About The Baby
Alexus POV:
"Good morning Ma," I greeted my mother as I entered the kitchen to have my breakfast. I also kissed her on her cheeks.
"Good morning too Hijo, how's your sleep?"
"Mabuti naman po," tipid kong sagot.
"Good morning Pa," si Papa naman ang binati ko na abala sa binabasa niya.
"Good morning," bati din ni Papa sa akin pabalik ng hindi manlang inaalis ang kaniyang tingin sa diyaryong hawak-hawak niya.
"Let's eat honey, mamaya mo nalang ipagpatuloy 'yang pagbabasa mo." Mabilis namang sumunod si Papa sa sinabi ni mama.
"Alexus napag usapan kasi namin ng Papa mo na kung pwede bigyan mo na kami ng apo—"
Sunod-sunod ang naging pag ubo ko matapos akong masamid sa iniinom kong kape.
"Okay kalang hijo?"
"Careful son!"
"Ma! Pa! Ano ba naman kasi 'yang pinagsasabi niyo? Muntik na akong mamatay dito oh!" Hindi ko makapaniwalang sabi sa kanila.
"Patay agad 'nak?"
"Ma naman!"
"Seryoso kami anak, hindi na kami bumabata ng mama mo. Gusto na namin ng apo sa lalong madaling panahon."
Tila seryoso nga sila sa hinihingi nila sa akin. Pero paano ko naman gagawin 'yon kung hindi pa handa ang girlfriend kong si Nicole na magpakasal sa akin?
I already proposed to her three times, pero hindi pa raw siya handa at wala akong magawa kundi ang maghintay hanggang sa maging handa na siya.
"Ma, Pa, alam niyo namang busy si Nicole. Look, my girlfriend is an international model. Kahit magpakasal kami hindi pa kayo namin mabibigyan ng anak,"
"That's our point hijo, kung ayaw kang pakasalan niyang girlfriend mo then find someone who's ready to settle with you."
"Ma naman, kung sabihin niyo sa'kin yan parang ang dali-dali ah? Mahal ko po si Nicole at handa akong maghintay sa kaniya, kahit gaano pa katagal."
"Alexus, naririnig mo ba 'yang sarili mo? Si Nicole ay hindi materyal wife, puro ambition ang babaeng iyon. Wala kang aasahan sa kaniya!"
"Pa, nasa tamang gulang na po ako. Alam ko kung anong ginagawa ko. Hihintayin ko si Nicole, siya lang ang babaeng gusto kong maging ina ng magiging anak ko."
Ayoko nang paabutin pa sa kung saan ang walang kwenta naming usapan ng mga magulang ko. Kaya bago pa ako makapagbitaw ng kung anong mga salita ay mabilis na akong tumayo sa hapag kainan.
"Saan ka pupunta?" Pigil sa akin ni Mama.
"Magpapalamig lang po,"
"Seryoso kami ng Papa mo hijo. Sa ayaw at sa gusto mo bibigyan mo kami ng apo. Binibigyan ka namin ng pagkakataon para humanap ng babaeng handang magbigay sa'yo no'n. Kumbinsihin mo 'yang girlfriend mo or else..."
Naikuyom ko ang aking dalawang kamao dahil sa mapagbantang tinig ni mama. Parang wala na nga ata akong ibang choice kundi ang papayagin si Nicole na magpakasal sa akin para makagawa na kaagad kami ng—ugh! Lintik na baby 'yan!
"—or else mapipilitan kami ng Papa mo na ipakasal ka sa anak ng kumpare niya."
Ako magpapakasal sa anak ng kumpare niya? Alin, yung babaeng higad? Fvcking no!
"No! Hindi niyo gagawin sa akin 'yan!"
"Try us son,"
Ano ba kasing klaseng kaluluwa ang sumanib sa katawan ng mga magulang ko para hingan ako ng anak ng agad-agaran?
Fvck this life!
Dumiretso ako sa bar na pag aari ng kaibigan kong si Dylan para magpalipas ng init ng ulo.
"What are you doing here man? In this hour nasa bar ka? Woah!" Tiningnan ko lang ng seryo si Dylan. Tingin na alam niyang may malaki akong problema.
"Nice! andito ka rin? Hahaha magkakaibigan nga tayo oh!" Si Calvin naman na masayahin sa tropa ang tila ba nang aasar sa klase ng bating pambungad niya.
"So what's the problem? Nag away kayo ni Nicole?" Si Felix naman ang seryoso sa tropa. Siya yung wala ng paligoy-ligoy pa basta kung ano yung gusto niyang sabihin, sasabihin niya talaga.
