JACK'S POV:
"Naks, 'a! Grabe sobrang laki at lawak naman nitong bookstore mo. May second floor pa para sa mga English Novel. Saka 'yung price–oww holly sh*t! 'E di ikaw na ang mayaman. Sana all na lang ako, may mga story ba na wolf din dito sa bookstore mo?" Naparolyo na lang ang aking mata sa pagiging madaldal ng lalaking ito. Sana hindi ko na lang siya sinama sa bookstore. Imbis na makakagawa ako nang maayos at walang pagkakamali, hindi!
Dahil kay Froyd mabuburyo ang lahat ng gagawin ko. Bakit ba sobrang daldal niya? Hindi na lang niya hanapin pa ang kagustuhan niya.
And what? About wolf? Sobrang laki ng banner sa second floor para sa mga section ng novels hindi niya man lang napansin.
"Tanga ka ba o tanga kang talaga? Sa laki ng mata mo hindi mo nakita. Baka gusto mong dukatin ko na lang 'yan. Wala rin namang pakinabang." May pagbabanta kong saad at itinaas pa ang aking kamay.
Nilapit ko pa sa kaniyang mukha ang aking hintuturo at hinlalaki para lang iparating na handa ko na talagang kunin ang iniingatan niyang mga mata.
Mabilis naman siyang napaatras palayo sa akin. Pero sa maling ginawa niya ay muntikan na siyang mapasama.
Hahawakan ko na sana ang kaniyang braso para hindi siya matisod sa libro na nakakalat sa daan.
Pero may isang lalaki ang mabilis na sumalo kay Froyd. Kaya hindi tuluyang napahalik ang kaniyang likuran sa sahig. Dahil na rin sa matangkad at kasing laki ko rin ang katawan nitong sumalo. Hindi siya nahirapang itayo si Froyd na nakatulala lang.
Napairap ako sa nakikita ko at saka napa-cross arm. "Tsk. Hindi pa natuluyan. Sayang."
"G-grabe ka!" Mabilis na lumipat ang tingin sa akin ni Froyd at sinabi agad ang katagang iyon. Napangisi na lang ako at hindi na sila pinansin pa.
Muli akong lumuhod sa harapan nila. Hindi ako mag-po-propose, sadya lang na sagabal sila sa ginagawa ko.
"P'wede bang lumayas kayo sa mga libro. Kanina pa kayo nakatingin sa isa't isa. Kung magpapakilala kayo, 'e di sa pulis na lang kayo." Inis na singhal ko sa taong nasa harapan ko. Pinulot ko ang pamunasan at maging ang isang libro na gawa ng isa sa mga kinahahangaan ko. Sa ebook ko lang ito nabasa at sa ebook ko lang din nakilala ang author.
'Diary ng Panget'
Title ng libro. Siguro nagtataka kayo kung bakit nagbabasa ako ng mga ganitong romance kung ang ugali ko naman ay parang sa mga Mafia Novels.
Dahil trip ko lang...Maganda rin naman iyon. Kahit na minsan ay nakakadiri ang mga ending.
Bakit puro happy ending? Bakit palagi na lang nagkakatuluyan ang mga tauhan. Saka bakit sobrang sweet ng mga tao? Ganito ba talaga ang magkaroon ng love life?
'Pag naiisip ko pa lang... masusuka na ako.
"Hoy! Jack anong sinasabi mong sa pulis? Baka ikaw ang ipa-pulis ko."
"'Di gawin. Anong pake ko kung makulong ako?" Pabalang na wika ko.
Pinunasan ko na lang ang aklat na ito at nilagay sa lalagyan nito. Nararamdaman ko rin na nandito pa ang lalaking tumulong. Kaya iniangat ko ang aking ulo at pinasadahan ang dalawa.
