Akala ni Maki kaya niyang makipaghiwalay kay Jayson. Pero paulit ulit siyang ginawa tanga nito. Sinabi nito na makikipaghiwalay ito doon sa babae. Pero hindi nito iyon ginawa.
Nang puntahan niya sa bahay si Jayson, ito na mismo ang nagpasyang tapusin na nila ang relasyon. Sinabi nitong gusto muna nito tutukan ang sarili at ang pag-aaral nito. Nirespeto niya ang desisyon nito.
Akala niyang totoo ang sinabi nito pero nang malaman niya, pinagpatuloy pa pala nito ang relasyon doon sa babae nito. Sobra siyang nasaktan sa ginawa ni Jayson, akala niya kilalang kilala na niya ang lalaki. Hindi pa pala.
Hinihiling niya na sana kasama niya si Austin. Pero masyado itong busy sa Amerika. Gawa na rin sa kaso ng tiyahin nito kaya nawalan na ito ng oras para kausapin siya. Pakiramdam niya ng mga oras na iyon, pinagkaisahan siya ng langit at lupa.
Hindi pa siya nakakahilom sa sugat na dala ng pagkawala ng kanyang ina, nadagdagan naman iyon.
Tulad nang ginawa ni Jasper noong nawala ang kanyang mommy, inalo siya nito. Mas lalong kinuha nito ang loob niya. Sinasama siya nito sa mga lakad nito at ng kapatid nito. Naging malapit siya sa pamilya nito.
"Maki!" Natutuwang salubong sa kanya ni tita Mavy, ang ina ni Jasper.
"Hi, tita. May dala po ako sa inyo." inabot niya ang biniling donut para sa pamilya nito.
"Sabi ko naman sa'yo, huwag ka nang mag-abala pa."
"Ma, grasya din 'yan." sabi ni Mary nang kunin sa ina ang dala niya. "May bagong kopya na si kuya ng Along with the gods, pasok ka na sa loob, sini-set up na niya."
Napangiti siya. Nagpaalam siya kay tita Mavy para dumiretso na sa kwarto ni Jasper. Madalas nilang tambayan ang kwarto nito. Kasama ang mga pinsan at ang kapatid nitong si Mary.
Sobrang nagkakasundo sila ng pamilya ni Jasper. Tinuring na rin niyang pamilya ang mga ito.
"Hoy, maganda ba 'yang kopya mo?" bungad niya kay Jasper habang inaayos ang laptop nito. Umupo siya sa tabi nito. "Asan sila Kaloy?" tanong niya nang mapansing wala ang mga pinsan nito doon.
"Naggagala sa Evia." sabi nito nang hindi tumitingin sa kanya.
"Edi sana sumama na lang tayo sa kanila gumala." walking distance lang naman mula sa bahay ng mga ito ang Evia.
"Kanina pa umalis 'yong mga 'yon. Papatulong din akong mag-encode ng grades." isang high school teacher ito si Jasper.
Inirapan niya ito. "Walang hiya ka rin, 'no? Huwag na tayo manood, gawin na natin 'yang pag-eencode ng grades." inagaw niya ang laptop mula dito. "Ilabas mo na yung mga papel." Utos pa niya. Baka anong oras pa sila matapos kung manood pa sila ng movie. Pasado alas nuebe na rin naman ng gabi. Buti na lang at tanghali pa ang pasok niya sa trabaho bukas.
Halos routine nila iyon ni Jasper.
Tumalima naman agad ito at pinaliwanag ang gagawin niya.
Halos nakakalahati na niya ang mga papel ng estudyante nito nang mapansin na tahimik si Jasper. Nilingon niya ito, tumambad sa kanya ang nakatanghod nitong mukha.
"Oh, bakit? Huwag mong sabihin na nagagandahan ka na naman sakin." biro niya.
"Ang tanga ni Jayson para lokohin ka." sabi nito. Hindi na siya nakasagot nang sakupin nito ang mga labi niya.
Hindi siya nagreklamo dahil akala niya may espesyal na namamagitan sa kanila ni Jasper. Nang gabing iyon, may nangyari sa kanila ng lalaki. Sa tuwing pumupunta siya sa bahay nito ay may nangyayari na sa kanila.
Unti-unti dito na niya nababaling ang atensiyon niya. Katagalan, tila isa itong kabute. Nawawala ito kung kailan nito gusto at kakamustahin siya para lang may mangyari sa kanila.
Mas lalong naghanap siya ng atensyon sa iba. Hindi na siya napipirmi sa bahay at halos gabi gabi na rin siya kung umuwi. Doon din niya napagtantong halos lahat ng kinilala niyang kaibigan na lalaki ay iisa lang ang habol sa kanya.
Ginamit ng mga ito ang kahinaan niya. She was broken and they took advantage of it. Doon niya nakilala kung sino ba talaga ang may malasakit sa kanya at kung sino ang naghahangad lang ng katawan niya.
