MAY mga araw na mararamdaman mong hindi ka masaya. Paggising pa lang sa umaga alam mo hindi ka maaaring tumawa o maging active. Ito kasi ngayon ang pakiramdam ko. Sa ikatlong araw namin ni Nathan ng date tinamaan ako ng sakit. Hindi sakit ng katamaran kung hindi sakit ng buong katawan, mainit na katawan, nilalamig na pakiramdam, masakit na ulo.
I have a fever. Hindi ko yata kakayanin tumayo para kumain ng almusal pero okay lang wala sa mood ang buo kong katawan para intindihin ang bagay na isusuka ko lang maya-maya.
Nakarinig ako ng mahinang katok pagkaraan hinatak ang kumot na bumabalot sa buo kong katawan. Ayoko ipakita sa kanila na ganito ang sitwasyon ko dahil panigurado isa sa kanila ang susubok na iwan ang gawain ngayong araw para ako ay alagaan.
"Kailangan ba tanghali ka na magising? May lakad kayo ni Nathan today hindi ba?" Tama ka Elaine pero sorry hindi ko talaga kaya.
"Oo pero mamaya pa naman 'yon." Pinilit kong bumangon halata sa hitsura nito ang pagkabigla.
"May sakit ka? Pulang-pula 'yang mukha mo." Lalapit sana pero humiga ako at nagtalukbong muli ng kumot.
"Namula lang ako dahil binanggit mo si Nathan. Papasok ka na ba?" Kinakabahan ako baka lumapit ito at dampiin ang noo ko pero laking pasalamat dahil hindi naman iyon nangyari.
"Sus, ikaw talaga bumangon ka na at kumain aalis na kami ni Glydel."
"Sige mag-iingat kayo."
"Umalis na sina Agatha at Carl pero may ilan boarders pa nasa ibaba kumakain pero bumaba ka na ha."
"Opo madam, hihiga lang saglit katawang lupa ko bago bumangon." Natatawa kong wari.
"Okay, alis na kami ingat sa date ninyo ni Nate."
"Salamat, Elaine." Bumukas ang pinto pagkaraan nagsara. Bumangon ako upang tingnan sila mag-ina palabas ng bahay. Nakita kong binuksan ni Kevin ang pinto ng kanyang kotse saka pumasok ang mag-ina.
Hmm...nagkikita pala itong dalawa. May something akong naaamoy pero hindi na bale saka ko sila haharapin kapag okay na pakiramdam ko.
Humiga muli ako at saka natulog. Maya-maya may gumigising sa akin na isang boarders. Sinabi nito na nasa ibaba si Nathan pero dedma lang ako dahil lalo sumama ang pakiramdam ko.
"May sakit ka?" dinig ng puso't-damdamin ko charot.
"Hmm?" Pag-alis ng kumot si Nathan ay nakatayo sa gilid ng kama.
"Sinabi sa akin ng kasama mo nilalagnat ka kaya umakyat na ako para malaman kung totoo ba." Dinampi nito noo ko, "Ang taas ng lagnat mo kumain ka na ba at uminom ng gamot?"
Umiling ako saka umayos sa pagkakahiga.
"Prinsesa, kainin mo ito para magkalaman 'yan tiyan mo bago uminom ng gamot." Pagdilat ng mga mata ko ay may dala itong pagkain. Mukhang hinayaan niya akong makatulog kanina at habang nangyayari 'yon ay pinaghanda niya ako ng almusal.
"Ayoko, wala akong gana."
"Hindi puwedeng ayaw mo paano ka makakainom ng gamot at gagaling?" Tama siya pano nga ba ako gagaling kung ipipilit ko ang gusto kong mangyari.
Bumalikwas ako ng dahan-dahan pagkaraan sinubuan niya ako ng mainit-init na lugaw. Iniluto raw niya ito para sa akin at isa pa, huwag muna raw kami lalabas dahil sa kalagayan ko at pagkatapos kumain pinainom ako ng gamot na para sa lagnat. Humiga muli sa kama at natulog.
Pagkagising ko muli isang boarder ko ang nagbabantay sa akin.
"May kailangan ka ba Ate Cess?"
"Si Nathan?"
"Umalis po dahil may importante raw siyang pupuntahan pero babalik din kaagad."
