"Bakit niyo po ako ipinatawag mada'am?" Diretsahang tanong ko sa nakangiting ginang sa harapan ko. Wala naman yata siyang balak tanggalin ako kasi nga ay nakangiti siya tapos hindi naman harsh siyang magsalita.
"I just want to ask you a favor."
Automatikong napatanong ako ng,
"Ha?"
"Favor. Please help me." Pagmamakaawa niya. Posible palang magmakaawa ang mayaman sa mahirap? Bakit naman kaya?
"O-opo. Ano po ba 'yon mada'am?" Tanong ko kaya't nagliwanag ang mukha ni madaam Layra. Mukha siyang bata kung umasta. May pa nguso-nguso pa siyang nalalaman eh.
"Please help my son fall in love with you. I will pay how much money you like. I will give you millions of money just agree on my plan. Please..."
"WHAT???!" napataas na talaga ang boses ko. Ano bang pinagsasabi ni Mada'am Layra? Nag-iisip ba siya? Kapag nalaman ng anak niya 'to, iisipin ni sir Kevin na pinaglalaruan siya ng sarili niyang ina. Na pinapangunahan siya nito.
"Sweswelduhan naman kita iha. Kung ma in love man siya sayo tapos magkagusto ka rin sa kanya, Edi maayos. Mapapanatag ako." Sabi niya.
"Ano po ba'ng dahilan kung bakit gusto niyo pong ma-inlove ang anak niyo sa akin, mada'am? Wala po ba siyang girlfriend o kaya ay nagugustuhang iba? Paano po kapag hindi siya nagkagusto sa akin? Alam naman po nating hindi niya ako type. Tsaka mahirap po ang pinapagawa niyo sa akin." Naiiling ako habang naiisip ang mga mangyayari kapag sumang ayon ako sa ina ni Sir Kevin.
"Isa sa rason ko ay gusto kong patunayan mong hindi bakla ang anak ko---"
"A-ano p-po? B-bakla?" Putol ko sa sasabihin ni mada'am. Bakla? As in gay? Bading?
"Hindi pa kasi nagdadala ng babae o girlfriend dito ang anak ko, iha. Syempre gusto ko ring magka apo sa hinaharap."
"A-apo? Po?" Maiiyak na yata ako sa gulat ngayon. Nakakagulat naman kasi ang pinagsasabi ni mada'am Layra. Jusko! Naway patnubayan niyo po kami sa aming mga desisyon sa buhay.
"Oo naman. May isa pa akong rason iha pero saka ko na sasabihin sayo kapag napaibig mo na ang anak ko."
Hindi pa nga ako sumasang ayon eh. Haaay.
"Mada'am, parang hindi ko po talaga kaya e. Ang sungit po ng anak niyo parang pinaglihi sa sama ng loob. Nakakaloka." Sabi ko. Nahahawa na rin yata ako sa mga tono ng pananalita ni tita Haireen.
Nakarinig ako ng malakas na tawa mula kay mada'am.
"Sinasabi ko na nga ba't yan ang sasabihin mo, iha. Pero gwapo naman ang anak ko, tapos maganda ka. Siguradong magiging maganda ang bunga niyo." Hindi ko na talaga napigilan ay naubo na ako kasabay ng pagkalunok ng sarili kong laway.
NAKAKALOKA TALAGA!
"P-po? Hindi nga po yata kakayanin ng pasensiya ko ang ugali ng anak niyo mada'am. Paano po kapag sesantehin niya po ako? Wala po akong tutuluyang iba. Nandito po nagtratrabaho ang pamilya ko po mada'am." Napangiwi ako sa alaalang patalsikin ako dito sa bahay at sa kalye na ako pulutin.
Hindi naman siguro.
"Don't worry dear. I will be the one to handle that. You'll never get fired as long as I'm here to back you up whenever you needed me. Just please accept my offer."
Napangiwi na naman ako sa sinabi ni mada'am. Kung hindi ko siya pagbibigyan ay baka siya na mismo ang magtanggal sa akin.
"E paano po kung hindi ko po kayo pagbigyan?" Namamag asang sabi ko na mas lalo pa yatang lumala ang sitwasyon ko. Naiipit ako sa ina ng isang masungit na nilalang na yon.
"Then I don't have the choice but to fire you. Or my son will do that. Alam mo naman ang ugali ng anak ko iha. He's heartless pagdating sa empleyado niya. But I guess it's a deal. You don't have a choice as well. Kapag nagawa mo yon, I will give you a lot of money. Ikaw lang ang magsabi. Please?" Napakurap ako ng bahagya sa naka pout na ginang sa harapan ko.
Naku naman!
"Okay." Napipilitan kong tango na ikinangiti ni madaam.
"Talaga??! Oh my god thank you so much Haylie iha! Hindi mo alam kung gaano mo ako napasaya ngayon." Napatakip pa siya sa bibig niya na gulat na gulat eh, blinackmail niya naman ako. Hindi na nakakagulat iyon no!
"I will send you to his school then! Next week ka mag-aaral sa school na pinapasukan ng anak ko." Masiglang sabi ni mada'am Layra.
"WHAAAT??"
Jusko po! Omg! Ano raw???
Ako?!  mag-aaral?
