Chandee's Pov
Pagdating namin sa bahay ay hinatid pa ako ni Kapitan sa may silid ko. Naabutan ko si Glenda doon at nalaman kong kanina pa ako hinihintay. Nagpaalam narin sakin si kapitan at nagpa salamat naman ako sa kanya.
Agad akong inasikaso ni Glenda at sinabing maligo na ako. Pinakita rin nito ang mga damit ko na suot ko kahapon na nilabhan at hiniram nila. Sumaya ako ng sabihin ni Glenda na iyon ang mga isusuot ko.
Nakaligo naman ako ng maayos at sinuot ko na agad ang mga damit ko. Buti nalang naibalik na sakin mga damit ko at makakagalaw na ako ng maayos. Iba parin kasi talaga kapag komportable ka sa suot mo.
Tinulangan ako ni Glenda na patuyuin ang buhok ko. Ilang sandali lang ay may kumatok at tinawag akong binibini kasunod niyon ay ang pagsabi nito na tutulungan daw akong magbihis. Gusto ko sanang sabihin na nakabihis na ako pero hindi ko na natuloy dahil mabilis pa sa alas kwatro si Glenda na binuksan ang pintuan.
Akala ko kanina ay mag isa lang yung babae sa pintuan, hindi ko inakala na apat pala sila. Tumuloy sila papasok na may dalang hindi ko alam kung ano.
"Binibini kami po ang inatasan ng pinuno upang ayusan kayo. Ako nga po pala si Belinda at sila naman sina Mae, Joanna at Lorena"
"Maraming salamat po pero naka ayos na po ako kailangan ko nalang patuyuin ang aking buhok" magalang na sabi ko
Agad naman nagsilapitan sakin yung tatlong babae at pinunasan ang buhok ko. Daig ko pa ang vip sa isang salon dahil sa kanila.
"Nakausap ko po ang pinuno at nalaman ang nais niyang mangyari. May konting pagbabago o idadagdag lang po ako para mas maging maganda ang kalalabasan ng inyong itsura" Hindi nalang ako kumibo at hinayaan siya sa gusto niyang mangyari.
Pagkatapos matuyo ng buhok ko ay sinimulan na ni Belinda na ayusin ang buhok ko. Itinirintas lang niya ito sa likuran at nilagyan ng laso at maliliit na palamuti. Masaya naman ako sa naging resulta. Sunod na inayusan naman ako sa mukha.
Nagsilbing taga abot ang tatlong kasama niya ng kailangan niyang mga gamit na parang kinukumpuni ang mukha ko. Alam kong hindi ako kagandahan pero hindi naman ganun kasama ang mukha ko para I repair nila.
Nakangiti sa'kin si Belinda at ang tatlo niyang kasama ng matapos nila akong ayusan. Nagpaalam na sila at sinabing utusan nalang si Glenda kung may ipapaayos pa ako. Nagpasalamat ako sa kanila at hinatid sa may pintuan.
"Ayos lang ba ang itsura ko?" Nakangiting tanong ko kay Glenda
"Maganda ka po binibini pero mas gumanda ka ngayon" sagot naman ni Glenda. Nakangiting bumalik ako sa may pinaka vanity mirror ko at tinignan ang sarili. Maganda nga ang pagkakaayos sa'kin na maging ako ay hindi ko na makilala ang sarili ko. Para akong filter sa camera app na kulang nalang ay mabura ang mukha sa sobrang puti ng mukha.
"Glenda pahingi ako ng tuwalya, akin na yung tuwalyang ginamit ko kanina" pagmamadali ko sa kanya. Mabilis naman siyang kumilos at binigay sakin yung tuwalya.
"Binibini anong ginagawa mo?" Tarantang tanong ni Glenda habang tinatanggal ko ang foundation na nakalagay sa mukha ko
"Bakit ang hirap tanggalin? kumuha ka pa nga ng bimpo at basahin mo" utos ko.
Ang kapal talaga ng inilagay nila na foundation at ang hirap tanggalin. Ang pula din ng lipstick pero natanggal ko na at kakaunting kulay nalang ang natira sa labi ko.
