Pagkaalis nung Belinda nilapitan kame ni Aidan at tinanong kung okay lang kami. Nagkatinginan muna kame ni Isang.
“Okay lang, territorial yang misis mo,” sabi ni Isang habang sinusundan ng tingin yung Belinda sa stage.
Nakatingin din ako kay Belinda kesa tumingin kay Aidan kaso bigla nya binanggit pangalan ko.
“Ikaw Ali? Okay ka lang ba?” Tanong niya.
Tumingin na ako sa kanya, bumuntong hininga ako at sumagot, “Sa totoo lang, hindi. Ayoko nitong mga nangyayari at ayoko na magkausap pa kame ng asawa mo. Kasi di naman namin siya kilala. Parang nananakot na siya. Um, gusto ko na sanang umuwi bukas. Mas maaga mas maganda, pasensya na sa abala. Baka pwede mo ako ihatid sa terminal ng bus pa-Manila?”
Ang haba ng sinabi ko pero kasi naman ang hirap ng ganito wala pa man parang ang gulo na. Tiningnan lang ako ni Aidan at tinawag na siya ni Belinda. Tinanguan na lang niya kami at pumunta na siya sa asawa niya. So vocalist din pala si Belinda at duet sila. Ang saya talaga! Biglang ako napapikit kasi sumakit ang ulo ko at aaminin ko may kirot sa puso.
Buhay nga naman! Tiningnan ko na lang si Isang at sinabing, “Alam mo bes, kung makakauwi tayo tonight? Gora na talaga ako! Kahit di ka pa sumama. Ibang level na ito bes. Hindi ko na ito kaya!”
Pumikit akong muli at hinawakan ang kaliwa’t kanang sintido ko, saka ko ito dahan dahang hinilot in circular motion.
“Sorry talaga bes, di ko naman alam eh. Di din kita masa-samahan pauwi nahihiya ako sa magulang ni Aidan sobrang bait nila sa akin kagabi. Mag-stay ka na bes, sige na, please?”
Inikot ko na lang ang bola ng mata ko bilang sagot kay Isang. May mga tao ng nag-daratingan kahit nakalagay na band starts at 8PM. As expected maganda ang boses ni Belinda at sanay na sila pareho ni Aidan sa isa’t isa. Parang gusto ko ng lakarin yung sinasabi ni Isang na McDo! Kahit saan wag lang dito!
Habang tumatagal parami ng parami mga tao at mapupuno na ata yung lugar. Kaya napunta na kame ni Isang malapit sa stage kasama yung mga lalagyan ng instruments. Kumuha na lang kami ng dalawang plastic chairs para makaupo kame. Meron yata may birthday dun sa isang table at ang saya saya nila. Nung nag-8pm na sinimulan na nila Aidan yung mga songs nila, puro Maroon 5 songs.
At back vocal lang si Belinda. Yung last song ni Aidan ang nagandahan ako, Drops of Jupiter by Train. Kaso malakas ang kutob ko na para kay Belinda yung kanta na yun kasi napansin ko nagbago ang stance ng pag-upo ni Belinda. Tapos boses ni Aidan parang nanunumbat or baka paranoid lang ako? Sobrang saya ko nung natapos set nila Aidan at ang susunod na banda na. Nung nagbubuhat na kame ng gamit papunta sa van nakita namin nagtatalo si Belinda at Aidan sa likod ng kotse ni Aidan.
Medyo nagtataas na ng boses si Belinda kaya rinig na namin.
“Bakit di ko na ba pwedeng makita si Albee? Kahit late na?”
“Tulog na si Albee. Bukas ka na lang dumalaw.” Sagot ni Aidan.
“Ayaw mo lang ako papuntahin sa inyo kasi nandito yung babae mo!” Singhal ni Belinda.
Nakasakay na sila Chot, Gio at Mark sa van pero kame ni Isang naghihintay pa sa labas ng van di namin alam saan kami sasakay.
Siniko ko na si Isang, “Bes sakay na tayo sa van. Mukhang mahaba pa ang away nila.” Hinila ko na si Isang pasakay ng van at umupo na kame. Si Gio na nagsara ng pinto at binuksan ni Chot yung bintana niya.
“Pre! Una na kame!” Sigaw ni Chot kay Aidan.
