KAHIT labag sa kagustuhan ng kanyang mga magulang ay pinili pa rin ni Greg si Anna. At para pormal na hingin ang basbas nang mga magulang ni Anna sa kanila, sinamahan siyang bumiyahe ni Greg sa kanila. Nauna na niyang ipinaalam sa kanyang kuya ang balak nila matapos itong dumalaw sa kanya. Ngunit hindi nila inasahan ang sasalubong sa kanila pag-uwi.
"Hanggang d'yan ka lang! Hindi ka pwede pumasok
dito matapos mo kaming suwayin!" galit na tinig ng kanyang ama na nasa harap ng pintuan. Nasa loob naman ang kanyang ina na umiiyak at ang kanyang mga kapatid.
"I-Itay, p-patawad po! S-Sorry, hindi ko po sinasadya!
Hindi ko gusto-" naiyak na sabi niya.
"Patawad po! Nakahanda po ako na panagutan ang
nangyari!" sabi rin ni Greg.
"Isa ka pa! Wala ba kayong mga isip para isantabi na
muna ang init ng katawan n'yo? Umalis na kayo! Wala kaming balak pakinggan pa kung ano mang sasabihin n'yo! Sapat na sa 'min ang malaman na niloko mo lang kami. Pinagkatiwalaan ka namin pero mas inuna mo pa ang sarili mong landi! Umalis na kayo baka kung ano pa ang masabi ko sa 'yo. At huwag na huwag ka nang magpapakita dito!"
"I-Itay, p-please? P-Patawarin mo ako?" Lumuhod si
Anna sa lupa sa harapan ng kanyang ama ngunit tinalikuran siya nito at pumasok. "Inay! Ate!" nagmamakaawang nakatingin siya sa ina at kapatid. Pero walang nagawa ang mga ito nang pagsarhan sila ng pinto. Kahit ilang katok at pagmamakaawa ang gawin ni Anna ay nanatiling bingi ang pamilya n'ya.
Minabuting ilayo na ni Greg si Anna dito. Hindi rin
makabubuti kay Anna na labis na magdamdam at mag-isip dahil sa maselang kalagayan nito.
"Hayaan na muna natin sila! Darating ang panahon na
matatanggap din nila tayo! Mas mabuting bumalik na muna tayo sa Maynila, baka kung mapano ka pa." Inalalayan s'ya nito pabalik sa sasakyan at umalis. Nakatulog si Anna habang nasa byahe na may luha.
Gabi nang sapitin nila ang pad ni Greg. Minabuti ni
Greg na sa poder na niya manatili si Anna para mabantayan niya. Hiniling niya sa University management ang kanyang online class para mabantayan ang mag-ina. Hindi naman siya nahirapan at pumayag ang eskwelahan. Pansamantala naman na pinatigil ni Greg si Anna sa pag-aaral nito para maiwasan itong ma-stress. Kinaumagahan, hindi inasahan ni Anna ang sorpresang naghihintay sa kanya. Dumating si Carina na may bitbit na malaking plasticbag
"Hi! Ano yan?" usisa ni Anna.
"Secret! Malalaman mo rin mamaya." masayang sabi
nito at inaya siya sa kanilang silid. Wala noon si Greg at lumabas lang sandali.

Nagulat siya ng ayusan siya ni Carina.
"Ano ba? Bakit may pa-ganyan pa? Saan ba kasi tayo
pupunta?" ani Anna.
"Basta nga sabi, eh! Umayos ka na lang kasi at para
madali tayong matapos. May event ako at doon tayo pupunta! So, kailangan mong maging maganda kagaya ko!"
"Ano'ng event ba kasi 'yan, parang ang sosyal naman
naman? Pwede naman kasi akong hindi sumama para hindi ka maabala?"
"Ah, basta! Hindi pwedeng absent ka dun, noh? Kaya
ayaw at sa gusto mo, pwersahan na 'to!" Natawa sila pareho sa sinabi nito. Lumipas lang ang ilang sandali at natapos sila. Lumabas siya kasama si Carina.
