Huminga nang malalim si Muel bago pihitin ang pinto. Nagawa pa niyang lingunin si Erin na akala niya'y nakaalis na ngunit tila nakaantabay pa pala sa gate.
“Ano pang tinutunganga mo d'yan? Di ka ba uuwi?”untag ni Muel kay Erin. Napilitan tuloy ito na lumabas sa kinatataguan.
“Sabi mo kasi ibabalik mo ‘yong CD,” nahihiya nitong tugon.
Bumuntong-hininga si Muel. “Sige. Maghihintay ka nga lang nang matagal.”
“No problem basta makuha ko huh? Saka ko na iaabot ‘yong bayad ko.” Nilakihan ni Erin ang pagkakangiti. Pag-iling na lang ang isinagot sa kanya ni Muel at pumasok na ito sa bahay.
Hindi nga nagkamali ng sapantaha si Muel. Naroon na sa bahay ang ama't ina niya. Yumuko na lang siya upang itago ang pasa sa kanyang mukha. “Magandang gabi ‘ho.”
“Anong maganda sa gabing ito? Huh!” singhal ng kanyang ama habang nakatiklop ang mga kamao. Ang ina naman ni Muel ay pinakatitigan lang siya nang may kalakip na simpatya. Batid ni Muel na kapag sasaktan siya ng kanyang tatay, hinding-hindi rin siya mapagtatanggol ng nanay niya. His mother holds nothing but fear inside their house. Ang tatay niya lamang ang may otoridad sa anumang bagay dahil ito ang bumubuhay sa kanilang mag-ina.
“Yes, nakapanakit po ako ng kaklase,” walang takot na pag-amin ni Muel. Hindi niya magawang sabihin kung bakit siya humantong sa pakikipagsuntukan. Sa eskwela naman, haka-haka na rin siguro na si Cheska ang rason kung bakit siya nakipag-away, pero hindi talaga iyon ang dahilan. Hahayaan na lamang niya na iyon ang isipin nila.
“Dahil kinakalaban mo na ako? Ano bang kaya mong ipagmalaki huh? Hangga't ako ang nagpapaaral sa'yo, wala kang karapatang gumawa ng mali at ikakasira ng reputasyon ko!” asik ng tatay ni Muel at mabilis na pinadapo nito ang kamao sa pisngi ni Muel. Kahit gano'n, hindi natinag sa pagkakatayo si Muel. Nakuha pa niyang tawanan ang kanyang ama at nakipagtagisan pa ng masamang tingin.
“Kayo ang sumira sa reputasyon ninyo! May kabit kayo ‘di ba? Kaya ka makikipaghiwalay kay mama? At gano'n din naman siguro si mama. Naglolokohan lang kayo pero ako ang nadadamay!” sumbat ni Muel. Napaatras ang kanyang ina dahil sa tapang niyang sabihin iyon kahit panibagong suntok ang matatamo niya.
“Nagkakamali ka Muel, walang kwentang babae ang nanay mo!” sigaw naman ng kanyang ama na halos bumulabog na sa maliit na espasyo ng bahay.
“Kung bayaran siya, bakit n'yo siya pinakasalan? Ang tanga n'yo! Tapos dahil may bago na kayo, papalitan mo lang na parang isang gamit? At bawiin mo ‘yong sinabi mong bayaran si mama!” nanggagalaiting singhal ni Muel at sa sandaling iyon, kumulo na talaga ang kanyang dugo at isang demonyo na ang tingin niya sa kanyang ama.
“Hindi kita legitimate son, Muel. Dahil pangalawang pamilya ko lang kayo! Hindi ka ba nagtataka kung bakit hindi ko kayo magawang ipakilala sa madla? Dahil anak kita sa pagkakasala! Naanakan ko lang ang nanay mo!” tahasang pag-amin ng kanyang ama na ikinahagulhol ng kanyang ina.
Hindi malaman ni Muel kung anong dapat niyang unahin sa sandaling nakikita niya ang pagkakaiba ng reaksyon ng kanyang mga magulang. Ang tatay niya, mukhang walang pagsisisi at tila proud pa sa mga isiniwalat nitong nakakasakit ng damdamin, habang ang kanyang ina ay nadudurog na ang puso at pinandidirihan ang sarili sa mga narinig.
Gustong suntukin ni Muel ang kanyang ama hangga't sa mawalan ito ng malay habang ninanais na patahanin ang kanyang ina.
Napatiklop lamang ang mga palad ni Muel. Tumawa lang ang kanyang ama at walang pakundangan na pinagtatapon ang ilang gamit sa bahay bago ito umalis kasama ang kanyang ina.
Kahit napupuno ng luha ang mga mata ni Muel, malinaw sa kanya kung paano hawakan nang mahigpit ng kanyang ama sa braso ang kanyang ina para lang makaalis. Kinaladkad ang kanyang ina na parang basura at wala siyang magawa kundi sundan lang ito ng tingin.
