“AKALA KO ba darating ang anak ni Sir Lee?” tanong pa ni Wilma.
“Oo nga daw, anong nangyari?” sang-ayon ni Edgell.
“After lunch pa naman kasi ang dating. Ang OA n’yo din kanina, narinig n’yo lang na darating ngayon araw, retouch agad kayo. Hindi muna kayo nagtanong kung anong oras,” tawang-tawa na sagot ni Rosa.
“Aba, siyempre, at least ready kami!”
“So, kumusta naman ang nalusaw na make-up?”
Natatawa din na napailing si Edgell.
“Ikaw? Hindi ka magre-retouch ka?” baling sa kanya ni Rosa.
“Magre-retouch, pero hindi dahil sa anak ni Sir, kung hindi dahil mukha na naman pinaglipasan ng bente-kuwatro oras ang itsura ko,” kaswal na sagot niya.
“Hay, ganyan-ganyan ka tapos ikaw pala mai-in love sa anak ni Sir ah,” sagot din ni Rosa.
“Of course not!” mabilis na sabi niya.
Matapos iyon ay agad din silang bumalik sa mesa nila. Wala pa man din limang minuto ang lumilipas na nakaupo siya. Nakita niya ang humahangos na si Bernie at isa-isa nitong nilapitan ang mga officemates nila.
“Anong nangyayari?” tanong niya paglapit nito.
“Nandiyan na sila Mister Lee,” bulong nito.
Nang bumukas ang pinto, sa hindi maipaliwanag na dahilan ni Edgell. Biglang bumilis ang pintig ng puso niya, nabalot ang dibdib niya ng kaba.
Pagpasok ng may edad nilang CEO, gaya ng nakasanayan nilang nakikita mula dito. Agad silang sinalubong ni Mister Lee ng magaan na ngiti na tila masaya itong makita silang lahat. Nagtaka si Edgell dahil ang tanging kasama ng boss nila ay ang Sekretarya nito.
“Hello everyone!” bati ng CEO sa kanila.
“Good Afternoon, Sir!” bati nilang lahat.
Umikot ang tingin nito sa paligid ng tila mapansin nitong naroon sila lahat ay tumango-tango ang mga ito. Muli nitong binuksan ang pinto saka may sinilip ito sa labas, pagkatapos ay nagsalita ito ng Korean. Kasabay niyon, hindi sinasadyang natabig ng kamay Edgell ang mga importanteng papeles sa ibabaw ng mesa niya, kaya nahulog at kumalat ang mga iyon sa sahig. Kaya agad niyang isa-isang dinampot ang mga iyon.
“Annyeong! Good afternoon everybody, I would like all of you to meet my son, Youngjae Lee. He will be the next CEO of LYJ Food Incorporated,” narinig niyang anunsiyo ng boss nila.
“It’s nice to meet you everyone! I’m looking forward to work well with you,” narinig naman niyang sagot ng anak ni Mister Lee.
Biglang siyang natigilan sabay kunot ng noo.
“Teka, pamilyar ang boses na ‘yon ah… Kaboses niya ‘yong lalaking nagisnan ko noong Sabado ng umaga!” bulalas na sabi niya sa kanyang isipan.
Tatayo na sana siya pero muling natigilan si Edgell sa sumunod na narinig mula sa kanyang boss.
“If you guys know about the former Korean Group, Galaxy. My son was one of the members,” dagdag pa ni Mister Lee.
Natulala si Edgell. Mabilis na pumintig ang puso niya. Tama ba ang narinig niya?
“No way,” bulong niya habang nakatulala.
Nang mga sandaling iyon, tuluyan ng na-blangko ang isip niya. Ni hindi na siya nakakilos pa sa puwesto niya.
“Wait, where’s Edgell? I just saw her a while ago,” narinig niyang tanong ni Mister Lee. Doon siya natauhan, sabay kalabit ni Bernie sa kanya na katabi lang ng table niya.
