“PANAGINIP ba ito?”
Iyon ang tanong ni Edgell sa sarili niya. Hindi siya makapaniwala. Ang lalaking laman ng kanyang panalangin at pangarap ay narito sa kanyang harapan. Looking at her with all those unexplainable emotions. Mga tingin na tila inaabot ang puso niya. His chinky eyes. His perfect sculptured-like nose, his flawless fair skin, his kissable red lips, ang buhok nitong sumusunod sa marahan pag-ihip ng hangin. Hindi niya maiwasan mapabuntong-hininga habang halos nakatingala siya sa mataas na height ng binata. Naririnig niya ang ingay sa paligid, pero ni hindi magawang ibaling ng dalaga ang tingin sa iba. Parang nakapako ang mga mata niya sa guwapong mukha ni Hae-Bit.
Her heart started beating crazy when his hand move and gently placed it on her cheeks. Naramdaman niya ang marahan pag-haplos ng mga daliri nito doon. Again, she sighed. This time, her heart is in chaos when he smiled at her.
Nang hapitin siya ng binata palapit at ikulong sa isang mainit at mahigpit na yakap, mabilis ang naging pintig ng kanyang puso. Mayamaya ay bahagya siyang nilayo nito at muling sinalubong ang kanyang tingin. Pumikit si Edgell ng dahan-dahan ibaba ni Hae-Bit ang mukha, kasabay ng paghanda niya sa sarili sa halik na igagawad nito. When she felt his lips finally touches hers, agad niyang sinunod ang bulong ng puso. Tinugunan niya ang halik na iyon. Kahit isang pagtanggi ay wala sa kanyang isip. It is a dream come true. Bilang isang ordinaryong fangirl, wala siyang ibang pinangarap at pinagdasal kung hindi ang pansinin at mahalin ng lalaking pinaglaanan niya ng puso.
Mahal kita, Edgell. Iyon ang paulit-ulit niyang narinig mula kay Hae-Bit. Hindi siya sumagot, ngunit pinaramdam naman niya sa pamamagitan ng pagganti ng yakap, ang pagmamahal niya. Nang mga sandaling iyon, hindi alam ni Edgell kung paano ilalarawan ang saya na nararamdaman niya. Naiiyak siya sa sobrang saya. Ang akala niya ay mananatili na lamang pangarap ang mahalin ng isang gaya ni Hae-Bit. Naisip niya, maybe she must’ve done something good in her life, and Heaven give her this kind of precious blessings. Unbelievable. Amazing.
NAKANGITING binalot niya ang sarili ng kumot matapos maramdaman na nanunuot sa kanyang balat ang lamig ng hangin. Kinuskos niya ang mga paa sa makinis at malambot na bedsheet. Dahan-dahan siyang dumilat, at kinikilig na niyakap ang malaking unan na naramdaman na nasa kanyang gilid. She just had a wonderful dream about Hae-Bit. Ang pinakamamahal niyang lalaki sa buong mundo.
Hae-Bit is a former member of the Kpop Group, Galaxy. Lima ang miyembro ng grupo at si Hae-Bit, na siyang pinaka-favorite niya na lead vocalist. Hae-Bit which means Sunshine. Kinse anyos pa lang siya ng mauso ang Kpop sa Pilipinas, at ng mga panahon na iyon ay kaka-debut lang ng grupong Galaxy. Unang beses pa lang niyang napanood ang Music Video ng mga ito, at unang beses niyang marinig ang magandang boses ni Hae-Bit na kumakanta. Edgell fell in love with him immediately. Simula noon hanggang sa lumipas ang walang taon, sinuportahan niya ito. Bili ng merchandise kaliwa’t kanan, lahat ng albums at posters mayroon siya. Watched every Music Videos, shows and other TV Sow guestings. Voted for them on every award shows. Lahat ng concert at fanmeets dito sa Pilipinas ay pinuntahan niya, at sinisiguro na nasa pinaka-unahan siya kung saan palaging nakatayo si Hae-Bit. Kabisado lahat ni Edgell ang mga kanta nito, at maging sa social media ay wala siyang napalampas na post nito. At masasabi niya na simula ng makilala si Hae-Bit, he had been her inspiration on her studies.
But her whole world fell apart, when she woke up one morning with a heartbreaking news. The Kpop Group Galaxy, na sinuportahan niya ng walong taon hanggang sa mga oras na binabasa niya ang balita, announced the group’s disbandment. Labis niyang dinamdam at iniyakan ang pagkawala ng grupo. The group’s leader wants to be a solo artist, habang ang dalawa pang kasama ni Hae-Bit ay nag-concentrate sa Acting career.
