LAGLAG balikat na naglakad ako sa gilid ng kalye, nakasuot pa ako sa aking school uniform, katatapos lang kase ng aking klase.
Kasalukuyan kong binabay ang daan patungo sa aming munting tahanan.
Nakanguso ang aking labi sabay sadsad ng sapatos ko sa aspaltong kalsada.Sunod sunod na buntong hininga ang aking pinakawalan.
Pinuproblema ko na naman kase ang aking matrikula. Kahit anong benta ko ng bibingka kulang parin eh. Kainis naman tong buhay to oo bakit pa kasi ipinanganak akong mahirap.
Pero okey lang din swerte naman ako sa nanay ko. Kaya kailangan go lang ako nang go, mapasaan man at makakamit ko rin ang pangarap ko, basta mapupursige lang ako.
Patuloy ako sa pagsadsad ng aking sapatos sa semento, mabibigat ang aking mga hakbang, nakalimutan ko tuloy na medyo nakanganga na ang talampakan ng sapatos ko. Kaya ayon sa ginawa ko, ilang saglit lang naiwan ang talampakan ng sapatos kong pipityugin. "Putik!" bulyaw ko nang mapansin kong wala ng talampakan ang sapatos na suot ko at talagang talampakan ko na ang nakaapak sa semento.
Nilinga linga ko ang aking leeg, sinuyod ko ang paligid kung may taong nakatingin. Nakahinga ako ng maluwag nang mapagtanto kong ako lang ang tao sa lugar na ito hindi masyadong nakakahiya.
Pasuraysuray kong binalikan at pinulot ang nahiwalay na talampakan ng sapatos ko, hinubad ko na rin ang kabilang pares ng sapatos.
"Siguro pwede pa itong ayusin."
Ke mahal mahal na ng pamilihin ngayon hirap nga kaming bumili ng bigas at ulam tapos uunahin ko pa ang sapatos ko. "Ididikit ko nalang to pag-uwi ko."
Bitbit ang pares ng sapatos ay hindi ko ininda kung masaktan man ang mga paa ko, eh wala na akong magagawa pa hindi ko na maisusuot pa ang sapatos ko, pinagpatuloy ko nalang ang aking mga hakbang.
Mayamaya ay nakaramdam ako nang pangangatog ng binti mabuti at nasa tapat ako ng parke, maagap na tinungo ko ang isang bakanteng upuan.
Nang makaupo, hinimlay ko muna ang aking ulo sa sandalan ng mahabang upuan, pinikit ko ang aking mga mata. Gulo ata ang utak ko ngayon eh at parang hindi ako makapag-isip nang maayos. Napabuntong hininga nalang ako.
May napansin akong umupo sa kahanay ng upuan na inuupoan ko.
Medyo nagulat ako, pero dapat hindi ko iyon ikinagulat dahil nasa parke ako at pampublikong lugar ang kinaroroonan ko, natural na may maupo doon, pero talagang nagulat pa rin ako.
Napangiwi ako para atang naparami na ang kapeng na-inom ko at naging magugulatin na ako.
Minulat ko ang sariling mga mata, tumambad sa akin ang isang matandang lalaki, mga sixty siguro basta iyon na, iyon kasi ang hula ko base sa kulubuting mukha nito. Nagbabasa ang matanda ng isang newspaper.
Dahil nakukuryuso din ako sa mga pangyayari sa kapaligiran ay nakibasa na rin ako, palihim na sinulyapan ang hawak nitong newspaper na hindi nito napapansin, nagbabasa na rin ako.
Napalingon itong bigla sa aking direksiyon. Narinig ata nito ang sinabi ko, wow talas ng tainga mo lolo ha. Pero para atang madamot si lolo at bahagyang nilayo nito ang newspaper sa gawi ko. Pero naintriga pa rin ako kaya sa likod na lang ako nakikibasa.
"URGENT HIRING Wanted housemaid stay out will be fine, salary P_____·__."
Nagulat ako sa aking nabasa, naku talagang namang pinagpala ako sa araw na ito. Wala sa sariling napatalon ako. Napatingin tuloy ang matanda akin. Bahayga ko nalang nginitian ito ng pilit.
Mapuntahan nga ang sinasabing hiring na iyon, baka papasa ako marunong naman akong maglinis at maglaba, naku! Over qualified pa nga ako eh. Maganda at seksi ako sino naman ang hindi gusto ng housemaind na magandanat seksi Nilisan ko ang parke na hindi initinding wala akong sapin sa paa, kailangan kong makarating agad doon baka may mauuna pa sa akin.
NANAKIT ang aking paa sa kakalakad, pati talampakan ko, pakiramdam ko nagkasugat sugat na.
Andito na ako sa loob ng subdivision na naka address doon sa news paper. Nilinga ko ang paningin, naglalakihan ang mga bahay ang iba ay napakatayog, talagang ginawa itong subdivision para sa mga mayayaman. Nalulula tuloy ako sa kalilinga dahil naninibago ako, nagagandahan talaga ang mga bahay sa lugar na ito.
Pero may isa talagang naiiba, sa tingin ko ay iyon ang pinakamaganda sa lahat ng bahay sa loob ng subdivision, four storey house.
"Wow siguro napakayaman ng may-ari niyan, kaysarap sigurong tumira diyan," sabi kong halos lumuwa ang mga mata ko sa paghanga. Nakalimutan ko tuloy ang aking sadya.
Ewan at kusa akong dinala ng aking paa sa harapan ng gate sa malaking bahay.
"Balang araw magkakabahay din kami ni Inay ng ganyan," nakatingalang sabi ko.
