***
Magmula nang sabhin iyon ni Allyson ay hindi na siya nagsalita pa. Sa sobrang tahimik ay naisipan na lamang ng binata na magkuwento. Buong lakad nila ay ang tinig lamang ni Prince ang umaalingawngaw sa kotse.
"Chibi andito na tayo," anito at nakangiti pang tumingin sa dalaga. Ngunit ang ngiting ito ay agad ding nawala. Sa haba ng kuwento ni Prince ay hindi naman pala ito narinig ng kan'yang kausap. Nakatulog pala si Allyson. Nasayang lamang ang laway at effort ng binata upang ipakilala ang kan'yang sarili at maging ilang background tungkol sa kan'yang pamilya.
"Allyson, gising na." Pupungas-pungas na kinusot ng dalaga ang kan'yang bibig. "Tiya mamaya na po ako maglalampaso. Sorry po binangungot lang ako na may kasama akong dalawang unggoy."
Dahil mahina ang pagkakabigkas, nilapit ni Prince ang kan'yang mukha upang mas maulinigan ang wika niya. Sakto namang nahimasmasan ang dalaga. Napairit ito at nasampal si Prince. "What are you planning to do?!"
Nagulat si Prince sa pagsampal na nangyari. Namula ang pisngi niya sa lakas nang impact nito. "Ano bang ginawa ko bakit bigla ka na lang nananampal?"
"Gaano katagal ba `kong nakatulog? Saan mo ako dinala? Anong oras na?"
Napabuntong-hininga na lamang ang binata sa ginawang pag-iwas ni Allyson. In-unlock niya ang passenger seat at sumenyas na bumaba na. "Sa mall, sa best salon na alam ko," aniya at ngumuso pa sa bukas na pinto.
"These handcuffs," pasimula ng dalaga habang tinititigan ang posas sa kan'yang pulsuha. "I can easily file a case against you. You’re currently harassing and assaulting me. May CCTV sa mall, if they see us at this state, sa tingin mo ba hindi maaapektuhan no’n ang resputasyon mo?”
Nagsalubong ang dalawang kilay ng binata. Natigilan siya at napa-isip. “May utak ka rin pala. Akala ko puro lang pag-angal at landi ang alam mo,” pabiro nitong sambit.
Lumamig bigla ang mga titig ng dalaga. Nawalan ito ng emosyon at mapapansin din ang biglaang pagbigat ng tensyon sa paligid. “Sa’n ba `yung salon?” pag-iiba nito sa usapan.
“Aphrodite’s Salon,” matatas na bigkas ni Prince at inilapit ang mukha nito kay Allyson bilang pang-aasar.
Tangkang tatanggalin na sana ni Prince ang posas ng dalaga nag bigla naman siyang kalmutin nito. Mabilis siyang lumabas sa kotse sabay sabing, “sorry, not sorry at all. I’ll destroy your reputation first. See you in jail. I'll gather enough evidence, Mr. Bartolome."
Walang nagawa ang binata kundi sundan si Allyson papasok ng mall. “That brat, I-I’ll really never let her go again,” hinihingal nitong sambit.
Namataan niya ang nakaposas na dalaga na hinaharang ng Security Personnel. Naagaw niya ang atensyon ng lahat dahil sa komosyong nangyayri.
“Let her go. She’s my date,” ma-otoridad at matikas nitong saad. Tatakas pa sana ang dalaga ngunit nahagip ng binata ang suot nitong maluwag na polo. Pinakawalan niya si Allyson mula sa pagkakaposas and carried her again over his shoulder.
“You should really go on a diet. Ang bigat mo.”
"Ibaba mo nga ako, kaya ko namang maglakad! Ain’t you ashamed? This is harassment!"
“Yeah, right. Harasament that you’re enjoying.”
Hindi natinag si Prince, bagkus mas lalo pa nitong hinigpitan ang pagkakabuhat kay Allyson. Siniguro niyang walang matitirang posibilidad para makatakas ang kan'yang date.
"I told you to bring me down!" sigaw niya habang patuloy nilang nililibot ang malawak na building.
"Oh ayan, ayusan n'yo na," hinihingal na saad ni Prince at isinalampak si Allyson sa isang swivel chair. Noon lamang na-realize ng dalaga na nakapasok na pala sila sa mismong salon. Medyo nahihilo pa siya mula sa ginawang pagbuhat sa kan’ya ng binata.
Sa halip na pagtuunan ng pansin ang dalaga ay nauwi ito sa pamemyesta ng mga bakla sa kalmot na nakuha niya kanina.
"Don't even think of asking how I got this. Ayusan n'yo na lang s'ya!"