NANGINGINIG ang mga kamay ni Anna habang nasa loob ng banyo at hawak-hawak ang resulta ng kanyang p.t. Matapos ipa-realize kanina sa kanya ni Greg ang tungkol sa kanyang red days ay agad siyang kinabahan at natakot. Matapos siyang iwan ni Greg, kaagad siyang nagtungo sa pinakamalapit na pharmacy para bumili ng pregnancy test kit. At upang makasigurado, kumuha pa s'ya nang tatlong piraso at lahat iyon ay iisa ang resulta.
Hindi n'ya napigil mapa-iyak at namanhid ang buong
katawan sa pag-iisip at nararamdamang takot. Paano na lang s'ya ngayon? Minsan lang may nangyari sa kanila ni Greg at hindi na naulit 'yon, ngunit heto at nagbunga naman. Ramdam niya ang takot na bumalot sa kanyang buong pagkatao. Ano na lang ang sasabihin niya sa kanyang mga magulang? Gulong-gulong na s'ya ngayon at hindi alam ang gagawin.
"Ano ba, Anna? Kanina ka pa d'yan sa loob, ayos ka
lang ba?" nag-aalalang tawag ni Carina sa kanya na bahagya pang kinatok ang pinto.
Mabilis na sinamsam niya ang mga ginamit at itinago
sa kanyang bulsa. Muli siyang naghilamos upang hindi mahalata ang kanyang pag-iyak. Alam niya na magtatanong si Carina kapag nakita s'ya at hindi niya alam kung paano sasabihin ang bigat nang problema n'ya.
"Anna?"

"P-Palabas na! Sandali lang!" sagot niya at mabilis na
lumapit sa pinto.
"Bilisan mo na at nakahanda na ang pagkain natin!"
narinig niya ang mga yabag nito palayo sa pinto.
Muli pa siyang bumuntong-hininga bago tuluyang
binuksan ang pintuan. Nakita niya si Carina na naghahain at nakatalikod sa kanya.
"Mabuti naman at lumabas ka rin! Bakit ba kasi ang
tagal mo sa loob?" tanong nito na hindi siya nililingon at patuloy lang sa ginagawa.
"Pasensya na, may nakain yata ako na hindi maganda
kaya medyo hirap akong magbawas," aniya.
"Kanina pa kasi tumatawag sa 'yo si Greg, hindi ko
naman masagot. Baka naman importante," anito.
"Mamaya na lang siguro," Nakayukong sagot niya at
nagsimulang harapin ang pagkain. Nunit parang may kung anong bara sa lalamunan niya at hindi niya kayang lunukin iyon.
"Napapansin ko, lately, parang ang tamlay mo? May
dinaramdam ka ba? Naninibago ako sa 'yo, eh!" puna nito na sumulyap pa sa kanya at pansamantalang huminto sa pagkain. "Sa totoo lang, ilang araw ka na yatang wala sa sarili."
"Pagod lang siguro ako saka medyo maraming iniisip.
Lalo na at tambak 'yung mga paperworks natin na kailangang i-submit this week."
Bumuntong-hininga ito, "Wala naman siguro kayong
problema ni Greg, 'di ba?"
"W-Wala naman, Ayos lang kami!" saka ngumiti rito.
"Mabuti siguro, ipahinga mo muna 'yan! Madalas ka
yata madaling mapagod, baka makasama sa katawan mo at magkasakit ka pa! Mahirap na!"
"Siguro nga!" Itinuloy n'ya ang tahimik na pagsubo
kahit pa nga tila walang lasa 'yon sa kanya para lamang hindi na madagdagan ang pag-uusisa ng kaibigan.
MAAGA pa lang nang gisingin si Anna nang sama ng pakiramdam. Para siyang nasusuka, kaya mabilis na bumangon at tinungo ang banyo. Doon siya dumuwal nang dumuwal hanggang sa manlambot na s'ya.
Kaagad na bumangon ang inaantok pang si Carina
upang damayan s'ya. Kumatok ito sa pinto ng banyo.
"Are you okay, Anna?" halata sa tinig nito ang pag-
aalala. Hindi makasagot si Anna dala nang panlalambot.
