When morning came‚ Bea did not allow Liz to attend today’s classes partly because of her current state. She’s not in her right mind and she needs some time and space to rest and to think of the right thing to do after all the heartbreaks that she’d been through.
Cassy is nowhere to be seen now. She already left yesterday even before the sun sets. She just went to Liz and Bea’s apartment yesterday to pay them a visit but it turns out that she came at the wrong time. Ni hindi man lang sila nakapagkuwentuhang magkapatid o kahit nakapagkumustahan man lang. Hindi naman kasi magawang pabayaan ni Bea si Liz na magmukmok na lang buong magdamag at naiintindihan ‘yon ni Cassy kaya nga mas pinili na lang nitong umuwi kahapon bago sumapit ang gabi kaysa magpalipas ng gabi sa kanilang apartment para hindi ito makagulo.
Nang matapos si Bea na mag-agahan at mag-ayos ng sarili ay muli niyang binalikan si Liz sa kama. Nakahiga pa rin ito sa kama kaya maingat na umupo si Bea sa gilid ng kama sa tabi ni Liz upang muli itong kausapin.
“Liz‚ ayos ka lang ba talaga kahit maiwan kang mag-isa rito?” tanong ni Bea sa pag-aalalang baka kailanganin siya ni Liz at wala siya para ito’y samahan.
Nais lamang siguruhin ni Bea na magiging maayos si Liz mag-isa sa apartment nila kapag umalis siya. Kung siya nga lang ang tatanungin ay ayaw niya ring iwan ang kaibigan kaya lang ay wala naman siyang pamimilian. Marami siyang kailangang gawin sa kanilang eskuwelahan at bukod pa roon ay hindi rin pwedeng pareho silang liliban sa klase dahil sino na lang ang tutulong kay Liz na makahabol sa kanilang aralin kung pati siya ay kailangan ding humabol.
Isa pang dahilan kung bakit ayaw ni Bea na isama si Liz sa pagpasok niya ay dahil may kailangan siyang gawin na hindi dapat malaman ni Liz para hindi ito madamay. Masyado itong mabait at marupok para idamay niya sa kung anumang binabalak niya. Saka wala rin naman sa ugali ni Liz na kunsintihin ang binabalak niya kaya mas mabuting wala na lang itong alam para hindi ito maging hadlang sa balak niyang gawin.
“Oo‚ ayos lang ako‚” matamlay na sagot ni Liz at pilit na ngumiti na nagdulot ng kirot sa puso ni Bea.
Hindi sanay si Bea na peke o pilit na ngiti ang ipinapakita ni Liz. Nasanay na kasi siya na palaging nakangiti ang manipis at natural na mapula nitong labi. Palagi ring masigla ang maamo nitong mukha at ang kulay kayumanggi nitong mga mata.
Humugot ng malalim na hininga si Bea upang pigilan ang emosyon niyang lumabas. Magmula kasi nang malaman niya ang tungkol sa ginawang pagtataksil ng kaniyang ama ay naging mahirap na para sa kaniya na ilabas ang tunay niyang emosyon. Marahil ay dala ito ng defense mechanism niya na nag-uudyok sa kaniyang panatilihing walang emosyon ang kaniyang mukha at maging ang mga mata niya upang ipakita sa magaling niyang ama na nalimutan na niya ang ginawa nito at hindi na siya nasasaktan pa dahil matagal na itong nawala sa kaniyang sistema. Bukod pa rito ay nangako na rin siya sa kaniyang sariling hindi na muling iiyak pa at hindi na muli pang magiging mahina kaya ganoon na lang ang pagpapatigas niya ng kaniyang puso maging sa mga taong malapit sa kaniya.
“Sige‚ alis na ako. Ingat ka rito‚” paalam ni Bea sa kaibigan saka marahan niyang ginulo ang dati nang magulo nitong buhok bago siya tumayo. “Tawagan mo ako kapag may kailangan ka o kapag nagkaproblema‚” bilin niya sa kaibigan saka tipid itong nginitian.
“Yeah‚ I will. Ingat ka‚” tipid na sagot ni Liz.
Muling umuklo si Bea sa kama at mahigpit na niyakap si Liz bago siya tuluyang lumabas ng kanilang apartment. Mga ilang minuto pa siyang naghintay sa tapat ng gusali kung nasaan ang apartment nila bago siya tuluyang makasakay ng taxi.
Nang sandaling makarating si Bea sa Thartz University ay agad siyang dumiretso sa gym para hanapin at harapin ang lalaking dahilan ng pag-iyak ng kaibigan niya. Ito ang isa sa dahilan kung bakit pinagbawalan niya si Liz na pumasok ngayon. Alam niya kasing tututol ito sa balak niya.
