“Kain na,” Sabi sa akin nung isang kabanda ni Aidan nang dumating ako sa kusina. Tumingin ako sa kanya at tipid na ngumiti. Tapos sinabi niya ang pangalan niya, “Gio,” sinabayan niya ito ng tango. Si Gio ata ang pinaka-maputi sa kanila. Gwapo rin siya, siguro magkapareho lang sila ng height ni Aidan. Mas maganda ang pangangatawan nito kumpara kay Chot. Si Chot ay medyo chubby. Halos pareho ng katawan si Gio at Aidan.
Sumagot ako ng, “Ali,” at binuksan ko na ang box ng pizza. Kumuha ako ng isang slice. Pagkagat ko ay dumating ang isa pa nilang ka-banda. Tipid ko din itong nginitian, sabi niya ang pangalan daw nya ay Mark. Sinabi lang nya sa mga kabanda nya na eight daw ng gabi ang unang set mamaya. Kaya mas maganda andun na ng maaga kasi mag-set up pa sila ng instruments doon.
“Okay ‘pre” Narinig kong sagot ni Aidan sa likod ko. Di ko namalayan na sumunod pala sila sa akin. Nagulat na lang ako at kumuha na din ng pizza si Isang mula sa likod ko.
Nag-salubong ang tingin namin ni Isang kasi nakaupo ako sa isa sa mga dining chair katapat ng mesa na pinaglalagyan ng pizza. Nilakihan ko siya ng mata. Sobrang laki ng pizza nakakabusog kaya pag-kakain ko ng isa ay umakyat na ako agad sa kwarto ni Aidan. Sana lang sumunod ang bruhang Isang dahil kailangan niya magpaliwanag sa akin!
Pagpasok ng kwarto pinuntahan ko agad ang cellphone ko. Naka-tanggal na ito sa pagkaka-charge, siguro tinanggal ni Isang habang tulog pa ako. Inilapag ko muna sa kama ang phone ko at nirolyo ko ang cord ng charger ko ng marining kong bumukas ang pinto ng kwarto. Hinarap ko nga si Isang at sinabing, “Hoy bruha!” Nagulat ako nang si Aidan ang tumambad sa akin.
Ngumiti lang siya sa akin at sinabing, “Nasa baba pa si Marissa,”
Tumango lang ako at nilagay na sa backpack ko ang charger ko. Umupo ako sa gilid ng bed at inilapit ko sa akin ang backpack ko. Makapag-ayos na nga ng bag at mukhang mapapa-aga ang pag-luwas ko ng Manila!
“Sorry about my son’s behavior earlier,” Sabi ni Aidan na nakatayo pa rin malapit sa pinto sa bandang kanan ko.
Ang posisyon kasi ng kwarto ni Aidan eh nasa gitna ang kama yung pinto nya kanang bahagi sa paanan ng kama. Puro cabinet na tapos sa kaliwang side may dalawang gitara sa guitar stand. Isang blue at isang red guitar. Sa bedside nya may dalawang bedside lamp magkabilaan.
“Wala yun, bata eh.” Sagot ko na lang. Hinahanap ko kung nailagay ko ba ang toothbrush ko sa lalagyan mahirap na at baka mamaya nakakalat na naman sa ilalim ng bag ko. Hay!
“Sorry din at di ko agad sinabi na may anak na ako,” Patuloy ni Aidan na medyo mahinang boses.
Tiningnan ko lang siya at binaba ko ang bag ko. Napa-buntong hininga ako, “Kasal ka na ba?” Lumabas na lang sa bibig ko.
Uso kasi yan sa BPO yung mga may asawa feeling single sa office. Mali ko di ako nagtanong kagabi. Ewan ko ba! Siguro yung pag-oo ko sa panliligaw niya eh spur of the moment kong sagot!
“Oo,” Sagot ni Aidan.
Tiningnan ko siya ng masama at inikot ko na lang ang mata ko.
“I expected that reaction, that’s why I didn’t tell you at first,” Paliwanag ni Aidan.
“Really?” Sagot ko ng may pang-uuyam. Binalikan ko ang bag ko at kumuha na ng pang alis na damit. Kailangan ko na talagang umalis dito kasi isang malaking kalokohan ang pagsama ko dito. Lagot talaga sa akin itong si Isang! Naku talaga!
Binalot ko ang panty at bra ko sa tshirt ko bago ko ilapag sa kama then inilabas ko na ang ripped faded pants ko at towel ko.
“Pwede ba ako magpaliwanag Ali?” Tanong ni Aidan.
“Hindi!” Sagot ko at isinara ang main zipper ng bag ko. Binuksan ko naman ang bulsa at kinuha doon ang shampoo, sabon at conditioner ko.
“Judgmental ka pala?” Biglang sabi ni Aidan.
“Hah! Ako pa judgmental?” Sinara ko na ang bag ko at inilapag sa sahig. Tumayo na ako at kinuha ang phone ko. Tiningnan ko ang orasan, it shows: 3:37PM.