Dahil hindi ko na maantay si Glenda ay sumunod na ako sa kanya sa banyo para maghilamos. Nagulat pa nga ito ng makita niya ako pero tinulungan din niya.
"Normal na ba ulit ang mukha ko?" Tanong ko sa kanya pagkatapos kong maghilamos at magpunas ng mukha. Tumango naman siya.
"Ayaw niyo po ba ang kolorete sa mukha?" Tanong nito
"Ayos lang naman pero napasobra kasi ang lagay ni Belinda" Sabi ko tsaka kami naglakad na palabas ng paliguan
Habang naglalakad pabalik sa kwarto ay nakita namin si kapitan na nakatayo sa tapat ng kwartong tinutuluyan ko. Naka kunot na naman ang noo nito habang nakatingin samin.
"Si kapitan parang galit lagi" bulong ko kay Glenda
"Baka pinapatawag na kayo ng pinuno at sinusundo kayo binibini" sagot nito
"Hala! Baka nga dalian natin" Sabi ko at binilisan ang paglalakad. "Pinapatawag na ba ako ng Pinuno? Sandali lang ha?" Natatarantang sabi ko kay Kapitan
"Bakit ganyan ang itsura mo?" Tanong nito pero hindi ko na pinansin. Dumiretyo nalang ako sa loob ng kwarto at kinuha ang bag ko. Mabuti nalang may dala akong polbo at liptint sa bag ko.
Habang nag pupulbos nakita ko naman si Glenda na namamangha sa Johnson's baby powder ko. Lalo siyang nagulat ng gamitin ko ang liptint ko.
"Yan ba ay galing sa mundo mo binibini?" Nakikita ko sa mukha ni Glenda na gusto niyang hawakan yung pulbo at liptint ko
"Oo, gusto mong subukan?" Tanong ko. Hindi ko na siya hinintay sumagot at nilagyan na siya ng polbo. Pinahiran ko narin siya ng liptint sa labi niya. Pinahawak ko rin sa kanya ang mga ito at tuwang tuwa siya.
"Ang bango at ang ganda tunay na kakaiba talaga ang mundong pinanggalingan mo binibini" Sabi nito
"Sa pinanggalingan ko simpleng bagay lang ang mga iyan at may mas maganda pa. Iyan lang ang gamit ko kasi yan ang nakasanayan ko" Sabi ko
Sabay na lumingon kami ni Glenda sa may pinto ng marinig ang katok at boses ni kapitan. Nagkusa na rin itong buksan ang pinto at lumapit naman kami ni Glenda.
Hindi ko ma explain pero biglang ang weird ng pakiramdam ko ng magkabanggaan ang paningin namin ni kapitan. Bakit ba parang may something sa kanya ngayon? Nagkasalubong naman ang mga kilay niya kaya naman iniwas ko na ang tingin ko sa kanya.
"Ibalabal mo'to" dinig kong sabi niya tsaka may ibinalot itong kulay violet na tela sa baywang ko at itinali sa tagiliran ko.
"Ano to?" Takang tanong ko sa kanya habang hawak ang telang nakabalot sa baywang ko
"Hindi ka lalabas sa kwartong ito na hindi suot yan" Sabi nito
"At sinong nagsabe?!"  May kalakasang tanong ko
"Ako binibini" mahinahon na sagot nito
"Akala mo ba susunod ako sa gusto mo? Mas mabuti ngang huwag nalang akong lumabas kung nakapalupot sakin ang telang to!" Malakas kong sabi sa mukha niya at pilit tinatanggal pagkakatali ng tela sa baywang ko. Paano niya nagawang itali ito ng mahigpit sa sandaling oras lang.
"Ayos lang naman sakin kung huwag kang lumabas dito" Sabi naman niya
Pinaningkitan ko siya ng mata.
"Okay sabi mo eh. Ipaliwanag mo nalang sa Pinuno kung bakit hindi ako sasama sa parada" mataray na sabi ko.
