matapos ang araw na 'to at sana maging maganda naman."
"May pangit ba sa mga nangyari?"
"Hindi ba sabi ko sa iyo may dating ka-MU ako noong sixteen ako?"
"Oo bakit??"
"Nakita ko siya alam mo ba kung saan?"
"Saan?"
"Dito sa mismong apartment ko. Oh my goodness, hindi ko lubos akalain na ang boyfriend ni Ate Rizz ay si Aaron na kilala ko."
"Tingnan mo nga naman ang pagkakataon. Oh, anong feeling muli kayong nagkita?"
"Feeling chill."
"Chill ka pa sa lagay na 'yan ha?"
"Oo naman syempre eh teka nga muna ha magkaliwanagan tayo sino kasama nila papsy sa bahay ninyo?"
"Iniisip mo lang pala sina papsy akala mo siguro hinayaan na namin of course hindi, may kamag-anak kaming dumating at plano sana nila doon tumira eh ayaw ni Alex na siksikan."
"Paano niyo nalaman na umalis mga boarders ko?"
"Wala akong kinalaman diyan itanong mo na lang si Anton."
"Si Anton may dahilan?"
"Ganoon na nga." Hinawakan ako sa kamay, "Tara na sa loob maligo ka na medyo hindi ka na mabango." Tumatawang sabi.
"Ang sama mo!" Hinampas ko sa braso. Biglang pumasok si Carl at naabutan magkahawak kami ng kamay parang tumigil ang mundo ko.
"Ang ganda sana ng kamay mo kung malinis sa susunod lilinisan kita. Sanay akong mag-pedicure at manicure gusto mo?" Nandidilat ang mata.
Kusa akong bumitaw sa pagkakahawak niya.
"Huwag na baka ma-murder mo pa kuko ko." Wari nag-aalala sa kamay ko.
"Sungit libre na nga lang ayaw mo pa."
"Pag-iisipan ko bababa na ako para maligo." Tinapik ko balikat ni Carl bago iwan sila.
Hindi pa man ako nakakalayo narinig kong nag-uusap ang dalawa.
"Bakla ka?!"
"No way!"
Napahalakhak ang bunbunan ko sa sobrang tuwa para lang makatakas gumawa pa ng paraan. Naku, pinagkamalan pang-bakla. Hoo, ang guwapong bakla naman nito. Yieeh, I LOVE YOU PARE.