"Si Ate Rizz at Thalia wala ba sa kanilang kuwarto?"
"Si Ate Rizz umalis pero si Thalia hindi pa bumababa."
"Baka tulog pa 'yon huwag mo na ako alagaan baka malate ka pa sa school mo." She nodded and after that lumabas na sa kuwarto ko.
Nakatanggap ako ng mensahe mula kay Andrew tinatanong niya kung puwede ba ako ngayong araw pero nireplyan ko siyang hindi dahil may date kami ni Nathan at ayoko rin sabihin sa kanya ang kalagayan ko mahirap na.
"Ate Princess, good morning! May lagnat ka raw?" yumakap si Thalia matapos humiga sa tabi ko, "Ang init mo."
"Bumaba pa nga 'yan mabuti pinainom kaagad ako ni Nathan ng gamot." Pinagmasdan ko suot nito. Mukhang walang lakad, "Wala kang pictorial?"
"Wala ihahatid lang ni Alex ang mga picture."
"Mabuti para naman may kasama ako rito mamaya lang aalis na mga boarders ko. Si Ate Rizz, saan nagpunta?"
"Ewan ko 'ron paggising ko wala na sa kuwarto niya."
"Anong oras na ba?"
"Ala-una ng hapon."
"Ha? Ala-una na?"
"Oo kaya nga pumasok ako rito para ayain ka kumain pero sabi ng isang boarder mo may sakit ka raw."
"Medyo okay na ako."
"Kumain muna tayo ng tanghalian kaya mo ba bumaba?"
"Oo naman kapag minahal ko 'tong sakit ko lalong tataas lagnat ko."
"Good, tara." Inalalayan ako tumayo hanggang makababa sa kusina.
"Damihan ang kain para uminom ng gamot." sabi nito.
"Kakakain ko lang kanina."
"Kaninang umaga, hello lagpas alas-dose na."
"Opo ma'am."
"Tatawagan ko si Tita Jade."
"Huwag na."
"Kailangan niya malaman na may sakit ka."
"Mag-aalala lang sila."
"Magagalit naman sa akin kapag hindi ko sinabi."
"Hindi sila magagalit kung hindi mo sasabihin. Isang araw lang ako lagnatin tingnan mo kinabukasan wala na ito." Nakanguso itong kumakain.
"Hello sa magagandang nilalang!!" Energetic na bati ni Alex.
"Hello sa pinaka maingay na lalaki sa mundo, tara kain."
"Oh, ngayon pa lang kayo kumain ng tanghalian?" Lapit nito.
"Oo saka may lagnat si Ate Princess kailangan ko alagaan." Nawala ngiti ni Alex ng tingnan ako.
"Ganoon ba wait kunin ko lang 'yong hand bag sa kotse." kakamot-kamot sa ulo papalabas ng bahay.
"Panigurado ang ganda ko sa picture."
"Yeah, maganda ka talaga noon pa."
Ngumunguya itong tumingin sa akin, "Bakit hindi mo subukan mag-modelo?"
"Hindi ko gusto."
"Maganda ka, Ate Princess."
"Kahit na ako pinaka maganda sa buong mundo ayoko." Nagkatawanan kami pero kaagad akong umubo.
"Kunin ko lang gamot mo after kumain mahiga ka muli para makapagpahinga." Habang nagsasalita pumapasok si Alex dala ang hand bag na itim.
"Ang init sa labas." reklamo niya.
"Sinabi mo pa oo nga pala Cess puwede ba ko magpakabit ng aircon sa kuwarto ko? Hindi ako sanay na bentilador lang."
"Bahala ka." Tumigil ako kumain napansin kong nakatitig sa akin si Alex feeling ko si Andrew ang nakatayo ngayon.
"Anong klaseng tingin 'yan?"
"Nakakapag-alala kasi kalagayan mo." Inirapan ko.
"Hindi ko pa kamatayan ngayon simpleng lagnat lang 'to dahil siguro sa pagod."
"Sus, kung hindi ko lang alam kung sino gusto ni Alex malamang iisipin kong gusto ka rin niya." Sabat ni Thalia ng iabot sa akin ang gamot.
"Sino ba gusto niya?"
"Ako." Ngiting-ngiti sa amin dalawa ni Alex.