"Buksan mo 'tong pinto, Anna!" Muling kumatok ito.
"Ano bang nangyayari sa 'yo?"

Ilang minuto pa siyang nanatili sa loob bago inot-inot
na inayos ang sarili at binuksan ang pinto.
"What happened? May sakit ka ba?" Mabilis nitong
sinalat ang kanyang noo at leeg.
"Hin-" naputol ang sasabihin niya nang bigla parang
nauupos na kandila siyang unti-unting bumagsak sa sahig.

"Anna!" sigaw ni Carina, kaagad naagapan saluhin si
Anna para hindi tuluyang bumagsak sa sahig. Kahit hirap na hirap ay nagawa pa rin ni Carina na maayos ang higa ni Anna sa kama nito at kaagad na kinuha ang phone nito para tawagan si Greg.
MAAGA pa lamang, nakahanda na si Greg. Maaga siyang didiretso kina Anna para sunduin ito. Siguro naman ay maayos na ang mood nito at hindi na kagaya kahapon na ubod ng sungit. Palabas na siya nang biglang tumunog ang kanyang phone.
"Hello?"
"Greg! Pwede bang pumunta ka muna rito sa dorm?"
halata sa tinig nito ang pagmamadali.
"Why? May problema ba?" nag-aalala niyang tanong
na kaagad tinakbo ang kanyang sasakyan.
"Si Anna, biglang nawalan nang malay paglabas sa
banyo! Hindi ko alam kung anong nangyari!" tarantang sagot nito.
"Okay, okay! Palabas na rin ako!" Kaagad pinatay nya
ang tawag. Hindi naman kalayuan ang pad niya kaya ilang minuto lang at nasa dorm na s'ya. Sa iba, hindi allowed ang lalaki sa dorm na 'yon. Ngunit dahil mula siya sa kilalang pamilya ay pinahintulutan naman siya ngunit limitado lang sa oras.
"What happened?" humahangos na bungad ni Greg at
naabutan si Carina na pilit pinapaamoy ng mint ang walang malay na si Anna.
"Hindi ko nga rin alam! Galing s'ya sa banyo at nung
lumabas bigla na lang hinimatay! Kanina ko pa siya naririnig na suka nang suka sa banyo! Saka ilang araw ko nang napapansin na parang matamlay siya. Hindi kaya may sakit siya at hindi sinasabi sa 'tin?"
Kumunot ang noo ni Greg, bago walang sabi-sabi na
binuhat ang walang-malay na si Anna at dinala sa kotse nito. Nag-aalalang nakasunod naman si Carina sa kanila na lumabas.
"It's okay! Ako na lang ang magdadala sa kanya sa
hospital. Babalitaan na lamang kita!" At mabilis na pumasok si Greg sa kanyang kotse.
"Sige! Ingat! Huwag mong kalilimutan balitaan ako,
ha?" pahabol sabi ni Carina na bahagyang kumaway dito.
SA HOSPITAL panay ang pabalik-balik nang lakad ni Greg habang naghihintay ng resulta sa kondisyon ni Anna. Ilang araw niyang napapansin ang pananamlay nito, ngunit palagi nitong sinasabi na pagod lang at walang sakit. Hindi niya maiwasan na mag-alala rito nang sobra. Pinilit niya itong magpa-check-up ngunit tumanggi naman. Ilang sandali pa at lumabas ang doktor na tumingin kay Anna.
"Ikaw ba ang kamag-anak niya?" tanong ng doktor.
"Opo, Doc! Kumusta po'ng lagay n'ya?" nag-aalalang
tanong niya.
"Well, maayos at wala naman siyang sakit. Lahat iyan
na nararamdaman niya ay mga sintomas nang nagdadalang-tao. Kaya lang maselan ang kanyang pagbubuntis, kaya dapat mabantayan din siya hanggang sa kanyang second tri-mester. Sa ngayon, eight weeks pregnant na s'ya. Ang mabuti pa sumunod ka sa akin sa opisina at nang maipaliwanag ko sa 'yo lahat! Para maresetahan ko na rin siya ng mga vitamins niya." sabi ng doktor at nauna na naglakad.