“Saan pwedeng maligo?” Tanong ko na lang ng malumanay na boses.
“Ali... please?” Sabi ni Aidan na nangingilid ang luha.
Bumuntong hininga ako at umupong muli sa gilid ng kama, “Sige, galingan mo yang paliwanag mo ha!” Inis kong sabi kay Aidan.
“Nung nakita pa lang kita sa poetry reading contest. I knew in my heart that you could ease my pain. Sobrang kaba ko nung nakita kita.”
Anu kayang kaba pinagsasabi nito? Teka nga muna! “Ikaw ba yun ungas na nag-paupo sa akin noon?”
Ngumisi lang si mokong. Tiningnan ko siya ng masama, “Ganda mo nga nung araw na yun.” Dagdag pa ni Aidan.
“Nambola ka pa, anong paliwanag mo?” Tanong ko at kinagat ko ang labi ko kasi ayoko matawa.
Sumipol bigla si Aidan at bumuga ng hangin, “Pinagpalit kasi ako sa ibang lalaki ng mama ni Albee. Masama bang maghangad din ako ng babae na magmamahal din sa akin?”
Reverse psychology ba ito? “Pero dapat sinabi mo agad! Sabagay ganyan naman kayo. Ay naku! Ayoko na magsalita. Mabuti na yung simula pa lang maitama na natin. Ayoko ng magulong buhay.” Ang haba ng paliwanag ko at tumayo na ako.
Tumingin sa sahig si Aidan at bumuntong hininga. Tinuro nya yung pangatlong pintuan ng mga cabinet, “Yan yung bathroom ko,”
Wow ha! Okay din and design ng kwarto ni Aidan di mo iisipin na bathroom door yun kasi kasama ng mga cabinet na kulay beige.
“Thank you,” Sabi ko at lumakad na papalapit sa pinto na tinuro nya. Nakita ko sa peripheral vision ko habang naglalakad ako hindi umaalis si Aidan sa kinatatayuan niya. Isinara ko na ang pinto at nilock iyon.
******
Napilit ako ni Isang na mag-stay pa kahit gustong gusto ko na talaga umuwi. Sabi niya ang alam lang niya may anak di naman niya alam na kasal pala. Hay naku! Dapat talaga maging mapanuri ka sa tao na gugustuhin mo, sa panahon ngayon ang akala mo na totoo eh pwedeng hindi pala. Saka sabi pa ni Isang nakakahiya daw sa magulang ni Aidan pag bigla ako umuwi. Nakipag-kwentuhan daw sa kanila ang mga magulang ni Aidan kaninang umaga habang tulog ako.
Namili na sila para sa amin ng mga pagkain pang tatlong araw. Nahiya naman ako kasi una, tanghali na ako nagising. Pangalawa, na-abala na namin mga magulang ni Aidan. Kaya ito hinihintay ko silang lahat maligo at matapos maghanda papunta dun sa gig daw ng banda nila. Nandito kami dalawa ni Albee sa sala habang nag-praktis siya sa piano.
“Tita Ali?” Tawag sa akin ni Albee, tumayo ako sa sofa at lumapit sa kanya.
“Yes, Albee?” Tanong ko na nakangiti sa kanya.
“Anong song ang gusto mo tugtugin ko?” Nakangiti si Albee at tumingala sa akin.
“Wala akong maisip sa ngayon. Anu ba alam mong tugtugin?” Wala talaga pumapasok sa utak ko ngayon kasi gusto ko nang umuwi at kalimutan ang lahat. Parang ang weird ng feeling ko, parang gusto kong mangliit na di ko maintindihan.
“Alam mo po yung Your Song by Elton John?” Tumingala uli sa akin si Albee.
“Di ko sya kabisado pero naririnig ko sa mga tito ko dati, kinakanta nila sa videoke.” Sagot ko kay Albee.
Bigla na lang nagsimula tumugtog si Albee at napuno ang sala ng melody ng kanta. Tapos sinasabayan pa ni Albee ng pagkanta. Ang cute lang, pag ikaw nagka-anak na ganito grabe siguro proud mo! Bata pa lang galing na sa piano.
“Tita sabay ka po sa akin sa chorus,” sabi ni Albee habang tumutugtog. Sabay kaming kumanta:
I hope you don't mind
I hope you don't mind
That I put down in the words
How wonderful life is while you're in the world
“Ali,” Tawag sa akin ni Aidan, “We need to go. Albee I’ll see you later, okay?”
Tumayo na ako at lumakad papalapit kay Aidan. Di ako tumitingin sa kanya basta lumakad na ako palabas ng bahay patungo sa car park nila. Four thirty lang siguro, ngayon ko lang nakita yung kotse ni Aidan sa liwanag. Latest model ata ito ng Chevrolet Camaro in black. Kaya siguro ang lakas ng aircon kasi mukhang bago?
Nasaan na kaya yung dalawang babae na kasama namin sa byahe?