"Teka lang! Hindi ba natin hihintayin muna si Greg?
Baka kasi magtaka 'yun kapag hindi ako naabutan dito?" pigil niya dito.
"Ah, hayaan mo s'ya! Later ka na magpaalam, okay?
Baka ma-late na tayo!"
Huminto sila sa loob ng isang malaking gusali. Hindi
siya pamilyar sa lugar.
"Ano ba kasing ginagawa natin dito? At saka saan ba
'yang sinasabi mong event? Sa loob pa ba? Parang nakakahiya naman pumasok d'yan!" bulong ni Anna kay Carina.

"Ano ka ba? Kasama mo naman ako kaya huwag ka
matakot! Akong bahala sa 'yo!" At lumapit sila sa guard. "Sa office po ni Atty. Dick Sandoval!" tanong ni Carina.
"Pasok na lang po kayo sa kanang lobby, Ma'am. May
elevator po doon at nasa 5th floor po ang office ni Atty." sagot ng guard.
"Thank you!"
Agad na pumasok sila. Habang nasa loob ng elevator.
"Ano'ng gagawin natin sa office ng isang Attorney?"
ani Anna.
"Basta! Huwag ka muna maraming tanong. Darating
din tayo d'yan!"
"Ikaw, pinapakaba mo naman ako, eh!"
Bumukas ang elevator, naglakad sila palapit sa isang
babaeng nasa isang mesa. Sa isang pinto doon, ay may nakasulat na 'Atty. Sandoval's office.' Hindi pa man nakakapagsalita sina Carina ay ngumiti na ang babae at sinabi, "Diretso na po kayo sa loob at kanina pa nila kayo hinihintay."
"Wait! Ano bang meron?" takang tanong ni Anna.
"Basta, halika na nga!" nakangiting sagot ni Carina at
binuksan ang pinto.
BUMUNGAD kay Anna ang nakatayo at masayang mukha ni Greg malapit sa pinto. Nakasuot din ito ng formal suit at may hawak na bouquet ng bulaklak. Sa hindi kalayuan ay naroon din nakatayo ang mga kaibigan ni Greg na pare-parehong nakabihis at nakangiti habang nakatingin sa kanila. May isang nasa middle age man na nasa harapan ng mesa at nakatingin din sa kanila. Ito yata si Atty. Sandoval.
"Hi!" bati ni Greg sa kanya na lumapit at inabot ang
bulaklak saka siya kinintalan ng halik sa noo.
"Ikaw, ano'ng ginagawa mo rito?" bulong ni Anna.
"Ano pa? Eh, magpapakasal tayo?" masayang sagot.
Napanganga si Anna at hindi nakapagsalita sa gulat.
Nag-uumapaw sa saya ang puso niya. Talagang seryoso nga ito na pakasalan siya. Akala niya ay pagpapalubag-loob lamang iyon sa kanya. Hindi tuloy niya naiwasan na maluha.
"Hey, love! hindi pa tayo nagsisimula, oh baka naman
masira na ang ayos mo kapag umiyak ka?" natatawang biro ni Greg sa kanya.
"I'm sorry! Nadala lang! Ba't kasi may pa-surprise ka
pang nalalaman, pwede mo naman sabihin?" Bahagya niyang tinampal ito sa braso.
"Pwede na ba tayong magsimula?" tanong ng lalaking
nakatayo sa tabi ng mesa.

"Yes, Attorney!" sagot ni Greg.
Ilang minuto, sa harap ng kanilang mga saksi na mga
kaibigan, nakasal sina Anna at Greg. Ngayon legal na silang mag-asawa.
"Ikinagagalak kong ihayag na kayo ay mag-asawa na,
Greg, maari mo nang igawad ang iyong unang legal na halik sa iyong kabiyak na si Anna, at ganun din sa 'yo, Anna!" nakangiting sabi ng huwes.