Hae-Bit had two solo albums after Galaxy’s disbandment. Pagkatapos ay pumasok na ito sa Mandatory Military enlistment ng South Korea. Pero matapos ang dalawang taon, inaasahan nila na babalik ulit sa pagkanta si Hae-Bit, pero hindi na nagparamdaman pa ang binata simula noon. Hanggang sa lumipas ang limang taon, wala ng narinig pa si Edgell mula sa pinakamamahal niyang iniidolo. She only sees him in her dreams, o kaya ay sa mga old videos ng Galaxy. Bukod doon, wala na. And for five years, she misses him so much. Kung may hihilingin man siya sa Diyos, gusto niyang hingin na makita si Hae-Bit sa muling pagkakataon, kahit isang araw lang. Kahit isang beses lang.
Naputol ang pag-iisip ni Edgell sa iniirog niya matapos may mapansin na kakaiba. Doon siya biglang napatingin sa kumot na nakabalot sa kanya, maging sa kama na hinihigaan niya. Biglang umahon ang kaba sa kanyang dibdib, matapos gumala ng paningin sa buong paligid. Noon lang niya na-realized na wala siya sa kuwarto.
“Shocks,” kabadong bulong niya.
Pero biglang nanlaki ang mga mata niya ng makita na nakasampay sa backrest ng isang silya ang mga damit niya… KASAMA ANG UNDERWEAR NIYA! Mabilis niyang sinilip ang ilalim ng kumot. Lalong nanlaki ang mga mata niya ng makitang wala siyang suot kahit panty! Agad siyang bumalikwas ng bangon at binalot ng kumot ang katawan. Gustong magmura ni Edgell dahil sa takot na nararamdaman sa mga sandaling iyon. Binalikan niya ang mga nangyari noong nakaraan gabi.
“Payday… tapos nagkayayaan kami ng mga kasama ko sa trabaho mag-bar… tapos may nakilala akong lalaki… nag-sayaw kami… tapos nalasing ako… tapos naramdaman ko may yumayakap na sa akin… may humalik pa sa leeg ko… tama! Tapos… tapos… shocks! Wala na akong maalala!” natatarantang sabi niya.
Biglang natigilan si Edgell matapos may maisip sabay muling tingin sa hubad na katawan niya sa ilalim ng kumot.
“Don’t tell me…”
Kasunod noon ay saka niya napansin ang mga damit ng lalaki sa sahig, nanlaki ulit ang mga mata niya ng makita ang boxers na nasa ibabaw ng bedside table. Agad niyang hinawi ang kumot, para lamang muling magulat sa natuklasan. May bahid ng dugo ang bedsheet! Natutop niya ang bibig ng wala sa oras.
“OH. MY. GOD! Hindi na ako virgin!” naiiyak na bulalas niya.
Ang una niyang naalala, si Hae-Bit. Ngunit kasabay ng pag-alala niya sa iniirog ay biglang bumukas ang pinto sa sulok sa bandang kaliwa ng silid na iyon. Mula sa loob ay niluwa ang isang matangkad na lalaki, humihiyaw ng malakas ang six-pack abs nito at mga muscles sa magkabilang braso. At ang korte ng katawan ng hottie, gosh letter V! Kung hindi lang naalala ni Edgell na nasa alanganin sitwasyon siya, siguro ay mapapasipol siya. And not to mention, that this guy is really handsome. Unang tingin pa lang ay halata na niyang hindi ito Pinoy, hindi lang niya matukoy kung Chinese ba ito, Japanese o Korean?
“Teka… parang pamilyar siya…” aniya sa sarili.
“Eo? Neo ireonasseo?” mayamaya ay sabi ng lalaki.
“Korean siya?” naguguluhan tanong niya sa sarili, marunong siyang mag-Korean dahil pinag-aralan niya ang lenggwahe dati dahil sa kabaliwan niya sa Galaxy, pero ng umagang iyon, tila ayaw gumana ng utak niya. Hindi niya magawang maintindihan ang sinabi ng lalaki.
Nang humakbang palapit sa kama ang lalaki ay bigla siyang umaatras at lalong binalot ng kumot ang katawan.
“’Wag kang lalapit!” bigla niyang sigaw.
Imbes na sundin siya ay lalo itong lumapit, kaya bigla siyang tumalon ng kama at sumiksik sa sulok. Palakas ng palakas ang kabog ng dibdib niya sa paglipas ng bawat segundo.
“Sinabi ng huwag kang lalapit eh! Sisigaw ako!” banta niya.
Nang mga sandaling iyon ay tuluyan ng binalot ng takot ang dibdib niya.
“Anong ginawa mo sa akin kagabi?! Sumagot ka! Did you rape me?!”
Kumunot ang noo ng lalaki, sa inis niya ay natawa lang ito. At tila hindi man lang natinag ang damuho sa banta, sa halip ay lumapit pa ito sa kanya saka naupo sa gilid ng kama.
“I did what?” natatawang tanong din nito.
Tinuro niya ang bahid ng dugo sa bedsheet.
“Stop lying! That’s the evidence! What did you do to me last night?! Tell me the truth or else, I will call the police!” banta ulit niya.
“Look Miss, I did nothing to you, okay?”