"Magkakilala na kayo?" Tinuro ko pa ang katabi ni Froyd. Maputi rin ito na katulad niya pero halata ang balbas na tumutubo sa baba nito. Hula ko ay mas matanda ito sa akin ng taon. Nakasimpleng t-shirt na itim ang lalaki at trouser. Maging ang pang-apak niya ay katulad din ng akin, kumbaga ay 'Nike' rin ang gamit niya. "'Wag mo ring sabihin na nag-usap kayo kung ano ang isusuot ninyo ngayon?"
Kung hindi ko lang pinagmasdan nang mabuti ang dalawa, hindi ko malalaman na magkaparehas sila ng kasuotan ngayon. Hindi na kataka-taka...magkakilala na sila.
"Luh! Grabe siya! Magkaparehas lang, nag-usap na agad? Hindi ba p'wedeng nagkataon lang?" Pangdedepensa niya sa akin pero takip ang dalawang tenga ko sa kaniyang sinasabi.
"Nagkataon your face. Saka kung mag-uusap man kayo, sa mga upuan na lang kayo dumiretso. Sagabal lang kayo sa gawa ko."
" Sumusobra ka na ah!" Nanggigigil na singhal ng taong ito. Tinaas kong muli ang aking ulo at tiningnan siya nang walang emosyon.
Dahan-dahan din akong tumayo sa aking pagkakaupo. Nilagay ko pa ang aking kaliwang kamay sa aking panga at ginalaw-galaw 'yon.
Nanggigigil din ang buong katawan ko sa kaharap ko. May nagsasabi sa akin na gawin ko ang ninanais ko.
"You know what..." Tumigil ako sa paglalakad ng makarating ako sa mismong mukha niya. Ngayon ko lang nalaman na mas matangkad pa pala ako sa kaniya. "I already know who or what you are... lalo ka na Froyd. And you think matatakot ako sa kung sino man kayo? Hell no! Alam mo kung bakit?"
Unti-unting sumilay sa aking labi ang kakaibang ngiti. Nilapit ko ang aking mukha at maging labi sa may tenga ng lalaking ito. Narinig ko pa ang sunod-sunod na paglunok nito habang nagsisilabasan ang mainit na singaw mula sa kaniyang leeg. Hindi man ito mabaho, alagang-alaga ng lalaki ang katawan niya.
Napansin ko pa ang tattoo na nakadikit sa may batok niya. Isang tattoo na matagal ko ng nakikita simula pagkabata ko pa. Nakakasama ko pa nga.
"That tattoo... symbolizing of being a leader. Are you really sure? Hmm..."
"Hoy, Jack! Tinatakot mo na si Hanry 'e. Saka saan mo nalaman ang tungkol sa mga tattoo na 'yan? Wala naman akong sinasabi, 'a!" Lumapit na sa aking direksyon si Froyd. Hinawakan niya ang aking kaliwang braso at pinipilit na ialis sa harapan nitong lalaking ito.
"Hmm... Hanry pala. Nice name. Are you related with Hanrill Manzano?"
"H-how... how did you know my father's name? Sino ka bang talaga?"
" Hoy Jack... huwag mo namang takutin 'tong si Hanry. Nagbibiro lang siya."
" I know." Plain kong komento at saka lumayo na nga sa lalaking ito.
Unti-unti ring bumalik sa normal ang pagtibok ng puso nito. Halata sa paghinga niya palabas at pagpasok.
"Hanrill Manzano is one of my father's bestfriend. He never forget your dad, and I am too. Simula ng mawala ang dalawang mahalaga sa buhay ko, sumunod din siya at umalis na lang ng walang paalam. Too unfair, pero anong magagawa ko? Tsk!"
" Matagal na siyang patay. Sampong taon na ang nakalilipas." Pagtatanggol naman nito sa ama.
"I already know. And I don't need your opinion." Malamig na aniko at napaharap agad sa aking likuran.