****
Napilitang magtago sa poste si Erin nang makita niya ang paglabas ng mga magulang ni Muel. Bakas ang pagkadismaya sa mga mukha nila at mas pinagtuunan ni Erin ang nanay ni Muel dahil pumapatak ang malalaking tipak ng luha mula sa mga mata nito.
“Baka nga grabe ang nangyari.” Napatakip na lang din siya ng bibig. Nasaksihan niya rin kung paano sapilitan na isinakay sa kotse ang nanay ni Muel. Sa nakikita niya, hindi maganda ang trato ng asawa nito.
Dahil nilalamok na rin siya sa kahihintay, kinatok na niya ang gate. Walang kagana-ganang lumabas si Muel at hawak na nito ang cd at magazine na sadya niya.
“Ayan na, iyong CD case nahulog kasi ng pusa kaya may dent na. Sorry, hindi ko na lang pababayaran at bukas ka na magalit. Pagod kasi ako. Please?” diretsahang pakiusap ni Muel kasabay ng pagpunas sa natitirang luha na umagos sa kanyang pisngi. He's a hundred percent sure that Erin noticed something wrong, hindi lang sa mukha niya pati na rin sa kanyang mga magulang na kanina pa nakaalis. Mas lalong alam niya na posibleng narinig din ni Erin ang pagtatalo niya at ng kanyang ama.
At tungkol naman sa gamit ni Erin, kasama iyon sa winasak ng kanyang ama bago ito umalis kaya na-damage. Minabuti na lang ni Muel na hindi na ipaalam pa ang tungkol doon.
Napanganga na lang si Erin. Hindi niya alam kung anong sasabihin habang nakatingin kay Muel. Alam niyang mabigat ang pinagdaanan nito ngayong araw at wala naman siyang balak na magalit pa.
“Galit ka nga. Hayaan mo, babawi na lang ako bukas dahil magkaklase na tayo,” untag naman ni Muel kaya biglang nagbalik sa realidad si Erin.
Dalawang beses siyang napailing. “Hindi gano'n Muel. Ano kasi, hindi naman ako galit. Kaso parang pumutok na rin ‘yong sugat mo sa noo. Kapag hindi mo ‘yan ginamot, pwedeng lumala ‘yan.”
“Sanay na ako sa ganito. Manhid na ako sa pisikal na aspeto. Sana maging manhid na rin ang puso ko,” pag-amin naman ni Muel. It may sound weird, ngunit ngayon lang siya nakapag-open ng malalim na bagay sa isang babae at ang masama, hindi pa kay Cheska na talagang gusto niyang maging nobya.
“Emo ka rin ano?” natatawang tanong ni Erin.
“Emo na naka-black at ripped jeans na pinaliguan ng gel ang buhok? Never. Kadiri kaya,” kontra naman ni Muel na ikinangiwi lang ni Erin.
“Mga gwapo kaya ang lalaking gano'n!” paasik pang tugon ni Erin sabay irap kay Muel.
“At least ako kahit hindi gano'n ang porma, gwapo pa rin,” pagyayabang naman ni Muel. Doon lang siya napangiti kay Erin. “Umuwi ka na, kakagat na ang dilim at baka hinahanap ka na sa inyo.”
“Parang hindi ko kayang umuwi lalo na't nakikita kitang parang hindi pa okay. Gamutin natin ang sugat mo,” Erin offered. Bigla na lang siyang nakaramdam ng matinding simpatya habang pinapasadahan ng tingin ang mga sugat ni Muel.
“Hindi kita pwedeng papasukin sa bahay. Masyadong magulo sa loob,” pagtanggi ni Muel sa pagmamagandang-loob ni Erin.
“Eh di linisin natin. Hindi ba?” pangungulit naman ni Erin. Napasinghap lang si Muel. “Okay okay. Huwag mo lang tingnan ang sala. Diretso ka sa kwarto ko.”
Napatakip ng bibig si Erin. “OMG! Bakit sa kwarto? Anong ibig mong sabihin?”
“Relax ka lang, si Cheska nga na gusto ko, hindi ko binalak na dalhin dito, ikaw pa kaya na nobody lang at hindi attractive? Hindi kita pag-iinteresan,” tahasang bwelta naman ni Muel upang pabulaanan ang maruming bagay na naiisip ni Erin.
“Grabe ka naman sa nobody. May body kaya ako!” biro pa ni Erin upang patawanin si Muel.
“Hindi nga lang maganda,”pambubuska ni Muel para sakyan ang biro ni Erin.
That evening, it seems like the unspoken friendship between them has already started. Maluwag na tinanggap ni Muel si Erin sa bahay niya na parang matagal na silang magkakilala.