Hazel's POV
"Kami nga rin madaming gagawin eh" sabi ko
Nasa living room kami ni Enzo, nanunuod lang... pero ngayon magkasundo kami sa pinapanuod namin.
Napag usapan kasi namin yung tungkol sa mga gawain sa school, ayun, malapit na kasi ang finals, at talagang tambak kami sa projects, thesis, case study at kung ano ano pa, buti nga sila may nasimulan na, kami nganga!
Yun tungkol pala sa nangyari nung nakaraang araw, nung pumunta yung mga classmates niya dito sa bahay, Ayun,  maayos naman akong naitago ni Enzo, at maayos din naman nilang natapos yung kalahati nung thesis nila.
Pero ewan ko lang, bigla ko kasing naisip sumilip sa labas ng kwarto nun eh, kaya binuksan ko yung pinto, pero konting bukas lang naman, kaso may nakakita ata sakin. Sana hindi niya ako nakita.
Hindi rin naman alam ni Enzo ang tungkol dun, kaya baka hindi rin ako nakita nung lalake na yun. Haha.
"Parang hindi ka naman busy eh" sabi niya naman
"Hindi pa kasi kami nag uumpisa eh" sabi ko na lang
Maya maya ay may nagdoorbell.
"Ako na mag bubukas" sabi ni Thrian
"Pag classmate ko huwag mong papasukin ah!" sigaw naman ni Enzo
Todo ingat kasi talaga to! pagbalik ni Thrian bumungad samin si... mama? tumakbo ako palapit sa kanya tapos niyakap ko sya, para tuloy akong bata, hindi ko inexpect na mamimiss ko ng sobra ang mama ko
"Ma! bakit nandito ka? namiss mo ba ako" nakangiti kong sambit
Sila Enzo naman binati si mama.
"Asan si Anne?" tanong niya
"Nasa kitchen po si mom" sabi ni Enzo
Tapos inalis naman ni mama yung yakap ko sa kanya, at saka naglakad papunta sa kitchen.
"MA!"
Nagulat sila sa sigaw ko, napatingin naman sakin si mama.
"Anong problema?" tanong sakin ni mama
"Hindi mo ba ako namiss?" nakasimangot kong tanong
Napatingin naman ako kay Enzo, tinatawanan niya kasi ako.
"Sige na namiss na kita, pero ang tita Anne mo talaga ang pinunta ko dito haha" at nagtungo na sya sa kusina
Parang napilitan naman si mama na sabihin yun... dadalaw na lang siya dito, tapos hindi pa ako yung pinunta.  Napaupo na lang ako sa sofa, sa tabi ni Enzo.
"Para kang bata" sabi niya
"Namiss ko na kasi si mama eh" sabi ko na lang
"Kaya nga para kang bata eh"
Di ko na lang sya pinansin, anong masama kung namiss ko mama ko? sya nga araw araw niyang namimiss girlfriend niya... parang di sila nagkikita.
"Kuya samahan mo ako sa friday" tanong ni Thrian
"Saan?"
"Sa mall" sabi niya
"Anong gagawin mo?"
"Maghahanap ng dress, birthday kasi ng friend ko sa saturday eh" ngumiti naman sya
"Ayoko"
"Kuya naman eh!"
"Ayan, si Hazel na lang"
"Ha? ako?" sabi ko naman
Tumingin ako kay Thrian, nginitian niya naman ako.
"Pwede ba ate?" tanong niya
"Ah, okay lang, wala naman akong gagawin sa friday"
"Thank you ate" tapos umalis na sya
Naalala ko, sa friday na pala ang anniv nila ni Andrea, kaya siguro hindi niya masasamahan ang kapatid niya. Hindi ko na natatanong si Enzo tungkol sa anniv nila, hindi na rin naman kasi sya humihingi ng idea, siguro naayos niya na yung surprise niya.
"Hazel" sambit niya
"Oh?"
"Rikki ba yung pangalan nung kaibigan mong may crush sakin?" tanong niya
"Ah oo, bakit?"
"Lumapit kasi sya sakin kahapon eh"
"Talaga? anong sabi niya---ano to?" may binigay kasi syang letter sakin
"Binigay niya sakin"
Si Rikki talaga oh, hanggang ngayon kasi talaga, si Enzo pa rin ang crush niya.
"Nabasa mo na ba?" tanong ko naman
Tumingin naman sya sakin saka umiling.
"Sabi mo huwag kong basahin eh"
"buti naman"
Nakatingin lang naman ako dun sa letter na galing kay Rikki, yung unang letter na binigay ni Rikki kay Enzo, nasakin pa din... hindi ko naman binasa, nakatago lang sa drawer ko.