Napapikit siya para pilit kalmahin ang sarili. Dahil hindi siya maaaring magkamali, kung ang sinasabi ni Mister Lee na anak nito ay miyembro ng dating grupo na Galaxy, at ang pangalan ay Lee Youngjae. Ibig sabihin, ang lalaki ay walang iba kung hindi si…
“Oh, there you are!” narinig ni Edgell na sabi ng Boss.
Tumikhim siya saka tumayo.
“I’m sorry, Sir. I just pick up the pa… pers…”
Hindi na natuloy ni Edgell ang sinasabi ng pag-angat niya ng tingin, tumambad sa kanya ang isang nakakagulat na katotohanan. Kasabay ng reaksiyon niya, halatang nagulat maging ang anak ni Mister Lee.
“Youngjae, I’d like you to meet one of my best employee, Edgell, one of my Food Technologist,” pagpapakilala sa kanila.
Bumuka ang bibig niya pero walang salitang lumabas mula doon. Dahil tuluyan ng na-blangko ang isip niya, parang ano man oras ay sasabog ang dibdib sa sobrang kaba ng mga sandaling iyon. Mula sa likod ay narinig niyang bumulong si Bernie.
“Uy bakla, okay ka lang? Bigla kang nagkulay suka,” anito.
Hindi pa rin siya makasagot. Ano ba naman kasing klaseng biro ng tadhana iyon?
“Hae-Bit?” tanging salita na lumabas mula sa bibig niya.
Ngumisi ang binata saka lumapit sa kanya. Ito mismo ang kumuha ng kamay niya.
“Nice to see you again, Edgell.”
Ang kaba ay napalitan ng takot matapos marinig ang sinabi nito.
“Magkakilala kayo?” gulat na tanong ni Bernie.
Natauhan si Edgell sa tawa ng boss niya, lumapit pa ito sa kanila saka tinapik sila sa likod.
“I didn’t know you already know each other? How did you meet?” tanong ni Mister Lee.
Tumingin ang binata sa ama, saka may ngiting nakakaloko na tumingin ulit sa kanya.
“Let’s say, I saved her from a bunch of perverts that dawn of Saturday,” sagot nito.
Hindi napaghandaan ni Edgell ang sunod na naging kilos ng binata. Bigla nitong hinila ang kamay niya palapit dito, saka tinapat ang bibig sa kanyang tenga.
“Nice to see you again, gorgeous. Still remember that Saturday morning?” bulong nito.
Pakiramdam ni Edgell ay parang sinipa siya sa dibdib ng sampung kabayo dahil mas lalong paglakas ng kaba niya.
“This is not true… no way!” tanggi niya sa kanyang isipan.
Ang anak ni Mister Lee na si Youngjae Lee. Ang pinaka-favorite niyang member ng Kpop Group na Galaxy, at lalaking laman ng pangarap at puso niya na si Hae-Bit ay iisa.
Si Youngjae Lee, o Hae-Bit ay ang lalaki na nagisnan niya noong Sabado ng umaga at siyang naka-one-night stand niya. Mayamaya ay bigla na lang umikot ang paningin niya, saka tuluyan nabuwal, naramdaman na lang ng dalaga na may sumalo sa kanya hanggang sa tuluyan na siyang nawalan ng malay.
YOUNGJAE can’t help but to feel amazed. Hindi niya inaasahan na muli magtatagpo ang landas nilang dalawa ng babaeng ito.
“Edgell, neoui ireum-iya…” mahina ang boses na kanyang usal. “Edgell, so, that’s your name,” ang ibig sabihin ng sinabi niya.
Ilang araw na ang nakakalipas, nang iligtas niya si Edgell mula sa tatlong foreigners na Caucasian. Nang gabing iyon ay naroon din siya sa Bar. Noong una, akala ni Youngjae ay ka-date or boyfriend ng dalaga ang isa sa tatlong foreigners. Lagi kasi itong nakadikit at nakikipagtawanan pa na parang close na close ang dalawa.