"Don't worry, marami akong pera iha...kaya kong lusutan lahat. Kaya kong gawan ng paraan, just be ready okay? Kailangan mong harangan ang mga babaeng lalapit sa anak ko at sasabihin mong boyfriend mo ang anak ko. Oh, can you imagine that dear? That's fun right? Right?!" Natutuwang sabi ni madaam. Napangiwi ako lalo don. Ina ba talaga ang ganyan? Naku, kung ako ang magkaka anak sa hinaharap, ayokong pangunahan ang magiging anak ko sa mga desisyon at sa mga gugustuhin niya.
Maiiyak na ba ako? Magwawala? Ano ba itong napasok ko? Karma na ba ito sa pangbubugbog ko sa mga lalaking iyon sa probinsiya?
--
"Kumusta ang usapan niyo ni mada'am Layra, anak?" Marahang tanong ni nanay Henya. Napaisip akong bigla.
Oo nga pala! Ang utos ni mada'am!
"Pag-aaralin niya po ako, nay." Sabi ko. Pero ayoko lang buksan ang tungkol sa pagpapaibig ko raw sa anak ni madaam. Nakakaloka eh!
"T-talaga??! Diyos kong mahabagin! Totoo ba ang narinig ko?" Bulong ni nanay na nakapag sign of the cross pa.
"Nay, okay lang po ba?" Kahit naman hindi ako tunay na anak ni nanay Henya, kailangan ko paring humingi ng permiso. Sadyang malaki ang utang na loob ko sa kanya at isa pa roong rason ay ang pagpunta namin dito.
Alam kong napilitan lamang si nanay Henya na mang maynila kasi nabugbog ko ang mga adik sa kanto. Baka gantihan ako ng masama noong mga iyon kaya't pilit niya akong inilayo sa probinsiya. Mas pinili niya ang kaligtasan ko.
Pero sa nakikita ko, masaya naman siya ngayon kasi nakikita na niya ang kapatid niya at nakakasama pa.
"A-anong okay??? Ayos na ayos nga anak eh! Hindi man kita napapag-aral, dumating naman ang isang anghel na makakapagpa-aral sa'yo anak! Masaya ako para sa'yo." Nakangiting sabi ni nanay.
ANGHEL? Anghel pa sana kung hindi nang blackmail si mada'am. Eh, nablackmail ako e! Wala akong choice.
Kinabukasan ay tumulong ako sa paglilinis at sa pagluluto sa kusina.
"Anak, ikaw na ang maghatid nito sa garden. Meryenda para kay sir Kevin at sa mga kaibigan niya. Lagi raw bumibisita ang mga iyon dito sa mansiyon." Tumango lang ako saka binitbit ang apat na baso at isang pitsel ng juice na nasa tray sa kanan at ang mga sandwiches sa kaliwang tray.
Tinungo ko ang daan patungo sa garden.
Naabutan ko ang apat na lalaking nagtatawanan na nakaupo sa tig iisang silya. Pero natigil iyon nang inilapag ko ang mga nasa tray sa mesa.
"Wooah...tol. Hindi mo naman yata sinabi na may anghel kayo sa mansiyon. Aaraw-arawin ko na sana ang pagpunta rito." Natatawang sabi ng lalaking naka cleancut tapos may maiitim na mata, sakto lang sa taas ng ilong at medyo pink na labi. Pero mukhang bolero.
Naiiling akong aalis sana pero may humawak sa kanang kamay ko at hinalikan ang likod nito.
"I'm Daren James, how about the beautiful angel sent from a wonderful heaven like you?---aw! Pare! Wag mo naman akong ipahiya, dumediskarte ako dito oh!" Reklamo nung Daren daw na binatukan ng isang lalaking katabi niya. Tinampal niya ang kamay ng kaibigan saka siya naman ang humawak sa kamay ko na nabitawan nung Daren.
"I'm Carl." Tapos kumindat pa. Nakasuot siya ng itim na hikaw sa kaliwa. May itsura din siya tulad ng Daren kanina. Mapupula ang mga labi ng Carl daw.
Napadpad ang tingin ko kay sir Kevin pero mukha naman siyang walang pakialam.
"Ako naman si Christian. You can call me Chris if you like. Pasensiya ka na sa mga friends ko. Masyadong mahilig lang sa babae ang dalawang yan." Bulong niya. Ngumiti ako ng pilit saka nagpaalam na umalis na. Baka mapagalitan pa ako ni sir Kevin na halatang nakikinig pero hindi nagagawi ang tingin sa amin. May binabasa siyang magazine.
Nakahinga ako ng maluwag nang makaabot na ako sa kusina.
Jusko! Masasanay pa ba ako kapag laging nasa mansiyon ang mga kaibigan ni Sir Kevin? Mukhang matitinik sa babae yon ah! Baka gawin nila akong katawa-tawa dito. Pero hindi naman sila mukhang masasama. Medyo mabait nga lang ang pangatlong lalaki. Chris ba yon?
"Mukha ka yatang natulala diyan anak? May nagustuhan ka siguro sa tatlong bisita ni Sir Kevin ano?" Kaagad akong umiling sa tanong na iyon ni nanay. Ako? Magkakagusto sa mga yon? Hindi naman yata. Hindi ako nararapat sa mga yon. Kahit nga pagiging kaibigan hindi bagay. Yong magkagusto pa kaya? Si nanay talaga oh! Kung anu-ano ang iniisip.
"Wala po yan sa isip ko nay." ---pero Kailangan kong paibigin ang boss nating masungit. Kumbaga sa hayop na mabagsik, kailangang paamuhin.