At tuluyan na nga kaming umalis. Pagdating sa bahay nila Aidan dumeretso ako sa kwarto ni Aidan at nagpalit na ng pangbahay. Nag-search na ako kung anong oras ang first trip ng bus pa-Manila. Grabe itong araw na ito. Lahat ba ng tao nakakaranas ng ganitong pangyayari sa buhay nila or ako lang?
Di bale ng walang lovelife wag lang ganito. Biglang sumakit ang tiyan ko paano naman kasi dalawang chicken wings lang ata nakain ko dun sa restobar. Pumasok si Isang sa kwarto at nagbihis din ng pangbahay.
“Andyan na si Aidan may dalang McDo. Tara na bes, gutom na rin ako.” Sabi ni Isang at sinara niya ang pinto.
Dinala ko ang phone ko at bumaba na rin. Nalimutan ko magtali ng buhok pero hinayaan ko na ayoko na umakyat uli. Lahat sila nasa dining area na kaya dun na ako dumeretso. Ang dami binili ni Aidan grabe: my rice meals, burgers, fries, pies at soda. Tumabi ako kay Isang at kumain na kami ng tahimik.
“Bes tingnan mo ito,” Iniabot ni Isang yung phone niya sa akin at may pinakita siyang mga larawan.
Larawan nila Aidan at Belinda, mukhang old pictures kasi bata pa sila tingnan pero mukhang mahal na mahal nila ang isa’t isa talaga. At ayoko ng alamin kung anu pa ang pinagdaanan nila. Sumubo ako ng fries at iinum sana ng drinks ng may pinakita na naman sa akin si Isang. Natigilan ako kasi kanina lang yung larawan at nakalambitin mga braso ni Belinda sa leeg ni Aidan at nakatingkayad. Nakahalik si Belinda kay Aidan.
Nagtataka akong nagtanong kay Isang, “Saan mo yan nakuha?”
“Hay naku bes! Wag mo nang alamin.” Sabay pagbato ni Isang ng fries sa bibig niya.
Nang matapos kami kumain lahat nagtulong tulong kami maglinis ng mga boxes at isa isa kami nag-hugas ng kamay. Dahan dahan akong umakyat ng hagdan habang binabasa mga emails ko ng tinawag ako ni Aidan.
“Usap naman tayo, pampababa lang ng kinain?”
Napatingin ako sa taas ng hagdan kasi huminto si Isang sa pag-akyat at tumingin sa amin ni Aidan. Tumango lang si Isang at pumasok na sa kwarto ni Aidan,
Pumunta si Aidan sa piano chair at umupo doon pero sa akin siya nakaharap hindi sa piano. Umupo ako sa sofa malapit sa doorway malapit sa hagdan. Tiningnan ko si Aidan at nakatingin din siya sa akin.
“Sorry if Belinda was rude to you today,” Sabi ni Aidan.
“Ang daming beses mo na ata nag-sorry today?” Nakangiti kong sabi ko Aidan.
Nahawa ata siya at ngumiti na rin. Tapos nagkatinginan kami, ako na unang umiwas ng tingin. Tumingin ako sa mga magazines na nasa center table ng living room. May mga coloring book, siguro kay Albee at may mga fashion magazine din at vinyl albums. Gusto ko sanang silipin pero tinawag na naman ako ni Aidan.
“Gusto mong sumayaw?” Sabi ni Aidan papalapit sa akin.
Tiningala ko siya ng tuluyan na siyang nakalapit sa akin, “Wala namang tugtug?” Sabi ko na lang.
“Pwede naman ako kumanta diba?” Sabi ni Aidan at iniabot niya sa akin ang kanang kamay niya.
Bumuntong hininga ako at tinanggap ang kamay niya. Last na ito! Sa bus na lang ako iiyak bahala na!
Inilagay ni Aidan ang kaliwang kamay ko sa kanang balikat niya at nilagay niya ang kanang kamay niya sa baywang ko. Hinawan niya ang kanang kamay ko gamit ang kaliwang kamay niya at dinala niya ako malapit dun sa medyo maluwag na bahagi kung saan nakalagay ang piano. Tapos nagsimula siyang kumanta. Alam ko yung kanta kaya napailing na lang ako at pinipigil kong mngumiti. Sinundan ko na lang yung sayaw ni Aidan habang kinakanta niya yung Balisong by Rivermaya.