Habang naglalakad, paulit-ulit sa isip niya ang mga
sinabi ng doktor. Buntis si Anna! Bigla siyang nakaramdam ng saya sa isiping magkakaanak na sila. Subalit bigla niyang naisip kung alam na ba ito ni Anna? Hindi niya alam kung anong magiging reaksyon nito sa kalagayan, subalit isa lang ang sinisigurado n'ya. Hindi niya hahayaang mag-isa si Anna. Mahal n'ya ito at kagaya ang pinangako niya rito, hindi niya ito hahayaan. Pananagutan niya ang kanyang responsibilidad dito. Ano man ang mangyari, nakahanda siyang ipaglaban ito at ang magiging anak nila.
"Ito ay mga vitamins niya at pampakapit na rin," sabi
ng doktor at inabot sa kanya ang mga reseta. "Maselan ang pagbubuntis niya kaya kailangan niyang mag-ingat. Iwasan na ma-stress at mapagod. Ugaliin rin kumain ng masusustansyang pagkain, para hindi sila maging malnourished ng kanyang sanggol, at dapat may tamang pahinga!" paalala nito.
"Kailan po s'ya pwedeng i-discharge, Doc?"
"As long as okay na at malakas na s'ya, pwede na!"
nakangiting sagot nito.
Tumango si Greg at tinandaang mabuti ang lahat nang
bilin ng doktor. Masaya siyang bumalik sa silid at naabutan na gising na si Anna.
"HI!" masaya at maaliwalas ang mukha na bati nito. Kaagad niyang nilapitan si Anna at masuyong dinampian ng halik sa noo. "Kumusta na ang pakiramdam mo? Nahihilo o may masakit ba sa 'yo?"
"Bakit dinala mo pa ako dito?" matamlay niyang sabi
"Nawalan ka ng malay kanina," ani Greg at naupo sa
gilid ng kama niya at ginagap ang palad niya.
"A-Alam mo na?" nangilid ang luha sa kanyang mga
mata habang nakatingin kay Greg.
Tumango ito at masuyong muling hinalikan ang palad
niya, "Don't worry, hindi kita pababayaan, kayo ng anak natin! Hindi kayo mag-iisa!" paniniyak nito.
"Ano'ng mangyayari ngayon? Sa atin? Hindi ko alam
kung paano ko ito ipaliliwanag sa pamilya ko! Umaasa sila na-"
"Shh! Narito naman ako! Siguro naman, mauunawaan
nila tayo. Isa pa, hindi ko naman tatalikuran ang responsibilidad ko sa inyo. Nakahanda naman ako na harapin sila. At saka, pamilya mo sila kaya siguro naman, sila ang unang uunawa sa 'tin ngayon. Magtiwala ka lang, alam ko na hindi nila tayo pababayaan."
"Nahihiya ako sa kanila, Greg! Hindi ko alam kung
paano ko sila haharapin! Natatakot ako!" umiiyak niyang sabi.
"Hindi naman kita hahayaan na mag-isa. Narito ako at
sasamahan kita sa kanila." Niyakap siya nito. Sa dibdib nito umiyak si Anna. Hindi nila alam kung gaano katagal sila sa gan'ong ayos. Mayamaya lang ay nakalabas rin sila. Hinatid ni Greg si Anna sa dorm nito bago ito nagpasyang dumiretso sa kanilang bahay. Balak niyang ipaalam ito sa kanyang mga magulang. Nais niyang panagutan si Anna at para ipakita na rin dito na tapat siya sa layunin niya sa dalaga. Nasa tamang edad na rin naman sila si Anna para magpakasal.
"Senyorito, nariyan na po pala kayo?" gulat na sabi ng
kanilang mayordoma.
"Nasaan sina Mama, Manang Caring?"
"Wala po si Madam, Senyorito, si Sir naman po nasa
library sa itaas."
"Salamat po!" Umakyat siya sa taas diretso sa library
nila. Kumatok lang s'ya nang tatlong beses bago niya narinig ang sagot sa loob.
"Come in!"
Mabilis na binuksan niya ang pinto, "Dad?"
Nakayuko ito habang nakaupo sa isang sopa roon at
may binabasa. Sandali nitong ibinaba ang hawak at tumingin sa kanya.