"Kasama sa plano namin ang kumuha nalang ng ibang tao para magpanggap na siya ang babaeng itinakda para narin sa kaligtasan mo. Mas pabor sa akin kung yun ang mangyayari" balewalang sabi nito
"Yun naman pala e edi kumuha nalang kayo ng kapalit ko" nagmamalaking sabi ko tsaka inikot eyeballs ko.
"Kung yan ang gusto mo binibini iyan ang masusunod" Sabi nito at tinalikuran na ako "ah siyanga pala" Sabi nito na itinaas ang hintuturong daliri pero nakatalikod parin sa'kin. "Hindi namin bubuksan ang bintana ng karwahe mamaya para hindi makita ng mga tao ang mukha ng kukunin naming ipapalit sa'yo. Magiging malaking problema kasi iyon sayo pag nagkataon" Sabi nito at tuluyan ng umalis.
Nangigigil na nagdabog nalang ako at umupo sa upuan. Tinignan ko naman ang telang nakabalot sa baywang ko at matyagang tinanggal iyon.
"Anong gagawin natin ngayon binibini?" Nag aalalang tanong ni Glenda
"Wala dito lang tayo, hindi naman nila tayo kailangan doon. Narinig mo naman sinabi ng kapitan niyo diba? Mas mabuting dito nalang ako at magbabasa ng libro ko" Sabi ko at pumunta sa higaan ko at kinuha ang Health Assessment book ko sa bag ko.
"Pero binibini maraming taong maghihintay sa pagdaan mo mamaya. Sigurado akong matutuwa sila kapag nasilayan ka nila, at malulungkot naman kapag hindi ka nila nakita" malungkot na sabi nito
Bigla naman akong nakunsensiya sa sinabi niya. Tinignan ko yung telang binalot sakin ni kapitan at hinaplos iyon.
"Ganito nalang, kapag may sumundo sa'kin dito para sa parada sasama ako. Kung wala naman ay dito nalang ako at magbabasa ng libro ko"
"Sasabihin ko po kay Kapitan na sunduin kayo" natutuwang sabi nito "sigurado matutuwa ang pamilya ko mamaya kapag nakita kayo sa parada" dagdag pa niya at mabilis na umalis sa kwarto ko
Tsk! Baka isipin ng kapitan na iyon pinasusundo ko siya ah! Dapat kasi hinayaan nalang ni Glenda na pumunta siya dito.
Bumuntong hininga nalang ako at kinuha at binuksan yung tiny tobleron na nasa eco bag. Mabilis naman napabago ng chocolate ang mood ko at tunay naman talaga na nakalimutan ko yung stress ko.
Chineck ko laman ng eco bag ko at thanks God hindi naman lumambot mga chocolates ko. Kumuha ako ng dalawang piraso pa ng tiny tobleron at nilagay sa bulsa ko. Mas mabuti ng may dala ako nito para kapag na stress ako kay Kapitan may pangontra ako.
Speaking of kapitan heto na nga nandito na sila. Tinabi ko na yung eco bag ko at binalik na sa bag ko yung libro ko at itinabi narin iyon.
"Hindi ba sinabi ko na hindi ka lalabas ng silid mo kung hindi nakabalot sa katawan mo'to?" Mahinahon pero mariin na sabi ni Kapitan habang hawak yung tela na binalot niya sa'kin kanina.
Inagaw ko naman sa kamay niya yung tela at tinupi iyon bago ko kusang nilagay sa baywang ko. Edi mas maganda ngayon mas maayos at makakalakad ako. Hindi tulad kanina na para akong puto bumbong dahil sa pagkakabalot niya. Mukha naman kuntento siya sa nakita at di nalang kumibo.
"Sa susunod huwag kang lalabas ng silid mo na maiksi ang suot" mahinang sabi nito at tinalikuran ako "hihintayin ko kayo sa pintuan" sabi pa niya bago tuluyang umalis. Inambahan ko naman siya ng suntok nung maglakad siya.
Pagtingin ko kay Glenda ay nakatakip ang bibig niya at pinipigilan ang pagtawa. Natawa nalang ako sa kanya at lumingkis sa braso niya at sumunod na kay Kapitan.
*******