--
Napaigtad ni Maki nang punasan ni Austin ang naglalandas na luha sa kanyang pisnge. Hindi niya namamalayan na umiiyak na pala siya. Ramdam na ramdam na naman niya ang sakit na dulo ng mga hinayupak na iyon.
"Maki, what happened? May hindi ba siya magandang ginawa sayo?" untag ni Austin. Halata ang pag-aalala nito sa kanya.
Umiling siya at inayos ang sarili. Isang malungkot na ngiti ang binigay niya dito. "Namimiss ko lang si mama." pagsisinungaling niya. Well, there's a part of her na gusto niyang tumakbo sa mommy niya at magsumbong dito. Walang makakaintidi sa kanya kundi ang mommy niya.
"Do you want to visit tita today?" tanong nito.
Tanging iling lang uli ang sagot niya. Kung pupuntahan uli niya ang puntod ng mommy niya, baka humagulgol na naman siya.
Hindi naman na nagtanong si Austin. Tahimik na lang itong nagmaneho.
Nagtatakang nilingon niya ito nang ihimpil ni Austin ang sasakyan sa parking lot ng isang restaurant.
"Kumain muna tayo. Nagugutom na ako." sagot nito sa pagtataka niya. Bumaba na ito nang sasakyan at umikot ito sa gilid niya para pagbuksan siya ng pinto.
"Bakit dito?" tanong niya nang makababa. Inayos niya ang sarili at isinuot ang salamin. Halata ang pamamaga ng mata niya. Iyon ang ikinaiinisan niya. Umiyak lang siya saglit, magang maga na ang mata niya.
Nagkibit balikat si Austin. "Sabi nila masarap daw dito. Halika na." aya nito sa kanya.
Huminga siya ng malalim. Restaurant iyon ni Adan. Hindi niya alam kung alam iyon ni Austin.
"Makiiii!" tili ng isang waitress nang makapasok sila ni Austin. Nagtatakbo ito para salubingin sila. "Ang tagal mong hindi dumadalaw dito."
Natawa siya nang yakapin siya ni Maya. "Sira. May projects ako kaya hindi ako makadalaw dito." Napansin niyang nakaagaw na sila ng pansin sa ibang kumakain doon. "Umayos ka nga, hindi lang tayo customer dito."
"Sorry, sorry." Hinging paumanhin nito. Lumayo ito sa kanya at umayos ng tayo, "Ilan kayo?" parang natulala naman ito nang magawi sa likuran niya ang tingin nito.
Alam niyang gwapo si Austin at talagang makaagaw ito ng pansin. Naiiling na nilagpasan niya si Maya. "Dalawa lang kami." Pagdating talaga sa gwapo, natutulala itong batang 'to. Dumiretso siya sa isang apatan na lamesa at sumunod naman sa kanya si Austin na parang nahihiya.
Hindi kasi ito sanay nang tinititigan nang ibang tao. Which she find it cute.
"Hindi ko alam na kilala ka pala rito." sabi nito nang makaupo ito sa tabi niya.
Nginisian niya ang lalaki, "Just wait. There's more." paniguradong magugulat ito kapag nalaman nitong kay Adan ang restaurant na ito.
Sumunod naman si Maya sa kanila upang abutan sila ng menu.
"Ganoon pa rin sa'kin, May." Sabi niya nang hindi niya kinuha ang menu mula dito. Dumukwang naman siya sa menu na binabasa ni Austin. "Gusto mo i-try 'yong best seller nila dito?"
Tumingin sa kanya si Austin. Halos mahigit niya ang hininga nang mapansin ganoon kalapit ang mukha nila sa isa't isa. "Sige, iyon na lang." sabi nito at inabot sa kanya ang menu.
Nilingon niya si Maya na naghihintay ng order ni Austin.
"'Yung dalawang best seller, May. Saka.." nilingon niya uli si Austin at hinawakan ang kamay nito, "What about beverages? What do you prefer? Beer or cocktails?"
"Let me try cocktails." Nakangiting sabi nito at pinagsalikop ang kanilang mga daliri.
"Isang chef's choice at Ali's house made cream soda, please." tumango naman si Maya. Aalis na sana ito nang may maalala siya, "Andiyan ba si Chef?"
"Nasa kitchen siya ngayon. Bukas siya sa isang branch."
Ngumiti siya. That's great. Alam niyang hindi gusto ni Austin ang ideya na magkasama sila ni Adan sa iisang lugar. Parang ito na ang na-trauma sa kanya dahil sa ginawa ni Adan. Hindi naman niya masisi ito. Pero nang umalis si Austin, nagkaayos rin sila ni Adan at naging magkaibigan uli.
"Sabihin mo siya magluto ng orders namin ha. 'Wag niya kamo ako ipapahiya, kundi masasapok ko siya."
Napahagikgik naman si Maya at nagpaalam na sa kanila ni Austin. Hindi lingid sa kaalaman ng mga staff ni Adan na may namagitan sa kanila. Halos naging biruan na nila iyon ng lalaki.
"Sino may ari nito?" bulong ni Austin nang makalayo si Maya sa kanila.
Tinapik niya ang magkadaop nilang kamay. "You'll see."