Nagpalakpakan ang mga nasa paligid nila at masuyo
na dinampian ng halik ni Greg si Anna sa labi nito.
"I love you!" masuyong bulong ni Greg

"I love you too!" ani Anna, mahigpit silang nagyakap.
Matapos ang munting seremonya nila, dumiretso sila
sa isang restaurant para kumain. Para sa dalawa, masaya sila kahit pa nga may bahagi sa mga puso nila na malungkot sapagkat wala ni isa man sa mga kapamilya nila. Umaasa pa rin sila na darating ang araw na matatanggap din sila nang mga ito.

NAGISING si Anna sa amoy na hindi kaaya-aya sa kanya. Pakiramdam niya ay gusto niyang masuka kaya mabilis na bumangon at tinungo ang banyo.
"May problema ba?" mabilis lumapit sa kanya si Greg

"Umnn… ang baho mo! Alis!" biglang sabi ni Anna
at itinaboy ang asawa na nakatakip pa ang ilong.
"What? Kaliligo ko lang, ah?" anito, inamoy-amoy pa
ang sarili. Mayamaya ay naamoy na amoy pagkain pa s'ya. Paano ba naman ay kasalukuyan siyang nagluluto ng pagkain para sa agahan nila.
"Basta ang baho mo! Layo, dali!" muling taboy nito.
Naiiling na umalis na lamang siya. Ilang sandali pa at
naihanda na niya ang mesa. May sinangag na kanin, prito at nilagang itlog, tosino, at pritong bangus na may sawsawang kalamansi. Nagbalat din siya ng papaya at hinog na mangga.
"Halika na, wife, kakain na tayo!" anito na lumapit sa
kanya para tawagin s'ya. Mula nang makasal sila ay nagbago na rin ang tawag nito sa kanya.
"Umn… sabi layo, eh! Ang baho mo!"
"Okay, okay! nakahanda nang mesa, kumain na muna
tayo!"
"Mamaya na! Maligo ka muna!"
Iiling-iling na mabilisang naligo si Greg saka muling
nilapitan siya. "Siguro naman, hindi na ako mabaho ngayon?" nakangising tanong nito.
Nilingon siya ng asawa at saka tumayo at lumapit sa
kanya, inamoy-amoy nito ang leeg niya magkabila. Dahilan para humigpit ang paghinga niya. Her wife unintentionally seducing him. And he felt him hard down there.
"Smells good!" nasisiyahang sabi nito saka mabilis na
dinampian ng halik ang labi niya. "Kain na tayo?" anito at ikinawit ang braso sa braso niya. Iiling-iling na tinungo nila ang kusina. "Hmnn…" anito at tila takam na takam na nakatingin sa hinog sa mangga. Sa halip na kanin ay prutas ang nilantakan nito.
Kumunot ang noo niya, "Hindi ka ba muna kakain ng
kanin?" Umiling ito habang walang tigil sa pagsubo sa mangga. Hindi pa nakuntento at kumuha sa ref at nagbalat muli. Nang mabusog ito ay saka lamang sinulyapan ang ibang pagkain sa mesa. Napansin ni Anna na hindi pa kumakain si Greg. Kumuha siya ng nilagang itlog at binalatan iyon saka inilagay sa plato at nilagyan ng kaunting kanin. Akala ni Greg ay kakainin nito iyon ngunit inilapag nito sa harapan niya.
"Ano 'to?"
"Natural pagkain!? Kainin at ubusin mo lahat 'yan, 'di
ba hindi ka pa kumakain. Ubusin mo 'yan kundi magtatampo ako sa 'yo!" Humalukipkip na sabi nito. Napatanga si Greg, hindi yata't siya pa ang pinaglilihian ng asawa? Hindi niya maiwasan mangiti. Inalis niya ang itlog na nilagay nito at kumuha ng pritong isda. Ngunit mabilis na nakita 'yon ni Anna at muling binalik sa plato niya.