Yes‚ Liz was hurt but she’s not the type of girl who’ll take a revenge against the one who hurt her. Ang alam lang nitong gawin ay umiyak nang umiyak na para bang wala ng bukas at katapusan na ng mundo.
Isang grupo ng kalalakihan na kasali sa basketball team ang bumungad kay Bea pagkarating na pagkarating niya ng gym. Walang pagdadalawang-isip siyang lumapit sa kinaroroonan ng mga ito para alamin kung saang lungga nagtatago ang hinahanap niya.
“Where’s Ivan?” agarang tanong ni Bea sa grupo ng kalalakihan nang makalapit siya sa kumpulan ng mga ito.
Bago pa man makasagot ang isa sa kalalakihang kaharap ni Bea ay may nauna nang magsalita sa mga ito mula sa bandang gilid ni Bea.
“Look who’s here‚” wika ng isang boses-lalaki na kilalang-kilala ni Bea.
Agad na nag-init ang ulo ni Bea at kumulo ang lahat ng dugo niya sa katawan nang marinig niya ang boses ng lalaking hinahanap niya mula sa may bandang gilid niya.
Hindi na nag-atubili pa si Bea at agad niyang hinarap si Ivan ng may naniningkit na mga mata na agad din namang napalitan ng galit na ekspresyon nang makita niyang wala man lang bahid ng guilt o pagsisisi sa mukha nito matapos nitong saktan si Liz. Sa halip ay malapad pa itong nakangisi na tila ba ipinagmamalaki pa nito ang ginawa nitong pagpapaiyak sa kaibigan niya.
‘He’s really a jerk!’ sigaw ng isang bahagi ng isip ni Bea habang umiigting ang pangang nakatingin sa lalaking dahilan ng pag-iyak ng kaibigan niya.
“You still have the guts to face me with that smirk of yours after what you’ve done to Liz? You really are shameless‚” hindi makapaniwalang sambit ni Bea habang pinakatititigan niya ang nakakapang-init na mukha ng kaniyang kaharap na kung pwede lang niyang ipalit sa mukha ng aso ay matagal niya na sanang ginawa dahil kung tutuusin ay mas masahol pa sa hayop ang ugali nito.
“Ouch. Easy‚ sweetheart. You’re hurting me‚” madramang sabi ni Ivan habang nakahawak pa sa kaliwang parte ng kaniyang dibdib at umaktong nasasaktan.
Bigla namang napangiwi si Bea dahil sa itinawag sa kaniya ni Ivan na nakakapanindig balahibo.
“Sweetheart? Gross‚” nandidiring komento ni Bea na nagpadilim ng mukha ng binata at nagpatalim ng tingin nito na para bang handa itong kumain ng tao.
“Watch your words‚ young lady. You might regret it‚” may bahid ng pagbabantang sabi ni Ivan na wala man lang epekto kay Bea.
Umikot lang ang mga mata ni Bea sa sobrang iritasyong kaniyang nararamdaman. Hindi siya ang tipo ng babae na madaling matakot sa simpleng pagbabanta. She knows how to fight back when needed. Boyish man sa paningin ng iba‚ wala siyang pakialam. Ang mahalaga sa kaniya ay maturuan ng leksyon lahat ng lalaking naglalakas-loob na saktan ang kaibigan niya.
“Tss!“ Nang-iinsultong nginisihan ni Bea ang binata bago siya muling nagsalita. “Wala akong ibang bagay na pagsisisihan maliban sa pagpayag kong makapasok ka sa mundo ni Liz‚” mataray na sagot ni Bea at sinalubong ng malamig na tingin ang matatalim na tinging ipinupukol sa kaniya ng binata.
Sa halip na mainis o mapikon ay nginisihan din ni Ivan si Bea na para bang hinahamon niya si Bea na ipakita sa kaniya kung hanggang saan ang kaya nitong gawin para sa kaibigang si Liz.
“Why do you keep on causing a fuss about that matter when in fact‚ I didn’t even wished to be part of her life?” nanunuyang sagot ni Ivan habang nakangisi pa rin itong nakatingin kay Bea.
Agad na nagtagis ang bagang ni Bea dahil sa sinabi ng binata. Pero bago pa man niya ito masugod ay agad na niyang napigilan ang kaniyang sarili.