Pangarap ko talaga magkaroon ng maayos na bahay, tama lang sa amin ng inay ko. Iyong maayos kaming makagalaw, makahiga sa malambot na kama at hindi palagi sa matigas na papag. Makaligo sa isang shower at hindi palaging sa bomba ng kapitbahay namin.
Makakain ng masarap na pagkain at hindi palaging tuyo at daing na tinitinda ni inay sa palengke. Iyong mabuhay kami nang maayos at walang pinuproblema.
Nasa kalagitnaan ako ng aking panaginip nang biglang bumukas ang gate ng malaking bahay. Nagulantang ako sa gulat.
"Ginoong mahabagin!" bulalas ko nang bumungad sa akin ang isang kataasang babae pero may edad na.
Mga early forties siguro pero hindi ako sure ha, naka office suit ito na kulay kape, mataas ang takong ng sapatos nito at nakapamaywang na humarap sa akin. Mukha tuloy itong mangkukulam dahil sa maroon nitong lipstick.
Napakunot ang noo ko dahil sa binigay nitong tingin sa akin. Sinuyod ako nito mula ulo hanggang paa, mula paa hanggang ulo.
Naasiwa tuloy ako dahil nakapaa lang ako at bitbit ko sa kanang kamay ang pares ng sapatos kong sira, baka isipin nitong magnanakaw ako dahil sa aking hitsura. At baka lulutuin ako nito sa kumukulong kawa.
Isang tikhim ang aking narinig mula dito. Dahilan upang napamulagat ako sabay tingin sa striktang mukha nito. "Nandito ka ba upang mag-aapply?" nakataas ang kilay na tanong nito sa akin.
Dahil sa gulat, medyo nagloading ang utak ko. "Ho?" wala sa sariling iyon ang katagang lumabas sa aking bibig.
"Nandito kaba upang mag-aapply bilang house-maid," ulit nitong mas tinaas pa ang kilay.
Mabuti at inulit nito ang tanong at medyo gumana na ang aking utak. Nilinga ko muna ang aking paningin, ayon nakita ko ang address, bumagsak pala ako sa harapan ng bahay na aking hinahanap kanina pa.
"O-opo."
"Sumunod ka sa akin," matigas nitong sabi na tumalikod. Walang imik ay sumunod na rin ako dito.
Habang nakasunod hindi ko maiwasang mapangiwi, ito bang bahay ang lilisin ko? Naku! Lagot baka isang linggo hindi ko pa matapos linisin ito dahil sa laki. Eh bahala na kailangan ko talaga ng pera.
Nilinga ko ang paningin sa loob, napakayaman siguro ng may-ari nito dahil sobrang gara ng bahay halos lahat gawa sa salamin. May malaking pool sa loob at may hardin na sobrang ganda ng mga bulaklak.
Mayamaya ay pumasok na kami sa loob, mas lalong nanlaki ang aking mga mata dahil sa paghanga, bumulaga sa akin ang napakaaliwalas at napakalawak na living room, may mga mamahaling mga figurines at painting doon.
Naku! Kailangan maingat ako baka makabasag ako eh mas mahal pa ang mga ito sa buhay ko. Aba! nang malinga ako sa isang sulok may personal elevator? naku yaman talaga!
Nang sinapit namin ang living room, ay pinaupo ako nito sa isang sofa. Pagkatapos ay binigyan ako nito ng application form, masunurin naman ako at pini-fill-up-an iyon. Matapos ay kinuha nito at binasa.
Naku! House-maid lang ang aaplayan ko, eh para tuloy akong nag-apply sa isang kompanya. Pero siguro dahil sa yaman nito kailangan ng maiging proseso dahil malimit na sa panahon ngayon ang mapagkatiwalaan at kabilang na ako doon sa mapagkatiwalaan ha.
Nakamasid lang ako kanina pa, marami naman kawaksi sa bahay, lahat iyon naka uniporme, pero bakit kailangan pa nito ng house-maid? Naintriga tuloy ako.
"Okay, you are Emena Paleria right?" biglang tanong nito.
Medyo nagulat ako pero kaunti lang.
"Yes po," magalang kong sagot dahil baka hindi ako matanggap mahirap na.
"Student ka pala?" Isang tango ang aking ginawa bilang pagsang-ayon.
"Well, tamang tama lang dahil, your schedule will always be on friday to weekend," sabi nito. "Kasi weekend lang din nandito si Seniorito Luwei, and you will be his personal maid!"
Tumingkad tuloy ang tainga ko, ano daw personal maid? Bahala na nga, eh sa tunog naman ng pangalan ng magiging amo ko mukhang, hot errrrr, kinilabutan tuloy ako sa aking na-isip.
"At saka dapat friday ay malinisan mo na ang silid niya dahil ang araw na iyan ang nakagawiang uwi ni Seniorito sa bahay, dapat malinis at walang alikabok dahil allergy ang seniorito, naintindihan mo?
Napangiwi ako, ang arte naman pero sige na nga may magagawa pa ba ako eh naghahanap ako ng pera.
Sunod sunod na tango na lang ang aking ginawa. Hanggang natapos ito sa pagpaliwanag sa lahat ng aking dapat gawin at kondisyon. Pumirma na rin ako ng kontrata.
Pagkatapos ay binigyan ako nito ng isang kulay itim na uniporme, iyong tipong pang maid talaga, may apron at headband sa ulo, naks para naman mag co-cosplay ako nito. Tahimik ko iyon tinanggap.
Sabi ni Maam Joy iyong nag-interview, na magsisimula ako sa aking first day sa darating na biyernes.
Mabuti at pang-umaga lang ang klase ko sa araw na iyon at tumutugma sa bago kong papasokan.
SherylS|SBS