Palabas na siya ng Bar at uuwi na sana, nang mapansin niyang may pa-sikretong nilalagay ang lalaking kasama ng dalaga sa inumin nito. Lalapitan na sana ni Youngjae ang lalaki pero mabilis nitong naibigay ang baso kay Edgell. Then, he thought, hindi siya dapat nakikialam sa mga bagay na wala naman kinalaman sa kanya. Kaya tinuloy na niya ang pag-alis ng Bar. Nakasakay na siya sa kotse at paalis na sana, pero sa hindi malaman dahilan ay parang may pumipigil sa kanya. Hindi maalis sa isip ni Youngjae ang babae, at ang maaaring kahinatnan nito. Kaya imbes na umalis ay lumabas siya ng kotse at sumandal doon.
Makalipas lang ang humigit kumulang labinlimang minuto, nakita ni Youngjae na may lumabas na dalawang tao mula sa Bar. Agad niyang nakilala si Edgell, halos wala na itong malay habang inaalalayan ng kasama nitong foreigner. Ilang dipa lang ang layo mula sa pinaparadahan ng sasakyan niya, may lumabas na dalawa pang foreigners mula sa isang kotse at lumapit kay Edgell at sa kasama nito. Nakangisi ng mag-high five ang tatlo, hanggang ang isa sa tatlong foreigner ay lumapit sa dalaga at inamoy ang buhok nito, habang ang isa naman ay inamoy ang leeg at hinalikan pa ang kamay ni Edgell.
Nang mga sandaling iyon, walang duda, alam ni Youngjae na may hindi tamang mangyayari. At kapag hindi siya kumilos, tiyak na mapapahamak ang dalaga. Hindi kaya ng konsensiya niya na walang gawin at pabayaan na lang ito. Kaya bago pa man maisakay ng mga lalaki si Edgell sa sasakyan ay agad siyang lumapit.
Agad niyang sinita ang mga ito, pero agad na pumalag ang dalawang foreigners. Nagawa niyang labanan ang mga ito, at sa isang pagkakataon na susuntukin sana niya ang isa sa tatlong lalaki, mabilis itong nakaiwas kaya tumama ang kamao niya sa pader, dahilan para magdugo iyon. Nang mapansin ng mga security guards at bouncer ang nangyayaring gulo, mabilis na umalis ang tatlo sa takot na dalhin sa pulis at basta na lang iniwan si Edgell na nakahiga sa semento.
Mabilis niyang nilapitan ang babae. Sinubukan ni Youngjae na gisingin ito, pero hindi na ito magising pa. Pinabantayan pa niya ang babae saglit sa mga bouncer para hanapin ang nakita niyang mga kasama nito, pero hindi na mahanap ni Youngjae ang mga ito sa loob ng Bar. He searched for her ID in her bag, pero wala rin siyang nakita. Hindi naman niya ma-open ang cellphone nito dahil may password iyon. Kaya naman nag-desisyon siya na iuwi na lang sa bahay niya si Edgell. Ang Housekeeper niya na si Manang Selya ang naghubad ng damit ng dalaga matapos sukahan ang suot nito. Habang hinuhubaran ay lumabas si Youngjae ng kuwarto niya, at doon na rin siya natulog sa sala. Nagkataon lang ng magising ang dalaga, ay katatapos lang din niyang maligo at kalalabas ng banyo kaya nakatapis lang siya ng tuwalya.
Ang totoo, hindi rin naman niya alam na walang suot ang dalaga. Buong akala niya ay binihisan ito ni Manang Selya, at kinumutan na lang pagkatapos. Kaya ganoon na lang din ang gulat niya ng umaga na nagising si Edgell matapos bumaba ang kumot na nakatapis sa katawan nito, at tumambad sa kanya ang hubad na katawan nito. At hanggang ngayon ay parang gusto pa rin niyang lumubog sa kahihiyan dahil sa nangyaring iyon.