Ayaw na ayaw ni Bea na nagpapadala sa kaniyang emosyon kaya ganoon na lang ang pagpipigil niyang sumabog sa galit. Hindi siya maaaring magpakontrol sa emosyon niya at sa halip ay siya ang dapat kumontrol nito dahil kapag nagkabaliktad ang sitwasyon‚ tiyak na gulo ang kalalabasan nito lalo pa’t iba siya kung magalit.
“Kung ganoon ay bakit mo pa siya niligawan at hinayaang mahulog sa ‘yo?” nagpipigil sa galit na tanong ni Bea habang mariin nang napapakuyom ang kaniyang kamao.
“Dahil gusto kong mapalapit sa ‘yo‚” walang pag-aalinlangang sagot ni Ivan na ikinalaglag ng panga ni Bea at ikinabilog ng mata niya.
“What?” hindi makapaniwalang tanong ni Bea.
Pakiramdam ni Bea ay biglang nagliyab ang galit niya para sa binata dahil sa sinabi nito. Hindi niya matanggap na ginamit lang pala nito si Liz para mapalapit sa kaniya at mas lalong hindi niya matanggap na siya ang dahilan kung bakit nasasaktan ang kaibigan niya ngayon.
“You heard it. Ikaw ang gusto ko‚” kibit-balikat na sagot ni Ivan na tila ba hindi seryosong bagay ang kanilang pinag-uusapan. “Ginamit ko lang ang tatanga-tanga at bobo mong kaibigan para mapalapit ako sa ‘yo. I don’t love her. Sino ba namang magkakagusto sa isang iyakin‚ isip-bata‚ lalampa-lampa—"
Hindi na hinayaan pa ni Bea na matapos ang binata sa walang kakwenta-kwentang mga pinagsasabi nito dahil hinayaan niya nang kumawala ang galit sa loob-loob niya. Namalayan niya na lang ang sarili niya sa aktong pagsampal sa binata at huli na para pigilan niya pa ito at kahit na may pagkakataon pa siyang pigilan ang sarili niya ay hindi niya gagawin. Bakit niya naman pipigilan ang sarili niyang sampalin ang hayop na kaharap niya? He deserves it!
Namilog ang mga mata ni Ivan sa gulat dahil sa ginawa ni Bea at hindi makapaniwalang napahawak siya sa pisngi niyang sinampal nito habang nagngangalit na nakatingin siya kay Bea.
Buong tapang na sinalubong ni Bea ang nagngangalit na tingin ng binata gamit ang nanlilisik niyang mga mata.
“You don’t have any right to call her such names! Saka ito ang isasaksak mo sa kukote mo!” Nanginginig sa galit na dinuro ni Bea ang binata. “Kung ikukumpara kayong dalawa‚ ikaw ang mas karapat-dapat tawaging bobo. Napakaswerte mo nga at minahal ka ng kaibigan ko. Tapos ano? Ito pa ang igaganti mo? Sa ginawa mo ay ikaw ang nawalan. You‚ jerk!” Sa pangalawang pagkakataon ay muli niyang sinampal ang binata pero kumpara kanina ay mas malakas pa ang pagkakasampal niya rito sa pagkakataong ito.
‘Serves him right‚’ isip-isip ni Bea habang may sinusupil na ngisi sa labi niya dahil sa hindi maipintang mukha ng binata.
Hindi na nakatiis pa si Bea sa pagmumukha ng binata kaya agad na siyang umalis at iniwan itong nakatanga at hindi pa rin makapaniwala sa ginawa niyang pagsampal dito—not just once‚ but twice. At kapag hindi pa ito tumigil at muli pang lumapit sa isa man sa kanila ni Liz ay baka may pangatlo pa. Kaya dapat ngayon pa lang ay matuto na ng leksyon ang binata at layuan na sila ni Liz dahil hindi ang isang tulad nito ang nararapat sa mala-anghel na si Liz. Liz deserves someone better and not a jerk like him.
Lalo lang tuloy lumalakas ang paniniwala ni Bea na pare-pareho lang talaga ang mga lalaki. Parang napakadali para sa kanila na saktan at paglaruan ang nararamdaman ng mga babae. They will make you feel loved and special but in the end‚ they will also be the one to break your heart and make your life miserable. That’s why Bea doesn’t like their kinds. But she doesn’t hate them though. It’s just that she don’t like the nature of being a man. Sakit lang sila sa ulo at sa puso kaya nga ay ipinangako ni Bea sa kaniyang sarili na magunaw na lang ang mundo pero hinding-hindi niya ipahihintulot na mabiktima siya ng mga lintik na manlolokong ‘yan. Hindi niya hahayaang mangyari din sa kaniya ang nangyari sa kaniyang ina.