"Iba rin, lakas ng fighting spirit." Pang-aasar nito sa pinsan ko.
"Oh hindi nga ba? Huwag mo sabihin si Princess talaga gusto mo?"
"Kay Andrew lang siya." Tila malungkot na upo sa tabi ko, "Ayoko masira pagmamahalan namin magkapatid."
"Ay hindi pa ba sira?" Nag-peace sign si Thalia ng samaan ng tingin.
"Mag-ayos ka kukuhaan kita ng picture."
"Ha? Walang bantay kay Ate Princess!"
"Sinabi ko ba lalabas tayo? Doon tayo sa rooftop ang ganda pala ng tanawin lalo kapag umaga."
"Eh kaso mainit."
"Mas mainam kadalasan sa mga model ko hindi maarte kahit kasikatan ng araw kinukuhaan ko ng litrato." Nag-pout pinsan ko. Hindi niya gusto ang ideya ni Alex. Hate na hate nito ang mainit na klima.
"Baka puwede sa hapon na lang kapag malilim na." suggestion ko.
"Hindi puwede itinapat ko nga na ganitong oras para sapul sa kainitan."
"Balak mo yata magkasakit ako!"
"Eh ano ngayon? I'm here naman kung magkasakit ka aalagaan kita na parang si Chuchi."
"Chuchi??" Sabay usisa namin ni Thalia.
"Yong asong askal napulot ko noong nakaraan buwan. She's fine na dahil maalaga kasi ako." Nakatikim ng masamang tingin ito mula kay Thalia at nakatanggap din ng malakas na sapul sa mukha ng tinapay.
"Ginagawa mo 'kong aso! How dare you!"
"So sweet ko ano?"
"Sweet & Spicy."
"Parang pancit canton ako ang pancit canton ng buhay mo." Sabay nagtatakbo na parang bata palapit kay Thalia. Akmang yayakap pero sumenyas na sasapakin siya.
"Heto naman hindi na mabiro."
"Don't talk to me."
"I'm talking to you."
"I hate you!"
"...and I love you!"
"Nakakadiri ka!"
"Porque hindi ako badboy na playboy ayaw mo na sa akin?"
"Tulad ni Daryll." Nagningning mga mata nito.
"Si Daryll na naman ano ba akala mo isa kang bida sa pelikula o libro na mapapatino ang isang playboy? Mangarap ka pero hindi mangyayari 'yon. Playboy is always a playboy."
"Huwag muna magsalita ng tapos hanggat wala pa nangyayari. Watch and learn. Gugustuhin din ako ni Daryll."
"Goodluck."
"Salamat."
Tumayo ako para umakyat sa kuwarto.
"Aakyat ka na?" Usisa ni Thalia.
"Oo, ang ingay ninyong dalawa daig niyo pa mag-asawa kung mag-away." Natatawa kong tugon.
"Hintayin mo muna siya." saglit sabi ni Alex bago umiwas ng tingin.
"Sino?"
"Si A---" hindi na natuloy sinabi dahil pumapasok si Andrew na may dalang bulaklak. "Speaking of..."
"Wala ka naman sinabi." Sabat ni Thalia. Nag-aaway na naman sa harapan ko habang si Andrew nakatingin sa akin na tila ba alalang-alala.
"May sakit ka raw, for you sana okay ka lang." abot ng bulaklak.
"Okay na ako dahil nandito ka." Natigilan ang dalawang maingay sa sinabi ko.
"Sabi ko na nga ba at si Andrew ang gusto mo!" natatawang sabi ni Thalia habang sabunot si Alex.
"Tanga ka ba? Hindi pa ba halata?" Pilit inaalis kamay ng pinsan ko.
"Tanga ka rin! Tara nga rito!" Hila-hila si Alex paakyat sa second floor.
"Paano ka makakapagpahinga kung maingay 'yong dalawa?"
"Paakyat na nga sana ako dahil ang sakit sa ulo." luminga-linga sa paligid ito. Hindi ko na iwasan hindi mangiti. Ang cute ng dimple niya kahit hindi ngumingiti.
"Kayong tatlo lang nandito tama?" Nawala ngiti ko nang tumingin sa akin. Sunod-sunod akong tumango.