Naputol ang pag-iisip niya ng mapalingon kama, kung saan nakahiga si Edgell. Naroon sila sa clinic ng kompanya, doon niya ito dinala matapos biglang mawalan ng malay kanina. Bahagyang gumalaw ang ulo nito, mayamaya ay dumilat na sa wakas si Edgell.
“Don’t you find it weird? This is the second time we end up in one room. Ito na rin ang pangawalang beses na gumising ka at ako ang una mong nakita,” sabi pa niya.
Gulat na napalikwas ng bangon si Edgell.
“Anong nangyari sa akin?!” tanong agad nito.
Napangiti siya saka lumapit at naupo sa gilid ng kama.
“Bigla kang hinimatay kanina,” sagot ni Youngjae.
Hindi agad ito nakakibo at tila nag-isip ng malalim. Bumuntong-hininga siya.
“Do you feel better now?” tanong niya.
Tumingin sa kanya ang dalaga saka marahan tumango.
“Mabuti na lang at nasalo kita, kung hindi, sa semento na naman kita pupulutin,” sagot ni Youngjae.
Napangiti siya ng mapansin na namumula ang mukha ng dalaga, at hindi ito makatingin ng deretso sa kanya. Parang nahulaan na niya ang nasa isip nito.
“For the record, walang nangyari sa atin nang gabing iyon.”
Napamulagat ito at halos tumalon sa kama pababa, saka agad na lumapit sa kanya.
“Talaga?!” hindi makapaniwalang tanong nito.
Kumunot ang noo niya, mayamaya ay napangiti na naman siya. Isang bagay ang napansin ni Youngjae sa dalaga, noong unang beses niya itong nakita sa Bar. She has a beautiful and charming face. Nakita niya kung paano ito tumawa at ngumiti ng gabing iyon na tila wala itong pino-problema o dinadalang mabigat sa buhay. And he loves the way she smiles. Bahagyang singkit ang mga mata nito, hindi naman katangusan ang ilong nito, pero parang ang sarap niyon pisilin. What he likes the most is her slightly natural rosy puffy cheeks, and her lips are natural red. Mahaba at straight ang itim nitong buhok. Ang nakikita ni Youngjae ay isang simple at magandang dalaga. Those innocent look, those mesmerizing eyes, noong unang beses niya itong makita ng Sabado ng umagang iyon ng malapitan. Aaminin niya, he has been thinking about her even after she left that morning. Kasabay ng paghiling na sana’y muli niyang makita ang dalaga.
Marahan siyang tumango. “Yup,” sagot ni Youngjae.
“Kung ganoon, ano ‘yong dugo sa bedsheet na nakita ko?”
Doon siya natawa ng malakas.
“Galing sa kamay ko ‘yon, noong nakipag-suntukan kasi ako sa tatlong foreigners na muntik tumangay sa’yo, tumama itong kamao ko sa pader ng pagsuntok ko dahil nakailag siya. Malakas kasi ‘yong puwersa ng suntok ko kaya nag-bleed. Siguro noong nilapag kita sa kama, hindi ko napansin na dumikit itong kamay ko na may sugat sa bedsheet,” paliwanag niya.
Kitang-kita ni Youngjae kung paano ito nakahinga ng maluwag. Muli nitong binagsak ang katawan sa kama, mayamaya ay gumihit ang maganda at matamis na ngiti ni Edgell.
“Oh, Lord… thank you!” anito.
“Iyon ang gusto kong ipaliwanag sa’yo nang magising ka, pero nagpa-panic ka na at ayaw mo akong pakinggan, kaya hindi ko na pinilit,” sabi pa niya.
Muli itong bumangon at naupo.
“Pasensiya ka na, ha? Kahit naman siguro sinong babae ganoon ang magiging reaksiyon sa akin,” sagot nito.
