Bahagya lang nililingon ni Charina si Romina na panay ang pagtikhim sa tabi niya. Sinundo niya ito sa apartment nito para hindi na ito mag-book sa online app. Wala pa siya sa mood pag-usapan ang naging pag-uusap nila ni Harold nang nagdaang gabi. Brokenhearted pa siya at durog na durog din ang kanyang pride. Ang dami pa namang tumatakbong eksena sa isip niya bago pa makausap ito. Mukhang tama ang kaibigan niya na may kakaiba sa relasyon nila ng kanyang ex-boyfriend. Binuksan na lang niya ang stereo ng kotse para hindi dead air ang biyahe nila. Naipit kasi sila sa traffic sa C-5 at mahigit dalawampung minuto pa bago sila makarating sa meeting place nila. “Romina, paki-text na muna si Jonnymay na nandito pa rin tayo sa C-5. Anyway, thirty minutes pa naman bago ang meeting time natin. Ang tagal mo naman din kasing kumilos eh.”
“Okay i-te-text ko na. Masyado kang mashunget ngayon,” maarteng sagot nito. Napailing na lang din siya sa kaartehan nito. Wala din naman kasi siya sa mood makipag-debate at makipag-asaran dito. “Magkuwento ka mamaya.”
“Wala akong ikukuwento,” balewalang sabi niya at lumiko na papuntang Market! Market! Pagkalipas ng ilang minuto ay nakababa na sila sa basement ng Uptown Mall at naghanap ng parking space. Pagkaparada ng kanyang kotse ay bumaba na agad sila ni Romina kahit nagpo-protesta pa ito. “Mamaya ka na magpaganda! May washroom naman din sa loob,” iritableng sabi niya.
“Aba! Mukhang imbyernadette sembrano talaga. I smell something fishy,” sabi pa nito sa matinis na boses.
“Tigilan mo ako ha, bakla. Baka biglang mag-backout ako doon sa gay bar.” Sabi niya habang naglalakad papuntang elevator. Muli din siyang napatingin dito. “On the contrary, parang bet ko makakita ng mga bortang otoku ngayon.”
“Ay bet iyan! I hope mapansin tayo ng daks na borta. Gusto ko siyang ma-takeout.”
“Hoy bakla! Masyado kang maharot!”
“Oo na, ikaw na ang dalagang Pilipina. Ako na ang pakawala. Siyempre charot lang naman. Alam mo namang may jowa na akong afam. Loyal po itetchiwa,” anito at itinikwas pa ang mga daliri.
“Ang daming hanash,” aniya at agad na lumabas ng elevator ng bumukas iyon. Pumasok muna sila sa nadaanang washroom para mag-retouch. Nang makuntento na siya sa hitsura ay lumabas na siya at hinintay na lang ang kaibigan. Lumabas din agad ito kaya naglakad na sila papunta sa restaurant kung nasaan ito. Kararating lang din daw nito sa Easy, Tiger, kaya natuwa naman siya. Bukod sa hindi naman nila kailangang magmadali ay paborito niya ang Thai cuisine. Ilang minuto pa muna silang naglakad bago nakarating doon. Gusto niya ang maaliwalas pero tahimik at cozy na ambiance nito. Walang masyadong tao doon at malapit sa sulok nakaupo si Jonnymay. Nakita rin sila nito at kumaway sa kanila. Nang makalapit sila ay pormal lang silang nagpakilala at nakipagkamay ni Romina.
Maya-maya’y lumapit na ang waiter at hiningi ang order nila. “I would like to have Isaan Style Grilled Half Chicken and Kuey Tiew Tom Yum,” mabilis na order ni Romina bago pinapungay ang mga mata sa gwapong waiter na natawa na lang dito. “I would also like to have…” Tumingin muli ito sa menu bago tumingin sa waiter. “You,” anito at mahinhin pang humagikgik kahit halata namang hindi natural.
“Nakahiya ka!” Mahina niya itong kinurot kaya lalo itong nag-inarte sa waiter na napahalakhak na lang din. Mabuti na lang at wala masyadong tao kaya hindi sila pansin maliban na lang sa ibang waiter at waitress na natatawa na lang din. “Same order,” simpleng sabi niya rito nang nakangiti.
“Pareho tayo? Akin lang siya! Akin ka lang beh ‘di ba?”