"Oh, Greg? Bakit naririto ka, hindi ba araw ng klase
ngayon?" takang tanong nito. "Halika maupo ka!"
Lumapit at nagmano si Greg dito bago naupo, "May
gusto lang po akong sabihin sa inyo! At sana hindi naman po kayo magalit?"
Kumunot ang noo nito, bahagyang natawa, "Ofcourse,
bakit naman ako magagalit? May gusto ka na naman bang hilingin?" Saka ito sumandal at dume-kwatro.

"Hindi Dad! Gusto ko lang po sana hingin ang basbas
n'yo, magpapakasal na po kasi ako?"
Mas lalo pang lumalim ang pagkaka kunot-noo nito,
"Kasal? Magpapakasal ka na?" gulat na tanong nito.
"Opo! Nasa tamang edad na rin naman po ako para
para magpakasal, hindi ba?"
"Pero nag-aaral ka pa, right? At saka hindi mo naman
kailangan mag-asawa kaagad! Alalahanin mo, ikaw lang ang nag-iisang inaasahan namin ng mama mo na mamamahala sa lahat nang mga negosyo natin? Kaya ka nga namin pinagma-masteral para mas marami ka pang malaman bago ko tuluyang i-turn over sa 'yo ang pamamahala? At teka nga, bakit ka ba nag-aapurang mag-asawa? Wala ka pa ngang ipinakikilala sa amin ng mama mo na girlfriend mo?"
"I'm sorry, Dad! Pangako po na hindi ko naman kayo
bibiguin. Itutuloy ko pa rin naman ang pag-aaral ko, tutal ilang buwan na lang at matatapos na ako! Pero hindi ko rin naman pwedeng pabayaan ang magiging mag-ina ko!" seryosong sagot niya.
"What? Mag-ina mo?" Napatayo pa ito sa sinabi.
"Yes, Dad! magiging lolo't lola na kayo ni mama. At
kaya ako narito para ipaalam na pakakasalan ko si Anna dahil buntis na siya. At isa pa, mahal ko po siya at hindi ko hahayaan na isilang niya ang magiging anak namin na hindi kami nakakasal."
Napatanga ang ama niya sa narinig mula sa kanya.
Ilang sandali muna itong hindi napaimik at tila iniisip pa ang kanyang mga sinabi. Mayamaya, "Alam na ba ito ng iyong mama?" seryosong tanong nito. "I'm sure magwawala iyon at hindi papayag. Kilala mo ang ugali niya, Greg!"
"Hindi pa! Ang mahalaga malaman ko kung galit ba
kayo sa akin?"
"So, ganyan buntis na pala ang babaeng pakakasalan
mo, may magagawa pa ba ako? Nariyan na 'yan, mabuti na rin na magpakalalaki ka sa kanya at alam mo kung ano ang responsibilidad mo sa kanila. Kaya lang, hindi ko hawak ang damdamin at saloobin ng mama mo tungkol d'yan, kaya hindi ko maipapangako na matatanggap niya ito. Bukod sa 'kin, kilala mo rin ang ugali n'ya! Alam mo kung ano'ng klaseng pamilya ang gusto n'ya para sa 'yo!" seryosong sagot nito.
"Ano man ang maging desisyon ni Mama, nakahanda
na po ako! Pumayag man s'ya o hindi, itutuloy ko pa rin ang pagpapakasal sa babaeng mahal ko at ina nang magiging anak ko!" pinal na sabi niya. Hindi siya magpapadala kung ano man ang kahinatnan nang pag-uusap nila ng kanyang ina.
"ANO'NG magpapakasal ang naririnig ko?" buhat sa pinto ng library ay tinig nang papasok na ginang. Kunot ang noo nito at seryosong nakatitig kay Greg.
"Mama, nariyan ka na pala!" ani Greg at mabilis na
lumapit dito saka humalik sa pisngi nito. Dumiretso naman ito sa kaharap na sopa at naupo.
"Tama ba ang narinig ko na magpapakasal ka na? At
kanino naman, aber? Wala kang ipinakikilala sa amin, tapos uuwi ka at sasabihin mong magpapakasal ka na? Anong klaseng kalokohan na naman ito?" mataas ang tinig ng ginang.
