Tatlong araw na ang nakakalipas nang makita ang bangkay nina Zyque at Yvone. Samantalang si Aliah naman ay apat na araw ng di pumapasok sa klase.
"Students, sino ang may alam kung bakit wala si Aliah? Apat na araw na siyang hindi nagpapakita,ah?" Paghahanap ni Mrs. Phony sa estudyante na itinuon ang mga mata sa mga estudyante na naroon. Tumingin naman ang lahat kay Kyle na nagbabasa ng magazine na ikinahinto naman nito.
"Oh? Bakit kayo nakatingin sakin?" Maang nito sabay kunot ng noo.
"Hindi mo ba alam kung nasa'n siya?" Takang tanong ni Dawn.
"Tsk! Sira! Girlfriend ko lang siya at hindi asawa. Akala ko ba kaibigan ka niya? Bakit hindi mo alam kung saang lupalop siya naroroon?" Sulibagbag na namang sagot ni Kyle.
"Eh, last monday morning ko siya nakita kasi classmate ko siya sa subject na Pagsasaling Wika pero after that hindi ko na siya nakita." Sagot naman ni Dawn nang mapansing nagkakainitan na ang dalawa.
Bigla namang tumayo si Niel na ikinataka ng lahat.
"'Di ba Samantha umalis kayo ni Aliah matapos tayo sa Laboratory?" Anito na naging dahilan upang mabaling ang tingin ng mga naroroon kay Samantha.
"Oo, sinamahan ko siyang umihi kaya lang ang tagal niya sa loob ng CR kaya iniwan ko na siya nang makita ko sina Jade at Neji na papunta sa Canteen." Mahabang paliwanag nito.
"Tapos magmula no'n hindi na siya ulit nakitang pumasok sa mga subjects niya." Dagdag pa ni Jason.
"Eh, di ba kayo ni Taki ang ka-room mate ni Aliah? Bakit hindi niyo alam na nawawala na pala si  Aliah?" Tanong  naman ni Kathlia kay Dawn.
"Room mates niya nga kami pero madalas 'di natutulog sa dorm si Aliah,eh." Sagot naman ni Taki sa animo'y interrogation ni Kathlia.
"Kung ganun, we need to find her." Sabat naman ni York na kanina pa nakikinig at nag-oobserba sa mga maaaring nangyari.
"Ipapa alam ba natin sa mga teachers especially sa kinauukulan?" Tanong naman ni Jade.
"Pwede bang... Sa ngayon wag muna nating ipaalam sa faculty ng SFU? Pero kapag hindi natin siya mahanap, bukas na bukas din ay ire-report na agad natin sa Admin para matulungan tayo sa paghahanap kay Aliah." Hinging pahintulot ni Ryle sa mga kaklase lalo pa't sila ang pinagbibintangan ng Principal na pumatay kay Mrs. Caballigan.
"Ehem!" Pagbibigay alam ni Mrs. Phony na nasa harapan dahilan upang matigilan ang mga estudyante ng Block-B.
"I can keep this conversation of yours  as a secret muna but after tomorrow na hindi niyo pa siya makikita just go to our admin office para matulungan agad kayo. As your subject teacher, I will not interfere sa plano niyo but make sure students to take care of yourselves." Mahaba namang litanya at paalala ng guro.
Pagkatapos ng klase ay agad ginalugad ng mga estudyante ang mga abandonadong silid-aralan, mga tambayan kasama na ang Broad House at pati na rin ang Canteen ngunit mag a-alas dyes na ng gabi pero wala pa rin silang natagpuang Aliah.
Pagtuntong ng alas-dyes y medya ay napagplanohan ng Block-B na bumalik na sa kani-kanilang quarter. Napagod man ang lahat kakahanap kay Aliah ay hindi nila iyon pinaghihinayangan bagkus nag-aalala sila para kay Aliah dahil hindi nila alam kung ano na ang nangyari rito sa loob ng apat na araw na hindi ito nakikita.
Ilang linggo na rin simula ng magkakilala si Taki at Terrence kaya komportable na ang dalawa sa isa't isa. Sa katunayan nga nakaakbay ngayon kay Taki si Terrence habang nakatingin sa mga bituin sa kalangitan.
"Oy, malunod ka sa sobrang lalim ng iniisip mo." Biro ni Taki nang mapansing tulala ang kasama. Saka naman ito ngumiti at tinanggal ang pagkakaakbay sa dalaga.