"Ihahatid na kita sa kuwarto mo." I nodded na lang muli until samahan ako sa kuwarto.
"Pasensya ka na."
"Bakit?"
"Hindi mo naman dapat iwan ang restaurant para puntahan lang ako."
"Marami nag-aasikaso huwag ka mag-alala."
"Kung---kung gusto mo sa baba ka muna."
"Ayaw mo ba ako makasama?"
"Ha?" May ngisi itong lumapit sa kama ko.
"This is the chance para masolo naman kita."
"Lagi mo naman ako nasosolo hindi ba?"
"Miss na kasi kita." Kita kong nagbaba-taas ang adams apple nito.
"Tatlong araw pa lang kami nag-de-date."
"Alam ko pero hindi na ako makapaghintay na tayo naman ang mag-date."
"Hindi ba si Alex?" Paniniguro ko.
"Gusto mo ba?"
"Na ano?" Naguguluhan kong tanong.
"Si Alex ang maka-date mo at hindi ako." Naaaninagan sa hitsura niya ang disappointment.
"Wala naman akong sinabi na ganoon. Syempre, matic ikaw ang ka-date ko hindi ba?" He nodded.
"Magpapagaling kaagad ako."
"Dahil gusto mo nang maka-date si Nathan?"
"Hindi dahil gusto ko lumabas naman tayo." Nagkatitigan kami.
"Ayan ka na naman."
"Bakit?" Inaano ko ba ito?
"Pinapaasa mo na naman ako."
"Pinapaasa?"
"Oo, masaya ka na kasama ako tapos sa bandang huli iba pala pipiliin mo." Umiwas ng tingin. Wala akong masagot. Mukha nga yatang ganoon nga ang nagagawa ko sa kanya.
"Hindi kita pinapaasa nagsasabi lang naman ako ng totoo na masaya ako kapag kasama ka."
"Talaga?" Napaka seryoso ng mukha. Jusko, bakit ba ang guwapo pa rin niya kahit serious type ito?
"Oo, isa pa hindi kita pinapaasa gusto ko lang naman sabihin sa iyo na kung magkaroon ng pagkakataon isa ka sa pagpipilian ko."
"Kung ganoon bakit pinapaasa mo pa ang dalawa sa tatlo kung dalawa lang pipiliin mo sa huli?"
Nawalan ako kibo at nag-isip. Marahil tama ang pagkakasabi niya ngunit mahirap. Sobrang hirap pumili lalo kung lahat sila nagpapakita ng kabutihan para sa akin.
"May mga bagay na hindi mo dapat minamadali lalo kung hindi pa tapos ang laban."
"At sa laban na ito walang kasiguraduhan kung isa nga ba ako ang pipiliin mo sa huli."
"Bakit ba ganyan ka magsalita ngayon?" Hinawakan ko ang sintido dahil sa kirot.
"Magpahinga ka bababa ako para kausapin sa cellphone mga tauhan ko."
"Salamat sa pag-aalala." Ngumiti pagkaraan ay lumabas.
Napabuntong-hininga ako. Nag-aalala ako dahil ngayon pa lang mukhang mahihirapan akong pumili pero bakit ko nga ba iisipin ang bagay na 'yon? Pakikinggan ko lang naman ang puso ko.
Sa lalim ng iniisip nakatulog ako at ng magising ay sa isang tapik sa balikat at pagdilat si Thalia pala.
"Nandiyan si Nathan sa ibaba." Kahit masama pa pakiramdam ko nakuha kong bumalikwas. "Ano ba? Mabibinat ka sa ginagawa mo."
"Nagkita 'yong dalawa?"
"Oo pero wala naman akong nakikitang kakaiba nandoon nga sila sa sala nag-uusap."
"Hindi nag-away?"
"Bakit sila mag-aaway hindi ba magkaibigan sila?"
"Oo."
"Taas pa siguro ng lagnat mo dadalhan na lang kita ng hapunan dito."
"Gabi na? Mahaba pala na itulog ko?"
"Oo lalabas lang ako para ayusin pagkain mo."
"Lalabas na lang siguro ako nakakahiya sa mga bisita ko."
Sabay kami bumaba lahat sila abalang kumakain ng hapunan. Marahil pasimula pa lang dahil sina Elaine at Glydel ay papaupo pa lang sa lamesa. Pansin kong wala ang mga boarders ko dahil kapag kasi ganitong oras nandito na sila at naghahapunan.