Alam ko namang mali na kunin yung letter kay Enzo at sabihing huwag niyang basahin, at syempre mali rin na nililihim ko ang tungkol samin ni Enzo, hindi yung samin na may "kami" gets niyo yun? i mean yung samin na nakatira kami sa iisang bahay.
Pero ewan, ayoko lang malaman niya kung anong nakasulat dun.
"Dapat nga babasahin ko eh" biglang sabi niya
"Ha?"
"Tinatanong niya kasi kung binasa ko ba yung unang binigay niya"
"Talaga? anong sabi mo"
"Umoo na lang ako, yun yung sabi mo diba?"
So sinusunod niya pala yung sinabi ko.
"Tama ba ginagawa ko?"
Nagtaka naman sya sa tanong ko, naisip ko lang kasi, yung ginagawa ko... pinipigilan ko ang kaibigan kong si Rikki, na magconfess ng feelings nya kay Enzo, tingin niyo tama yun?
"Hindi, kasi kung hindi mo naman sinabi, babasahin ko naman yun"
"Talaga? siguro sanay ka na sa love letter, sa dami ng may crush sayo, malamang marami kang natatanggap na love letter" sabi ko naman
"Wala pa, sya nga lang unang nagbigay sakin ng love letter eh"
Syempre nagulat naman ako.
"Karamihan kasi sa kanila, personal na sinasabi sakin, o kaya mimessage ako sa fb" ngumiti naman sya
So ganun pala yun...
"Oh" saka ko naman ulit binigay sa kanya yung letter ni Rikki
"Bakit?"
"Basahin mo na lang, baka pag dumating yung time na nalaman ni Rikki na magkakilala tayo, tapos nalaman niyang pinigilan kitang basahin yan, baka magalit sya sakin, masira pa yung friendship namin"
"Ganun, edi ibalik mo na rin yung isa para mabasa ko rin yun"
"Nga pala, sige mamaya bibigay ko"
Tama, basahin niya na lang para walang problema.
"Pero Enzo,"
"Oh?" nanunuod lang sya
"Kung sakali lang... huwag mong pagtatawanan si Rikki ah, kung corny man yung nakasulat dyan, o kaya naman kung sobrang madrama yung mga nakasulat dyan, huwag mo sanang saktan yung feelings ng kaibigan ko, wala naman syang ginawang mali eh, nagkagusto lang naman sya sayo kasi daw pogi ka at isa kang perfect example ng isang perfect boyfriend" sabi ko naman
Natawa naman sya, gusto niya lang kasi yung last na sinabi ko eh
"Talaga? haha"
"Basta! huwag mong sasaktan kaibigan ko"
"Ano ka ba! di ako ganun" seryoso niya namang sagot
okay! sabi niya eh! Pagkatapos ay pumunta naman ako sa kitchen, nakita ko si mama at si tita nag uusap. Ang saya nga nila eh, talagang namiss nila ang isat isa.
Kumuha lang ako ng maiinom sa ref tapos bumalik ulit ako sa sala, andun pa rin naman si Enzo, kaso ngayon may kausap sya sa phone, girlfriend niya ata.
Pagkalipas ng ilang oras, pumasok na rin ako sa school, syempre tulad ng dati, hindi kami sabay ni Enzo, si mama naman naiwan dun sa bahay, andami na ata nilang napag usapan ni tita.
Pagdating ko sa school, yung projects namin para sa finals, nadagdagan na naman
"Papatayin ba nila tayo? lahat na lang ba ng subject may special project?" Hallie
"Ganun talaga, wala namang magagawa yung reklamo natin eh, kaya simulan na lang natin" Rikki
"Paano magbabago ang sistema ng paaaralan kung walang magrereklamo?" Hallie
Napatingin na lang kami kay Hallie, nasa ibang mundo na naman sya, hindi na lang namin pinansin, hanggat may sasabihin ka kasi, may isasagot rin sya. Huwag na lang tayong magsalita.
Nang matapos naming pag usapan ang mga gagawin sa finals, nagtungo naman kami sa cafeteria.
"Hindi talaga ako makapaniwala na ganyan ka kabilis mag move on Hazel" Rikki
"Hindi kasi sya pagong katulad mo" Hallie
"Bakit kailangan ko bang mag move on?"
"Oo! itigil mo na kasi ang kakapantasya mo kay Enzo"
Bigla naman akong naubo, umiinom kasi ako nung bigla kong narinig yung pangalan ni Enzo.
"Aminin mo na kasi, crush mo rin sya kaya ka ganyan sakin"
"Wala akong aaminin"
"May aaminin ka!"
"Wala!"
"Meron nga!"
ayan na naman sila, nag aaway na naman...
