Huminga ng malalim si Kathrene habang tinitingnan ang repleksiyon sa salamin. Kahit anong gawin niyang pagdi-diet ay hindi talaga siya pumapayat. Ano ba ang dapat niyang gawin? Bumuntong-hininga siya saka lumabas ng kaniyang silid at nagtungo sa salas para hintayin si Jonard, ang anak na lalaki ng kaibigan ng kaniyang magulang na sina Ginoong June William at Leanna William.
Matagal ng magkakaibigan ang mga ito. Minsan na niyang nakita si Jonard sa birthday party ni Ginoong June noong nakaraang linggo. Hindi kasi siya iyong babaeng mahilig sa party kaya isang beses lang niya nakita si Jonard. Ngunit sa isang beses na iyon ay nagkaroon na siya ng paghanga rito. Hindi niya maitatanggi ang kagwapuhang taglay ni Jonard kaya siya humanga rito at pinilit ang sarili na mag-diet para magkagusto ito sa kaniya na hindi naman nangyayari. Paano siya magugustuhan ni Jonard kung mataba siya? Nang makarating siya sa salas ay saktong may nag-door-bell. Mukhang sila na iyon.
"Sandali! Ako na ang magbubukas ng gate," anang kaniyang ama at lumabas na ng bahay. Siya naman ay tumabi sa kaniyang ina.
"Ano po ang sadya nila rito, ma?" tanong niya.
"Ahm, kasi anak—"
Naputol na ang iba pang sasabihin ng kaniyang ina ng makarating sila ng mga yabag na papalapit. Napatingin sila sa pintuan ng pumasok ang tatlong kalalakihan na walang iba kundi si Ginoong June, ang kaniyang ama at si Jonard na nagpabilis ng tibok ng kaniyang puso lalo na ng magtama ang kanilang mga mata. Agad siyang nag-iwas ng tingin dahil hindi niya kayang tagalan ang pagtitig rito. Nang tuluyan na silang makapasok, ay umupo ang mag-ama sa sofa na nasa tapat nila at tumabi naman ang kaniyang ama sa kaniyang ina.
"Magandang umaga, Sir June," bati niya sa matanda. Bumaling siya kay Jonard na mataman lamang nakatitig sa kaniya. Walang ekspreksiyon ang mukha nito. "Magandang umaga, Jonard," bati niya. Magiliw itong ngumiti at tinugon ang bati niya. Binalingan niya ang kaniyang ama at nagtatanong ang mga matang tinitigan ito. Tumikhim ito at ang sumunod na sinabi nito ang nagpawindang sa kaniya.
"Anak, balak namin na maikasal kayo ni Jonard sa lalong madaling panahon," anunsiyo ng kaniyang ama. Tiningnan niya ang kaniyang ina maging sina Jonard at June pero seryuso ang mga ito.
"I want you to be my wife, Kathrene," sabi ni Jonard. Pakiramdam niya ng mga sandaling iyon ay nasa alapaap siya dahil sa sinabing iyon ni Jonard. Tumango siya bilang pagsang-ayon. Bakit pa siya magpa-pakipot eh ito na ang nag-aalok sa kaniya ng kasal.
"I want you to be my husband also," aniya na ikinangiti ng kanilang mga magulang.
"Mukhang wala na tayong magiging problema, balae," ani June sa kaniyang ama. Ngumiti si Charles na ama niya.
"Kaya nga," sagot nito.
Pinag-usapan na nila kung kailan ang kasal. Bale sa huwes lang iyon para mabilis ang proseso. Ngunit napagkasunduan na kikilalanin muna nila Kathrene at Jonard ang isa't-isa para hindi na sila manibago kapag kasal na sila.
Matapos ang pag-uusap na iyon ay umalis na ang mag-ama. Kinuha rin ni Jonard ang cellphone number niya. Hindi niya maiwasdang kiligin ng mga sandaling iyon. Ganito pala ang pakiramdam kapag napapansin ka ng crush mo at hindi lamang iyon, magiging kabiyak niya rin ito.
Kinaumagahan ay nagtungo si Kathrene sa condominium ng kaibigang si Loren. Nakaupo siya ngayon sa sofa at hinihintay ang kaibigan na matapos sa pag-prepara ng meryenda nila. Nang bumalik ito ay may dala ng plato at may lamang hamburger. Bigla siyang naglaway ng makita kung gaano kasarap iyon. Isa kasi itong chef kaya tiyak na masarap iyon. Inilapag nito ang plato sa center table at tinabihan siya sa sofa. Kinuha nito ang hamburger na para rito.
"Oh? Huwag mong sabihin na hindi mo kakainin iyan? Luto ko iyan, bes!" pagmamaktol ng kaibigan. Sa totoo lang natutukso siya lalo at paborito niya ang hamburger pero kailangan niyang magpigil dahil on diet siya ngayon. Malungkot niyang tiningnan ang kaibigan.
"Sorry be pero on diet ako ngayon," pagtatapat niya. Tiningnan siya nito na parang hindi makapaniwala.
"Sigurado ka? Ngayon lang kita nakitang concious sa sarili mo," nagtataka nitong sabi. Huminga siya ng malalim at ikwenento rito ang dahilan kung bakit siya nagkakaganoon at maging ang arranged marriage sa kanila ni Jonard.
"Pumayag ka kahit na hindi ka sigurado kung may gusto rin siya sa iyo?" hindi-makapaniwalang tanong ng kaibigan.
"Eh, gusto ko siya eh kaya pumayag na ako. Ayaw ko rin naman madissapoint sina dad," malungkot niyang sabi.
Sa totoo lang iniisip rin niya kung tama ba na magpakasal siya kay Jonard gayong siguradong hindi naman siya nito gusto. Sino ba naman ang magkakagusto sa kaniya? Bulag lang ang magkakagusto sa kaniya. Napailing-iling na lamang si Loren.
"Pag-isipan mong mabuti, Kath. Hindi biro ang susuong sa buhay may asawa lalo at walang pag-ibig na namamagitan sa inyo. Baka may dahilan kung bakit siya nagpakasal sa iyo. Pwedeng sa negosyo," anito. Naisip na rin naman niya iyon pero naniniwala siya na darating ang panahon na mapapa-ibig niya ito. Tinitigan niya ang kaibigan.
"Gagawin ko ang lahat mapa-ibig ko lamang siya. Alam kong darating din ang araw na mamahalin niya ako," determinado niyang sabi. Bumuntong-hininga si Loren.
"Ikaw ang bahala. Basta kapag kailangan mo ng karamay narito lamang ako at handa kang damayan," sinsero nitong sabi. Ngumiti siya. Kahit papano, maswerte siya dahil may kaibigan siyang kagaya nito.