KASALUKUYAN na nasa harden ang mga estudyante patuloy na naghahanap sa nawawalang dalawang kasama.
" Sofia.....!" Sigaw ni Charlotte. "S-so-" Natigil sa pagsigaw si Charlotte nang maramdaman na nag vibrate ang cellphone niya na nakasuksok sa bulsa ng suot na maong short. Agad naman nitong dinukot ang cellphone at ini-on ang screen.
"Sofia!" bulalas ni Charlotte nang mapag-sino ang may-ari ng natanggap na mensahe. Agad na sinenyasan niya ang mga kasama.
"Nag message si Sofia!" Sigaw ni Charlotte.
Mabilis naman na lumapit sa dalaga ang mga kasama.
"Anong sabi?" Tanong ni Maureen habang nagpupunas ng pawis sa noo gamit ang mga kamay.
"Wait, babasahin ko." Sagot ni Charlotte. Binuksan nito ang mensahe na galing kay Sofia at sinimulan basahin.
Kasama ko si Miguel umalis kami kanina madaling araw, sumama ako sa kanya na pumunta sa bayan taga dito daw kase isa sa mga kaibigan niya. Biglaan kaya 'di na kami nakapagpaalam. Pakiusap, pakihingi nalang kami ng paumanhin kay Sir Gregorio. Ito ang mensahe na nabasa ni Chatlotte.
"Hindi man lang niya tayo ginising para makapagpaalam saatin." Reklamo ni Maureen. Isa din kase ito sa mga ka-room mate ni Sofia. "Pinag-alala pa tayong lahat." dugtong nito sa iritadong boses.
"Nag message din sa'kin si Miguel." Sabat naman ni Noel at sinimulan na basahin ang mensahe. Lumapit dito si Carlos at nakibasa din.
Bro, pasensya na kayo sa naging abala namin ni Sofia, may biglaan lakad kase kami, nalaman ko kagabi na taga dito pala ang isa sa mga kaibigan ko. Ang tagal ko na kase na hindi siya nakikita kaya nag pasundo kami kaninang madaling araw. Ikaw na bahala mag paliwanag kay Sir at sa ibang kasama natin. Salamat,bro! ito naman ang mensahe na nabasa ng dalawang binata galing kay Miguel.
"Pambihira naman 'di man lang nag paalam na magtatanan na pala silang dalawa ni Sofia!" Napapalatak na turan ni Noel na sinabayan pa ng pailing-iling ng ulo nito.
"Marunong ka ba talagang magbasa?" biro ni Carlos dito. "Bro, may pinuntahan lang ang dalawa hindi sila nagtanan." Pagtatama ni Carlos sa sinabi nito at mahinang sinuntok sa braso si Noel.
"Bro, doon din ang punta ng dalawang 'yon!" Ani Noel na sinabayan ng nakakalokong tawa.
"Advance ka talaga mag-isip!" Sabad naman ni Charlotte at lumapit ito sa kinaroroona ng ibang kasamang babae na nakaupo na sa bench. Sumunod naman dito si Maureen.
"Pahinga na muna tayo bago pumasok ng mansiyon," ani Alyssa sa mga kasama sabay sipat sa wristwatch na suot. Alas diyes na ng umaga ilang oras din pala silang naghanap.
"Buti nalang kinansela ni Sir ang pagtuturo saatin ngayong umaga may oras pa tayo na makapagpahinga." Sabi naman ni Daisy na nagpapaypay gamit ang isang kamay nito.
"Oo nga," sang-ayon naman ni Charlotte. "Pero mamayang alas tres ng hapon tuloy pa din ang pagtuturo saatin ni Sir," dugtong pa nito.
Lumapit ang dalawang binata sa mga kasamang babae na nakaupo sa bench at naupo din ang mga ito.
"Kaya kayo girsl, kung may balak kayong makipagtanan saamin ni Carlos, naku! Kalimutan n'yo na!" Biro ni Noel sa mga kasama.
Sabay na napaismid ang mga babae sa sinabi nito.
