𝗔𝗦𝗛𝗧𝗢𝗡'𝗦 𝗣𝗢𝗩
Naghihilamos ako sa banyo ng marinig kong tumutunog ang cellphone ko mula sa kama. Tinapos ko ang paghihilamos at sinagot kung sino man ang tumatawag.
"Hello?" pagsagot ko sa tawag.
"Good evening, hijo" sagot ng pamilyar na boses mula sa kabilang linya.
Tiningnan ko ang caller Id.
Si Tita Luz, Mommy ni Shaira pala ang tumatawag.
"Good evening din po tita" balik bati ko dito. "Napatawag po kayo?" tanong ko.
Narinig kong bumuntong hininga ito mula sa kabilang linya. "Napagalaman ko kasi na jan pala sa bahay mo tumuloy si Shaira, pasensya ka na, hijo, kung nadamay ka pa" paghingi ng paumanhin ni Tita.
Pasimple akong napahilot sa sentido. "Okay lang po yun, Tita"
"Sumusobra na din kasi ang bata na yan"buntong hiningang saad ng nasa kabilang linya. "Kapag hindi pa yan naturuan ng leksyon, baka bahay na namin ang susunod niyang pasabogin.
Kaya hijo, pwede bang jan mo na siya sayo hanggat hindi pa siya nagtatanda?" malambing na pakiusap nito.
Mukhang mapapalaban ako nito.
"Ashton, hijo, sana tulongan mo ako" nakikiusap na saad ng Mommy ni Shaira. "Nagaalala din kasi ako, tumatanda na si Shai. Hindi na siya bumabata, kailangan na niyang mag asawa, pero kung parati nalang siyang ganyan, walang matinong lalaki ang magpapakasal sa kanya" problemadong saad nito.
Mapapangasawa? Ayaw ko sanang makisawsaw sa drama ng pamilya nila, pero malalim na ang ugnayan ng mga pamilya namin at siguradong makukutosan ako ng Mommy kapag nalamang tinanggihan ko ang pakiusap ni Tita Luz.
Huminga muna ako ng malalim. "Gagawin ko po ang lahat ng makakaya ko para tulongan si Shai Tita--"
"Salamat hijo!" masayang putol nito sa akin. "Tawagan mo lang ako kapag may ginawa na namang kapalpakan yang anak ko, sige, bye hijo, goodnight!"
"Goodnight po--" napabuntong hininga nalang ako ng biglang nag beep ang cellphone ko. Tiningnan ko ang screen, pinatayan ako ng tawag ni Tita.
Napakamot nalang ako ng ulo, mapapangasawa ha, mukhang wala ngang matinong lalaking papatol kay Shaira.
Tsk.
Hinubad ko ang pangitaas kong damit at sasampa na sana sa kama nang biglang bumukas ang pinto ng kwarto.
Napahinto ako nang makitang iniluwa ng pintuan si Shaira. "Ashton, may extra ka bang--" bigla itong napahinto sa pagsasalita nang makita ako.
"Extrang ano?" kunot noong tanong ko sa kanya.
"Extrang ulam...este extrang unan pala" saad nito at kaagad nagiwas ng tingin sa akin habang namumula ang magkabilang pisngi.
Nagbublush ba si Shaira?
𝗦𝗛𝗔𝗜𝗥𝗔'𝗦 𝗣𝗢𝗩
Gusto ko ng matulog, pero hindi ako makatulog kasi wala akong kayakap na unan. Nasanay na kasi ako, mula nung bata pa ako palagi na akong may kayakap na unan sa pagtulog, kaya para akong nagiging isang kiti-kiti kapag wala akong kayakap.
Bumangon ako para puntahan si Ash sa kwarto niya. Baka meron siyang extrang unan.
Bakit ba kasi isa lang ang unan dito sa kwarto nato?
Wala pang dalawang  minuto ay nasa labas na ako ng kwarto ni Ashton. Magkaharap lang kasi ang kwarto namin.
Kakatok sana ako pero paghawak ko sa doorknob napagtanto kong bukas naman pala, kaya tinulak ko nalang ang pinto para bumukas. "Ashton, may extra ka bang..." Parang bumara sa lalamunan ang laway ko dahil sa eksenang nasaksihan ng mga makasalanan kong mga mata!
Nakatopless lang si Ash! At kitang kita ko ang mga malulusog at masusustansiya niyang six packs abs!
Jusmi! P-parang naglalaway ang bagang ko!
"Extrang ano?" kunot noong tanong nito sa normal niyang boses. Hindi man lang ito apektado sa pagb-boarless niya sa harapan ko.
"Exrang ulam....este extrang unan pala" saad ko at kaagad na nagiwas ng tingin. Baka pakasohan ako ng eye raping ng lalaki nato.
Tumaas ang sulok ng labi nito. "Hindi ka parin nakakatulog kapag wala kang kayakap na unan?" hindi makapaniwalang nito. "Para ka paring kinder" pangaasar nito.
Kaagad namang humaba ang nguso ko. "Huwag ka na ngang manukso jan at bigyang mo nalang ako ng unan" nakabusangot na saad ko.
Kaagad naman itong kumuha ng isang unan sa kama niya at ibinato sa pagmumukha ko! "Ayan na"
Tiningnan ko siya ng masama.
"Pwede namang ibigay mo nalang ng maayos"
Napabuntong hininga ito at kapagkuwan ay naging matiim ang tingin nito habang naglalakad papalapit sa akin.
N-nababaliw na ba ang lalaki nato?
Lumalakas ang kabog ng dibdib ko habang mas lalo itong pumapalapit sa akin. "A-ano bang drama mo?" utal na tanong ko sa kaniya ng makarating ito sa harapan ko, at ng isang dangkal nalang ang pagitan naming dalawa ay bigla itong huminto. "T-teka Ash, anong ginagawa mo?" kabadong tanong ko.
Bigla namang kumunot ang noo nito habang nakatingin sa akin.  "Ikaw anong ginagawa mo?" kunot noong tanong nito.
Ha? Ano daw?
"Ano?" naguguluhang tanong ko sa kanya.
"Tumabi ka jan, papatayin ko ang ilaw kasi matutulog na ako" bored na saad nito. "Bakit ka ba humaharang jan?"
Para akong bihusan ng malamig na tubig, kaya kumaripas ako ng takbo pabalik sa kwarto.
Jusmi! Nakakhiyaaaaaaaaa!