"I'm sorry, Mom! Pero kailangan kong panagutan ang
mag-ina ko! Isa pa, hindi ka ba masaya na magiging lola ka na?" kalmadong tanong ni Greg bagama't alam niyang imposibleng pumayag ito. Ibang klase ang babaeng hanap nito para sa kanya. Gusto nito ay mga babaeng mula sa mayayaman din na angkan at kilalang tao. Ngunit hindi siya natatakot kung ano man ang sabihin nito. Ang mahalaga ay si Anna pa rin ang pipiliin niya. Wala itong magagawa kahit na tumutol man ito.
"Ha! Magsaya? Sa tingin mo ba magiging masaya ako
matapos kong malaman na mag-aasawa ka na? Hindi kita pinag-aral para lamang d'yan! May iba ka pang mas dapat unahin kesa sa pagpapakasal? Bata ka pa, at pwede pang magbago kung ano man ang pasya mo! Kung nakabuntis ka man, hindi mo naman kailangan na daanin agad sa kasal!? Bata pa kayo at pwede pang magbago ang mga desisyon n'yo! Pwedeng dala lang iyan ng init at maari rin mawala kalaunan. Hindi ako papayag na magpakasal kayo! Kanino? Sa hampas-lupang Anna na 'yon? Magpapakasal ka na rin lang, pumili ka naman nung may class at breeding! Hindi 'yung kung saang tabi-tabi mo lang pinulot!" nanggagalaiti sa galit na sabi ng ginang.
"Kilala n'yo si Anna?" nagulat na tanong ni Greg.
"Why not? Itinawag kanina sa 'kin ng ninong mo na
nasa hospital ka kasama ang isang babae. At doon ako galing! Nalaman ko na buntis ang babaeng dinala mo d'on! Siya ba ang sinasabi mong Anna na balak mong pakasalan? Pwes, ngayon pa lang, hindi ako papayag! Maraming pwedeng gawin na hindi mo na kailangan magpakasal sa kanya. Pwede mo naman sustentuhan ang bata, tutal iyon siguro ang habol niya sa 'yo kaya nagpabuntis! What a shame! Isang golddigger! Palibhasa dukha!" bulalas nito na nanlalaki ang mata.
"Mama, watch your words! Hindi ganyang babae si
Anna! Matino at mabuti siyang tao! At gusto kong sabihin sa
inyo na kahit hindi kayo pumayag, pakakasalan ko pa rin s'ya!
Hindi n'yo mapipigilan ang pasya ko!" matigas na sabi niya.
"Ganyan ka na ba kabastos sumagot ngayon, ha? At
sinusuway mo na kami ng daddy mo dahil lang sa pagtatanggol mo sa babaeng 'yan? Iyan ba ang klase ng babaeng sasamahan mo, burara? Kung hindi siya nagpabuntis, eh 'di sana, hindi kayo aabot sa ganyan! Kapag sinuway mo kami, sinisigurado ko sa 'yo na hindi rin kayo magiging masaya! At siguradong pagsisisihan mo rin 'yan sa huli! Kung nagawa niyang kumayang sa 'yo na gan'on kadali, sigurado, kakayang at kakayang din 'yan sa iba! Mag-aalaga ka lang nang isang puta na gagawin kang gatasan!" galit na sabi nito.
"Enough, Lolita! Ba't hindi na lang natin sila hayaan?
Suportahan mo na lang ang anak natin sa kung an'ong gusto n'ya!" ang kanyang ama.
"No! Hindi ako makakapayag sa kagaya niyang puta
matatali ang anak ko!"
"Piliin n'yo ang salitang sasabihin n'yo kay Anna, Ma!
At mas lalong hindi s'ya puta! Dahil kahit na anong sabihin n'yo tungkol sa kanya, hindi n'yo na mababago ang pasya ko! Pakakasalan ko pa rin s'ya at magiging asawa ko!" galit na sabi ni Greg at saka walang sabi-sabing lumabas sa silid.
"Greg!" habol-sigaw ng kanyang ina ngunit nanatili
siyang bingi at nilisan ang bahay nila.