“Sinungaling ka!” galit at umiiyak ng sabi niya.
Tila nataranta ang lalaki matapos siyang makitang umiiyak saka agad na lumapit.
“Believe me, I didn’t do anything to you! I brought you here because you—”
“Huwag mo akong hahawakan!” banta pa niya, pagkatapos ay lalo siyang pumalahaw ng iyak ng maalala ang posibleng nangyari kagabi.
“Walanghiya ka, Edgell! Hindi mo iningatan ang sarili mo! Di ba?! Kay Hae-Bit mo lang isusuko ang virginity mo?! Eh, ano ‘tong ginawa mo?! Bakit mo sinuko sa iba ang Watawat ng Pagkababae mo?! Ano na lang ipagmamalaki mo sa kanya kapag sinagot na ni Lord ng Yes ang dasal mo?!”
And by the thought of it, lalo siyang napaiyak ng malakas. Doon siya biglang hinawakan sa pisngi ng lalaki.
“Sabi ng huwag mo akong hawakan eh!” sigaw niya sabay nagpumiglas at tulak palayo sa lalaki.
Pero tila nakalimutan ni Edgell na bukod sa kumot ay wala na siyang ibang suot. Dahil sa pagpiglas niya at pagtulak sa lalaki. Magkasabay na nahulog ang kumot na nakatakip sa katawan niya, at ang tapis nitong tuwalya. Pareho silang natulala, saka sabay halos na napatingin sa hubad na katawan ng isa’t isa, bago napatingin sa sariling katawan. Kasunod niyon ay saka sila napasigaw ng malakas.
“Walanghiya ka, bastos ka! Lumabas ka! Labas!” galit na sigaw ni Edgell sabay dampot ng kumot at takip sa katawan niya.
“Why did you look at my—”
“Wala akong pakialam sa ano mo, kahit malaki ‘yan! Lumabas ka sabi!” tungayaw niya.
Bigla siyang natigilan ng sa isang iglap ay nakalapit ang lalaki at takpan ang bibig niya. Literal na natahimik siya matapos matitigan ang mga mata nito. Her heart beats so fast, sa bawat segundo na dumadaan na nakapako ang tingin ng lalaki sa kanya ay parang sasabog ang puso niya sa sobrang lakas ng kabog niyon.
“Can you stop screaming?!” galit ng saway nito sa kanya.
Pero wala sa inis nito ang atensiyon niya. Kung hindi sa guwapo at maamong mukha ng lalaki. And those pair of eyes, that mole under his left eye. Saan nga ba niya nakita ang lalaking ito?
“Alright, I’ll leave. So, stop screaming. People might hear you and think that I’m raping you. I’m not a bastard, Miss. I did not force you to come with me. So, stop thinking that I did something stupid for you. I’ll leave my house, and while I am outside. Go dress up and leave if you want. But if you want to know what really happened, wait for me.”
Iyon lang ang sinabi ng lalaki. Pero ilang minuto na itong wala sa harap niya a nanatili pa rin tulala si Edgell. Natauhan lang siya ng marinig na nag-ring ang phone niya. Doon siya biglang nagmadali na kunin ang mga damit niya at nagbihis. Palabas na siya ng kuwarto ng sagutin niya ang tanong.
“Hello Edgell! Anong nangyari sa’yo?! Bakit bigla ka na lang nawala kagabi?” narinig niyang tanong ni Wilma sa kabilang linya, ang officemate at kasama niya kagabi sa Bar.
Eksaktong pagbukas niya ng front door, muli na naman siyang natigilan ng makitang nakatayo doon sa labas sa di kalayuan ang lalaki. Bigla siyang kinabahan ng lumingon ito sa kanya, imbes na makipagtitigan ay mabilis bumaba ang tingin niya. Hindi sinasadya na pumukol iyon sa pagitan ng dalawang hita ng lalaki. Tuloy ay agad naalala ni Edgell ng makita niya ang tinatago ng damuhong iyon sa likod ng tuwalya.
“Hello, Ed Gelleinie!”
Napapitlag siya sa malakas na boses ng kaibigan sa kabilang linya.
“Ay malaki si Junior!” gulat na bulalas niya.
“Ha? Sino si Junior?”
Napapikit siya saka pinilig ang ulo.
“Wala, ‘yong alien na nakita ko kanina pagkagising ko. Malaki. Dako!”
“Praning! Napa-praning ka na naman! Ano bang nangyari sa’yo kagabi?”
“Saka ko na ipapaliwanag, sige na, babay.”
Hindi na niya hinintay pang sumagot ang kaibigan at basta na lang niyang tinapos ang usapan. Pagkatapos ay mabilis siyang naglakad palayo, binilisan niya ang bawat hakbang.
“Naku, maryosep! Huwag na sana tayong makita! Junior ni Hae-Bit ang gusto kong makita hindi Junior ng iba, walanghiya!” maktol niya sa sarili.