"Ewww, excuse me, wala sa bukabolaryo ko 'yan!" Ani Maureen na sinabayan ng pagtaas ng isang kilay nito.
"Hindi naman sila nagtanan diba?" paninigurong tanong naman ni Maggie sa mga kasama.
"Tsismoso lang talaga si Noel kung kaya ang galing gumawa ng kuwento," si Charlotte ang sumagot kay Maggie.
"Doon din ang punta nila," ayaw paawat ni Noel.
"Ikaw sayo," ani Carlos sa sinabi nito.
"See?" Ani Charlotte."Tsismoso talaga," tukoy nito kay Noel.
Natawa ang lahat sa sinabi ni Charlotte. Napapakamot naman sa ulo si Noel na nakikisabay na din sa tawanan ng mga kasama. Hindi naman ito pikon, palabiro lang talaga.
"O 'diba napatawa ko kayo, natanggal ang pagod n'yo." Pagyayabang pa ni Noel sabay kindat kay Maureen.
"Tse!" Nakairap na singhal ni Maureen sa binata.
"Tara na guys pasok na tayo sa Mansyon medyo mainit na dito." Ani Alyssa sabay tayo. "Sa loob na lang natin ituloy ang pagpapahinga, kailangan na din malaman ni Sir Gregorio ang tungkol sa dalawa bago pa nito mautusan si Mang Nestor na pumunta ng bayan."
Nagtayuan na din ang mga kasama ni Alyssa. Habang naglalakad papasok ng mansiyon hindi pa din tinigilan ni Noel sa pang-aasar si Maureen na sinasabayan na din ng tukso ng ibang kasama. Hindi nila napansin ang mga matang kanina pa nagmamasid sa kanila.
SA sala tumuloy ang mga estudyante. Naupo sila sa sofa. Sakto naman na pababa ng hagdan ang artist kaya agad din silang napatayo.
Nagpapalitan ng tingin ang mga estudyante kung sino sa kanila ang magsasabi sa artist kung nasaan ang dalawa nilang kasama.
Naramdaman ni Alyssa ang mahinang pagsiko sa kanya ni Charlotte. Kunot noong tumanggi siya. Nang mapalingon siya kay Maggie, nakita niyang katabi nito si Noel. Sumisenyas ang kaibigan niya gamit ang isang daliri itinuturo nito si Noel.
"Bakit ako?" Mahinang tanong ni Noel sa mga kasama.
Nagtuturuan pa ang mga ito kaya hindi nila namalayan na nakalapit na pala ang artist.
"Ehem," tumikhim si Gregorio na ikinagulat ng mga ito. "Hahanapin ko lang si Mang Nestor para sana utusan pumunta ng bayan. Dahil tingin ko hindi n'yo din nakita ang dalawa."
"Naku Sir, huwag na po," agad na sabi ni Noel.
"Bakit?" Kunwa'y nagtataka pa na tanong ni Gregorio kahit na alam na niya kung bakit.
"Kasi po magkasama po sina Sofia at Miguel na umalis, nahihiya po sigurong magpaalam sa inyo Sir." Sagot naman ni Chatlotte.
"Saan daw ba sila nagpunta?" Tanong pa ni Gregorio.
"Sa bayan daw po pero wala naman nabanggit na address." Si Charlotte ulit ang sumagot.
Tumango-tango ang si Gregorio. "Mga kabataan talaga ngayon mga agresibo. Kapag may ginusto agad naman na gagawin ng hindi muna pinag-iisipan."
Nakayuko naman na nakikinig lang ang anim na estudyante.
"O siya, magpahinga na muna kayo. Malapit na din magtanghalian. Kansela ang pagtuturo sa buong araw na ito." Anang artist na lihim na ikinatuwa ng mga estudyante.
"Yes!" Mahinang sambit ni Noel.
"May sinsabi ka ba, Noel?" Tanong ni Gregorio sa binata.
"Wala po," agad na sagot ni Noel sabay yoko ng ulo.
Lihim naman na tinatawan ng mga kasama nito ang binata.