"Kainin mo!"
"Ha? Pero hindi ako kumakain ng itlog?" Kunotnoong
sagot niya. Sumimangot ito. Hindi siya kumakain ng itlog dahil sa allergy s'ya rito.
"Basta! Ubusin mo yan!" giit nito. Para hindi sumama
ang loob nito ay pinilit niyang kainin iyon. Ilang sandali lang at nagsimula siyang mangati at mamantal ng pula. Nataranta si Anna.

"Ano'ng nangyari?" nag pa-panic na tanong nito, tila
gustong matawa ni Greg sa itsura ng asawa na natataranta.
"Wife, calmdown, okay? Allergy ako sa itlog kaya
ako ganito. So, ngayon na alam mo na, siguro naman hindi mo na ako pipilitin ulit na kumain niyan?" naa-amuse na sabi niya dito.
Napakagat-labi ito, "Sorry! I didn't know! Ba't kasi 'di
mo sinabi at kinain mo naman talaga?"
"Kasi ayaw kong magtampo ka sa 'kin! But sorry was
enough!" anito at mabilis na dinampian ng halik ang labi niya at agad tinungo ang medicine cabinet. Kumuha ito ng isang pill doon at ininom saka isang ointment na pinahid sa katawan nito.
"Sorry!" muling sabi ni Anna na sumunod sa kanya at
yumakap sa bewang niya.

"It's okay! Mayamaya okay na ito!" aniya at niyakap
ito saka hinalikan sa noo.
"Promise, hindi na mauulit!"
"Apology accepted!"
MULA nang magsama sila sa iisang bubong ay tinupad ni Greg na hindi siya pabayaan. Palagi siya nitong tinutulungan sa lahat nang gawain. Ito ang naglalaba habang siya naman ang nagluluto. Ito rin ang naghuhugas ng mga pinaglutuan at naglilinis ng bahay. Kahit anong pilit niyang sabihin dito na kaya niya ay hindi ito pumapayag na hindi nakaalalay. Masyado rin itong maingat sa mga pagkaing binibili para sa kanya at sinisiguro na masustansya lahat.
Kung minsan, inaaya siya nito mamasyal at kumain
sa labas na kagaya ng isang nagde-date. Minsan naman kapag sinumpong ito nang kapilyuhan ay umaabot pa sila sa loob ng isang motel kahit na nga mag-asawa na sila. Kahit na sa tingin ni Anna ay hindi na akma sa estado nila ay pinagbibigyan pa rin niya ang kapritso ng asawa. Wala naman masama dahil mag-asawa sila at nag e-enjoy sila.
MAAGA nagising si Greg at nagpaalam na mamamalengke sandali. Naiwan si Anna na antok na antok pa. Pasado alas nueve na ng umaga nang makarinig si Anna ng doorbell. Nagtataka tuloy siya kung sino ang bisita. Hindi nagpasabi si Carina na darating. Kung si Greg naman ay may sarili itong susi.
Kahit tamad na tamad pang bumangon ay napilitan rin
siyang pagbuksan ito. Ngunit biglang nanlaki ang kanyang mga mata at nawala ang nararamdamang antok nang makilala kung sino ang kanyang bisita. Napalunok siya at hindi kaagad nakaimik. Si Donya Lolita na ina ni Greg ang bisita niya.
"Ganyan ka ba talaga tumanggap ng bisita at hindi mo
man lang maimbitahang pumasok?" mataray at taas-kilay na sabi ng ginang.
"Umn… tuloy po kayo!" kinakabahang sabi niya at
niluwagan ang pagkakabukas ng pinto. Dire-diretso itong naglakad papasok at walang pakialam na umikot sa loob ng pad nila bago prenteng naupo sa sala.
"Where's Greg?"
"N-Namalengke po sandali! Mayamaya lang narito na
rin po s'ya!" nakayukong sagot niya na nanatiling nakatayo sa harapan nito.