“I understand,” aniya.
“Teka… paano pala nangyaring napunta ako sa bahay mo?”
Kinuwento niya ang mga nangyari hanggang sa kung paano nangyaring doon niya inuwi ang dalaga sa kanyang bahay. Natutop nito ang bibig at tila hindi makapaniwala sa nalaman at natulala na lang.
“In short, Miss. Muntik ka ng ma-gang rape ng gabing iyon. Dahil sa kalasingan mo, wala kang kamalay-malay na mapapahamak ka na pala,” sabi pa niya.
Hinintay niyang sumagot iyo pero nanatili lang itong tulala.
“Kalimutan mo na ‘yon, sa susunod mag-ingat ka sa mga taong kinakausap mo lalo na sa mga ganoon lugar,” payo niya.
Nangingilid ang luha na tumingin si Edgell sa kanya.
“Salamat,” garalgal ang tinig na sabi nito.
Ngumiti siya. “Don’t you find it strange? We met in a very odd way, iyon pala, later on, makakasama kita sa trabaho,” sabi ni Youngjae.
“I know, iyon din ang naiisip ko ngayon. Pero wala pa man din, malaki pala utang ng loob ko sa’yo. Sorry pala kung pinagdudahan kita noon,” aniya.
Marahan niya itong tinapik sa braso. “Wala iyon, ang
importante naliwanagan ka na sa totoo. Ayoko rin kasi na mag-trabaho kasama ka tapos ang awkward natin sa isa’t isa.”
Muling ngumiti si Edgell. “Right.”
“Ay teka! Ngayon ko lang naalala! Paano ka pala nakakapagsalita ng tagalog?!” gulat na tanong nito.
Napahagalpak siya ng tawa. “Kanina pa tayo nag-uusap dito, ngayon mo lang naisip na itanong ‘yan?”
“Eh, sagutin mo na tanong ko! Paano nga?” tanong niya.
“Halos dito ako sa Pilipinas lumaki simula pagkabata. My dad loves Philippines so much, we moved here when I was only seven years old. Pero after maghiwalay ng parents ko noong sixteen ako, bumalik ang Mama ko sa Korea at sumama ako sa kanya. Pero hindi ko pa rin nakalimutan na marunong akong magtagalog,” paliwanag nito.
“Pero bakit hindi naman nasabi iyon sa profile mo dati noong active ka as Galaxy member? Ang nabalitaan lang naman, dito ka nag-aral ng ilang taon.”
Malungkot itong napangiti. “My mom forbids me, hindi kasi naging maganda ang paghihiwalay nila ng Daddy ko. Masakit para sa kanya ‘yong mga memories nila dito sa Pilipinas, pinagpalit siya ni Dad sa stepmom ko ngayon. Ayaw ni Mommy na ipabanggit kahit sa akin ang tungkol sa pagtira namin dito. Feeling niya noon, bumabalik mga masasakit na nangyari sa kanila noon. Pinagbigyan ko na, para sa kanya.”
“Ah, ganoon pala ang nangyari,” sabi pa niya.
Mayamaya ay tumayo na siya. “So, paano? Iwan muna kita. Kailangan kong balikan si Dad,” paalam niya.
Nakangiting tumango si Edgell sa kanya.
“Thank you ulit,” anito.
Bubuksan na sana niya ang pinto ng muli siyang tawagin ni Edgell. Eksaktong pagharap ni Youngjae, nagulat siya ng biglang yumakap sa kanya ang dalaga.
“Hae-Bit Oppa, dasi mannaseo bangawayo,” narinig niyang bulong ni Edgell.
Ang sabi ni Edgell ay “it’s nice to see him again,” at tinawag siya nito sa dating stage name niya. That moment, pakiramdam ni Youngjae ay ano man oras ay babagsak ang luha dahil naramdaman niya at umabot sa kanyang puso ang sinseridad ng sinabi ng dalaga.