"Kahit naman pag awayan niyo si Enzo, hindi niya rin naman kayo kilala"
Natahimik naman sila, tapos tiningnan ako
"Bakit ikaw kilala niya ba?" Hallie
"Ha?"
At dun naman ako napaisip, oo kilala niya ako, pero syempre bawal nilang malaman.
"Siguro may gusto ka rin talaga kay Enzo, hindi malabong mangyari yun... break na kayo ni Renz eh, malayang tumibok ang puso mo sa iba" nakangiting sambit ni Rikki
Ano ba naman yan...
"Wala nga kasi akong gusto sa kanya eh!" medyo pasigaw kong sinabi yun
Nakakaloka kasi sila eh. Bumalik na kami sa classroom pagkatapos nun, sakto namang nasalubong namin si Enzo, ayun kunwari hindi kami magkakilala.
"Gumawa ulit ako ng love letter para kay Enzo" Rikki
"Sira ka ba? tigilan mo na nga yan, wala kang pag asa sa kanya!" Hallie
"Para namang ikaw meron" Rikki
"Atleast hindi ako gumagawa ng kakornihan!"
"So inamin mo rin na crush mo sya?"
"Tumigil na nga kayo" suway ko
"Pero sana binasa niya na yun, feeling ko kasi hindi niya binasa yung una eh" Rikki
"Paano mo naman nasabi?" tanong ko naman
"Aah, kasi sabi ko kapag nabasa niya yun imessage niya ako sa fb, binigay ko pa nga full name ko eh, kaso hindi niya ginawa"
May way pala si Rikki para malaman kung nabasa ba ni Enzo yung letter niya.
"Aah" yun na lang ang nasabi ko
Nung dismissal na, nag aya naman sila sa mall, medyo napaaga kasi ang uwi namin, mga tinatamad pa daw silang umuwi sa mga bahay nila kaya punta daw muna kaming mall.
Kaya sumama na lang rin ako, naglakad lakad lang naman kami, tumingin tingin kung may mabibili, nagutom ako kaya bumili ako saglit ng pagkain, at habang naglalakad kami, may nakita kaming store na may magagandang damit, papasok na sana ako kaso... foods not allowed daw.
At dahil mababait ang mga kaibigan ko, iniwan nila ako sa labas, nagmukha lang naman akong nawawalang bata sa tapat ng store nila, tumingin tingin na lang ako sa paligid habang kumakain.
Wala naman akong pwedeng ibang gawin eh, hanggang sa napansin ko yung isang babaeng nakatalikod, feeling ko kasi... si Andrea yun, at nung nagside view sya, hindi ako nagkamaling... sya nga si Andrea, may kasama syang lalake at sigurado akong hindi si Enzo yun.
Naalala ko tuloy yung sinabi ni Zoey, hindi ko naman alam na makikita ko rin si Andrea na may kasamang ibang lalake, ano kayang mararamdaman ni Enzo kapag nalaman niya to?
Pinaghahandaan niya pa naman yung anniversary nila, tapos etong Andrea na to may nilalanding iba! pasensya na... nakakainit sya ng ulo eh.
"Tara na wala namang akong nagus----girlfriend ba yun ni Enzo" Rikki
"Mukhang hindi si Enzo ang kasama niya" Hallie
"Hindi talaga..." sabi ko naman
Kinuha ni Rikki yung cellphone niya, tapos nung pumasok na sa isip ko yung gagawin niya, pinigilan ko sya.
"Kailangan malaman ng Enzo's Angel na Evil ang girlfriend niya"
Oo nga pala, Enzo's Angel ang tawag nila sa sarili nila, yung mga babaeng may crush kay Enzo.
"Hayaan mo na" pigil ko
"Hayaan? hindi ko hahayaang saktan niya si Enzo, alam mo ba kung gaano niya kamahal yang babaeng yan? tapos niloloko lang pala sya" Rikki
Alam ko rin naman yun, kaya lang kasi, baka mabigla si Enzo kapag nalaman niya.
"Hindi naman tayo pwedeng makialam eh" sabi ko pa
"Tama si Hazel, kunwari na lang wala tayong nakita, kahit nag aalala tayo sa mararamdaman ni Enzo, personal life niya pa rin yan at hindi natin dapat pinapakialaman" Hallie
"So crush mo nga rin si Enzo?" tanong ni Rikki kay Hallie
"... Uwi na tayo!" sabi niya lang
Nag commute lang ako pauwi, at habang nasa byahe ako, hindi mawala sa isip ko yung nakita ko kanina, ang saya kasi ni Andrea eh, ang saya nila nung guy na kasama niya, magkaholding hands tapos parang andaming pinag uusapan... samantalang si Enzo, walang kaalam alam...
Iniisip niya lang kung paano niya pasasayahin si Andrea sa anniversary nila... naaawa tuloy ako...