"'Nga pala? Anong year ka na?" Pag-uusisa ni Taki maliban sa gusto niyang maka-usap ang binata.
"Ako?" Walang muwang na sagot naman ni Terrence sa tanong ng kasama.
"Hindi. 'Yang nasa likod mo. Hello? Tayo lang kaya dito so propably ikaw tinatanong ko." Biro naman ni Taki sa kausap na halatang mula pa kanina na ikinatawa naman nito.
"Sabog ka talaga,nuh?" Anito sa hinarap na dalaga na siya namang ikinangiti ni Taki.
"Pero seryoso? Anong year ka? Tsaka, course?" Balik tanong ni Taki.
"First Year College. Major in Filipino. Block-B. Eh,ikaw ba?" Balik tanong nito matapos sagutin ang tanong ng kasama.
"Grabe... Ang seryoso mo masyado,nuh? Chill lang,bro." Pagbibiro pa ni Taki.
"Eh, same pala tayo,eh. Same year and same course pero bakit hindi kita nakikita sa classroom?" Pagtataka ni Taki dahil kung parehong course at year nila malamang classmates sila pero since the day na lumipat siya ay di niya pa nakikitang pumasok ang lalaki. Muli pa sanang magtatanong si Taki upang masagot ang mga katanungan sa kanyang isipan subalit nagyaya ng umalis si Terrence na hindi na kinulit pa ni Taki dahil ramdam niya ang pagiging seryoso nito.
Bago maghiwalay ng daan si Taki at Terrence ay may inabot na pirasong papel ang lalaki at nang makalayo na ang lalaki tsaka pa binuklat ni Taki ang sulat.
"STAY AWAY FROM ME" Iyan lang ang laman ng papel na ibinigay ni Terrence subalit ang ikinagulat ni Taki ay ang bahid na dugo nito na nagkalat sa papel.
[ GIRLS QUARTER ]
Kasalukuyang nasa kwarto nila Taki sina Dawn, aliah, Jade at Kathlia. Pinag-uusapan ng mga ito ang lalaking nakita ni Aliah sa rooftop na siya namang ikinagulat ng tatlo dahil sa biglaang pagkakaroon ng rooftop ng South Fictility University.
"Kailan pa nagkaroon ng rooftop ang SFU? Oo, dati bukas pa ang daan papuntang rooftop pero isinara na lang iyon bigla ng hindi nalalaman ang dahilan kung bakit." Mahabang litanya ni Jade na siyang may access sa nakaraan ng SFU.
"Tsaka nga pala? Paano ka nakapunta don?" Muling usisa naman ni Kathlia samantalang mataman lang na nakikinig sa pag-uusap si Dawn.
"Hindi ko rin alam,eh. Basta bigla na lang akong naglalakad ng diko namamalayan tapos basta... Ilang saglit nasa rooftop na ako. At kung naaalala niyo dati... niyaya niyo ako na pumunta ng canteen pero sabi ko may pupuntahan ako? Iyon ang second time ko na pumunta ng rooftop and there... Nakita ko ang OH-my-GOD! Ang super gwapong lalaki." Kilig na kwento nito.
"Tapos?" Sabay pa halos na tanong ng tatlo sa nagkukwento.
"Basta yon, hehe! And then, bigla na lang akong hinila ni Taki."
"Si Taki?! Anong ginagawa niya don?" Naguguluhang tanong na ni Dawn.
"Ewan. Hindi ko alam. Basta ang alam ko lang matagal na siyang pumupunta sa rooftop." Ani Aliah sa dalawa.
Magtatanong na naman muli sana si Kathlia nang biglang bumukas ang pinto at lulan niyon si Taki na ikinagulat ng apat maliban sa hindi nito pagkataok kundi dahil ito ang pinag-uusapan nila.
"Bakit?" Walang emosyon nitong tanong sa apat na ang mga mata nakatuon kay Taki.
"Ahh, wala. Dawn, una na ko,ha? Aliah." Paalam ni Kathlia sabay lapag ng unan na inilagay niya sa lap niya.
"A-ako rin, Dawn at Aliah. Bye! Sayo din, Taki." Hindi na magkanda ugaga na paalam ni Jade sabay habol kay Kathlia na naunang nag paalam. Samantalang dumeretso naman ng CR si Samantha at tumalikod ng higa si Aliah upang maiwasan ang mga itatanong ni Taki kung sakali mang mag interoga ito subalit taliwas sa inaasahan ay nagkibit balikat lang si Taki sa ikinilos ng apat.