Apat kaming magkakaibigan at pare-pareho kaming milyonaryo. Bukod sa mayayaman ang mga magulang namin ay may sarili na rin kaming mga negosyo sa iba't-ibang panig ng bansa. Kapag nagsasama kami ay tila ba normal na mga tao lang kami. Hindi mo mahahalata na ubod ng yaman kami dahil hindi kami showy na mga tao katulad ng iba na may kaunti lang saksakan na kaagad ng yabang.
Ano-anong mga negosyo naman kaya ang pinapatakbo namin? Next time niyo nalang alamin nakakapagod magkwento lalo na't may malaking problema pa ako.
"Nope, it's not about me and Nicole." Sagot ko sa tanong ni Felix.
"Parents mo?" Pagtatanong naman ni Calvin.
"Yeah."
"Bakit, ano bang nangyari?" Si Dylan.
"Gusto na nila ng apo," frustrated kong sabi.
"HAHAHAHHAHA"
"HAHAHAHHA"
"Seriously, as in Baby? HAHAHAHA"
"Kaibigan ko ba kayo?" Mabilis naman silang nagsipag-seryoso matapos ko silang tapunan ng matatalim kong tingin.
"Bakit naman ngayon pa gumanyan sila tito at tita kung saan kaka renew lang ni Nicole ng kontrata niya sa Italy diba?" Napapa iling na sabi ni Calvin.
"Oo nga, hindi kaya ayaw talaga nila kay Nicole para sa'yo?" Nakaka bwesit na komento ni Dylan.
"Mag tigil nga kayong dalawa kita niyo na ngang problemado yung tao gagatungan niyo pa!"
See? Si Felix nga lang ang kaibigan ko sa kanilang tatlo. Siya lang yung matured ang isip kumpara sa dalawa.
"Anong balak mo?"
"Kilala ko si Nicole, kahit anong kumbinsi ko do'n hindi 'yon papayag lalo na't usapang pagbubuntis,"
"Ayon naman pala, e di maghanap ka ng babaeng pwedeng magbuntis para sa inyo ni Nicole."
"Paano?"
"Sa pamamagitan ng pera."
"What do you mean?" Paglilinaw ko kay Dylan.
"Maghanap ka ng babaeng pwedeng bayaran para magbuntis, then after she gave birth kukunin mo ang bata at ituturing iyon na parang anak niyo ni Nicole."
"Kahit papaano may naiambag karing matino Dylan," natatawang sabi ni Felix. Nagpa pogi points naman ang loko.
"Sino namang babae ang papayag sa ganyan, ha?" Pagkontra naman ni Calvin kay Dylan.
"Basta pera ang usapan walang hihindi diyan Calvin," pagtatanggol ni Dylan sa kaniyang suhestiyon.
"Ako na ang pipili ng babae, para naman ma challenge ka Alexus, ang unang babae na papasok sa pintuang iyan ay siyang lalapitan mo para sa problemang kinasasangkutan mo." Napatingin ako kay Felix na seryosong nakatingin lang sa pintuan ng bar.
Halos kalahating oras kaming nag aabang sa unang babaeng papasok ng bar bago tuluyang may pumasok rito.
"Ayon!"
Kaagad na react ni Calvin nang sa wakas ay natapos narin ang pag aabang namin.
"Lapitan mo na," muntik na akong masubsob sa semento matapos akong itulak ni Dylan.
"Opps, sorry bilis na kasi!"
Inayos ko muna ang kuwelyo ng polong suot ko bago naglakad palapit sa babae. Base sa itsura nito ay hindi naman talaga itong bar ang pakay niya. Nakasuot siya ng formal attire at may dala-dala pang brown envelope. Mukhang naligaw lang ata siya rito.
"Wala kayong libreng tubig? Uhaw na kasi talaga ako e,"
"Wala po talaga ma'am e, hindi po ito restaurant ma'am."
"Ah gano'n ba? Sige salamat,"
Hindi ko alam kung matatawa ba ako o mamamangha sa ka-ignorantehan niya. Natuklasan ko nalang ang sarili ko na nakasunod na pala sa kaniya.
Dahil sa pagmamadali niyang makasakay ng taxi kaya hindi niya namalayan ang pagkalaglag ng brown envelope na hawak niya kanina.
Mabilis ko iyong pinulot at napangiti ako matapos kong makumpirma na resume niya pala ang laman ng envelope na iyon. Ibig sabihin, lahat ng impormasyon niya ay nakapaloob dito.