Taas-kilay na pinasadahan siya nito ng tingin mula sa
ulo hanggang paa, "Ha? Namalengke? Bakit siya ang gumagawa n'on? Hindi ba dapat ikaw ang gumawa n'on dahil bagay naman sa 'yo? Dahil kasing amoy mo ang langsa roon. Hindi ginagawa at never na ginawa ng anak ko 'yon nung nasa poder namin siya. Pero ngayon, hinahayaan mong gawin niya 'yon, habang buhay reyna ka rito?"
Gustong maiyak ni Anna, habang nanliliit sa lahat na
mga sinabi nito. Ngayon lang niya ito nakaharap ngunit talaga nga palang masakit itong magsalita. Masyadong matalas ang tabas ng dila nito. Mas lalo tuloy siyang nawalan nang lakas na magsalita sa harap nito. Hinanda na lang niya ang sarili sa masasakit pang salita na maririnig dito.
"Hindi na bago sa 'kin ang galaw nang mga kagaya
mo na handang gawin ang lahat masiguro lang na makabingwit nang matabang isda! Hindi ko nga alam kung ano'ng nakita ng anak ko sa 'yo para pakasalan ka! Pero kahit ano'ng gawin mo, hindi magbabago ang tingin ko sa kagaya mo, ano't ano mang tago ang gawin mo, aalingasaw pa rin ang baho mo! Anyway, gusto ko lang sabihin sa 'yo kaya ako narito, hiwalayan mo ang anak ko! Hindi ang kagaya mo ang nababagay sa kanya! Don't worry, handa akong magbigay nang malaking halaga, kapalit ng paglayo mo sa kanya. Name your prize, Anna?"
Parang gustong sumulak sa galit ang dugo ni Anna sa
taong kaharap. Mabuti na nga lamang at matino pa rin siyang mag-isip na magulang pa rin ito ni Greg at hindi dapat bastusin. Ano mang masamang sabihin nito sa kanya ay dapat niyang tanggapin at magpatuloy na magpakumbaba rito kahit na sobrang sakit at gaspang ng pag-uugali nito.
"Ano? Kahit magkano, ibibigay ko sa 'yo masiguro ko
lang na lalayuan mo ang anak ko!"
"Pasensya na po, pero mahal ko po ang anak ninyo at
hindi ko pwedeng gawin ang gusto n'yo!"
"Letseng pagmamahal 'yan! Mahal nga ba o pera ang
mahal mo sa kanya? Alam ko naman na mahirap lang kayo kaya siguro naghahanap ka ng malaking matutungtungan, kaya ka nagpabuntis sa kanya para makuha mo siya, 'di ba? Oh, poor lady! Para sabihin ko sa 'yo, wala pang pinanghahawakan ang asawa mo kaya wala ka pang mahuhuthot sa kanya! Kaya magpakawais ka na lang ngayon. Ibibigay ko naman kahit magkano pa ang gustuhin mo, siguraduhin mo lang na hindi ka na makikisama sa kanya!"
"Makakaalis na po kayo, Madam! At kahit pa ano'ng
sabihin n'yo, hindi ko po hihiwalayan ang asawa ko! Bukas po ang pinto at malaya kayong makakalabas!" malumanay na sabi ni Anna.
"How dare you, para ipagtabuyan ako, ha? Baka naka
kalimutan mo kung sino ako? Hampas-lupang basura ka lang sa harapan ko!" galit na sabi nito at tumayo. Lumapit ito sa kanya dahilan para mahintakutan siya. Nanlilisik din sa galit ang mga mata nito, "Ang mga basura na kagaya mo, walang karapatan para bastusin ako! Walang modo!" At malakas siyang sinampal nito dahilan para mabiling ang kanyang mukha. Halos mabingi siya sa lakas nang pagkakasampal nito. Nasapo niya ang nasaktang pisngi.
"Mama!?" galit na tinig nang kapapasok lang na si
Greg, habang nabitawan ang bitbit na mga pinamili nito.