Nakita ko ang isa-isang pagpasok ng mga customer na babae. Naalala ko na sila 'yung naunang nagbayad sa akin at mas'werteng makakabili ng mga libro na gusto nila. Pero matagal pa 'yon darating. 3-5 days ang delivery kapag sa ibang bansa.
Si Xyan na lang ang bahala sa lahat. At si Cris na lang naman ang bahala rito sa Pilipinas maghanap ng mga libro.
"Hi, Sir Jack! Pumunta lang po kami ngayon para magtanong kung open ba kayo for saleslady or librarian?" Tanong ng babaeng matangkad at ang kulay ng kaniyang buhok ay blonde. Naka-dress attire siya ngayong araw na bago lang sa akin.
Pero napataas ang kilay ko sa sinaad nito. "Saan ninyo nalaman?"
"Kalat po sa social media, Sir Jack. Kung may vacant po ay may taong gustong pumasok. Hindi po namin siya kasama dahil busy po sa mga requirements niya." Napatango-tango na lang ako sa muling sagot nito.
'Hindi ko aakalain na kakalat pala ang post na iyon sa page ko. I don't have any choice but to do that... again. Kung kaya ko lang gawing dalawa ang sarili ko para mapaglingkuran ang dalawa kong negosyo. 'E di sana noong una pa lang nagawa ko na. Tsk!'
"Tell her thank you. And I'm not rushing her time."
"Thank you po talaga, matutuwa po 'yon sir."
"Ok." Tanging naisagot ko na lang. Wala rin naman akong sasabihin pa.
I'm not even close to someone, kahit na customer ko pa sila. I'm just being nice, dahil sa ginawa nila. Saka kung sino man ang babaeng 'yon. Siguraduhin niya lang na hindi siya katulad ng mga empleyado na walang modo at malandi.
Dahil gagawin ko rin ang mga ginawa ko sa former employee ko sa kaniya.
"G... grabe, himala! One day pa lang 'yon. Pero may kumagat na sa mala-nobela mong sulat sa page. Sino na naman kaya ang papahiyain mo? Ito na ba ang taong magpapa-pulis sa iyo?" Singit agad ni Froyd matapos umalis ng mga kababaihan sa harapan namin.
Matalim lang ang sinukli ko sa lalaking ito at muling pinagpatuloy ang aking ginagawa. Wala rin customer sa araw na ito dahil inaayos ko pa ang mga libro. Siguro limang araw ko siyang isasarado muna. Sinabihan ko na rin ang lahat na walang mangyayaring bentahan sa limang araw.
Kung dumating man ng maaga ang mag-a-apply. Hindi na ako mahihirapan pa sa aking gagawin. Si Froyd muna ang mag-ma-manage ng bar ko. Mas gamay niya 'yon kaysa sa bookstore. Saka mas marami siyang katulong. Buti pa sa bar, maraming nag-apply. Kaysa sa bookstore, inaayawan pa. Nakakatanga!
"Kailan ko kaya makikita ang isang Jack Krean Miller na sobrang bait, sweet, caring, at mapagmahal na tao? Hindi 'yung mamahiya, manlilisik ng mata at hawak pa lang sa leeg patay na."
" Kapag namatay ka na. P'wede bang iwan na muna ninyo ako. Saka 'yang kaibigan mo, ilayo mo sa akin. Hindi pa ako nakaka-get over sa nangyari." Nagbabanta ko na naman sa kaniya.
" Oo na! Oo na! Grabe talaga siya, darating ang araw na iiyak ka."
Napangiwi agad ako sa narinig ko. Anong connect naman ng sinabi ko ang pag-iyak? Stupido.
"Mauna ka muna. Punyeta ka! Kung anu-anong sinasabi mo. Ogag."
"Heh! Ogag ka rin. Sumbong kita kay Eya 'e." Hindi ko na lang pinansin ang sinambit ni Froyd. Mas lalo pang hahaba ang usapan. Hindi ko matatapos ang gawain ko dahil lang sa kanilang dalawa at sa malaki niyang bunganga.