“Naku sir,” natatawa lang na sabi nito na bahagyang naiilang. Nakangiti ito at lalo itong gumwapo dahil singkit ito lalo. Para pa itong pinabatang version ni Lee Dong-wook kaya naiintindihan niya ang kaibigan. Crush na crush niya rin iyon lalo na noong mapanood niya ang My Girl noong high school siya. Mas may appeal kasi talaga kasi sa kanya ang mga Asian, singkit man o hindi. Ayaw niya sa mga Caucasian at Mestizo dahil parang walang character para sa kanya.
“Mahiya ka nga diyan, Romina,” saway din niya sa kaibigan na lalong hinarot ang waiter hanggang sa makuha ang mga order nila. Nang dalhin nito ang service water ay muli lang nagpa-cute dito ang kaibigan niya na tinawanan lang muli nito. Mabuti na lang din at nakikisakay sa kanila ang waiter dahil nakakahiya kapag nagkataon. Bumalik lang ang atensiyon nila sa pagtikhim ni Jonnymay. “Ahh yes,” aniya at inilabas ang kanyang notebook at ballpen. “Hi, I’m Charina,” pormal na sabi niya.
“I know,” sabi nitong may tipid na ngiti. The woman was so pretty that no one would figure out she was a lesbian. Nakita niya pang parang nangasim ang hitsura ni Romina kaya pasimple niyang siniko ito para maitago nito ang naiiritang facial expression.
“This is my colleague and friend, Romina. We’re pleased to meet you,” sabi niyang ngumiti na lang nang tipid dito at pinindot ang on ng recorder sa kanyang cellphone. Mula sa personal na detalye at humble beginnings nito ay napunta sa volleyball ang topic nila hanggang dumating ang order nila. Tumigil muna sila sandali at sinubukang bumuo ng rapport habang kumakain. Nang matapos sila ay umorder lang din sila ng green tea at ipinagpatuloy ang interview hanggang sa matapos sila.
“T-that’s it?”
“Yes,” aniya at iniligpit na ang mga gamit.
“W-wait. I want to say something.”
Napahinto na siya sa ginagawa at tumingin dito. “Is it still related to sports?”
“N-no.”
“Then, I guess it’s done.”
“But, this is important. Please include this part, Ms. Charina.”
She saw the sincerity in her eyes that made her nod. They continued the interview. “So, what do you want to say?”
“I know it’s not for me to say, but since it will be released next month, it would still be a secret. Ms. Charina and Ms. Romina, I want you to promise me that it will be a secret until it’s released.” Tumango na lang din sila. “Very well. I want you to know that nothing went on between me and Daisy,” tukoy nito sa artistang babae na inagaw daw nito sa isang basketball player.
“What?” Napahawak pa sa dibdib si Romina.
“Ang OA mo diyan,” naiiritang sabi niya dahil masasama pa sa recording ang mga arte nila.
“As I’ve said, me and Daisy did not have a romantic relationship. We were best friends ever since we were seven. Daisy and Hercules got back together last night.” Ang lalaki ang basketball player na naagawan ng girlfriend. “My friend asked for my help to teach that egoistic man a lesson. But, things didn’t go as planned. Masyadong malaking damage na sa career namin ang nangyari. I don’t know and I don’t care if people will think I’m just saying it to clean our name. Hindi namin plano iyon. Daisy loves Hercules very much. Hercules loves her, too, and I am so happy. Iyon lang ang masasabi ko. To Daisy and Hercules, you owe me a lot. Puro pa stress ang natanggap ko sa pakikisali sa kalokohan ng bff ko. Hercules, please don’t make her cry again. She loves you, and I wish her all the happiness that the world could offer. Lovers, give me five godsons and goddaughters soon.”
“I’m sorry,” bigla niyang nasabi.
“No worries, I understand perfectly,” nakangiting sabi nito.
“Thank you for trusting us,” nakangiti niyang sabi rito at muling nakipagkamay na tinanggap din nito. Nagpasalamat din ito bago nagsabing may pupuntahan pa at nakipagbeso na sa kanila. Pagkalabas nito ay binalingan niya si Romina na hindi na nakakibo. “Oh iyan, masyado tayong judgmental friend.”
“Oo nga eh. Nakaka-guilty tuloy. Pero I’m happy na tayo pa rin ang pinili niyang pagkatiwalaan ng chika niya.”
“True that. Oh iyan na, pumunta na tayo doon sa mga otoku.” Para pa siyang naturete nang tumili ito parang sirena ng bumbero sa excitement.