“Tara na bes!” Yaya sa akin ni Isang at pumasok siya sa Camaro ni Aidan.
Mabagal akong naglakad patungo sa kotse ni Aidan. Naka-bukas na ang pinto ni Aidan pero nasa labas pa rin siya at hinintay ako makasakay. Hindi ko siya tiningnan at sumakay na lang ako ng tahimik sa passenger’s side. Nagse-seatbelt na ako nung ini-start ni Aidan yung kotse.
Hindi naman ganun kalayo yung restobar kung saan yung gig nila. Nakarating kami agad mga less than fifteen minutes. Lumabas ako nung lumabas din si Isang at sinundan ko na lang kung saan pumunta ang bestfriend ko. Nang dumampot si Isang ng mga gamit, dumampot na din ako ng mga bubuhatin. Para makatulong man lang kina Aidan.
Malaki din yung restobar, mataas yung ceiling siguro para din di ganon kalakas yung sounds pag may tumugtog na. Inilapag namin ni Isang yung mga gamit ng banda at umupo kame dun sa isa sa mga mesa. Iniikot namin ni Isang ang mata namin sa buong paligid. Maganda naman yung lugar. Mixed yung mga design rustic ata yung tawag nila sa ganito.
May part na airconditioned then may part din na al fresco siguro para sa mga smokers. Yung mga tables at chairs mixed din may mukhang mamahalin at meron ding mga plastic chairs. Pagtingin ko kay Isang kinukuhaan na niya ng pictures sila Aidan gamit yung DSLR ko. Nag-aayos na sila Aidan ng gamit doon sa stage. Ngayon ko nalaman na drummer pala si Chot.
Ang bassist nila si Gio at rhythm si Mark. Medyo payat ang katawan ni Mark kumpara kina Gio at Aidan at nakasalamin pala ito. Kanina kasi sa bahay hindi niya suot. Mukhang siya din ang pinakabata sa kanilang apat. Iniiwasan ko talagang tingnan si Aidan kahit nahahalata ko na na nakatingin siya sa direksyon ko.
“Bes gusto mo ng snack? May malapit daw na McDo dito?” Tanong sa akin ni Isang.
“Walking distance lang?” Tanong ko naman sa kanya.
“Oo ata, wait ask natin sila Aidan,” Sabi ni Isang sabay tayo at lumapit kay Aidan.
Lumakad pabalik sa akin si Isang at sinabi na, “Malapit lang daw bes kaso sabi ni Aidan mamaya na daw para sabay sabay tayo. Gang eight to ten pm lang naman daw set nila.”
Tumango na lang ako at nag-check ng phone ko. Bakit naman ang dami kong text messages kay mama. Binuksan ko nga din ang data ko at ayun lalong umingay. Pinindot ko ang mute button ng phone ko at binasa mga messages ni mama. Di ko pala na update si mama kung nasaan na kami kaya ang bilis ko nag-reply sa kanya.
My friend request din ako from Aidan sa Facebook ko at Instagram. Parang ayoko siyang i-add pero binasa ko mga messages niya. Yung iba kagabi pa ang pinakahuli humingi siya ng sorry sa hindi niya pagsabi na may anak at asawa na siya. Kailangan ko pa ba ito replyan? Hay naku kabilin-bilinan ni mama wag makikipag-relasyon sa may sabit kasi magulo magiging buhay mo.
Napalingon kame ni Isang kasi may mga babae na dumating. Hindi namin kilala, siguro mga customer?
“Bes nga pala? Asan na yung dalawang babae kasama natin kagabi?” Tanong ko kay Isang at kinuha ko ang DSLR ko sa kanya. Tiningnan ko yung mga kuha niya.
“Mga taga dito pala yung mga yun, ayon wala na sila. Di na nagpakita or baka mamaya andito yun pag late na.” Sagot ni Isang.
Nakarating ako sa mga mga kuha ni Isang sa Vigan. Wow ha may talent ang lola mo! Pwede! Ganda ng mga shots nya. Di ko napansin na my lumapit sa amin na babae.
“Hello! I’m Belinda, friends kayo ni Aidan from Manila?” Sabi ng babae na lumapit sa amin. Maganda siya pero yung mukha mataray at palaban. Blonde yung kulay ng hair niya pati kilay niya. Mukhang mas matangkad siya sa amin ni Isang.
“Oo,” tipid na sagot ni Isang.
“Nice meeting you, ako yung asawa niya. Nameet nyo na din ba si Albee?” Nakangiti nitong sabi.
Ang weird ng feeling ko at hindi maganda ang vibes ko sa babae na ito. Tumango na lang kame ni Isang sa tanong niya.
“Sinasabi ko lang para alam niyo kung ano pina-pasok ninyo.” Dagdag pa nito at sabay tinalikuran kami.
Nagkatinginan na lang kami ni Isang. Kinagat ko ang lower lip ko at napa-iling na lang ako.