"Magaling ka na?"
"Kain na at ng makainom ng gamot."
"Huwag ka kasi magpapagod ng husto."
"Sumabay ka nang kumain."
"Huwag na matigas ang ulo."
Hindi ko na alam kung sinu-sino nagsalita basta nandoon sina Ate Rizz, Agatha, Carl, Nathan, Alex, Andrew, Glydel, at Elaine.
"Isa-isa lang mahina ang kalaban." natatawang sabi ni Thalia. Naupo ako sa tabi ni Glydel.
"Tita, bumili kami ng prutas ni mommy kainin mo 'yon after kumain ha?" Napaka sweet ng batang 'to.
"Thank you, huwag na kayo mag-alala medyo nahihilo na lang ako."
"Kahit sa mga susunod na araw tayo lumabas ng makapagpahinga ka bukas." Bulaslas ni Nathan habang nakatingin kay Alex.
"Salamat. Kumain na tayo." Nagkanya-kanya kami ng kain pero nagpresinta si Nathan na lagyan ang plato ko ng pagkain pero pansin kong sumenyas si Andrew kay Alex.
"Anong gusto mo ulam, Prinsesa?" Tila parang robot sunod-sunuran sa kakambal.
"May sabaw sana." Tipid kong tugon. Nagmamadali itong naglagay ng sabaw sa maliit na mangkok. "Salamat."
"Always welcome."
"Bakit nga ba nandito ka Andrew? Hindi ba malakas restaurant mo ngayong araw?" Paninimula ni Nathan.
"Nagpasama ako." Si Alex kusang sumagot.
"Sa iyo ba galing ang bulaklak?" Muling tanong kay Andrew.
"Sa akin, bakit naman magdadala ng bulaklak ang kambal?" naiinis si Nathan sa kakasagot ni Alex.
"Ikaw na ba si Andrew ngayon ha?"
"Hindi kasi nagsasalita si Andrew lalo kapag kumakain." Depensa nito.
"Ikaw na susunod makakasama ni Prinsesa baka naman pagurin mo pa at kung saan pa kayo magpunta." Seryosong may hinihiwa.
"Hindi ko papagurin dahil buong linggo lang kami sa loob ng kuwarto. Haha! Araaaay!" Nakatanggap siya ng sipa mula kay Thalia at batok kay Andrew.
"Ano ba may bata." saway ni Elaine.
"Ang serious mo naman. Kumusta kayo ni Kevin?" Pang-aasar nito.
"Okay pala si Kuya Kevin. He's so nice tingin ko siya na magiging bagong daddy ko." Hiyang-hiya si Elaine sa pinagsasabi ng anak.
"Eh di mainam para hindi na malungkot si Pir." Sabat ni Agatha.
"Huwag ninyo i-topic sa akin ang usapan." Saway ni Elaine.
"Ayaw mo lang kasi maissue, hindi ba Princess?"
"Sa akin wala naman problema kung umibig kang muli ang importante rito masaya ka at masaya rin si Glydel."
"Tingnan mo mommy, okay na okay kay Tita Princess. Please, si Daddy Kevin na lang?"
"Ano ka ba? akala mo ganoon lang kadali na parang bumibili sa palengke."
"Hindi palengke sa mall, sa mall dapat dahil mamahalin si Kevin." Sabat ni Thalia.
"Tama!" Nakipag-apir si Glydel dito at masayang kumain.
"Cess..." si Ate Rizz.
"Po?"
"Wala." Umiwas ng tingin.
"Bakit nga?"
"Mamaya na lang kapag tayong dalawa." Nagkatinginan mga tao bago tingnan si Ate Rizz.
Nauna na tapos kumain sina Nathan at Carl lumabas ito dahil may pag-uusapan lang. Sumenyas ako kay Andrew na aakyat saglit kami ni Ate Rizz para mag-usap. He nodded bago kausapin nila Alex at Thalia.
"Sigurado ka na ba sa pinaggagawa mo?"
"Saan ate?"
"Sabay-sabay manligaw sa iyo ang magkakaibigan."
"Sino ba naliligayahan doon kaya lang wala naman akong magawa."
