Pagkatapos ko mag-lagay ng dressing. Nag-connect na ko sa bluetooth ng kotse. I pressed play sa favorite list ko. Syempre una sa list yung kanina ko pa pinapakinggan, inalis ko na lang sa repeat one. Para mag-shuffle.
Tumahimik na ang mga bruha at kumain na kaming lahat. Nasa background na ang electropop song ni Taylor Swift pagpasok namin uli sa NLEX.
"Sana ako na lang nasa harap para na-susubuan ko si Aidan. Kesa yung isa diyan walang pakialam sa driver." May comment na naman!
Tiningnan ko si Aidan di pa nagagalaw sandwich nya at wala pa din dressing. Tinanong ko kay Aidan kung ilalagay ang catsup at mayo dressing? Tumango lang ang lolo mo. Tapos ayun sinubuan ko na si Aidan. Ako na din nag-punas ng mga naiwang dressing sa gilid ng labi nya.
Salitan ang kagat namen ni Aidan. Pagkagat niya kinuha ko naman yung akin tapos ako naman kakagat sa sandwich ko.
"Next stop over ako naman sa harap ha!" Demanding yung isang bruha sa likod. Tumingin na lang ako sa labas. At napapa-iling sa mga kababawan ng mga ito.
"Hoy! Ano bang pangalan mo? Narinig mo ko?" Sabi nung bruha.
"Yeah. I heard you. No worries." Sagot ko. I'm so over these girls! Di worth it makipagtalo.
"Hoy! Calista pangalan ng bestfriend ko. Ayusin mo nga pananalita mo!" Pagtatanggol sa akin ni Isang. "Wag mo ng patulan Ali!"
Nag-thumbs up na lang ako. Para tapos na. Sakto tumugtog yung rock na song, nagsi-tahimik na ang mga bruha. Kanta ng StoneFree, Anghel sa Lupa. Binaba ko muna yung bag ko para hanapin power bank ko at connector.
"Hoy lipat mo naman yan! Masyadong maingay!" Utos na naman ng inampalan sa likod.
Inabot ko phone ko ng di nakatingin sa dashboard. Kamay nahawakan ko. Napatingin ako kay Aidan. Nakatingin siya sa unahan at naka-focus sa daan.
"Ako na." Sabi niya at kinuha phone ko.
Bumalik ako sa pag-halungkat ng power bank. Naiwan pa ata ang bwiset!
"Anu ba hinahanap mo?" Tanong ni Aidan na nakatingin pa din sa daan.
"Yung power bank ko at connector. Di ko makita eh." Paliwanag ko sa kanya.
Binuksan ni Aidan yung compartment sa harapan ko at naglabas ng connector. Kinabit nya sa phone ko at dun sa port sa harapan ng kotse.
Hindi niya nilipat yung kanta ng StoneFree. Nilagay nya sa repeat 1. Yun ang tugtog namen hanggang makarating kame sa stop over for lunch. So, tatlong oras namen pinapakinggan yung kanta. Pinipigil ko tumawa. Pero nga-nga yung mga bruha sa likod. Napapangiti na lang ako.
Nakapag-palit na kame ng T-shirt ni Isang. Nagpalit na din ako ng panty. Ang unhygienic kasi pag matagal mong suot ang panty. Nagponytail na din ako kasi medyo mahina aircon nitong restaurant na napili ni Isang. Kanya-kanya kame nung nag-stop over eh. Si Isang gusto lutong bahay. Yung dalawang bruha sumama kina Aidan.
Nagpalit na ko, white shirt para presko. Saka hinubad ko na din yung converse ko ang init na kasi mag-ala una na kasi. Nagsandals na lang ako na flip-flops style na color brown. Nilagay muna namen ung sunglasses namen sa mesa saka kame kumain. Nagipit na din si Isang. Iba init sa restaurant na 'to. Malakas pa aircon ng kotse ni Aidan.
"Wag tayong gagalaw Bes. Para di tayo pawisan." Biro ni Isang.
Nagtoothbrush kame ni Isang at pumunta na sa sasakyan. Nagusap kame na matutulog muna ko, kasi sabi nung tatlong lalake sa van maluwag pa daw sila. Dun muna kame ni Isang. Salitan sa tulog.
Nakahiga na ko sa van. Ginawa kong unan bag ko. Sinaksak ko na yung phone ko sa powerbank. At soundtrip habang tulog sa byahe.
Makailang saglit lang nagising ako kasi nagkakantahan sila. Kinakanta ni Aidan yung 3 oras nameng pinapakinggan sa kotse nya.
Bumangon na ako. Nakakahiya. Parang ang tagal kong natulog.
"Yooooon. Nagising din." Comment ni Aidan. Lahat sila napalingon.
Nakangiti sa akin si Isang. Na parang kinikilig. Tapos itinaas nya yung cellphone nya ibig sabihin may gusto syang i-text/chat sa akin. Umayos ako ng upo.
"Bes patulog daw si Aidan jan sa pwesto mo. Napagod magdrive." Sabi ni Isang. Nagpalit kame ni Aidan ng pwesto para makahiga sya at magkatabi kame ni Isang. Yung dalawang lalake sa harap nagsoundtrip lang din. Natulog agad si Aidan. At may 3 text message ako galing kay Isang.
Isang: Bes! Bet ka ni Aidan! Kanina pa sya andito. Ginigising ka nya kinakapa nya yung keys ng kanta. Ayiiieee.
Ako: Bes, wag kang assume-ra. Kaloka ka!
Isang: Bes. 3 oras pinakinggan ni Aidan yung kanta na nasa phone mo. Kahit yung dalawang bruha alam na talo na sila! Ikaw na bes! Ayiiiee. Eto pa. Lumipat sya dito para sayo.
Ako: Grabe mga theory mo Bes. Iba din. Hindi pwedeng pagod lang sya magdrive kaya sya andito?
Isang: Dami mong alam. Eto pasabog ko sayo....
Ako: Anu?
Isang: Hiningi ni Aidan number mo. Anu? Hahahaha assume-ra pa rin ba ako? Tengene bes! Okay lang sa akin pag naging sayo si Aidan! Magtatayo pa ko ng fan club! Hahaha!
Di na ko naka-reply. Kasi bumangon si Aidan at nagugutom na naman daw sya, kaya tinawagan nya yung tropa nya dun sa kotse, sinabihan nya humanap ng Jollibee or McDo.
"Nagtext si Chot Aidan, drive-thru daw ba o bababa tayo?" Sabi nung lalakeng nagddrive.
"Kahit ano!" Sagot ni Aidan.
Sobrang dami ng text message ni Isang. Di na ko magkandaugaga sa pagbasa. Tapos may nagtext na number lang.
Unknown number: Anghel sa lupa, nahuhumaling na, nais kong ialay ang buong buhay sayo...
Ako: Hu u?
Unknown number: Paglumingon ka dito sa likod malalaman mo.
Ayoko ngang lumingon! Buti ayan na yung stop over. Grabe kabog ng dibdib ko!
"Tara baba!" Sabi ni Aidan. Ayun naunang bumaba yung dalawang lalake sa harap then binukas ni Aidan yung sliding door. Nauna na sya bumaba. Inabot nya yung kamay ko at inalalayan ako bumaba. Hindi na nya pinansin si Isang.