Huminto sa pagkanta at pagsayaw si Aidan at bigla siyang nagsalita at sinabing, “Bigyan mo naman ako ng chance Ali?”
Inalis ko ang kaliwang kamay ko sa balikat niya at hinimas ko sa kilay ko. Bumitaw na din ako sa kaliwang kamay niya.
Tiningala ko siya at sumagot ako, “Hindi tayo pwede eh. Saka sayang naman sana magkaayos kayo ni Belinda. Luwas na pala ako bukas pa-Manila. Mag-first trip ako, baka pwede pahatid naman sa terminal?”
Nanlu-lumong tumango tango na lang si Aidan. Naglakad na ako sa kanya palayo at sinabi kong, “Goodnight.”
Halos takbuhin ko ang hagdan at ang bilis ko nabuksan ang pinto ng kwarto ni Aidan. Nasa kama si Isang at nakahiga. May headset siya at nakapikit kaya di niya ako napansin. Sumandal ako sa pinto at napaupo doon. Pinagdikit ko ang tuhod ko at doon ko pinatong ulo ko.
Nahihirapan akong huminga dahil sa posisyon ko pero di ko iyon ininda dahil halo halo ang nararamdaman ko. Yung tipong sasabog ata dibdib ko at gusto kong sumigaw. Akala ko ba simple lang ang buhay? Nasaan ang simple? Ganito ba ang simple, magmamahal ako sa mali pang tao!
O baka naman di talaga ito pagmamahal? Infatuation lang? Ang gulo! Di ko na alam! Tumayo na ako at lumapit sa bag ko. Nakatingin na sa akin si Isang pagkatayo ko pa lang.
“May nangyari ba bes?” Tanong ni Isang.
“Wala, anu ka ba? Kunin ko lang toothbrush ko.” Hinalungkat ko na ang bag ko at kinuha doon ang toothbrush ko at toothpaste. Saka diretso pumasok sa banyo at nag-lock.
Ang bilis ko natapos mag-toothbrush at maghilamos. Pakiramdam ko kasi gusto ko na matapos ang araw na ito at sana umaga na para makasakay ako agad ng bus and goodbye Baguio na ako! Tatanggalin ko na nga yung mga pinag-didikit kong quotes sa wall ng kwarto ko! Mga wala namang silbi sa totoong buhay! Life is simple if you know how to live pala ha!
Life is simple! Leche! Gusto ko ng umiyak kaso nandito si Isang sa kwarto. Assumera pa naman itong bestfriend ko baka kung ano pa isipin. Saka baka biglang pumasok si Aidan at may kunin dito sa room niya. Nagtalukbong na lang ako ng kumot. Ang hirap pala umiyak ng tahimik?
Tuluyan ng dumaloy ang luha ko. Di ko na napigilan. Sinabi ko lang sa sarili ko at sa isip ko na: Hindi totoo ang love at first sight! Walang ganun! Wake up!
Biglang may kumatok sa pintuan namin. Shit! Talaga! Pinag-buksan ni Isang at si Aidan nga, kukuha lang daw siya ng pang-tulog niya. Sana naman bilisan niya diba.
“Tulog na si Ali?” Tanong ni Aidan kay Isang.
“Hindi pa ata. Nakikinig lang yan ng music gamit headset niya.” Rinig kong sagot ni Isang.
“Mahal ko na ata kaibigan mo, Marissa? Paano ba yan?” Sabi naman ni Aidan.
Nanlalaki ang mata ko sa loob ng kumot. Ang bilis ng tibok ng puso ko!
“Sus! Ilang araw pa lang kayo nagka-sama mahal agad? Wag ako, okay? Lumabas ka na nga sir. Antok na ako.” Sabi ni Isang.
Lumuwag ang pinipigil kong hininga. Narinig ko na lang sumara na ang pinto. Tinanggal ko na ang talukbong ko at tiningnan ko si Isang. Nakatingin din siya sa akin.
“You’re welcome, bes!” Sabi ni Isang sa akin.
Tinalikuran ko na lang siya at pinikit ko ang mga mata ko. Paano ako matutulog ngayon nito? Bwiset na Aidan ‘to dinamay pa ako!