"Ang mabuti pa pumili ka na."
"Kaagad?"
"Oo saka tingin ko naman kung sino talaga gusto mo."
"Hindi pa naman ako sure."
"Hasus kaya hanggang ngayon single ka pa rin eh dahil sa mga sinasabi mong hindi pa sure. Walang masama sa padalus-dalos mas mainam pa nga 'yon para malaman mo kung sino nga ba talaga ang dapat sa iyo."
"Takot akong magkamali."
"Kapag nangibabaw ang takot siguradong magiging matandang dalaga ka."
"Grabe ka naman."
"Oo nga kaya pumili ka kina Nathan at Andrew."
"Huwag muna ngayon bigyan natin ng chance si Andrew na makasama ko."
"Hindi pa ba nabibigyan ng chance at iyong palihim kayong lumalabas at nagkikita?"
"Ang ingay mo baka may makarinig."
"Mainam ng malaman nila na kung paano kataksil ang isang kaibigan nila." Natatawa niyang sabi.
"Ayaw lang niya magkagulo-gulo."
"Eh paano kung siya piliin mo? Mas lalong gugulo hindi mo na isip maari silang magkawatak-tawak dahil sa iyo?"
"Huwag naman."
"Kaya nga hanggat maaga sabihin mo na ang totoo. Pumili ka na para wala ng sakit sa ulo mo."
"Pag-iisipan ko."
"Dapat lang."
"Kumusta pala 'yong boyfriend  mo?"
"Okay naman, bakit?"
"Hindi mo kasi dinadala rito."
"Okay lang sa iyo?"
"Oo naman!"
"Sige bukas papuntahin ko rito para magkakilala kayo."
"Nang makilatis ko naman."
"Kahit huwag na sa tagal ba naman niya manligaw sa akin aba ewan ko na lang kung may itinatago pa siya."
"Katakot," biro ko.
"Kaya naman kapag nagka-boyfriend ka make sure ikaw palagi masusunod."
"Ay, dapat give and take!"
"Sorry pero ako dapat ang take ng take at siya give ng give haha!" Napapailing ako sa ugali ni Ate Rizz. Kawawa boyfriend nito natatagalan ang ugali.
( Nathan's Point of view )
"Iba pakiramdam ko. Wala ba sinasabi sa iyo si Andrew?" Hindi ako mapakali kanina pa. Sa totoo lang ayoko sana isipin na nanliligaw si Andrew  kay Prinsesa pero iba kutob ko.
"Alam mo naman masyadong tipid si Drew sa mga bagay-bagay."
"Paano natin malalaman saka problema ko na nga si Alex dahil karibal ko kay Princess tapos dagdag pa kakambal niya."
"Relax vuwag mo sabihin papakabog ka sa Azun's Brother?"
"No way."
"Then relax one hundred percent  alam kong ikaw pipiliin ni Prinsesa."
"Dapat may gawin ako."
"At ano naman 'yon?"
"Mag-iisip ako ng paraan para mabantayan ng husto ikinikilos nilang tatlo."
"Mahirap 'yan."
"Kahit mahirap dapat ako manalo dapat ako ang piliin in the end."
"Napaka seryoso mo sa usapan natin ah? Make sure ikaw ang mananalo rito."
"Kina Daryll at Anton I know naman wala silang binatbat dahil kilala ko ugali ni Prinsesa hindi niya type ang isang playboy at sobrang yaman."
"Naks, lakas ng loob."
"Bakit kasi nanligaw pa si Alex ang lakas na sana ng pagkakataon para manalo."
"Ganoon talaga hindi basta-basta ganda at bait ni Prinsesa kung hindi ko lang asawa si...." sinamaan ko ng tingin, "Nevermind."
"Gusto mo yata ngayon pa lang maghiwalay na kayo!"
"Relax heto naman masyadong mainit ulo."
"Best friend, pauwi na kami kayo ba?" Nagmamadaling lumabas si Alex kasunod ang kakambal.
"Mamaya-maya pa mag-uusap muna kami ni Prinsesa." Tugon ko.
"Naku, huwag ka na umasa lalo raw sumama pakiramdam kaya hindi na makakababa. Kung ako sa inyo pumunta na tayo sa bar para mag-inuman matagal-matagal ng hindi nasasayaran ng alcohol ang lalamunan ko."
"Mabuti pa nga." Sabi ko, "Ikaw Carl, sama ka?"
"Oo naman."
"Papayagan ka ba?"
"Natuto na ako kapag hindi pinayagan hindi na ako magpapaalam." May halong ngisi niyang tugon.
"Patay tayo riyan huwag ka na sumama baka ito pa maging mitsa ng hiwalayan." Sabat ni Andrew.
"Joke lang EC, sa susunod ako sasama basta 'yong agahan sana ako masabihan. Ayaw ni Agatha na kung kailan nandiyan na saka ako magpapaalam."
"Eh di tawagan niyo na si Daryll, Kevin, at Anton." maingay kong utos.
"Saan kayo pupunta? Puwede ba ko sumama?" pinsan ni Prinsesa  si Thalia.
"Narinig lang pangalan ni Daryll nagkukumahog sumama. Bawal, bawal babae sa grupo namin." Iritadong sabi ni Alex.
"Eh hindi naman ikaw gusto kong makasama. Ano puwede ba ako?"
"Puwede." Andrew.
"Hindi." Angal ni Alex.
"Minsan lang natin makakasama si Thalia pagbigyan mo na." Litanya ni Andrew.
"Sige ikaw na rin bahala kapag nalasing 'to ha?"
"Sorry Alex pero hindi po yata ako nalalasing sa inuman." Mayabang na sabi ni Thalia.
"Talaga lang ha?"
"Subukan mo pa!"
KOMPLETO kami pumasok sa loob ng bar kapag nagpupunta ang Eye catchers dito ay hindi gaano umiinom para makauwi pa sa kani-kanilang bahay. Iyon nga lang madaling araw na ang ingay-ingay ni Thalia sa ViP room. Hindi raw nalalasing ah? Pero kung makayakap kay Daryll wagas at ito naman si Alex inis na inis inilalayo kay Daryll ang babaeng halos ibigay na pagkababae.
Si Thalia uri ng babaeng palaban at walang inuurungan ni hindi mo makakitaan ng kaplastikan sa mukha. Totoo siyang tao at kung paminsan-minsan binabara kami isa-isa. Naisip ko tuloy bagay sila ni Alex na parehong ayaw patalo lalo kung may pinaglalaban iyon nga lang kapag nagsama ito lahat ng kapitbahay aligagang lalake ang tainga dahil ang ingay ng bunganga nila umaabot hanggang barangay.
"Twinny, baka gusto mo ihatid 'to sa apartment nila?" Iritadong sabi nito.
"Uuwi na ako."
"Sabi mo ikaw bahala rito kapag nalasing!"
"Sinabi mo pero hindi ko sinabi."
"Buwisit ka talagang kakambal."
"Sorry guys, mauuna na ako walang kasama sina mamsy at papsy sa bahay." Nag-apiran kaming lahat bago tuluyan nagpaalamanan sa isa't-isa. Basta kapag si Andrew nagpaalam automatic  uuwi na lahat.
"Best friend, anong gagawin ko rito?"
"Ako na maghahatid." Suggestion ko.
"Gusto mo lang yata makita si Prinsesa."
"Wala ka ng pakialam doon." Hinatak ko si Thalia.
"Aray, dahan-dahan naman!"
"Sorry." Isinakay ko siya sa kotse ko at tuluyan iwan si Alex. Mukhang babalik pa muli ang loko sa loob ng bar. Tiyak may nakita siyang na korsunada. ANG HINDI ALAM NG LAHAT MATINIK SA BABAE SI ALEX at tanging ako lang ang nakakaalam nito.
"Salamat, Nathan."
"Wala lang 'yon." Ang likot-likot niya sa inuupuan.
"Kung hindi siguro nanliligaw si Andrew baka ikaw na lang piliin ni Prinsesa." Napahigpit ako sa manibela.
"Anong sabi mo nanliligaw si Andrew kay Prinsesa?" Tiningnan ko siya sa rear mirror. Tulog na tulog ito. Ako nga ba ang nagkamali ng dinig o siya ang nagkamali dahil magkamukha sina Alex  at Andrew kaya nalito ito? Pero mukhang may dapat pa akong malaman sa dalawa.